Buckinghamshire New University
Not a member yet
17928 research outputs found
Sort by
"Áhrifavaldur er ekki bara einhver bóla sem er að fara, heldur er þetta starfstétt sem er komin til að vera". Starfsþróun áhrifavalda á samfélagsmiðlum
No full textSamfélagsmiðlar hafa skapað ný tækifæri til atvinnusköpunar þar sem einstaklingar byggja upp sjálfstæða starfsemi með persónulegri markaðssetningu, efnissköpun og tengslamyndun. Í þessari rannsókn var starfsþróun áhrifavalda á samfélagsmiðlum skoðuð með það markmið að veita innsýn í starfsþróun þeirra í stafrænu umhverfi. Rannsóknin byggir á eigindlegum viðtölum við fimm konur og tvo karla, sem hafa starfað á vettvangi samfélagsmiðla í að minnsta kosti tvö ár. Niðurstöður sýna að áhrifavaldar upplifa fjölbreyttar áskoranir í starfi. Má þar nefna óstöðugar tekjur, kröfur um stöðuga viðveru á samfélagsmiðlum og persónulega berskjöldun á opinberum vettvangi. Persónuleg markaðssetning er einn áhrifaþáttur starfsþróunar þeirra en aðlögunarhæfni, frumkvæði, fjölbreyttar tekjustoðir og öflugt tengslanet eru meðal annars nauðsynleg til að tryggja vöxt þeirra á þessum vettvangi. Jafnframt þurfa þeir að gæta sjálfbærni í starfi með því að hafa markvissa stefnu um jafnvægi og skýr mörk milli einkalífs og atvinnu. Náms- og starfsráðgjafar geta veitt nauðsynlega ráðgjöf, stuðning og fræðslu fyrir þann sívaxandi hóp sem stendur frammi fyrir áskorunum við mótun sjálfbærs starfsferils á síbreytilegum stafrænum vinnumarkaði samtímans.This study examines the professional development of social media influencers aiming to provide insights into their career growth in a digital environment. Social media has created new opportunities for entrepreneurship, allowing individuals to build independent businesses through personal branding, content creation, and networking. The research is based on qualitative interviews with five women and two men, each of whom has been active in the social media industry for a minimum of two years. The findings indicate that influencers face diverse challenges in their careers, such as fluctuating income, the pressure of maintaining a constant presence on social media, and personal exposure in a public sphere. Personal branding is a key factor in their career
growth, while adaptability, initiative, multiple revenue streams, and strong networking skills are crucial for ensuring their success. Additionally, they must consider sustainability in their careers by implementing strategies for maintaining balance and setting clear
boundaries between personal life and work. Career and guidance counselors can provide essential guidance, support and education for the ever-growing group facing challenges in shaping a sustainable career path within the constantly evolving digital labor market of today
Íþróttaiðkun og frávikshegðun Er hægt að koma í veg fyrir frávikshegðun með íþróttaiðkun?
No full textÞegar litið er til íþrótta sem forvörn má sjá að ekki er um að ræða allsherjarúrræði við vandamálum samfélagsins. Hins vegar er það einn af mörgum möguleikum til að koma í veg fyrir frávikshegðun á meðal barna og ungmenna. Til eru ýmsar rannsóknir sem og kenningar sem styðja það að íþróttaiðkun, umhyggja og hlýja foreldra og góð forvörn að hálfu samfélagsins séu mikilvægir hlekkir sem geta komið í veg fyrir frávikshegðun barna og ungmenna. Við höfum séð það á fyrri rannsóknum að inngrip skóla í samstarfi með opinberum stofnunum með allsherjarforvarnarfræðslu fyrir börn og ungmenni á grunnskólastigi hefur verið að sýna jákvæða breytingu í hegðun barna allt frá aldamótum. Utanumhald, agi og sameiginleg markmið eru ríkjandi í hópíþróttum hér á landi. Hvað er það sem veldur því að börn leiðast út í það að sýna af sér óæskilega hegðun þegar til staðar eru fjölbreytt úrræði sem geta komið í veg fyrir það? Mikilvægt er að taka alla áhrifaþætti með í myndina þegar slíkt er skoðað enda er það samspil margra þátta sem leiðir til slíkrar útkomu. Leitast verður í niðurstöður fyrri rannsókna sem og opinber gögn til að mynda ákveðna mynd af því sem gerist þegar börn leiðast út í frávikshegðun
Útikennsla í leikskóla með áherslu á hreyfingu og málörvun barna
No full textLokaverkefni til B.Ed. prófs í leikskólakennarafræðum við Menntavísindarsvið Háskóla Íslands og felst í greinagerð og verkefnabanka. Viðfangsefni greinargerðarinnar er útikennsla í leikskólum með áherslu á hreyfingu og málörvun barna. Í byrjun er að finna fræðilega umfjöllun um útikennslu, hvaða ávinning börn geta haft af henni og hvernig hægt er að flétta hreyfingu og málörvun inn í útikennslu. Farið verður yfir hvað útikennsla er og hversu mikilvægt skipulag hennar er, einnig verður farið yfir mikilvægi útikennslu og hvaða áhrif hún getur haft á börn bæði andlega og líkamlega. Fjallað er um fræðin á bak við hreyfingu og málörvun og hvernig tengja má þau við útikennslu. þá verður lítillega fjallað um málörvunartólið Lubbi finnur málbein. Í lokin er síðan verkefnabanki með tólf verkefnum, sex sem tengjast hreyfingu og sex sem tengjast málörvun en verkefnin eru ætluð til að styðja við og hjálpa kennurum að skipuleggja sína eigin útikennslu sem styður við þessa áherslu.
Markmið verkefnisins er að fræða kennara og annað starfsfólk um útikennslu og hversu mikilvæg hún getur verið fyrir nám barna. Útivera barna fer sífellt minnkandi og er því tilvalið að leikskólar nýti íslenska náttúru á fræðandi og skemmtilegan hátt
Frá forvitni til fræðslu: Hlutverk unglingabókmennta í kynfræðslu á Íslandi
No full textRitgerðin fjallar um hvernig orðræða um kynlíf og kynvitund birtist í íslenskum unglingabókum yfir 40 ára tímabil og hvernig þessar bækur geta nýst í kynfræðslu. Markmið rannsóknarinnar er að greina þróun orðræðu í bókmenntunum og meta hvort þær geti nýst í kynfræðslu og veitt ungmennum dýpri skilning á kynheilbrigði, samböndum og sjálfsmynd í gegnum lestur. Eigindleg orðræðugreining var framkvæmd á níu unglingabókum sem komu út á tímabilinu 1978-2021. Skoðuð voru helstu sameiginlegu þemun og þau greind út frá þemagreiningu. Helstu niðurstöður benda til þess að unglingabækur geti verið mikilvæg viðbót við kynfræðslu í skólum með því að bjóða upp á raunverulegar og viðeigandi frásagnir sem endurspegla reynsluheim unglinga. Unglingabækur gera unglingum kleift að fræðast um flókin málefni með því að spegla sig í sögupersónum. Greinargerð þessi liggur til grundvallar á kennslubókinni Kynlegar sögur sem er samstarfsverkefni Eddu Rúnar Guðmundsdóttur og Rannveigar Klöru Guðmundsdóttur
Viðhorf eldra fólks til starfsloka og áframhaldandi atvinnuþátttöku í ljósi laga og stefnu á Íslandi: Valfrelsi eða kerfisbundnar hindranir? „Það er ljós við enda ganganna“
No full textMarkmið rannsóknarinnar var að kanna hvernig eldra fólk á Íslandi upplifði starfslok og áframhaldandi atvinnuþátttöku og hvort sá sveigjanleiki sem lífeyriskerfið býður upp á í orði komi fram sem raunverulegir valkostir í daglegu lífi. Sérstök áhersla var lögð á hvernig lagarammi, stefnumótun, fjárhagsleg staða og heilsufar mótuðu möguleika einstaklinga til að ákveða hvenær og hvernig þeir hætta störfum. Rannsóknin notaði blandaða aðferð þar sem eigindleg gögn mynduðu meginhlutann. Tekin voru sjö hálfopin viðtöl við einstaklinga 67 ára og eldri, og gögn úr könnuninni Hagir og líðan eldra fólks 2024 voru nýtt til að setja frásagnirnar í stærra samhengi. Eigindleg gögn voru greind með þemagreiningu og megindleg gögn með lýsandi tölfræði. Niðurstöðurnar sýndu að starfslok voru margþætt ferli sem fólk upplifði bæði tækifæri og áskoranir. Starfið hafði verið mikilvægur hluti sjálfsmyndar, félagslegra tengsla og daglegs lífs og mörg lýstu tilfinningalegu tapi og óvissu eftir starfslok. Heilsufar, fjármál og aðgengi að upplýsingum höfðu afgerandi áhrif á hvort fólk teldi sig hafa raunverulegt val. Þótt regluverk bjóði upp á sveigjanleika í töku ellilífeyris reyndist framkvæmdin oft flókin og nýttist ekki öllum hópum jafnt. Megindleg gögn sýndu svipað mynstur, sérstaklega varðandi tengsl fjárhags, heilsu og möguleika til áframhaldandi atvinnuþátttöku. Rannsóknin leiðir í ljós að formlegt valfrelsi í lífeyrismálum tryggir ekki sjálfkrafa raunhæfa kosti fyrir alla. Niðurstöðurnar geta nýst stjórnvöldum og fagfólki við að þróa einfaldari reglur, bætta upplýsingagjöf og úrræði sem taka mið af fjölbreyttum aðstæðum eldra fólks við starfslok og áframhaldandi atvinnuþátttöku.The aim of this study was to examine how older adults in Iceland experienced retirement and continued employment, and whether the formal flexibility by the pension system in theory translated into real options in everyday life. Particular emphasis was placed on how legislation, policy, financial situation and health shaped individuals‘ opportunities to decide when and how to retire. A mixed-methods design was applied, where qualitative data formed the core of the study and quantitative data provided broader contextual support. Seven semi-structured interviews were conducted with individuals aged 67 and older, and data from the national survey Hagir og líðan eldra fólks 2024 were used to complement and reinforce the qualitative findings. The qualitative data were analysed using thematic analysis and quantitative data with descriptive statistics. The findings indicate that retirement was a multifaceted process in which people experienced both opportunities and challenges. Work had been a central part of identity, social connection and daily structure, and many interviewees described emotional loss and uncertainty following retirement. Health, finances and access to information about entitlements had decisive effects on whether people felt they had real choice. Although regulations offer flexability in accessing old-age pension, implementation often proved complex and did not benefit all groups equally. Quantitative data reflected similar patterns, particularly in relation to financial situation, health and continued labour-market participation. The study reveals that formal freedom of choice in pension matters does not automatically ensure realistic options for everyone. The findings can be useful for authorities and professionals in developing clearer regulations, improved information provision, and measures that better reflect the diverse circumstances of older adults when approaching retirement or remaining employment
Vinur
No full textVinur er snjallforrit sem styður við andlega vellíðan með öndunaræfingum og hugleiðslu. Sérstaða appsins felst í sjónrænni framsetningu, þar sem hreyfigrafík og grafísk hönnun skapa róandi og aðgengilega upplifun fyrir notendur. Markmið verkefnisins er að sameina fagurfræði og notagildi og gera hugleiðslu og slökun aðgengilegri í daglegu lífi. Við þróun appsins hef ég sótt innblástur í íslenska náttúru hvað varðar teikningar, hreyfingu og litasamsetningu. Hönnun er nýtt til þess að hafa jákvæð áhrif á líðan og stuðla að betri tengingu við sjálfan sig í gegnum sjónræna og stafræna upplifun þar sem unnið er með stafrænt viðmót.Vinur is an app that supports mental well-being through breathing exercises and meditation. The uniqueness of the app lies in its visual presentation, where motion graphics and graphic design create a calming and accessible experience for users. The goal of the project is to combine aesthetics and functionality, making meditation and relaxation more accessible in daily life.
In developing the app, I have drawn inspiration from Icelandic nature in terms of illustrations, motion, and color palette. Design is used to positively impact well-being and foster a deeper connection with oneself through a visual and digital experience, utilizing a digital interface
Reverse.is
No full textMarkmið verkefnisins er að útbúa gagnagrunn til uppflettingar á lénum. Leitarniðurstöður eiga svo að innihalda allar upplýsingar um tiltekið lén og hvaða lén geta tengst því.
Einnig á að vera hægt að spyrja gagnagrunnin um áhugaverðar upplýsingar t.d.
1) Hvaða hýsingaraðilar eru stærstir (Advania, OK, etc)
2) Eru ákveðnir aðilar / lögaðilar sem eiga mörg lénThe main goal of the project was to design and implement a reverse WHOIS lookup service for Icelandic domains
Næsti, það er ég: Vörumerkjahönnun á vörumerkinu Næsti
No full textRitgerðin fjallar um þróun og hönnun nýs vörumerkis sem ber nafnið Næsti, sem er listrænt vörumerki á hugmyndastigi sem leggur fyrst og fremst áherslu á prentaðar ljósmyndir. Markmið ritgerðarinnar er að hanna heildstætt vörumerki sem byggir á fræðilegum grunni markaðs- og vörumerkjahönnunar. Höfundur notar eigið gælunafn sem nafn vörumerkisins og byggir ritgerðin á persónulegri reynslu og áhuga á ljósmyndun og hönnun. Farið verður yfir fræðilega þætti vörumerkja sem og vörumerkjavirði, með áherslu á líkön frá Keller og Aaker og hvernig þessi þekking getur verið undirstaða árangursríkrar vörumerkjahönnunar. Einnig er notast við vörumerkjahönnunarlíkan Montana o.fl. sem fer yfir fjögur stig: hugmyndavinnu, hönnunarstefnu, úthlutun auðlinda og svo framkvæmd/innleiðingu. Lögð er áhersla á einfaldleika, fágaða framsetningu og húmor í ímynd vörumerkisins. Ritgerðin lýsir því í raun og veru hvernig hægt er að móta vörumerki frá grunni með því að byggja það á fræðilegum viðmiðum, persónulegri sögu og skýrri hönnunarstefnu, með það að markmiði að ná til tiltekins markhóps og skapa sterkt og sjálfbært vörumerki
Áhrif stýrivaxtabreytinga á hlutabréfa- og fasteignamarkað á Íslandi og í Bandaríkjunum á árunum 2020-2025: Hafa stýrivextir meiri áhrif á Íslandi?
No full textFasteigna- og hlutabréfamarkaðir hafa sveiflast verulega undanfarin ár. Í þessari rannsókn er skoðað hvort að stýrivextir hafi áhrif á virði fasteigna og hlutabréfa á Íslandi og í Bandaríkjunum á árunum 2020–2025. Gögnin byggjast á vísitölum fasteigna- og leiguverðs, hlutabréfamarkaða og þróun stýrivaxta. Notuð er línuleg aðhvarfsgreining til að meta möguleg áhrif stýrivaxta og hversu mikil þau áhrif eru. Niðurstöðurnar sýna að stýrivextir hafa mismunandi áhrif í löndunum tveimur. Á Íslandi lækkaði hlutabréfavísitalan (OMXI15) um 1,16% fyrir hverja 1% hækkun stýrivaxta, en í Bandaríkjunum hækkaði S&P500 um 4,5%. Fasteignaverð sýndi jákvæða fylgni við stýrivexti, það hækkaði um 4,64% á Íslandi og 4,8% í Bandaríkjunum fyrir hverja 1% hækkun. Leiguverð hækkaði einnig í báðum löndum, en meira á Íslandi (3,47%) en í Bandaríkjunum (3,24%). Þessar niðurstöður benda til þess að aðrir þættir, svo sem framboðsskortur á húsnæði, fólksfjölgun og lánsfjármögnun, hafi haft meiri áhrif á verðþróunina en stýrivextir. Lánakerfið er einnig ólíkt í löndunum tveimur. Á Íslandi eru flest lán með breytilegum vöxtum, en í Bandaríkjunum eru 92% lán með föstum vöxtum, sem getur skýrt mismunandi áhrif á neytendur og fyrirtæki. Rannsóknin hefur nokkrar takmarkanir, þar á meðal takmarkað gagnasafn og áhrif ófyrirséðra atburða eins og COVID-19. Þessar niðurstöður undirstrika þörfina á ítarlegri greiningu til að skilja betur tenginguna milli stýrivaxta og markaða auk annarra breyta
Stjórnarskrárvernd atvinnuréttinda og hvalveiðar: Atvinnuréttindi sem eignarréttindi og takmarkanir á þeim í ljósi náttúruverndarsjónarmiða.
No full textÍ 1. mgr. 72. gr. Stjórnarskrár lýðveldisins Íslands er kveðið á um friðhelgi eignarréttar. Í framkvæmd hefur vernd ákvæðisins verið talin geta náð til ýmissa óhlutbundinna réttinda sem hafa hlotið slíkt fjárhagslegt gildi að telja má þau til eignar í skilningi ákvæðisins. Kunna atvinnuréttindi að falla þar undir. Í tilvikum þegar atvinnurekstur er háður sérstöku leyfi stjórnvalda vaknar sú spurning hvort og að hvaða marki slík réttindi njóta verndar stjórnarskrárinnar og hvaða skilyrðum löggjafinn og stjórnvöld verða að fullnægja þegar gripið er til íþyngjandi takmarkana. Þessi spurning verður sérstaklega áleitin þegar leyfisveitingar varða nýtingu náttúruauðlinda sem njóta sérstakrar verndar að landsrétti eða samkvæmt alþjóðlegum skuldbindingum ríkisins, eins og í tilvikum hvalveiða. Verður þetta aðalviðfangsefni þessarar ritgerðar. Í ritgerðinni er fjallað um eignarréttarákvæði 72. gr. stjórnarskrárinnar og verndarsvið þess, auk takmarkana á eignarréttindum. Þá er fjallað um atvinnuréttindi sem eignarréttindi, atvinnufrelsi og muninn þar á. Stuðst er við fræðikenningar og dómaframkvæmd þar að lútandi. Þá er lagaumhverfi hvalveiða sem atvinnustarfsemi skoðað, réttarsaga atvinnugreinarinnar og núgildandi regluverk. Skoðað er hver réttarstaða rétthafa hvalveiðileyfa er að íslenskum rétti og hvort telja megi hvalveiðileyfi til atvinnuréttinda í þessum skilningi