Buckinghamshire New University
Not a member yet
17928 research outputs found
Sort by
Kirkjuvegur 18
No full textLokaverkefni þetta felst í hönnun og teikningu á tveggja hæða húsi með innbyggðri bílageymslu á lóð sem er í Kirkjuvegur 18, 800 Selfoss. Krafa var gerð um að útveggir neðri hæðar hússins skyldu vera úr steinsteypu og efri hæðin úr timburgrind eða krosslímdum timbur-einingum (KLT). Þakform er valfrjálst en þó að krafa um loftað sperruþak. Við val á kerfi til upphitunar er gerð krafa um að kerfið samanstandi af blöndu af ofnakerfi og gólfhitakerfi.
Sökklar, gólfplata og útveggir fyrstu hæðar eru staðsteypt, innveggir ýmist gipsklæddir grindarveggir eða staðsteyptir, milliplata er staðsteypt. Efri hæð er úr KLT einingum. Þak er einhalla lektað sperruþak, með límtrésbita og stálbitum til stuðnings við burð. Allir útveggir eru einangraðir að utan með steinull.Veðurkápa hússins er álklæðning. Gólfhitakerfi er í stærstum hluta fyrstu hæðar en ofnakerfi að mestu leyti á efri hæð
Tjáningarfrelsi opinberra starfsmanna. Með sérstakri áherslu á starfsfólk lögreglu
No full textTjáningarfrelsið er eitt af grunnréttindum hvers lýðræðisríkis. Felur rétturinn í sér frelsi til frjálsrar sannfæringar og er verndað af 73. gr. stjórnarskrá lýðveldisins Íslands nr. 33/1944. Í því eru ekki einungis fólgin dýrmæt réttindi heldur eru verulegir þjóðfélagshagsmunir af því að frjáls umræða og opinber skoðanaskipti fái að dafna og þá sérstaklega sú umræða sem lýtur að stofnunum samfélagsins og vettvangi stjórnmálanna. Við afmörkun á tjáningarfrelsinu og mörkum þess kemur þó óneitanlega upp sú spurning hvenær takmarka megi rétt til tjáningar og þá einkum þegar um er að ræða hluti sem leynt eiga að fara. Í ritgerð þessari verður farið ýtarlega yfir þær trúnaðar og hollustuskyldur er opinberum starfsmönnum ber að hafa í huga samkvæmt 1. mgr. 14.gr. starfsmannalaga, þær takmarkanir sem þagnarskylda stjórnsýslulaga setur samkvæmt X. kafla stjórnsýslulaga og jafnframt skilyrði áminningar samkvæmt 21. gr. starfsmannalaga. Auk þess verður farið stuttlega yfir það hvað felst í því að vera opinber starfsmaður og hverjir falla þar undir. Opinberir starfsmenn hafa á hendi sinni eðli málsins samkvæmt upplýsingar sem eru ekki á almannafæri. Þeim eru falin mörg mikilvæg hlutverk til almannaheilla og meðal þeirra hlutverka er án efa lögregluvaldið. Lögreglan hefur meðal annars vegna valdbeitingarheimilda sem þeim er falið með lögum, margt á þeirra könnu sem sanngjarnt er að leynt fari. Í ritgerð þessari verður sérstaklega litið til tjáningarfrelsis starfsfólks lögreglunnar, takmarkanir þar á og hvar mörkin liggja á milli þagnarskyldu lögreglustéttarinnar og tjáningarfrelsis. Jafnframt verður kannað starfsreglur lögreglustéttarinnar svo sem framkvæmd á eftirliti á sviði lögreglunnar og hvenær gerðar eru auknar kröfur til vammleysis. Síðan verður vikið stuttlega að tjáningu lögreglumanna eða annara starfsmanna lögreglu við fjölmiðla og hvenær þeim sé heimilt að tjá sig eður ei og þar að auki verður vikið að persónuverndarstefnu lögreglunnar. Að lokum verður komist að niðurstöðu um hvort að tjáningu starfsfólks lögreglu séu settar þrengri skorður en tjáningu annarra opinberra starfsmanna og að hvaða leyti
"You can’t just be a good midwife for the majority, you have to be a good midwife for everyone”: Women of color’s experience of racism in maternity care in Iceland: A qualitative phenomenological study
No full textBakgrunnur: Húðlitur getur mótað félagslegan veruleika einstaklinga og haft áhrif á aðgengi þeirra að heilbrigðisþjónustu. Kynþáttafordómar í barneignarferlinu hafa ítrekað verið tengdir verri heilsufarsútkomum fyrir mæður og börn og geta þannig ógnað velferð litaðra mæðra og nýbura þeirra. Rannsóknir benda til þess að félagslegir þættir, þar á meðal kerfisleg mismunun og kynþáttafordómar, liggi að baki þessum ójöfnuði og geta þeir haft veruleg áhrif á upplifun litaðra kvenna af meðgöngu, fæðingu og sængurlegu. Á Íslandi hefur fjölbreytni íbúa aukist verulega á undanförnum árum, en lítið er vitað um upplifun litaðra kvenna af barneignarþjónustu hér á landi. Því var lagt upp með eftirfarandi rannsóknarspurningu: Hver er litaðra kvenna af kynþáttafordómum og öráreitni í barneignarþjónustu á Íslandi? Aðferð: Rannsóknin byggir á eigindlegri aðferðafræði með fyrirbærafræðilegri nálgun. Tekin voru átta hálfstöðluð einstaklingsviðtöl við litaðar konur með reynslu af barneignarþjónustu á Íslandi. Viðtölin voru greind með ígrundaðri þemagreiningu.
Niðurstöður: Við greiningu gagnanna voru mótuð sex þemu, fyrsta þemað „Skortur á fræðslu og þekkingu“ lýsir grunnvanda sem viðmælendur upplifðu innan heilbrigðiskerfisins, þar sem skortur á menningarlega hæfri þekkingu, skilningi á lífeðlisfræðilegum mun og meðvitaðri nálgun gagnvart kynþáttafordómum hafði áhrif á upplifun þeirra af umönnun. Önnur þemu sem voru þróuð í greiningunni voru: „Kynþáttafordómar og mismunun í barneignarþjónustu“, „Öráreitni og skortur á menningarlegum skilningi“, „Áhrif á traust og líðan“, „Kerfisbundinn vandi - skortur á verkferlum gegn öráreitni og kynþáttafordómum“ og „Kallað eftir umbótum“. Ályktanir: Skortur á þekkingu og menningarhæfni meðal heilbrigðisstarfsfólks í barneignarþjónustu getur haft alvarlegar afleiðingar fyrir litaðar konur. Skorturinn á sértækri fræðslu um menningarlegar og lífeðlisfræðilegar þarfir þessara kvenna getur leitt til rangfærslna, fordóma og lakari meðferðar, sem hefur áhrif á bæði andlega og líkamlega heilsu þeirra. Þar að auki geta kynþáttafordómar og skortur á þekkingu meðal heilbrigðisstarfsfólks skapað vantraust, aukna streitu og óöryggi hjá lituðum konum.
Lykilorð: Upplifun, kynþáttafordómar, öráreiti, gagnrýnin kynþáttakenning, kerfislæg mismunun, barneignarþjónusta og ójöfnuðurBackground: Racial discrimination in maternity care has repeatedly been linked to poorer health outcomes for mother and infants, posing a significant risk to the well-being of women of color and their newborns. Research strongly suggests that systemic racism and social inequalities are key contributors to these disparities, and it can significantly influence the experiences of women of color during pregnancy, childbirth, and postpartum care. In Iceland, the population has become increasingly diverse, with growing numbers of individuals from racial backgrounds other than white in recent years. This study aims to explore the following research question: How do women of color experience racial discrimination and microaggressions in maternity care in Iceland? Method: The study is based on a qualitative research design with a phenomenological approach. Semi-structured individual interviews were conducted with eight women of color who had experience with maternity care in Iceland. The interviews were then analyzed using reflexive thematic analysis.
Results: Through the analysis, six themes were formed, the first theme: “Lack of education and knowledge” represents a fundamental issue affecting the experience of participants, as the lack of awareness and cultural competence among healthcare professionals influenced multiple aspects of their maternity care. The other themes were: “Racism and discrimination in maternity services”, “Microaggression and lack of cultural understanding”, “Impact on trust and well-being”, “Systemic problem - lack of procedures addressing microaggression and racial discrimination”, and “Call for reform” Conclusion: Lack of knowledge and cultural competence among health care professionals in maternity care can have profound consequences for women of color. The lack of specific education about cultural and physiological needs can lead to misinformation, stigma, and poorer treatment, which affects both their mental and physical health. In addition, racism, and lack of knowledge among health care professionals can create distrust, increased stress, and insecurity for women of color.
Keywords: experience, racism, microaggression, critical race theory, systemic discrimination, maternity care, inequitie
„Við notum þetta öll á einhvern hátt.“ Gervigreind í fjölmiðlum
No full textGervigreind hefur á undanförnum árum breytt starfsemi fjölmiðla og blaðamennsku á margvíslegan hátt. Sjálfvirkni í fréttaskrifum, sérsniðin fréttamiðlun og tól til staðreyndaathugunar eru aðeins fá dæmi um hvernig tæknin hefur verið nýtt í daglega starfsemi fréttastofa. Markmið þessarar rannsóknar er að varpa ljósi á stöðuna í íslenskum fjölmiðlum samanborið við önnur lönd. Til að skoða það voru tekin viðtöl við íslenskt fjölmiðlafólk á sex íslenskum miðlum, litlum og stórum. Auk þess var tekið viðtal við ritstjóra gervigreindar hjá norska miðlinum VG til samanburðar. Skoðað var hvort og hvernig gervigreind er notuð í fjölmiðlum, hverjir helstu kostirnir eru, hvaða áskoranir kunna að fylgja og hvort starf blaðamannsins sé í hættu vegna tilkomu gervigreindar sem getur sífelld tekið að sér flóknari verkefni. Auk viðtalanna er byggt er á fræðilegum heimildum og rannsóknarskýrslum þar sem fjölmiðlar víða um heim hafa verið skoðaðir.
Helstu niðurstöður benda til þess að nýting á gervigreind á íslenskum fjölmiðlum sé stutt á veg komin. Fjölmiðlafólk er sumt á varðbergi meðan aðrir eru tilbúnari að prófa sig áfram. Helsta fyrirstaðan er skortur á þekkingu og skortur á gervigreindartólum sem styðja við íslensku. Smæð íslensks fjölmiðlamarkaðs gerir það einnig að verkum að óvíst er hvort það svari kostnaði hérlendis að nýta alla þá möguleika sem gervigreindin býður upp á. Helsta nýtingin eru svokallaða tal í textalausnir, myndvinnsla og þýðingar.Artificial Intelligence has in recent years transformed media operations and journalism in various ways. Automation in news writing, personalised news delivery and tools for fact-checking are just a few examples of how the technology has been integrated into the daily operations of newsrooms. The aim of this study is to shed light on the current situation in Icelandic media outlets compared to other countries. To explore this, interviews were conducted with Icelandic media professionals from six Icelandic media outlets of varying sizes. Additionally, for comparison an interview was conducted with the manager of artificial intelligence at the Norwegian media outlet VG. The study looked at if and how AI is used in the media, what the main advantages are, what challenges arise, and whether the role of the journalist is at risk due to the emergence of AI, which is increasingly capable of handling complex tasks. In addition to the interviews, the research draws on academic sources and research reports that examine media organisations around the world.
Key findings suggest that the use of AI in the Icelandic media is still in its infancy. Some media professionals are cautious, while others are more open to experimentation. The main barriers are a lack of knowledge and a shortage of AI tools that support the Icelandic language. The small size of the Icelandic media market also raises uncertainty about whether the benefits of AI justify the costs. The primary applications currently include speech-to-text solutions, image editing, and translation.
Heilsulæsi ungmenna á tímum samfélagsmiðla
No full textMikilvægt er að velta fyrir sér hvernig samfélagsmiðlar hafa áhrif á heilsulæsi ungmenna í nútímasamfélagi þar sem stafrænt umhverfi gegnir stöðugt stærra hlutverki í daglegu lífi. Umhverfi barna og unglinga hefur breyst hratt á undanförnum árum og þá sérstaklega starfrænt umhverfi. Ungmenni leita sífellt meira að upplýsingum tengt mataræði, hreyfingu, andlegri heilsu og lífsstíl á samfélagsmiðlum sem getur haft bæði jákvæð og neikvæð áhrif á kunnáttu þeirra og ákvarðanatöku. Markmiðið með þessari ritgerð er að kanna hver áhrif samfélagsmiðla eru á heilsulæsi ungmenna og hvort þeir stuðli að bættri eða verri stöðu þegar kemur að heilsulæsi og mynd ungmenna af heilbrigði. Unnið var með fræðilega samantekt á rannsóknum sem fjalla um heilsulæsi, stafrænt læsi, áhrif samfélagsmiðla á sjálfsmynd, upplýsinganotkun og ákvarðanir ungmenna. Niðurstöðurnar sýna að samfélagsmiðlar geta hjálpað við að veita aðgengi að áreiðanlegu fræðsluefni og ýtt undir jákvæðar heilsuvenjur en einnig aukið ranghugmyndir, líkamsóánægju og rangtúlkun á heilbrigðisupplýsingum. Mikilvægt er að styðja við gagnrýna hugsun, miðlalæsi og sjálfstæða dómgreind ungmenna með þátttöku fjölskyldna, skóla og samfélags til að efla heilbrigt og gott heilsulæsi í stafrænum heimi
Concentrations of PFAS in breast milk and blood among Icelandic women
No full textPer- and polyfluorinated alkyl substances, eða PFAS efni eru stór flokkur þrávirkra, manngerðra efna sem hafa mikið verið notuð í iðnaði og í neysluvörum síðan á fimmta áratug síðustu aldar. Efnin safnast
upp í lífverum og umhverfinu og eru mjög stöðug. Rannsóknir síðustu ára hafa sýnt fram á skaðleg áhrif PFAS efna á heilsu manna og hafa sum þeirra verið bönnuð eða notkun þeirra takmörkuð. Vitað er að PFAS efni mælast í sermi almennings og að hluti þeirra skiljist út með móðurmjólk. Ungabörn eru því útsett fyrir efnunum bæði í gegnum fylgju á meðgöngu og með móðurmjólkinni eftir fæðingu.
Markmið þessarar rannsóknar var að mæla styrk 19 mismunandi PFAS efna í blóði og móðurmjólk íslenskra mæðra, kanna í hvaða styrk þau mældust og hvort hægt væri að draga ályktanir um hugsanlegar uppsprettur. Slík rannsókn hefur ekki áður verið framkvæmd hérlendis og leggur því góðan grunn að frekari rannsóknum og vöktun á PFAS efnum í íslensku þýði.
Alls tóku 48 íslenskar konur þátt í rannsókninni sem gáfu blóð- og mjólkursýni ásamt því að svara ítarlegum spurningalista um lífsstíl, mataræði og neysluvenjur. Mælingar fóru fram á Rannsóknastofu í lyfja- og eiturefnafræði (RLE) með LC-MS/MS massagreini. Niðurstöðurnar leiddu í ljós að PFAS efni mældust í öllum sermissýnunum. Fjögur efni mældust í öllum sýnunum, Perfluorooctanoic acid (PFOA), Perfluorononanoic acid (PFNA), Perfluorohexanesulphonic acid (PFHxS) og Perfluorotridecanoic acid (PFTrDA) og í 94% sýnanna mældist Perfluorooctanesulfonic acid (PFOS) líka. Meðalstyrkur allra samanlagðra efnanna í sermissýnunum var 1,31 ng/mL sem er um 81% lægri styrkur en viðmiðunarmörk Matvælaöryggisstofnun Evrópu (EFSA), hefur lagt fram til verndar ungum börnum. Aðeins ein breyta reyndist marktæk þegar styrkur efnanna var borinn saman við svör þátttakenda við spurningalistanum og var sú breyta í tengslum við mataræði. Konur sem sögðust vera kjöt og fiskætur reyndust með hærri styrk PFAS efna en þær sem sögðust vegan eða grænmetisætur. Ekki fundust marktæk tengsl milli annarra breyta sem spurt var um við styrk efnanna í sermi. Öll brjóstamjólkursýnin reyndust vera undir greiningarmörkum sem teljast jákvæðar niðurstöður.
Rannsóknin takmarkast við lítinn hóp þátttakenda en niðurstöðurnar veita mikilvæga innsýn og geta lagt grunn að frekari rannsóknum og skipulögðu eftirliti með útsetningu, áhrifum og uppruna PFAS efna í íslensku þýði. Niðurstöðurnar í þessari rannsókn gáfu til kynna að styrkur efnanna var töluvert lægri en mælst hefur í sambærilegum rannsóknum í öðrum Evrópulöndum
Innleiðing hússtjórnarkerfis í sumarhús
No full textVerkefnið fjallar um uppfærslu rafkerfis í sumarhúsi með því að innleiða hússtjórnarkefi í hús sem þegar er með fullfrágengar raflagnir
Vaka
No full textÍ fyrsta tölublaði tímaritsins Vöku er skoðað samband íslenskrar hönnunar og náttúru. Fylgir náttúran okkur í öllu sem við gerum sem íslenskir hönnuðir, hvort sem það er meðvitað eða ómeðvitað? Hvort sem það er frá hrjúfum brúnum hraunsins eða til hreyfinga hafsins? Náttúran er stöðugur innblástur og við erum órjúfanlegur hluti af náttúrunni, þótt sumir upplifi sig aftengd. Hönnun styrkir þessi tengsl í gegnum upplifun, efni, áferðir og form. Með því að para saman leturgerðir, notkun á hvítu rými og uppsetningu ljósmynda og viðtala myndast flæði sem endurspeglar tengsl hönnunar og náttúru
Endalok Eddys Bellegueule: Þýðing á fyrri hluta skáldævisögunnar En finir avec Eddy Bellegueule ásamt fræðilegri greinargerð þar sem athygli er sérstaklega beint að þýðingu á talmáli
No full textÞetta lokaverkefni til MA-gráðu í þýðingafræði hverfist um skáldævisöguna En finir avec Eddy Bellegueule eftir Édouard Louis sem kom út árið 2014. Það skiptist í tvo hluta. Fyrri hlutinn er greinargerð sem fjallar um þýðingarferlið og fræðilegar forsendur þess. Greint er frá tilurð verksins, áhrifum félagsvísindamannsins Pierre Bourdieu á höfundinn og skoðað hvernig kenningar hans birtast í frásögninni. Rýnt er í það sem helst einkennir íslenskt talmál, hvernig það birtist í íslenskum bókmenntum og fjallað um skoposkenninguna, þá þýðingaraðferð sem notuð var til að reyna að skapa trúverðugt íslenskt alþýðumál í markmenningunni. Loks er fjallað um helstu þýðingavandamál og lausn þeirra. Seinni hlutinn inniheldur þýðingu á fyrsta hluta En finir avec Eddy Belleguele
Parental experiences of ableism : a comparison between visible and invisible disabilities
No full textAbstract
Ableism refers to systematic discrimination and societal prejudice against individuals with disabilities and can shape how parents of children with disabilities are treated in everyday life. This study examined how parents of children with disabilities in Iceland experience ableism, whether these experiences differ depending on whether a child’s disability is visible or invisible and how ableism relates to psychological distress. Participants were 73 parents of disabled children aged 0-18 years who completed demographic questions, three custom ableism scales (Perceived Ableism, Perceived Social Reactions, Perceived Ableism Impact) and the Depression Anxiety Stress Scales-21. Parents of children with invisible disabilities described more often judgment, skepticism and assumptions regarding their parenting, whereas parents of children with visible disabilities more often reported stigmatizing public reactions, such as staring or over-sympathetic behavior. Higher levels of perceived ableism were positively associated with higher levels of depression, anxiety and stress. These results are consistent with the Social Model of Disability, highlighting that parental well-being is shaped not only by the child’s impairment but also by social attitudes and discrimination. This underlines the importance of reducing ableism and improving support for parents of disabled children.
Keywords: Ableism, visible disabilities, invisible disabilities, parents of children with disabilities, psychological distressÚtdráttur
Fötlunarfordómar eru kerfisbundin mismunun og samfélagslegir fordómar gagnvart fötluðu fólki og getur mótað það hvernig foreldrum fatlaðra barna er mætt í daglegu lífi. Markmið rannsóknarinnar var að skoða hvernig foreldrar fatlaðra barna á Íslandi upplifa fordóma, hvort upplifanir þeirra séu mismunandi eftir því hvort fötlun barns sé sýnileg eða ósýnileg öðrum og hvernig slíkir fordómar tengjast sálrænni vanlíðan. Þátttakendur voru 73 foreldrar fatlaðra barna á aldrinum 0-18 ára sem svöruðu spurningalista með bakgrunnsupplýsingum, þremur sérhönnuðum kvörðum sem mældu upplifun á fordómum (Perceived Ableism, Perceived Social Reactions, Perceived Ableism Impact) og staðlaða matskvarðanum Depression Anxiety Stress Scales-21. Foreldrar barna með ósýnilega fötlun lýstu því oftar að mæta efasemdum, gagnrýni og neikvæðum ályktunum um foreldrahlutverk sitt, á meðan foreldrar barna með sýnilega fötlun greindu oftar frá fordómafullum viðbrögðum á almannafæri, svo sem starandi augnaráði eða of mikilli samúð. Sterkari upplifun af fötlunarfordómum og áhrifum þeirra tengdust hærri einkennum þunglyndis, kvíða og streitu. Niðurstöðurnar eru í samræmi við félagslega líkanið um fötlun og benda til þess að líðan foreldra mótist ekki eingöngu af skerðingu barnsins heldur einnig af samfélagslegum viðhorfum og mismunun. Þessar niðurstöður undirstrika mikilvægi þess að draga úr fötlunarfordómum og auka stuðning við foreldra fatlaðra barna.
Lykilorð: Fötlunarfordómar, sýnilegar fatlanir, ósýnilegar fatlanir, foreldrar fatlaðra barna, sálræn vanlíða