Buckinghamshire New University
Not a member yet
17928 research outputs found
Sort by
Hvernig leiðsagnarnám birtist í hugsandi kennslurými í stærðfræði á vettvangi?
No full textHér verður farið yfir hugtök og fræði varðandi leiðsagnarnám og hugsandi kennslurými (e. thinking classroom) sem eru ofarlega á baugi í kennslufræðum um þessar mundir. Þar er lögð áhersla á virka þátttöku nemenda, skýran tilgang í námi, sífellda ígrundun og endurgjöf. Leitast er við að finna tengingu við fræðin í því hvernig þau birtast í stærðfræðitímum í grunnskóla á höfuðborgarsvæðinu. Við ákváðum að fara í heimsókn í Víkurskóla og fylgjast með því hvernig hugsandi kennslurými nýtist í stærðfræðikennslu í 8.-10. bekk. Þar tókum við niður vettvangsnótur sem við berum saman við fræðin í lok ritgerðar. Rannsóknarspurningin sem liggur til grundvallar er: Hvernig birtist leiðsagnarnám í hugsandi kennslurými í stærðfræði á vettvangi? Niðurstaðan okkar er að leiðsagnarnám og hugsandi kennslurými eru árangursríkar aðferðir á vettvangi og styrkja hvor aðra, m.a. með því að sameina markvissa endurgjöf, vaxandi hugarfar og skapandi hugsun sem saman mynda öfluga nálgun til að bæta nám og kennslu í stærðfræði. Þessar aðferðir eru þó ekki án áskorana fyrir kennara, líkt og lesa má um í vettvangsnótum og umræðukafla. Þetta verkefni getur gagnast þeim sem eru að leita að eða velta fyrir sér efni til að kenna stærðfræði undir formerkjum leiðsagnarnáms og hugsandi kennslurýmis. Leiðsagnarnám og hugsandi kennslurými nýtist við kennslu í öllum námsgreinum en hér verður lögð áhersla á stærðfræði á unglingastigi
Gervigreind og árangursmat starfsfólks. Eigindleg rannsókn á áhrifum AI út frá sjónarhorni fyrirtækja og velferð starfsmanna
No full textMarkmið þessarar rannsóknar var að kanna hvernig gervigreind hefur áhrif á árangursmat starfsfólks, með sérstakri áherslu á sjónarhorn fyrirtækja og velferð starfsmanna. Meginrannsóknarspurningin sem leitað var svara við var: „Hvernig hefur gervigreind áhrif á árangursmat starfsfólks, bæði út frá hagsmunum fyrirtækja og velferð starfsmanna?“ Til að ná
dýpri skilningi voru settar fram fimm undirspurningar sem snérust um notkun fyrirtækja á gervigreind í árangursmati, siðferðileg álitamál, áhrif á vinnustaðamenningu og starfsöryggi,áhrif á starfsþróun og vellíðan starfsmanna, og framtíðarsýn sérfræðinga á sviðinu.
Rannsóknin byggði á eigindlegri aðferðafræði þar sem tekin voru hálfopin viðtöl við mannauðsstjóra, sérfræðinga í gervigreind, fulltrúa verkalýðsfélaga og gervigreindarlíkan (GPT-4o) sem sett var í hlutverk sérfræðinga á ólíkum fræðasviðum. Slík notkun gervigreindarviðtala
sem gagnaöflunartækis er tiltölulega ný nálgun í íslenskum fræðilegum rannsóknum og veitir aukna breidd og samanburð við mannleg viðtöl. Viðtölin voru greind með þemagreiningu samkvæmt sex skrefa líkani Braun og Clarke. Helstu niðurstöður sýndu að íslensk fyrirtæki eru enn á byrjunarstigi hvað varðar innleiðingu gervigreindar í árangursmati. Þrátt fyrir að viðmælendur sjái mikil tækifæri í aukinni skilvirkni,
hlutlægni og gagnsæi með notkun AI, komu fram skýrar áhyggjur af siðferðilegum áskorunum eins og gagnsæi reiknirita, persónuvernd, og mögulegri mismunun vegna hlutdrægni í gögnum. Sérfræðingar lögðu mikla áherslu á nauðsyn þess að mannleg dómgreind og gagnsæi væru áfram lykilatriði í ferlinu. Viðmælendur lýstu einnig áhrifum AI á vinnustaðamenningu og félagsleg tengsl, þar sem skortur á mannlegri samskiptum gæti haft neikvæð áhrif á starfsánægju og vellíðan starfsmanna. Sérfræðingar bentu á mikilvægi þess að þróa gagnsæja stefnu og hanna AI-lausnir með mannlega reynslu og velferð í fyrirrúmi. Niðurstöður rannsóknarinnar leggja áherslu á jafnvægi milli sjálfvirkni og mannlegra þátta í árangursmati, og að íslensk fyrirtæki þurfi að huga að sértækri stefnumótun til að nýta gervigreind á siðferðilega og árangursríkan hátt
Sjónræn framsetning gagna keyrð af gervigreind
No full text“Data Visualization Powered by Artificial Intelligence” is a proof of concept worked on in collaboration with Arion Bank. The group developed models that can confidently predict a specific graph type and what columns go on the axes of the graph, based on a given question and data. An application was developed with a chatbot interface allowing a user to send a question to the models and receive data along with the appropriately predicted graph type.“Sjónræn Framsetning Gagna Keyrð af Gervigreind” er sönnun á gildi hugmyndar unnið í samstarfi við Arion Banka. Hópurinn þróaði líkön sem geta með góðri vissu spáð fyrir um hvaða tegund rits hentar miðað við tiltekna spurningu og samsvarandi gögn. Einnig var þróað forrit með spjallmenni sem viðmót, sem gerir notanda kleift að senda spurningu til líkananna og fá gögn ásamt viðeigandi tegund rits sem var spáð fyrir um
Aukin sjálfbærni fóðurframleiðslu í fiskeldi á Íslandi
No full textRannsóknin fjallar um möguleika Íslands til sjálfbærrar framleiðslu á fiskafóðri með áherslu á innlenda próteingjafa og tækifæra til að draga úr innflutningi hráefna. Vaxandi fiskeldi hefur aukið eftirspurn eftir fóðri sem er stærsti kostnaðarliður greinarinnar og hefur mikil umhverfisáhrif. Núverandi fóðurframleiðsla á Íslandi byggir að hluta á innfluttu hráefni, sérstaklega plöntupróteinum og olíum og með vexti greinarinnar mun sá hluti þurfa að aukast. Innflutningurinn veldur háu kolefnisspori og er háður erlendum mörkuðum.
Verkefnið byggir á greiningu fyrirliggjandi gagna frá Hagstofu Íslands og öðrum heimildum um framleiðslu og samsetningu fiskafóðurs á Íslandi. Jafnframt eru möguleikar nýrra hráefna skoðaðir, svo sem skordýraprótein, þörungar og einfrumuprótein auk innlendra ræktunarvalkosta eins og repju og hveitis.
Helstu niðurstöður benda til þess að þrátt fyrir að Ísland hafi umtalsverða möguleika til aukinnar innlendrar fóðurframleiðslu eru enn miklar áskoranir til staðar. Framleiðsla repju og hveitis þyrfti að margfaldast til að mæta núverandi fóðurþörf og enn frekar með auknum vexti fiskeldis. Skordýraprótein, þörungar og einfrumuprótein sýna lofandi niðurstöður en framleiðslukostnaður og flókið regluverk eru enn hindrandi þættir.
Lagðar eru fram tillögur um aukna rannsóknarvinnu, betri innviði, stuðning stjórnvalda og aukið samstarf á milli fyrirtækja og stofnana til að Ísland geti stigið markviss skref í átt að sjálfbærari fóðurframleiðslu í fiskeldi.The study explores Iceland's potential for sustainable fish feed production, focusing on domestic protein sources and reducing reliance on imported ingredients. Increasing aquaculture production has significantly heightened the demand for fish feed, the primary cost component of fish farming with substantial environmental impacts. Currently, Icelandic fish feed production relies heavily on imported ingredients, particularly plant proteins and oils, resulting in a high carbon footprint and vulnerability to fluctuations in international markets.
This research analyzes existing data from Statistics Iceland and other sources regarding the production and composition of fish feed in Iceland. It also evaluates emerging feed ingredients such as insect proteins, algae, and single-cell proteins (SCP), alongside domestic cultivation options like rapeseed and wheat.
The findings indicate substantial potential for increased domestic feed production, yet significant challenges persist. To meet current feed requirements, production of rapeseed and wheat would need to multiply considerably, especially given the anticipated growth in aquaculture. Novel proteins, including insect-based feed, algae, and SCP, show promising results, yet high production costs and complex regulatory frameworks remain major obstacles.
Recommendations are proposed to enhance research initiatives, infrastructure development, governmental support, and industry collaboration, enabling Iceland to progress toward more sustainable aquaculture feed production
Corporate sustainability governance and financial performance of banks in Ghana: The moderating role of firm size
No full textCorporate sustainability governance serves as a fundamental framework for banking institutions, guiding their environmental, social, and governance (ESG) strategies to enhance financial performance. In Ghana, the banking sector increasingly recognizes sustainability initiatives as critical drivers of financial success. However, analyzing this relationship proves complex due to the moderating influence of firm size, which shapes the impact of sustainability governance on financial outcomes. Given the vital role of banks in Ghana's economy, understanding how sustainability governance affects their financial performance provides valuable insights for stakeholders, policymakers, and industry leaders. This study aims to examine the relationship between corporate sustainability governance and financial performance among listed banks in Ghana, with firm size serving as a moderating variable. Using a mixed-methods approach, the research integrates interviews with secondary data from the annual reports of listed banks over ten years. Through multiple regression analyses, the study evaluates the dependencies between sustainability governance as the independent variable and financial performance as the dependent variable. The research model incorporates several hypotheses, addressing key governance factors such as board composition, board size, audit committees, CEO duality, environmental and social sustainability, and firm size. Findings indicate that Ghanaian banks demonstrate a positive financial performance-response pattern to corporate sustainability governance. However, the magnitude of this impact varies by firm size. Large banks exhibit stronger sustainability-financial performance relationships due to their ability to pool resources and implement extensive ESG programs. Medium-sized banks achieve optimal efficiency through structured governance frameworks, while smaller banks succeed by tailoring sustainability strategies to local markets despite resource constraints. The academic contribution of this study lies in its comprehensive evaluation of firm size as a moderating factor within corporate sustainability governance research, addressing a gap in emerging market studies. The findings emphasize the need for tailored sustainability strategies that align with firm size and long-term financial objectives. The study also provides actionable guidance for economic development professionals, bankers, and regulatory bodies, supporting enhanced sustainability governance and fostering long-term economic growth in Ghana
Liðskipti í hné í kjölfar áverka á fremra krossbandi: Áhrif liðþófaáverka og liðspeglana
No full textInngangur: Við slit á fremra krossbandi verða samfarandi áverkar í um 85% tilfella. Þessir samfarandi áverkar endurspegla meiðsla-mynstur krossbandaslita og því eru vefir sem viðkvæmir eru fyrir kiðvægi (e.valgus) og samþjöppunarálagi, eins og liðþófar, miðlægt hliðarliðband og neðanbrjósksbein útsettir fyrir meiðslum. Ef skemmdir verða á þessum vefum getur verið þörf á aðgerð, sem getur farið fram samfara endurgerð krossbands, eða ein og sér. Samfarandi áverkar geta haft langtíma áhrif eftir krossbandaslit, þar á meðal ýtt undir þróun slitgigtar í hné og þörfum á liðskiptum á hné. Fáar rannsóknir hafa skoðað langtíma hnéheilsu eftir krossbandaslit með áherslu á samfarandi áverka. Markmið þessarar rannsóknar var að skoða áhrif samfarandi áverka, við slit á fremra krossbandi á tíðni liðskipta í hné.
Aðferðir: Rannsóknin skoðaði einstaklinga á Íslandi sem hlutu áverka á fremra krossband á árunum 2004 til 2014. Upplýsingar um aðgerðir, þar á meðal endurgerðir fremra krossbands, brottnám liðþófa og annarskonar liðspeglanir, frá 2004 til 2014 fengust frá sjúkrahúsum á Íslandi og Sjúkratryggingum Íslands. Frá sjúkrahúsum og Klíníkinni fengust einnig upplýsingar um liðskipti í hné framkvæmdar á árunum 1980 til 2023. Kennitölur voru notaðir til að tengja gögnin saman og kanna áhrifaþætti liðskipta.
Niðurstöður: Af þeim 3937 slitum á fremra krossbandi sem skoðuð voru, höfðu 9.9% þegar farið í liðskipti í hné. Hærri tíðni liðskipta sáust hjá þeim sem höfðu farið í brottnám liðþófa (p=0.002), annarsskonar liðspeglun (p<0.001) og hjá þeim eldri í dag (p<0.001), lægri tíðni sást hjá þeim sem fóru í endurgerð krossbands.
Ályktun: Þessi rannsókn sýndi að brottnám liðþófa og annarskonar liðspeglanir auka tíðni liðskipta í hné. Þetta kallar á fleiri rannsóknir um áhrif samfarandi áverka og mögulegar leiðir til að draga úr skaðlegum afleiðingum. Einnig fannst verndandi áhrif frá endurgerð krossbands og því möguleg ástæða til að hvetja til endurgerða á fremra krossbandi.Introduction: Concomitant injuries accompany around 85% of anterior cruciate ligament (ACL) injuries. The concomitant injuries reflect the mechanism of ACL injuries making structures sensitive to valgus collapse and axial loading, such as the menisci, subchondral bone, and the medial collateral ligament vulnerable to injury. When injured, these structures may require surgery, that can be performed during ACL reconstruction or in a separate surgery. Concomitant injuries may influence long-term outcomes following an ACL injury, including the development of knee osteoarthritis and the need for total knee arthroplasty (TKA). Few studies have looked at future knee health following ACL injuries regarding concomitant injuries. Therefore, the aim of this study was to examine the influence of concomitant injuries occurring with ACL injuries on TKA.
Methods: This study looked at individuals in Iceland who sustained an ACL injury between 2004 and 2014. Data on surgical procedures, including ACL reconstruction, partial meniscectomy, and other arthroscopic procedures, was gathered from national hospital records and health insurance data. From hospital and clinic data, TKA procedures performed between 1980 and 2023 were identified. The data was matched together by social security numbers to identify influencing factors for TKA.
Results: Of the 3937 ACL injuries, 9.9% had undergone TKA. The results showed higher odds of TKA for those who had undergone partial meniscectomy (p=0.002), other arthroscopic procedures (p<0.001), and for higher age today (p<0.001). In contrast, ACL reconstruction lowered odds of TKA (p<0.001).
Conclusions: This study showed partial meniscectomy and other arthroscopic procedures to have a negative effect on the risk of needing TKA. This warrants further research of the effects of concomitant injuries on knee health, and possible ways to minimize those effects. Furthermore, a protective aspect of ACLR for TKA, and so a possible reason to encourage ACLR
Eignfærsla leikmannasamninga í ársreikningum íslenskra knattspyrnuliða
No full textÞað er hægt að skipta knattspyrnuleikmönnum niður í þrjá flokka, keyptir leikmenn, uppaldir leikmenn og leikmenn sem koma á frjálsri sölu. Reikningsskilareglur UEFA varðandi eignfærslu leikmannasamninga eru á þann veg að einungis keyptir leikmenn eru eignfærðir, uppaldir leikmenn og leikmenn sem koma á frjálsri sölu eru ekki eignfærðir. KSÍ fær hins vegar undanþágu frá þessum reikningsskilareglum og er eina knattspyrnusambandið sem fær slíka undanþágu. Reikningsskilareglur KSÍ eru á þann veg að keyptir leikmenn eru eignfærðir með sama máta og reikningsskilareglur UEFA kveða á um. Hins vegar eru uppaldir leikmenn og leikmenn sem koma á frjálsri sölu eignfærðir samkvæmt stuðlakerfi. Stuðlakerfi KSÍ hefur verið notað frá árinu 2003 til þess að eignfæra leikmannasamninga í ársreikningum íslenskra knattspyrnuliða. Stuðlakerfið sjálft á hins vegur rætur að rekja til ársins 1990, en það hafði upprunalega annan tilgang. Í stuðlakerfinu fá leikmenn stuðul á bilinu 1-10 út frá þáttum eins og aldri, landsleikjum og leikjum í efstu deild. Stuðullinn er svo margfaldaður með 100 þúsund krónum og því getur virði leikmanns verið á bilinu 100.000-1.000.000 krónur. Markmið ritgerðarinnar var að svara þremur rannsóknarspurningum. Í fyrsta lagi, hvaða áhrif stuðlakerfið hefur á ársreikninga íslenskra knattspyrnuliða. Rannsóknin leiddi í ljós að stuðlakerfið hafði áhrif á eignir, eigið fé, afskriftir, söluhagnað/tap seldra leikmanna og ýmsar kennitölur. Í öðru lagi, hvort stuðlakerfið væri í samræmi við lög og reglur. Rannsóknin leiddi í ljós að stuðlakerfið er ekki að fullu leyti í samræmi við fjögur mismunandi ákvæði í lögum um ársreikninga og tvö mismunandi ákvæði í IAS 38 reikningsskilastaðlinum. Í þriðja lagi, hvort stuðlakerfið væri nauðsynlegt fyrir íslensk knattspyrnufélög. Rannsóknin leiddi í ljós vísbendingar um takmarkað notagildi stuðlakerfisins fyrir íslensk knattspyrnulið í nútímanum. Það er niðurstaða rannsóknarinnar að það sé tímabært að KSÍ hætti að sækja um undanþágu frá reikningsskilareglum UEFA og aðlagi sínar reikningsskilareglur að reikningsskilareglum UEFA
Á hálum ís: Samanburður á Norðurheimskauts stefnum Grænlands og Íslands fyrir og eftir árið 2020
No full textIn this thesis, the spotlight is directed towards the Arctic. Specifically on Greenland and Iceland and their Arctic Strategies. Ever-changing situations and threats in the Arctic result in the states in the area, having to stay on their toes. International cooperation in the area is important, especially in areas such as the economy, environment, culture, and security. The ice in the Arctic is melting resulting in previously impassable areas, opening. This allows more parties to access the Arctic, possibly causing changes in the Arctic dynamic and increased tensions in the area. The focus of this thesis is on Greenland´s and Iceland´s Arctic Strategies from before the year 2020 and after and they will be compared. The theory of shelter is used to analyze how these two states behave in this changing landscape of the Arctic and why they emphasize certain topics. This thesis concludes that both Greenland and Iceland changed the emphasis of their Arctic Strategies after the year 2020. Greenland and Iceland pose a possible threat from a new dynamic and increased tension in the Arctic. Greenland and Iceland are both sheltered by other larger states and international organizations. Both states emphasize certain matters in the newest version of their Arctic Strategies. These matters are particularly security and environmental issues but these issues both also affect their shelter keepers. First and foremost, Greenland and Iceland are interested in keeping themselves secure in an unreliable world.Í þessari ritgerð er sjónum beint að Norðurheimskautinu. Nánar tiltekið að Grænlandi og Íslandi og þeirra Norðurheimskauts stefnum. Síbreytilegar aðstæður og ógnir á Norðurheimskautinu valda því að ríkin á svæðinu þurfa að vera á tánum. Alþjóðleg samvinna á svæðinu er mikilvæg í málaflokkum líkt og efnahagsmálum, umhverfismálum, menningarmálum og öryggismálum. Ísinn á Norðurheimskautinu eru að bráðna sem opnar áður ófær svæði. Þetta hleypir fleiri aðilum að svæðinu sem getur breytt dínamík og spennu Norðurheimskautsins. Skoðaðar verða Norðurheimskauts stefnur bæði Grænlands og Íslands frá því fyrir árið 2020 annarsvegar og eftir árið 2020 hinsvegar og þær bornar saman. Skjólskenningin varpar ljósi á það hvernig ríkin tvö haga sér í þessum breytilegu aðstæðum Norðurheimskautisins og hvers vegna þau leggja áherslu á ákveðin málefni. Niðurstöður ritgerðarinnar er að bæði Grænland og Ísland breyttu áherslum í Norðurheimskauts stefnum þeirra eftir árið 2020. Grænlandi og Íslandi stafar möguleg ógn af nýrri dínamík og aukinni spennu á Norðurheimskautinu. Grænland og Ísland eru bæði í skjóli hjá öðrum ríkjum og alþjóðlegum stofnunum. Ríkin leggja áherslu á ákveðnar breytingar í nýjustu útgáfum sínum af stefnunum. Þetta eru sérstaklega öryggismál og umhverfismál en þessi málefni hafa einnig áhrif á skjólveitendur þeirra. Fyrst og fremst hafa Grænland og Ísland áhuga á að halda sér sjálfum öruggum í ótraustum heimi
Samband nálgunarhraða og kiðvægis snemma í stöðufasa við hraðar íþróttahreyfingar hjá stelpum í stefnubreytingaríþróttum: Þversniðsrannsókn um lífaflfræðilega þætti krossbandaslita
No full textInngangur: Slit á ACL eru alvarleg íþróttameiðsl en algengast er að áverkinn verði snemma í stöðufasa við hraðar íþróttahreyfingar. Aukin tíðni ACL slita sést þar sem hraði íþrótta er mikill en svo virðist sem ungar íþróttakonur í hröðum íþróttum séu í mestri áhættu á slitum. Kiðvægi í hné eykur strekk á ACL og hefur þar af leiðandi verið rannsakað í tengslum við meiðslin. Nálgunarhraði virðist auka kiðvægi en í þessari rannsókn verður samband nálgunarhraða og kiðvægis skoðað snemma í stöðufasa í hröðum íþróttahreyfingum hjá stelpum í stefnubreytingaríþróttum. Einnig verður nálgunarhraði og kiðvægi borið saman á milli þátttakenda sem hafa slitið ACL og þátttakenda sem hafa ekki slitið.
Aðferðir: Þessi lífaflfræðilega þversniðsrannsókn notaðist við 12 myndavéla hreyfiföngunarbúnaður og kraftplötu við mælingar sem fóru fram á Rannsóknarstofu í endurhæfingar- og hreyfivísinum við Háskóla Íslands. Þátttakendur rannsóknarinnar voru 13 stelpur á aldrinum 15-22 ára sem voru virkar í stefnubreytingaríþróttum og framkvæmdu þær fjórar hreyfingar; einfætt fallstökk, gabbhreyfingu án atrennu, gabbhreyfingu með atrennu og hliðarskrefum 10 sinnum á hvorn fót. Að auki fengust gögn frá 10 þátttakendum úr fyrri rannsókn. Gagnaúrvinnsla fór fram í Visual3D. Fundið var hæsta gildi kiðvægis á fyrstu 80 ms stöðufasa og meðalhraði þungamiðju módels síðustu 100 ms fyrir stöðufasa fótar. Blönduð líkön voru notuð við tilgátuprófun og miðuðust marktektarmörk við p < 0,05.
Niðurstöður: Kiðvægi fyrstu 80 ms stöðufasa jókst með auknum nálgunarhraða 100 ms fyrir stöðufasa (p= < ,001 og 95% ÖM 0,190 til 0,440). Niðurstöður sýndu hvorki mun á nálgunarhraða (p= 0,851 og 95% ÖM -0,0846 til 0,1026) né á kiðvægi (p= 0,980 og 95% ÖM - 0,200 til 0,205) milli þátttakenda sem höfðu slitið ACL og þeirra sem höfðu ekki slitið ACL. Víxlhrif sýndu hins vegar að nálgunarhraði var lægri hjá ACL hópnum í gabbhreyfingu með atrennu (p= < ,001 og 95% ÖM -0,4829 til 0,2457). Víxlhrif sýndu einnig að kiðvægi var lægra hjá ACL hópnum í gabbhreyfingu með atrennu (p= ,001 og 95% ÖM -1,486 til -0,5562).
Ályktanir: Kiðvægi eykst með nálgunarhraða, óháð ACL sögu en einstaklingar með sögu um ACL slit virðast fara hægar í hraðari stefnubreytingar. Gabbhreyfing án atrennu gæti nýst til að greina áhættu á ACL slitum áður en hraði hreyfinga eykst
Innleiðing reglna til framkvæmda: Innleiðing fyrirmæla ríkissaksóknara nr. 3/2018 í starf rannsakenda í ofbeldisbrotum gegn fötluðu fólki
No full textÞessi ritgerð fjallar um innleiðingu fyrirmæla ríkissaksóknara nr. 3/2018 við rannsókn kynferðisbrota þar sem fatlað fólk á í hlut. Metið er hvernig fyrirmælin hafa áhrif á verklag, fræðslu og réttaröryggi í ljósi samnings Sameinuðu þjóðanna um réttindi fatlaðs fólks (SRFF) og laga nr. 88/2008 um meðferð sakamála. Beitt er eigindlegri rannsóknaraðferð sem byggir á formlegum fyrirspurnum til stofnana, einu viðtali og greiningu á gögnum, vefsíðum og námskrám. Niðurstöður benda til blandaðrar, að mestu leyti „bottom-up“ innleiðingar þar sem starfsmenn í framlínu móta framkvæmd fyrirmælanna á ólíkan hátt. Ástæður eru m.a. skortur á leiðbeiningum, takmörkuð fræðsla og skortur á stöðluðum verkfærum fyrir rannsóknaraðila, einkum þegar kemur að viðeigandi aðlögun. Afleiðingin er ójöfn gæði rannsókna og misjafnt réttaröryggi fatlaðs fólks. Fræðilegt framlag ritgerðarinnar felst í því að samþætta top-down og bottom-up nálganir við líkan Matlands um óvissu og átök til að skýra breytileika í innleiðingu. Hagnýtt framlag hennar er framkvæmanleg verkfærakista sem felur í sér markvissa símenntun, samhæft samstarf lögreglu, ákæruvalds og stoðkerfa fatlaðs fólks, stöðluð úrræði um viðeigandi aðlögun á öllum stigum rannsóknar og lykilmælikvarða með virku eftirliti til að tryggja gæði og jafnræði fyrir lögum. Heildarniðurstaðan er sú að lykilatriði í að tryggja jöfn tækifæri til réttlætis í kynferðisbrotamálum þar sem fatlað fólk á í hlut felst ekki aðeins í setningu nýrra reglna heldur í því að loka því bil sem er á milli stefnumótunar og framkvæmdar.This thesis examines the implementation of the Director of Public Prosecutions’ directive no. 3/2018 in investigations of sexual offences involving disabled people. It evaluates the directive’s effects on practice, training, and legal certainty in light of the UN Convention on the Rights of Persons with Disabilities (CRPD) and Iceland’s act No. 88/2008 on criminal procedure. A qualitative design is used, combining official queries to agencies, one interview, and analysis of documents, websites and curricula. Findings indicate a mixed, predominantly bottom‑up implementation, street‑level staff shape the directive’s application in uneven ways due to gaps in guidance, limited training, and a lack of standardized tools for investigators, especially regarding reasonable accommodation. This produces variation in investigative quality and in the legal security afforded to disabled people. The thesis contributes theoretically by integrating top‑down and bottom‑up perspectives with Matland’s ambiguity conflict model to explain implementation variance. Its practical contribution is an actionable toolkit: structured continuing education, coordinated collaboration between the police, prosecution, and disability support systems; standardized reasonable‑accommodation tools throughout the investigative process; and KPIs with active oversight that assess quality and equality before the law. Overall, the study indicates that closing the implementation gap, rather than issuing new rules alone, is critical to securing equal access to justice in sexual offence cases involving disabled people