Buckinghamshire New University
Not a member yet
17928 research outputs found
Sort by
Korsdrag
No full textLike the music and rhythm that inhabits a dancer, the architecture encourages its inhabitants to channel their emotions into movement. Applying to the interaction between leader and follower, whether in tango, horse-riding or architecture, the presence of mind required to the partner, the rhythm, and the own movements reduces ruminations about the anxiety-inducing past or future. The set design echoes the tension and fluidity of dance – the push and pull of characters adapting to a home away from their past. Characters nourish their soul with the people they love and soothe their mind in their own reclusion. Fresh air carries intimacy into spaces shaped by the emotional weight of love, loss, and the fragile state of belonging
Symptoms of Burnout Among University Teachers in Iceland: Risk factors in the work environment
No full textMarkmið rannsóknarinnar var að kanna einkenni kulnunar meðal háskólakennara sem og að skoða áhrif starfsumhverfis og starfsaðstæðna á einkenni kulnunar. Auk bakgrunnsbreyta (kyns, aldurs og fjárhagsstöðu) voru skoðaðir fjórir áhrifaþættir sem fyrri rannsóknir benda til að gætu verið áhættuþættir kulnunar, en hafa ekki áður verið kannaðir meðal íslenskra háskólakennara: Magn vinnu, togstreita milli starfsþátta (s.s., milli tíma og orku sem fer í rannsóknir, kennslu og aðra starfsþætti), upplifuð sanngirni innan stofnunar og jafnvægi vinnu og einkalífs. Netkönnun var lögð fyrir allt akademískt félagsfólk í Félagi háskólakennara (FH), Félagi háskólakennara á Akureyri (FHA) og Félagi prófessora við ríkisháskóla (FPR). Svör bárust frá 505 þátttakendum (47% svarhlutfall) og tilgátur prófaðar með stigveldisaðhvarfsgreiningu og óháðu t-prófi.
Heilt yfir sýndu niðurstöðurnar að kulnun er verulegt vandamál innan háskólasamfélagsins; 40,6% þátttakenda mældust með mikil eða mjög mikil einkenni kulnunar. Líkt og spáð var mældust konur með meiri einkenni kulnunar en karlar. Einkenni kulnunar voru meiri á meðal þeirra sem voru yngri sem og þeirra sem glíma við erfiða fjárhagsstöðu. Eins og var spáð tengdist aukið magn vinnu auknum einkennum kulnunar. Því var einnig spáð, og það staðfest, að meiri togstreita starfsþátta tengdist meiri einkennum kulnunar. Enn fremur gerðu tilgátur ráð fyrir því að aukið ójafnvægi milli vinnu og einkalífs og upplifun á ósanngirni innan stofnunarinnar spáði fyrir um meiri einkenni kulnunar. Þær tilgátur voru staðfestar. Sömuleiðis sýndi stigveldis- aðhvarfsgreiningin að þrjár síðast nefndu breyturnar sem taka til misræmis eða togstreitu á vinnustaðnum (togstreita starfsþátta, upplifuð sanngirni og jafnvægi vinnu og einkalífs) höfðu marktæk áhrif á kulnunareinkenni þegar stjórnað hafði verið fyrir öllum öðrum breytum. Það líkan hafði einnig besta forspárgildið líkt og spáð var. Þessum þáttum ætti því að gefa sérstakan gaum í frekari rannsóknum og aðgerðum háskólanna vegna kulnunar. Niðurstöðurnar benda til að nauðsynlegt sé að bæta vinnuskilyrði háskólakennara og vinna gegn kulnun í starfsstéttinni.
Lykilorð: Kulnun, háskólar, sanngirni, álag, jafnvægi, togstreita.The aim of the study was to examine the characteristics of burnout among university teachers and to investigate the impact of work environment and working conditions on burnout symptoms. In addition to background variables (gender, age, and financial status), four influencing factors were explored that previous studies suggest could be risk factors for burnout but have not been previously examined among Icelandic university teachers: workload, role conflict (e.g., between the time and energy dedicated to research, teaching, and other work-related tasks), perceived fairness within the institution, and work-life balance. An online survey was distributed to all academic members of the Icelandic Association of University Teachers (FH), the Association of University Teachers in Akureyri (FHA), and the State University Professors' Union (FPR). Responses were received from 505 participants (47% response rate), and hypotheses were tested using hierarchical regression analysis and independent t-tests.
Overall, the findings revealed that burnout is a significant issue within the university community; 40.6% of participants reported high or very high levels of burnout symptoms. As predicted, women reported higher levels of burnout symptoms than men, burnout symptoms were higher among younger individuals and those experiencing financial difficulties. As predicted, higher workload was associated with increased burnout symptoms. It was also confirmed that greater role conflict was linked to more pronounced burnout symptoms. Furthermore, it was hypothesized, and supported by the data, that greater imbalance between work and personal life, as well as perceptions of unfairness within the institution, predicted higher levels of burnout symptoms. The hierarchical regression analysis also demonstrated that the three measures assessing discrepancies or conflicts (role conflict, perceived fairness within the institution, and work-life balance) had significant effects on burnout symptoms, even when controlling for all other variables. This model also had the best predictive value, as hypothesized. Therefore, these factors should be given special attention in further research and in institutional measures addressing burnout. The results suggest that it is essential to improve working conditions for university teachers and take steps to mitigate burnout in this profession.
Keywords: Burnout, University, workload, role conflict, perceived fairness, work-life balanc
Ástandsgreining spenna
No full textÞessi rannsókn fjallar um ástandsgreiningu á aflspenni fyrir og eftir þjónstuskoðun. Rannsóknin sameinar greiningaaðferðir á olíu- og gassýnum sem tekin voru úr spenninum og framkvæmdar mælingar ásamt almennri þjónustuskoðun spennisins sem gerð er til að meta ástand hans á bæði að innan og af utan. Um er að ræða 10MVA aflspenni sem er rekstri hjá RARIK í Vík í Mýrdal. Gögnum er safnað og metin í samstarfi við RST Net og eru borin saman við staðla frá IEEE og IEC. Niðurstöður eftir framkvæmda þjónustuskoðun og úrbætur sýna lækkun gasmyndunar, bætingu á einangrunargildi olíunar og engar vísbendingar um aflögun íhluta spennisins.
Það mælist minni raki en þó er hugsanlega einhver raki áfram til staðar í pappírseinangrun.
Samantekið hefur þjónstuskoðunin haft jákvæð áhrif á áreiðanleika og ástand spennisins. Niðurstöður sýna mikilvægi svona ástandsgreiningar og reglulegrar þjónustuskoðunar til að tryggja öruggan og hagkvæman rekstur raforkukerfisins
Samanburður milli kviðsjár- og þjarkaaðgerða við ristilpokabólgu (diverticulitis)
No full textInngangur: Aðgerðir vegna ristilpokabólgu geta verið framkvæmdar með opinni tækni, kviðsjá eða þjarka. Með tilkomu kviðsjár hefur árangur aðgerða við ristilpokabólgu breyst til batnaðar samanborið við opnar aðgerðir þegar litið er til bata sjúklinga og legutíma. Þrátt fyrir kosti og tækniframfarir sem komið hafa með þjarka, hefur ekki verið sýnt fram á yfirburði þess samanborið við hefðbundnar kviðsjáraðgerðir við ristilbrottnám.
Markmið: Markmið þessarar rannsóknar er að skoða valaðgerðir vegna ristilpokabólgu í þjarka og kviðsjá á Landspítala og bera saman árangur og kostnað þessara tveggja aðgerðartegunda.
Efniviður og aðferðir: Framkvæmd var afturskyggn ferilrannsókn. Upplýsingar um sjúklinga sem fóru í vinstra ristilbrottnám vegna ristilpokabólgu á tímabilinu 2021 til 2025 voru fengnar úr sjúkrasögukerfi og aðgerðakerfi (ORBIT) Landspítala. Breytur voru skráðar í excel og unnin var tölfræðivinnsla í forritinu R.
Niðurstöður: Alls fóru 112 sjúklingar í valaðgerð vegna ristilpokabólgu, þar af 54 í þjarka og 58 í kviðsjá. Niðurstöður rannsóknar sýndu marktækt lægri tíðni fylgikvilla eftir aðgerð í þjarka samanborið við kviðsjá (17% sbr 35%, p=0,016, OR=0,20) og einnig skemmri tíma þar til hafðar voru hægðir eða loft losað eftir aðgerð (1,4 dagar sbr 2,0 dagar, p=0,003). Marktækur munur var einnig á aðgerðartíma (185 ± 55 mín í þjarka sbr. 158 ± 50 mín í kviðsjá, p=0,006). Ekki fannst marktækur munur á breytingu í opna aðgerð (p=0,14, OR=0,17), né lengd spítaladvalar (p=0,76). Heildarkostnaður var svipaður milli þjarka og kviðsjáraðgerða (3.970.276 kr í þjarka sbr. 3.848.020 kr í kviðsjá).
Umræður: Þessi rannsókn sýnir að notkun þjarka við valaðgerðir vegna ristilpokabólgu geti leitt til betri árangurs samanborið við kviðsjá, einkum þegar horft er til fylgikvilla aðgerðar og bata sjúklinga. Aðgerðartími í þjarka er lengri en virðist ekki auka kostnað við þessar aðgerðir. Þessar niðurstöður styðja frekari notkun þjarka við valaðgerðir vegna ristilpokabólgu
"It's Just the Duty of Every Company to Give Back": The Role of Corporate Social Responsibility in Strategy and Marketing
No full textSamfélagsleg ábyrgð er orðin mikilvægur þáttur í rekstri fyrirtækja í dag. Fyrirtæki standa frammi fyrir auknum kröfum frá neytendum, starfsmönnum og öðrum hagsmunaaðilum um að vera virkur þátttakandi í samfélaginu og sýna ábyrgð í sínu starfi. Samfélagsleg ábyrgð felur í sér að fyrirtæki gangi lengra en lagalegar skyldur sem á þeim hvíla og vinni að málefnum sem hafa jákvæð áhrif á samfélagið og hagsmunaaðila þeirra. Með þessum kröfum hafa fyrirtæki lagt aukna áherslu á samfélagsleg verkefni í stefnumótun og markaðsstarfi sínu.
Markmið rannsóknarinnar var að skoða hvernig íslensk fyrirtæki innleiða samfélagslega ábyrgð í stefnumótun og markaðsaðgerðir fyrirtækjanna. Þá var einnig skoðað hvernig fyrirtækin nota samfélagslega ábyrgð til að styrkja tengsl sín við neytendur, samfélagið og starfsmenn fyrirtækisins. Framkvæmd var eigindleg rannsókn þar sem byggt var á viðtölum við tíu markaðsstjóra íslenskra fyrirtækja. Viðtölin veittu innsýn inn í störf og viðhorf þeirra til samfélagslegrar ábyrgðar og hvernig hún hefur verið innleidd í stefnu og markaðsaðgerðir fyrirtækjanna.
Niðurstöður rannsóknarinnar sýna að samfélagsleg ábyrgð er orðin mikilvægur þáttur í stefnumótun og markaðsstarfi íslenskra fyrirtækja. Þá er hún notuð til að auka traust og bæta tengsl þeirra við hagsmunaaðila ásamt því að byggja upp ímynd þeirra. Fyrirtæki nýta sér góðgerðatengda- og styrktaraðilamarkaðsetningu til þess að bæta tengsl sín við samfélagið, neytendur og aðra hagsmunaaðila. Þessar aðferðir eru notaðar til þess að tengja vörumerkin við samfélagsleg málefni sem leiðir til meira trausts og betri ímyndar fyrir fyrirtækin.
Þá sýndu niðurstöðurnar einnig fram á að fyrirtæki nota samfélagslega ábyrgð til að efla innri tengsl sín. Með samfélagslegum verkefnum geta þau aukið þátttöku starfsmanna innanhúss og bætt fyrirtækjamenningu þess. Þetta leiðir til aukinnar starfsánægju og getur haft áhrif á trúverðugleika fyrirtækisins, bæði innan þess og út í samfélaginu.
Þá kom fram að fyrirtækin þurfa að vanda til verka þegar kemur að vali á samfélagslegum verkefnum. Það þarf að tryggja að verkefnin hafa samfélagslegt virði en ekki einungis markaðslegt virði fyrir þau. Því þurfa fyrirtækin einnig að tryggja að samfélagsleg ábyrgð sé hluti af stefnu og menningu þess til þess að ná langtíma árangri með verkefnum sínum
„Eruð þið að fylgja mér eða eruð þið að fylgja barninu mínu?“ : viðhorf íslenskra áhrifavalda til myndbirtinga barna á samfélagsmiðlum
No full textNotkun samfélagsmiðla hefur aukist verulega á undanförnum árum og hefur sú þróun haft margvísleg áhrif á samfélagið. Með þessari auknu notkun hefur myndbirtingum á netinu einnig fjölgað. Í dag birta flestir einstaklingar myndir af sér eða sínum nánustu á eigin samfélagsmiðlum, þó í mismiklu magni. Í kjölfar þessa hefur orðið til nýr starfsferill: áhrifavaldur. Þeir hafa tekjur af samfélagsmiðlum, oft í gegnum samstarf við ýmis fyrirtæki. Hluti af þeirra starfsemi felst oft í því að birta efni sem nær til fjölskyldulífsins, þar með talið myndefni af börnum sínum, ýmist í tengslum við daglegt líf eða í markaðslegum tilgangi. Birtingar af börnum á samfélagsmiðlum vekja upp fjölda siðferðilegra spurninga, sérstaklega þegar horft er til aukinnar umræðu um rétt barna í stafrænu rými. Því þótti áhugavert að skoða sjónarmið áhrifavalda nánar, í ljósi þess valds sem þeir hafa yfir birtingu slíkra upplýsinga. Til að nálgast viðfangsefnið var framkvæmd eigindleg rannsókn þar sem tekin voru viðtöl við sex áhrifavalda á Íslandi. Niðurstöðurnar leiddu í ljós að viðmælendur voru almennt meðvitaðir um þá áhættu sem fylgir því að birta myndir af börnum sínum fyrir stórum fylgjendahópi á samfélagsmiðlum. Þeir lýstu varfærni og íhugun í kringum slíkar birtingar og margir höfðu mótað sér ákveðnar reglur og mörk. Þrátt fyrir að vera meðvituð um áhættuna, birta flestir viðmælendur samt sem áður myndir af börnum sínum. Þetta sýnir að um tvíræðni er að ræða í svörum viðmælenda; þeir vilja sýna ábyrgð en finna sig jafnframt knúna til að deila upplýsingum um sig og börnin sín. Svör viðmælenda sýndu einnig að ákall er eftir skýrari reglum hvað varðar myndbirtingar af börnum á samfélagsmiðlum.
Lykilhugtök: samfélagsmiðlar, áhrifavaldar, börn, myndbirtingar, öryggi barna.The use of social media has increased significantly in recent years, and this development has had many different effects on society. With this increased use, the number of photos posted online has also increased, and today most individuals post photos of themselves or their loved ones on their social media accounts, some more than others. As a result, a new career has emerged: influencers. They earn income from social media and often through collaborations with companies. Part of their work involves posting content that relates to family life, including images of their children, either in connection with daily life or for marketing purposes. Posts of children on social media raise a number of ethical questions, especially when considering the increased discussion about children's rights in the digital space. Therefore, it could be interesting to explore the perspectives of influencers in more detail, considering the power they have over the publication of such information. To approach the subject, a qualitative study was conducted in which interviews were conducted with six influencers in Iceland. The results revealed that the interviewees were generally aware of the risks involved in posting photos of their children to a large following on social media. They expressed caution and consideration around such postings, and many had established certain rules and boundaries. Despite being aware of the risks, most respondents still posted photos of their children. This shows that there is an ambiguity in the respondents’ responses; they want to show responsibility but also feel compelled to share information about themselves and their children. Their responses also showed that there is a call for more clear rules regarding posting photos of children on social media
Mjúkvald í höndum máva: listþvætti sem tól til jákvæðrar ímyndarsköpunar fyrir efnahagshrunið 2008
No full textHér verður hugtakið listþvætti rannsakað út frá styrkveitingum til menningarmála á góðærisárunum fyrir efnahagshrunið 2008. Rýnt er í íslenska stjórnmálasögu út frá þeirri einka- og markaðsvæðingu sem einkenndi tímabilið með það í huga hvaða áhrif þær breytingar höfðu á
starfsumhverfi íslenskra myndlistarmanna.
Markmið ritgerðarinnar er að gera grein fyrir því hvort og hvernig mögulegt listþvætti kunni að hafa birst á tímabilinu með hliðsjón af þeim aðilum sem iðkuðu styrkveitingar til lista. Í ritgerðinni eru tekin fyrir dæmi um viðskiptahætti þeirra einkaaðila og fyrirtækja sem sýndu
menningu og listum hvað mesta velgjörð. Helstu niðurstöður ritgerðarinnar eru þær að vissulega megi flokka styrkveitingar ákveðinna aðila sem listþvætti, eða í það minnsta sem tól til jákvæðrar ímyndarsköpunar.
Lykilorð: listkostun, listþvætti, ímyndarsköpun, góðæri, efnahagshrun, einkavæðing, styrkveitingar
Áhrif beinnar kennslu og fimiþjálfunar með félagalestri á lesfimi nemenda
No full textÁgrip
Á undanförnum árum hefur nemendum í sérkennslu fjölgað verulega og nú er svo komið að um 34% grunnskólanemenda fá sérkennslu af einhverju tagi. Talið er að um 7,3–21% grunnskólanemenda glími við einhvers konar lestrartengdan vanda, sem skýrir að hluta þessa auknu þörf fyrir sértækan stuðning í námi. Markmið aðgerðaáætlunar nýrrar menntastefnu er að tryggja öllum nemendum aðgang að heildstæðri skólaþjónustu þar sem lögð er áhersla á þrepaskiptan stuðning sem styður bæði við nám og almenna velferð barna og ungmenna. Með þrepaskiptum stuðningi ættu um 95% nemenda að fá kennslu innan almenns bekkjarstarfs sem veitt er af bekkjarkennara. Það er því mikilvægt að skólar beiti þrepaskiptum stuðningi á markvissan og skilvirkan hátt svo hægt sé að veita nemendum einstaklingsmiðaða aðstoð, áður en þörf er á sértæku inngripi af hendi sérkennara.
Tilgangur þessarar rannsóknar var að skoða hvort lestrarkennsla sem framkvæmd var með félagalestri í hringekju, þar sem stuðst var við gagnreyndar aðferðir beinnar kennslu og fimiþjálfunar, leiddi til bættrar lesfimi nemenda. Þátttakendur í rannsókninni voru 14 nemendur af miðstigi grunnskóla, sjö í tilraunahópi og sjö í samanburðarhópi. Staðlað lesfimipróf Menntamálastofnunar var lagt fyrir nemendur í upphafi og við lok rannsóknar til að meta hvort og hve miklar framfarir urðu á lesfimi þeirra á íhlutunarskeiðinu.
Niðurstöður rannsóknarinnar sýna að lesfimi tilraunahóps jókst marktækt meira en samanburðarhóps með inngripinu. Það bendir til þess að lestrarkennsla sem sameinar aðferðir beinnar kennslu og fimiþjálfunar í gegnum félagalestur sé áhrifarík leið til að efla lesfimi nemenda. Niðurstöðurnar undirstrika mikilvægi þess að gagnreyndum kennsluaðferðum sé beitt í lestrarkennslu, sem stuðla að jöfnum tækifærum barna til náms. Þær geta jafnframt veitt kennurum upplýsingar um árangursríkar kennsluaðferðir og þannig geta þær nýst sem leiðarljós við þróun árangursríkrar lestrarkennslu, í þeim tilgangi að tryggja öllum nemendum aðgang að markvissri gæðakennslu sem stutt getur við farsælt nám til framtíðar
Auðlindaákvæði í stjórnarskrá. Réttaráhrif á eignarréttarlega stöðu aflaheimilda
No full textÍ ritgerðinni er fjallað um hvaða áhrif stjórnarskrárfesting auðlindaákvæðis hefði á eignarréttarlega stöðu úthlutaðra heimilda til auðlindanýtingar. Lögð er áhersla á þá meginreglu sem hefur mótast í réttarframkvæmd og löggjöf, að slík heimild sé afturkallanleg og háð lagaheimild, en ekki varanleg eign í hefðbundnum skilningi. Gerð er grein fyrir merkingu hugtaksins þjóðareign og þeirri gagnrýni sem komið hefur fram á notkun þess, auk þess sem rýnt er í þróun lagasetningar og stjórnskipulegra tillagna sem fela í sér aðkallandi skýringar á réttarlegu inntaki slíks ákvæðis. Þá er greint frá því hvernig stjórnarskrárfesting gæti haft áhrif á lagagrundvöll úthlutunar, framsals og gjaldtöku vegna nýtingar, og dregnar fram helstu niðurstöður um afmörkun heimilda löggjafans til breytinga á úthlutunarfyrirkomulagi. Jafnframt er rýnt í nýlegt frumvarp um veiðigjöld og sett í samhengi við þær meginstefnur sem koma fram í stjórnarskrárfrumvarpi forsætisráðherra frá árinu 2021
Við getum alltaf gert betur: Aðgerðir sveitarfélaga til að styðja við inngildingu barna af erlendum uppruna í tómstundastarfi
No full textÍ þessu verkefni er athygli beint að aðgerðum sveitarfélaga á Íslandi til þess að styðja við inngildingu barna af erlendum uppruna í tómstundastarfi. Í starfi mínu sem leiðbeinandi í félagsmiðstöð hef ég rekið mig á að þau börn virðast síður sækja tómstunda- og félagsstarf utan skóla en aðrir jafnaldrar þeirra. Markmiðið með verkefninu er að bæta þar úr með því að skoða þær aðgerðir sem sveitarfélög hafa ráðist í til þess að styðja við inngildingu þessa hóps í tómstundastarfi og jafnframt að velta því upp hvernig hægt sé að gera betur í þessum málaflokki. Um er að ræða eigindlega rannsókn þar sem tekin voru viðtöl við þrjá sérfræðinga á sviði tómstunda í þremur mismunandi sveitarfélögum. Viðtölin voru þemagreind og efni þeirra tekið saman í fjögur meginþemu. Þar kemur í ljós að inngildarstefna sveitarfélaga virðist vera óljós eða ekki fyrir hendi, frístundastyrkur hefur mikilvægu hlutverki að gegna, ráðist hefur verið í ýmsar sértækar aðgerðir til þess að styðja við inngildingu barna af erlendum uppruna en viðmælendur sjá fjölbreytt tækifæri til þess að gera betur í þeim efnum. Vonir standa til að niðurstöður rannsóknarinnar opni augu fólks fyrir mikilvægi þess að öll börn upplifi að þau geti tekið þátt í tómstundastarfi og við sem samfélag beitum okkur fyrir markvissum aðgerðum til þess að svo megi verða