Buckinghamshire New University
Not a member yet
17928 research outputs found
Sort by
Misnotkun málsmeðferðarreglna: Birtingarmynd misnotkunar í íslensku einkamálaréttarfari og úrræði dómstóla til að sporna gegn henni
No full textÁ ýmsum sviðum lögfræðinnar hefur komið upp ágreiningur um hvort reglur réttarins hafi verið misnotaðar. Hugmyndafræðina að baki misnotkun réttinda má rekja til Frakklands, en þar var fyrst tekist á um fyrir dómstólum hvort hægt væri að misnota eignarrétt sinn. Í dag er að finna fjölda fræðiskrifa um misnotkun réttinda á öðrum sviðum lögfræðinnar og dómsmálum hefur fjölgað þar sem tekist er á um hvort um misnotkun réttinda sé að ræða.
Meðal þeirra réttarsviða sem taka á þessari hugmyndafræði er einkamálaréttarfar og má finna fjölda reglna á því sviði sem snúa að því hvernig dómstólum og öðrum málsaðilum beri að haga sér. Auk þeirra reglna byggir rétturinn einnig að miklu leyti á meginreglum, sem ætlað er að tryggja að málsaðilar fái sanngjarna, vandaða og skjóta málsmeðferð.
Í þessari ritgerð verður kannað hvernig misnotkun réttinda getur birst á sviði einkamálaréttarfars auk þess sem skoðað er hvort íslenskir dómstólar hafi næg úrræði til að takast á við misnotkun. Þrátt fyrir að málsaðilar njóti mikilvægra réttinda, á grundvelli meginreglna og annarra réttarheimilda, á meðan á málsmeðferð stendur, er spurning hvort annar málsaðili geti notið svo mikilla réttinda að réttindi gagnaðila hans skerðist.
Í ritgerðinni er einnig áhersla lögð á þær meginreglur einkamálaréttarfars sem hvað erfiðast getur verið að tryggja fyllilega við málsmeðferð, en þar takast á annars vegar meginreglan um hraða málsmeðferð og hins vegar meginreglan um málsforræði aðila. Leitað verður svara við því hvenær um raunverulega misnotkun er að ræða, einnig hvernig dómstólar túlka samspil áðurnefndra meginreglna og hvaða réttarreglna dómstólar gætu litið til komi til misnotkunar. Að lokum verður metið hvort tilefni sé til að innleiða eða lögfesta önnur úrræði sem gætu tekist á við misnotkun
„Þetta gerir starfið okkar svo miklu meira heillandi.“ Áhrif hæglætis í starfi
No full textÍ þessari rannsókn er fjallað um hvernig hæglæti birtist í leikskólastarfi og áhrif þess á starfsánægju og vellíðan starfsfólks. Eigindleg rannsókn var framkvæmd með viðtölum við tíu starfsmenn leikskóla sem tekur þátt í þróunarverkefni um hæglæti. Niðurstöður sýna að innleiðing hæglætis hefur haft jákvæð áhrif á starfsumhverfið, með markvissri endurskipulagningu á álagspunktum eins og fataherbergi, matartíma og hvíld. Hæglæti hefur dregið úr streitu, aukið starfsánægju og skapað rými fyrir dýpri samskipti við börn og samstarfsfólk. Hugtakið er orðið hluti af daglegu orðfæri, sem auðveldar samræðu um streitu á vinnustað. Starfsfólk lýsir breyttri upplifun af leikskólastarfinu, þar sem streita og álag eru ekki lengur talin óhjákvæmilegur hluti starfsins. Rannsóknin leiðir í ljós að mikil sjálfsábyrgð felst í hæglæti í starfi, þar sem hver starfsmaður þarf að vera meðvitaður um eigin líðan og vinnuaðferðir til að geta innleitt breytingar á eigin vinnulagi og viðmóti. Þessi aukna sjálfsmeðvitund stuðlar einnig að betra jafnvægi milli vinnu og einkalífs. Rannsóknin sýnir jafnframt að hæglæti fellur vel að hugmyndafræði flæðis sem leikskólinn hefur áður tileinkað sér, og er í raun forsenda þess að bæði börn og starfsfólk nái flæðisástandi í leik og starfi. Virk þátttaka stjórnenda og samvinna allra starfsmanna reynast vera lykilþættir í árangursríkri innleiðingu. Áskoranir felast meðal annars í því að ekki allt starfsfólk er komið jafn langt í að tileinka sér hugmyndafræðina og ytri þættir eins og undirmönnun geta haft áhrif á möguleika þess að innleiða hæglæti. Rannsóknin bendir til þess að hæglæti geti verið verðmæt nálgun fyrir leikskóla og aðra vinnustaði til að draga úr kulnun, auka starfsánægju og bæta gæði starfsins í heild
Íslensk þjóðlög í tónmenntastofunni. Heimasíða með fróðleik og verkefnum fyrir tónmenntakennara.
No full textMeð lokaverkefninu Íslensk þjóðlög í tónmenntastofunni — heimasíða með fróðleik og verk-efnum fyrir tónmenntakennara gerir höfundur markvissa tilraun til að skapa aðgengilega uppsprettu verkefna og hugmynda sem tónmenntakennarar geta nýtt sér í kennslu á íslenskum þjóðlagaarfi með nemendum á grunnskólaaldri. Íslensk þjóðlög ættu með réttu að vera eðlilegur og skyldubundinn þáttur í tónmenntakennslu á Íslandi, en þeim hefur ekki verið gert hátt undir höfði í aðalnámskrám undanfarinna áratuga. Framboð af námsefni um íslensk þjóðlög er af skornum skammti og ekkert námsefni er til sem alfarið fjallar um þau. Rætt er um íslensk þjóðlög, það rof sem átti sér stað í tónlistarsögunni á Íslandi og endur-vakningu hefðarinnar. Á heimasíðunni eru hugmyndir að fjölbreyttum verkefnum, útsetningar fyrir skólahljóðfæri, auðlesinn fróðleikur um íslensk þjóðlög og fjöldi tengla á ítarefni sem finna má á netinu. Með útsetningunum fylgja hefðbundnar nótur, prentefni með einfaldri nótnaskrift til að einfalda innlögn, hljóðskrá og MuseScore-skrá til að kennarar geti aðlagað útsetningarnar að sinni kennslu. Með flestum útsetningum og verkefnum fylgja hugmyndir að kveikjum, umræðupunktum, aukaverkefnum og upphitunum. Öll verkefnin eru tengd hæfniviðmiðum úr aðalnámskrá
Hvernig nýtist tómstunda- og félagsmálafræðingur í vímuefnameðferð fyrir fullorðna einstaklinga? Hugmyndir og nálgun
No full textÍ þessu lokaverkefni til BA gráðu í tómstunda- og félagsmálafræði verður skoðað hlutverk tómstunda- og félagsmálafræðings sem úrræði í vímuefnameðferð fyrir fullorðna einstaklinga. Vímuefnavandi er flókinn sjúkdómur og þróast í samspili á milli ólíkra þátta sem hefur áhrif á líf einstaklingsins og því er mikilvægt að skoða hvernig tómstundir og tómstundaráðgjöf geti átt þátt í að stuðla að árangursríkum bata. Meginmarkmið þessarar ritgerðar er að skoða hvernig má nýta tómstundir, tómstundamenntun og tómstundaráðgjöf sem verkfæri fyrir einstaklinga með vímuefnavanda, hvernig tómstundafræðingurinn getur stuðst við þessi verkfæri í bataferlinu og þannig orðið hluti af meðferðaráætlunni. Niðurstöður sýna að tómstundamenntun, tómstundaráðgjöf og skipulögð tómstundastarfsemi geta gegnt lykilhlutverki í að hjálpa einstaklingum að endurbyggja sjálfsmynd sína og finna ný áhugamál sem geta virkað sem heilbrigðar leiðir til að takast á við þá streitu sem fylgir því að vera í bata og í leiðinni forðast vímuefni. Tómstundir geta verið bjargráð í því að betrun eigi sér stað hjá einstaklingum með vímuefnavanda og geta stutt við persónulegan vöxt þeirra, bæði í vímuefnameðferð og eftir að henni lýkur. Vonir mínar eru þær að með þessu verkefni sé verið að bæta stöðu þekkingar á mikilvægi tómstunda og hvernig tómstundafræðingar geta stutt við bataferli þeirra sem eru í vímuefnameðferð.
Lykilhugtök: Vímuefnavandi, tómstundamenntun, tómstundaráðgjöf, tómstundir, tómstundabjargi
Íþróttir og einhverfa : fræðileg samantekt og hagnýtt efni fyrir þjálfara
No full textTilgangur þessarar ritgerðar er að fjalla um einstaklinga með einhverfu og þroskahömlun og ávinning og áskoranir í íþróttum. Skoðuð verður þjálfun einhverfra ásamt upplifun og þekkingu þjálfara. Þörfin fyrir gagnlegt, aðgengilegt og hagnýtt efni fyrir þjálfara verður könnuð. Markmið verkefnisins er að draga saman fræðilega þekkingu og niðurstöður rannsókna þessu tengt. Í framhaldinu útbúa bæklinga sem styðja þjálfara í að aðlaga æfingar, bæta samskipti og umhverfi að þörfum einstaklinga. Hannaðir verða sex bæklingar með mismunandi áherslum, meðal annars um samskipti, skipulag, mikilvægi hreyfingar og ytri áreiti. Upplifun þjálfara er að þeir hafi ekki nógu mikla þekkingu og reynslu þegar kemur að þjálfun þessa hóps. Það styður mikilvægi þess að þróa þurfi skýr og aðgengileg fræðslugögn sem auka skilning þeirra. Vonast er til að bæklingarnir styðji við þjálfara, sem vinna með einhverfum einstaklingum, og stuðla þannig að aukinni þátttöku þessa hóps í íþróttum og bæta þannig lífsgæði, heilsu og félagslega stöðu þeirra
Þögla þrekraunin: Þvagleki hjá konum í fimleikum á Íslandi
No full textBackground: Urinary incontinence (UI) is a common condition among women and is also frequently reported in female athletes. Studies conducted around Europe reveal that up to 80% of women who exercise at high levels experience UI during high-impact exercises and daily activities. Only a few studies have been done in Iceland about UI in athletes. The aim of this study is to quantify the prevalence and severity of UI among female gymnasts in Iceland.
Methods: This was a cross-sectional study in which information about participants was gathered using a questionnaire on UI (ICIQ-UI SF), supplemented with further questions on background information and questions related to the sport. Participants were all women born in 2010 or earlier who participated in team gymnastics (TeamGym) in Iceland.
Results: The study revealed a high prevalence (83%) of UI among our participants (N=30). All participants experienced stress urinary incontinence (SUI) during gymnastics; however, one individual presented with mixed urinary incontinence (MUI). They primarily experienced UI during tumbling activities, followed by trampoline and warm-up. Despite the widespread occurrence of UI, many gymnasts reported limited education or awareness about the pelvic floor (56.7%) and UI (33.3%). This lack of knowledge highlights a critical gap in addressing this condition within the gymnastics community.
Conclusion: Urinary incontinence is a prevalent but underrecognized issue among female gymnasts. The findings emphasize the need for targeted interventions, such as pelvic floor muscle training, to strengthen the pelvic floor and reduce leakage episodes. Additionally, increasing education and awareness about UI among gymnasts, coaches, and healthcare providers is essential to mitigate its effects.Bakgrunnur: Þvagleki er algengt vandamál á meðal kvenna. Algengt er að konur sem stunda íþróttir upplifi einkenni þvagleka. Rannsóknir víða um Evrópu sýna fram á að allt að 80% kvenna sem æfa íþróttir af miklum krafti upplifi þvagleka við æfingar en einnig við daglegar athafnir. Ekki hafa verið gerðar margar rannsóknir hérlendis sem kanna algengi þvagleka hjá íþróttakonum. Markmið rannsóknarinnar var að afla tölulegra upplýsinga um algengi og alvarleika þvagleka hjá konum sem stunda fimleika á Íslandi.
Aðferð: Rannsóknin er þversniðsrannsókn þar sem upplýsingum um þátttakendur var aflað með spurningalista um þvagleka (ICIQ-UI SF). Auk hans voru viðbótarspurningar lagðar fyrir þátttakendur þar sem spurt var um bakgrunnsupplýsingar auk spurninga sem tengjast íþróttinni. Þátttakendur voru konur, fæddar 2010 eða fyrr, sem æfa hópfimleika á Íslandi.
Niðurstöður: Niðurstöður rannsóknarinnar leiddu í ljós háa tíðni (83%) þvagleka meðal kvenna sem stunda fimleika á Íslandi (N=30). Allar höfðu einkenni áreynsluþvagleka fyrir utan eina sem hafði einkenni blandaðs þvagleka. Hæsta tíðni þvagleka var á dýnustökki, þar á eftir var trampólín og að lokum upphitun. Helmingur (56.7%) hafði fengið fræðslu um grindarbotninn en einungis þriðjungur (33.3%) hafði fengið einhverja fræðslu um þvagleka. Þessi skortur á þekkingu undirstrikar mikilvægi þess að takast á við þetta vandamál innan fimleikahreyfingarinnar.
Ályktun: Þvagleki er algengt og vangreint vandamál sem konur sem stunda fimleika glíma við. Niðurstöður þessarar rannsóknar undirstrika mikilvægi þess að þjálfarar, iðkendur og aðrir fagmenn átti sig á umfangi vandamálsins og viti hvaða leiða er hægt að leita til að minnka einkenni
Aðlögun ættleiddra barna frá Kína í vestrænum menningarheimi: Mótun félagslegra tengsla, menningarleg upplifun og sjálfsmynd
No full textRitgerð þessi er lokaverkefni til BA-prófs við félagsráðgjafadeild Háskóla Íslands. Ritgerðin fjallar um aðlögun ættleiddra barna, með sérstaka áherslu á börn ættleidd frá Kína til vestrænna samfélaga og hvernig tvímenningarleg félagsmótun og sjálfsmynd mótast í þessu ferli. Markmið ritgerðarinnar var að varpa ljósi á hvernig þessi börn samþætta menningarlegan uppruna sinn við nýja menningu í nýju landi Og hvaða áhrif það hefur á sjálfsmynd og félagslega aðlögun eftir ættleiðingu barnanna. Ritgerðin byggir á fræðilegum kenningum um tvímenningarlega félagsmótun og tengslamyndun samkvæmt kenningu John Bowlby, sem leggur áherslu á að örugg tengsl við foreldra og aðra umönnunaraðila séu grundvöllur tilfinningalegs öryggis og félagslegrar aðlögunar. Niðurstöður ritgerðarinnar sýna að þótt tvímenningarlegt uppeldi geti valdið innri togstreitu, þá stuðlar virkur stuðningur ættleiðingarfjölskyldna og samfélagsins að því að börn þrói með sér sterka og heilbrigða sjálfsmynd. Auk þess kemur fram að þróun tvímenningarlegrar sjálfsmyndar sé lykilþáttur í aðlögun kínverskra ættleiddra barna, þar sem þau þurfa að sameina uppruna sinn og menningu ættleiðingarlandsins til að mynda samræmda sjálfsmynd. Á sama tíma er traust tengslamyndun við ættleiðingarfjölskyldu og umhverfi nauðsynleg fyrir tilfinningalega og félagslega vellíðan barna í aðlögunarferlinu
Nursing care for patients with increased intracranial pressure: Nursing diagnoses and nursing interventions mapped to ICNP.
No full textBakgrunnur: Aukinn innankúpuþrýstingur er lífeðlisfræðilegt ástand sem verður til þegar rúmmál heilavefs, blóðflæðis og/eða heila- og mænuvökva eykst innan höfuðkúpunnar umfram það sem eðlilegt þykir. Hjúkrunarfræðingar gegna lykilhlutverki við að meta ástand sjúklings og bregðast við breytingum. Meginmarkmið hjúkrunar eru að bæta horfur sjúklingahópsins ásamt því að koma í veg fyrir óafturkræfan skaða á heila- og taugakerfi og jafnvel andlát.
Tilgangur: Tilgangur verkefnisins var tvíþættur: a) að greina og samþætta rannsóknarniðurstöður um hjúkrun sjúklinga með aukinn innankúpuþrýsting, orsakir, einkenni og helstu hjúkrunarviðfangsefni út frá núverandi þekkingu og b) að kanna samsvörun hjúkrunargreininga og hjúkrunarmeðferða fyrir sjúklinga með aukinn innankúpuþrýsting við alþjóðlega hjúkrunarflokkunarkerfið ICNP.
Aðferð: Framkvæmd var fræðileg samantekt með leit í gagnsöfnum PubMed og Web of Science auk snjóboltaleitar. Rannsóknarspurningar og leitarstrengir voru mótuð með hliðsjón af PICOTS aðferðinni. Ferli heimildaleitar var lýst með PRISMA flæðiriti. Helstu hjúkrunarviðfangsefni voru færð yfir í ICNP gagnagrunn. Til að meta samræmingu hugtaka var notast við fjögur þrep, þar sem 1=fullkomin vörpun yfir í 4=engin samsvörun.
Niðurstöður: Alls runnu 12 greinar inn í samantektina. Hjúkrunarviðfangsefnin fólu í sér kerfisbundið mat og eftirlit með lífeðlisfræðilegum þáttum sem tengdust sjúklingahópnum. Hjúkrunarfræðingar ættu að nota staðlaða matskvarða og sérhæfð mælitæki til að hafa nákvæmt eftirlit með sjúklingum með aukinn innankúpuþrýsting. Alls voru skilgreindar 31 hjúkrunargreining og 55 hjúkrunarmeðferðir. Af hjúkrunargreiningunum voru 90% (n=28) annað hvort í fullkominni eða merkingarlegri vörpun í ICNP, en 3% (n=1) voru án samsvörunar. Varðandi hjúkrunarmeðferðir var fullkomin eða merkingarleg vörpun 58% (n=32) en 2% (n=1) voru án samsvörunar við ICNP.
Ályktun: Þekking hjúkrunarfræðinga á lífeðlisfræði heilans er nauðsynleg til að veita sjúklingum með aukinn innankúpuþrýsting sérhæfða og gagnreynda hjúkrun. Slík þekking stuðlar að auknu öryggi, árangursríkari meðferð og betri horfum. Helstu verkefni hjúkrunarfræðinga fela í sér mat og eftirlit með starfsemi heila- og taugakerfis ásamt fyrirbyggingu, skipulagningu og skráningu. Rannsóknir um aukinn innankúpuþrýsting eru einkum um læknisfræðilegar meðferðir og almennt er skortur á heildrænum hjúkrunarrannsóknum. ICNP vörpunin var að mestu fullkomin en skýrar leiðbeiningar og innleiðing ICNP hugtakanna „blóðflæði til heila“ og „aukinn þvagútskilnaður“ munu styrkja gagnreynda og samfellda hjúkrun.
Lykilorð: ICNP, aukinn innankúpuþrýstingur, hjúkrunarviðfangsefni, hjúkrunargreiningar, hjúkrunarmeðferðir, einkenni og orsakir.Background: Increased intracranial pressure is a physiological condition that occurs when the volume of brain tissue, blood flow, and/or cerebrospinal fluid within the skull increases beyond normal limits. Nurses play a crucial role in assessing patient's condition and responding to changes. The primary goals of nursing are to improve the patients' prognosis and prevent irreversible brain and/or nervous system damage and even death.
Purpose: The project had a twofold purpose: a) to analyze and synthesize research on the nursing care of patients with increased intracranial pressure, causes, symptoms, and key nursing tasks based on current knowledge and b) to examine the alignment of nursing diagnoses and treatments for patients with increased intracranial pressure with the international classification system ICNP.
Method: A literature review was conducted using the databases PubMed and Web of Science, along with snowball sampling. Research questions and search strings were developed based on the PICOTS method. The literature search process was described using a PRISMA flow diagram. The main nursing tasks were transferred to the ICNP database. A four-step scale was used to assess the agreement of concepts, with 1=full alignment to 4=no alignment.
Results: A total of 12 articles were included in the review. The nursing tasks involved systematic assessment and monitoring of physiological factors relevant to the patient group. Nurses should use standardized assessment scales and specialized measuring devices to monitor patients with increased intracranial pressure. In total, 31 nursing diagnoses and 55 nursing interventions were defined. Of the nursing diagnoses, 90% (n=28) were either in complete or meaningful alignment with the ICNP, while 3% (n=1) were found to have no alignment. When it comes to nursing interventions, complete or meaningful mapping was 58% (n=32), while 2% (n=1) were without alignment with the ICNP.
Conclusion: Nurses' knowledge of brain physiology is essential to provide specialized and evidence-based nursing care to patients with increased intracranial pressure. Such knowledge contributes to increased safety, better treatment, and prognosis. The main tasks include assessment and monitoring of the brain and nervous system, as well as prevention, planning, and recording. Research on increased intracranial pressure is primarily focused on medical treatments, and there is a general lack of holistic nursing research. The ICNP mapping was largely in alignment. Clear guidelines and the implementation of the ICNP concepts of "cerebral blood flow" and "increased urine output" will strengthen continuity in evidence-based nursing care.
Key words: ICNP, increased intracranial pressure, nursing tasks, nursing diagnoses, nursing treatments, symptoms and causes
Verðmat á Brim hf.
No full textBrim hf. er meðal stærstu sjávarútvegsfyrirtækja á Íslandi og er skráð á aðalmarkað Nasdaq OMX Iceland. Félagið á sér langa sögu í íslenskum sjávarútvegi og gegnir lykilhlutverki í veiðum, vinnslu og útflutningi á sjávarafurðum. Brim hf. varð til í núverandi mynd árið 2018 eftir sameiningu HB Granda og Ögurvíkur, en saga þess nær mun lengra aftur. Brim rekur bæði eigin fiskiskip og vinnslustöðvar og hefur sterka stöðu á mörkuðum bæði innanlands og erlendis. Rannsóknarefni þessarar ritgerðar er að reikna út virði eins hlutar í Brim hf. á matsdegi 30.12.2024 með verðmatsaðferðum og meta áhrif af hækkun veiðigjalda. Í ritgerðinni verður stuðst við þrjár verðmatsaðferðir: núvirta sjóðstreymisgreiningu, kennitölugreiningu og næmnigreiningu. Með því að beita þessum aðferðum er markmiðið að meta raunvirði hlutabréfa í Brim miðað við fyrirliggjandi rekstrartölur, framtíðarhorfur og ytri markaðsaðstæður á matsdegi. Niðurstaða verðmatsins sýnir að virði eins hlutar í Brim hf. á matsdegi 30.12.2024 sé 70,70 krónur miðað við núverandi rekstrarumhverfi. Í annarri sviðsmynd, þar sem gert er ráð fyrir áhrifum nýs lagafrumvarps um hækkun veiðigjalda og aukins rekstrarkostnaðar, er virði hlutarins metið á 63,82 krónur
The Evaluation of Barði’s Theories on the Origin of Icelanders: “Can Icelanders trace their Origins to the Heruli tribe?”
No full textAccording to the Sagas and Landnámabók the origin of Icelanders were Norwegian settlers and Irish slaves. In the early 20th century this theory was challenged by Barði Guðmundsson. This alternative hypothesis became a popular idea in Iceland and can be seen throughout the 20th and early 21st century in media and online discussions. During the 1930’s Barði begins by making cultural comparisons between Iceland settlers and Norwegians and concludes that the Icelandic cultural heritage is too distinct from that of Norwegians that there must be another group of people which the Icelandic settlers have originated from. By tracing the cultural inheritance of the Icelanders and tracing to descriptions and migrations of Germanic tribes he concludes Icelanders are of Heruli descent, distinct from Norwegians. In this thesis I will begin to outline his key comparative arguments between Norwegian and Icelandic and partly Irish cultural behaviours. In the subsequent chapters I have established criteria and predictions to evaluate each argument against both ancient and modern sources. Overall, since the theory was first put forward almost 90 years ago more knowledge has come forward, most notably with the advancement of technology in genome sequencing. Combining modern research with ancient sources the current conclusion can only be that the evidence provided by Barði does not hold against modern and contemporary evidence and the criteria put forward in this thesis