Buckinghamshire New University
Not a member yet
17928 research outputs found
Sort by
Öldur afkimanna / Waves of Extremity
No full textThis thesis is a reflective report exploring the preparations, research and methods implemented in the professional integration project Öldur afkimanna / Waves of Extremity. A short film where the soundtrack is the dominant driving force and narrator. In the following chapters, the relationship between music and film will be dissected as well as improvisation as an artistic method in multiple mediums and within creative steps. Academic theories regarding film history, horror theory and ecology will be explored in relation to this project, as well as the DIY aesthetic and methodology. My artistic background and current practice leading to this project will also be addressed and inspected, in addition to choices made in relation to sibling artworks. Experimentality, extremity, mystery and improvisation are key terms is this thesis, uncovering the artistic currents that collide and veer at the extremity of the unknown
Einn fyrir alla - allir fyrir einn: Beiting innbyrðis háðs hópstykringarskilmála til að draga úr símanotkun framhaldsskólanema í lífsleikni kennslustundum
No full textSímanotkun nemenda í kennslustundum hefur verið áberandi í umræðunni síðustu árin og hefur mikið verið rætt um að banna síma í skólum. Rannsóknir sem hafa verið gerðar á símabönnum sýna fram á að símabönn hafi ekki verið að skila eftirsóknarverðum árangri í bættri námsframmistöðu nemenda. Í þessari rannsókn var skoðað hvort hægt væri að fá nemendur til þess að velja að geyma símana í símabanka út kennslustund með því að beita innbyrðis háðum hópstyrkingarskilmála ásamt einstaklingsbundnum styrkingarskilmála. Þátttakendur í rannsókninni voru kennari við framhaldsskóla á höfuðborgarsvæðinu og tveir nemendahópar hans á fyrsta ári sem voru í lífsleiknikennslustundum hjá honum. Annar hópurinn samanstóð af 23 nemendum en hinn hópurinn samanstóð af 19 nemendum, 42 nemendur í heildina. Margfalt grunnskeiðssnið með innbyggðu ABA sniði var notað til þess að meta áhrif inngripsins. Nemendur sem völdu að taka þátt settu síma sína í símabanka á borði kennarans og var þátttaka þeirra skráð. Kennarinn sá um að telja síma og skrá þátttöku. Út frá niðurstöðum má álykta að inngripið hafi haft áhrif á símanotkun nemenda en meðalþátttaka hjá hópunum tveimur var yfir 90%. Til að styrkja þessa ályktun enn frekar ætti að endurtaka rannsóknina, jafvel með það í huga að reyna að skilgreina betur hver lágmarks umbun þarf að vera til að ná sambærilegan árangur.
Lykilorð: Símanotkun unglinga, framhaldsskóli, innbyrðis háður hópskilmáli, val, jákvæð styking, margfalt grunnskeiðssnið
Upplýsingamiðlun á internetinu fyrir einhverft fólk: Vefsíða um taugafjölbreytta upplýsingahönnun
No full textEinhverft fólk á oft erfitt samband við bæði félags- og heilbrigðiskerfið, þar sem ekki er gert ráð fyrir þeirra upplifun. Kerfið krefst þess oft að fólk aðlagist aðstæðum sem eru kvíðavaldandi og sýnir ekki hæfilega virðingu fyrir taugafjölbreytni. Með því að bæta upplýsingaflæði og hönnun á upplýsingum er hægt að draga úr kvíða hjá einhverfu fólki. Þetta verkefni skoðar hvernig hægt er að bæta þeirra upplifun, með því að breyta upplýsingahönnun á netinu. Verkefnið er kennsluvefur ásamt greinagerð, með dæmum um hvernig má breyta upplýsingamiðlun á internetinu til þess að bæta aðgengi fyrir einhverft fólk og draga úr kvíða. Þetta viðfangsefni hefur ekki fengi mikla athygli þó að upplýsingagjöf sé mikilvæg fyrir einhverft fólk eins og rannsóknir sýna. Einhverft fólk þarf almennt séð einnig meiri stuðning frá heilbrigðis- og félagskerfinu og er með mun sterkari kvíðamynstur sem getur haft áhrif á þátttöku þeirra og sambönd þeirra við þjónustuveitendur. Þó að þetta gagnist öllum þá eru þessar hönnunarlausnir sérstaklega hugsaðar fyrir fólk sem er ekki í búsetu, með lítil eða engin stuðningsúrræði, og oft ekki með einhverfu greiningu. Undirstaðan að þessum vef er áfallamiðuð nálgun, þar sem áhersla er á þjónustu sem ber virðingu fyrir áfalla og kvíðasögu þjónustuþega. Þar með beinist kennslan að því að auka vitund á kvíðamynstri sem myndast hjá einhverfu fólki, ásamt því að veita gagnleg dæmi til þess að skilja hvernig betur má móta upplýsingar fyrir taugafjölbreytni samfélagsins
The patient education process: Identification of concepts and mapping to ICNP
No full textBakgrunnur: Sjúklingafræðsla er mikilvæg hjúkrunarmeðferð sem getur stutt við sjálfsumönnun sjúklinga og haft áhrif á árangur meðferðar og heilsu. Sjúklingafræðsluferlið skiptist í forkönnun, skipulagningu, framkvæmd og mat og þarf að skrá hvern hluta þess en sjúklingafræðsla er oft illa eða ekkert skráð. ICNP er staðlað flokkunarkerfi í hjúkrunarfræði og stefnt er á að innleiða það í rafrænt sjúkraskrárkerfi hér á landi. Ekki er vitað hvernig ICNP hentar til skráningar á sjúklingafræðslu samkvæmt sjúklingafræðsluferlinu. Tilgangur: Að auðkenna þau hugtök í klínískum leiðbeiningum um sjúklingafræðslu sem flokkast undir sjúklingafræðsluferlið og kanna hvernig þessi hugtök varpast yfir í ICNP. Aðferð: Verkefnið var lýsandi þróunarverkefni um skráningu sjúklingafræðsluferlisins með áherslu á sjálfsumönnun. Meginþættir ferlisins samkvæmt klínískum leiðbeiningum um skipulagningu og framkvæmd sjúklingafræðslu frá Landspítala voru notaðir við auðkenningu á hugtökum. Hugtökin voru borin saman við gagnagrunn ICNP frá 2019 sem inniheldur um 4500 hugtök og var skoðað samræmi á milli hugtaka í klínískum leiðbeiningum og ICNP flokkunarkerfisins. Hugtökin voru flokkuð í 4 þrep: 1) fullkomin vörpun, 2) merkingarleg vörpun, 3) vörpun að hluta til eða 4) engin samsvörun við gagnagrunn ICNP.
Niðurstöður: Alls voru auðkennd 91 hugtak sem tilheyra sjúklingafræðsluferlinu. Af 26 hugtökum sem féllu undir forkönnun voru 69,2% (n=18) með vörpun að hluta til eða enga samsvörun við ICNP. Af 40 hugtökum sem tilheyrðu skipulagningu voru 82,5% (n=33) með vörpun að hluta til eða enga samsvörun við ICNP. Af 15 hugtökum sem tilheyrðu framkvæmd var 86,7% (n =13) með vörpun að hluta til eða enga samsvörun við ICNP. Af 10 hugtökum sem féllu undir matið voru 100% (n=10) með vörpun að hluta til eða enga samsvörun við ICNP.
Ályktun: Sjúklingafræðsla er mikilvæg hjúkrunarmeðferð til að stuðla að hæfni sjúklinga í eigin meðferð og sjálfsumönnun þeirra. Skilningur á þáttum sjúklingafræðslu er nauðsynlegur til að framkvæmd hennar sem og skráning sé fullnægjandi og skýr. Niðurstöður gefa til kynna að hugtök í ICNP ná illa yfir hugtök sjúklingafræðsluferlisins og nái ekki að mæta þörfum hjúkrunarfræðinga við skráningu á því.
Lykilorð: Hjúkrunarskráning, sjúklingafræðsla, sjúklingafræðsluferlið, sjálfsumönnun, staðlað fagmál og ICNP.Background: Patient education is an important nursing intervention that can support patient self-care and affect treatment outcomes and health. The patient education process is divided into assessment, planning, implementation and evaluation and each component of it needs to be documented but patient education is often poorly documented or not documented at all. ICNP is a standard classification system for nursing and the intention is to implement it in the electronic health record system in Iceland. It is unknown how ICNP is suitable for documenting patient education according to the patient education process.
Objective: To identify the concepts of the clinical guidelines on patient education that fall under the patient education process and investigate how these concepts map to ICNP. Methods: The project was a descriptive development project on documentation according to a patient education process with an emphasis on self-care. The main components of the process according to clinical guidelines for planning and implementing patient education from Landpítali were used to identify concepts. The concepts were compared with the ICNP database from 2019, which contains about 4500 concepts, and the correspondence between concepts in the clinical guidelines and the ICNP classification system was examined. The concepts were classified into 4 steps: 1) complete alignment, 2) semantical alignment, 3) partial alignment or 4) no alignment to ICNP.
Results: A total of 91 concepts were identified that belong to the patient education process. Of the 26 concepts that were included in the assessment, 69.2% (n=18) had partial alignment or no alignment to ICNP. Of the 40 concepts that belonged to planning, 82.5% (n=33) had partial alignment or no alignment to ICNP. Of the 15 concepts that belong to implementation 86.7% (n=13) had partial alignment or no alignment to ICNP. Of the 10 concepts that were included in the assessment, 100% (n=10) had partial alignment or no alignment to ICNP.
Conclusion: Patient education is an important nursing intervention to promote patients’ competence in their own treatment and self-care. Understanding the components of patient education is essential for its implementation and documentation to be adequate and clear. Results indicate that the concepts in ICNP poorly cover the concepts of the patient education process and fail to meet the needs of nurses when documented.
Key words: Nursing documentation, patient education, patient education process, self care, standardized nursing language and ICNP
Ást í þjóðsögum: Samanburðargreining á þremur pólskum og íslenskum sögum.
No full textÁstin er bæði algengt og áberandi mótíf í menningu, bókmenntum og listum og hefur verið um aldir. Ástin er viðfangsefni sagna um allan heim, óháð tíma og stað. Í þjóðsögum, sem miðla gildum, viðhorfum og hefðum tiltekins samfélags, hefur ást mikilvæga og sérstaka virkni. Það má skilja hana sem afl sem tengir fólk saman og styrkir félagsleg tengsl, en einnig sem uppsprettu átaka, fórna og jafnvel harmleiks. Hins vegar getur það hvernig fólk skynjar og lýsir ástinni verið mismunandi eftir menningu, sögu og því félagslega samhengi sem sögurnar urðu til í.
Markmið þessarar ritgerðar er að bera saman þema ástarinnar í völdum íslenskum og pólskum þjóðsögum til að skilja betur framsetningu ástar í ólíku menningarlegu og sögulegu samhengi. Í þessu skyni voru valdar bæði þjóðsögur og ljóð innblásin af þjóðsagnahefð beggja landa sem varpa ljósi á mismunandi andlit ástarinnar. Þjóðsögurnar frá Póllandi eru „Wars og Sawa“ og „Piparkökurnar frá Toruń“, auk ljóðsins „Świtezianka“ eftir Adam Mickiewicz. Íslensku þjóðsögurnar eru „Djákninn á Myrká“ og „Rósamunda“, auk ljóðsins „Margt er þeim að meini“ eftir Davíð Stefánsson sem er innblásið af sögum um álfa. Öll þessi verk hafa sameiginlegan þráð: ástin sem þar birtist er tengd öflum sem eru sterkari en einstaklingurinn, hvort sem átt er við náttúruleg, félagsleg eða yfirnáttúruleg öfl.
Greiningin varpar ljósi á hvernig ástin tekur á sig mismunandi myndir eftir menningarlegu, sögulegu og landfræðilegu samhengi. Í pólsku þjóðsögunum er ástin sett fram sem sameinandi afl sem byggir upp samfélagið og hvetur til hetjudáða. Í íslensku sögunum hefur hún flóknari einkenni, er oft tengd viðvörunum við hættu og ómöguleika þess að sigra hið illa. Þessi munur tengist að líkindum ólíkum frásagnarmarkmiðum: pólsku sögurnar leggja áherslu á að byggja upp von og samheldni meðal áheyrenda, sérstaklega á erfiðum stundum í sögu landsins, en íslensku sögurnar innihalda viðvaranir gegn hættum og óstöðugleika lífs og náttúru.
Í stuttu máli þá endurspegla birtingarmyndir ástarinnar í þjóðsögunum gildi, ótta og vonir tiltekins samfélags. Íslenskar og pólskar sagnir, þótt ólíkar séu í nálgun sinni á þetta mótíf, sýna hvernig ástin getur verið uppspretta bæði styrks og átaka, allt eftir því í hvaða samhengi sögurnar verða til
An Efficient Brain Extraction Method for MRI Scans with Mild to Moderate Neuropathology
No full textSkull stripping Magnetic Resonance Images (MRI) of the human brain is an important process in many images processing techniques, such as automatic segmentation of brain structures.
Numerous methods have been developed to perform this task, however, they often fail in the presence of neuropathology and can be inconsistent in defining the boundary of the brain mask. In this master thesis, we present a novel approach to skull strip T1-weighted images in a robust and efficient manner, aiming to consistently segment the outer surface
of the brain, including the sulcal Cerebrospinal Fluid (CSF), while excluding the full extent of the subarachnoid space and meninges. We train a modified version of the U-net on silver-standard ground truth data using a novel loss function based on the Signed Distance
Transform ( SDT). We validate our model both qualitatively and quantitatively using held-out data from the training dataset, as well as an independent external dataset. The brain masks used for evaluation partially or fully include the subarachnoid space, which may introduce
bias into the comparison; nonetheless, our model demonstrates strong performance on the held-out test data, achieving a consistent mean Dice similarity coefficient (DSC) of 0.96±0.6 and an average symmetric surface distance (ASSD) of 1.41mm±0.23mm. Performance on the external dataset is comparable, with a DSC of 0.96±0.6 and an ASSD of 1.65±0.21mm. Our method matches or exceeds the performance of other existing state-of-the-art methods for brain extraction, particularly in its highly consistent preservation of the brain’s outer surface.
The method will be made publicly available on GitHub
„At vide er at vokse.“ Saga lýðháskóla og áhrif á íslenska menningu
No full textÍ þessari heimildaritgerð er sjónum beint að sögu og þróun lýðháskólanna í Danmörku, með sérstakri áherslu á áhrif þeirra á íslenska menningu. Fjallað er um hugmyndafræði frumkvöðlanna N. F. S. Grundtvigs og C. Kolds, sem lögðu grunn að lýðháskóla hreyfingunni með nýstárlegum hugmyndum um almenna menntun og áherslu á að skólarnir væru vettvangur uppljómunar og vakningar, þar sem nemendur lærðu í gegnum lifandi kennslu. Ritgerðin dregur fram hvernig lýðháskólarnir urðu vettvangur fyrir samfélagsvitund og virka þátttöku nemenda, sérstaklega í ljósi þeirra stjórnmálaátaka sem einkenndu danskt samfélag á 19. öld. Greint er frá útbreiðslu lýðháskóla hreyfingarinnar til annarra Norðurlanda og víðar, þar á meðal Íslands og skoðað hvernig arfleifð hennar birtist í íslensku samfélagi. Þrátt fyrir að Ísland eigi ekki jafn ríka hefð fyrir lýðháskólum og nágrannalöndin eru áhrif hugmyndafræði Grundtvigs á íslenska menningu og menntun augljós, meðal annars í starfsemi ungmennafélaga og stofnun lýðskóla á Íslandi. Í ritgerðinni er jafnframt gerð grein fyrir kennslufræði lýðháskólanna sem byggir á virkri þátttöku nemenda, almennum samskiptum og lýðræðislegu umhverfi. Þessar áherslur endurspegla meginmarkmið hreyfingarinnar frá fyrstu tíð. Ritgerðin varpar þannig ljósi á menntunarlegt gildi lýðháskólanna og mikilvægi þeirra fyrir þróun lýðræðislegrar menntastefnu og kennsluhátta
Evaluating Actuarial Assumptions: Mortality Modeling and Demographic Analysis for Stapi Pension Fund
No full textAs the Icelandic pension system grows in size and significance, so does the need for transparency in risk management of the pension funds. This includes annual actuarial assessments of each fund and their underlying assumptions. This thesis aims to develop a mortality model tailored to Stapi Pension Fund and evaluate how well the standard actuarial assumptions on mortality rates align with Stapi-specific data. Gompertz-Makeham models were used to capture mortality rates in the Stapi population. When possible, methodology was adopted from reports by the Icelandic Actuarial Association (FÍT). The comparison indicated that FÍT models, particularly the newest iterations, might underestimate mortality rates in the Stapi population. The demographic composition of the fund was analyzed to identify trends relevant to risk management and to provide context for the findings of the mortality models. Life expectancy estimates derived from Stapi models were compared to those by FÍT, showing consistent discrepancy between the Stapi estimates and FÍT estimates. The difference in life expectancy at 60 years old, without adjusting for disability rates, was 2 years for women while it was 4 years for men. Recent research indicating a widening longevity gap based on socioeconomic factors, such as education level, might explain some of the findings but would need further investigation. Additionally, a Cox proportional hazards model and Aalen’s additive regression model were implemented to investigate the influence of key demographic variables, including gender, nationality, and occupation, on mortality rates within the Stapi population.
Although the results were consistent and plausible, limitations need to be considered. This includes refining the methods used to estimate parameters for Gompertz-Makeham models to be further aligned with FÍT and extending the modeling to include disability rates that are known to vary between funds.Eftir því sem umfang og mikilvægi íslenska lífeyriskerfisins vex, eykst þörfin á gagnsæi í áhættustýringu lífeyrissjóðanna. Þar á meðal eru árlegar tryggingafræðilegar úttektir á hverjum sjóði og þær forsendur sem liggja til grundvallar. Markmið þessarar ritgerðar var að þróa dánarlíkön byggð á gögnum frá Stapa lífeyrissjóði og meta hversu vel tryggingafræðilegar staðalforsendur um dánartíðni endurspegla reynslu sjóðsins. Gompertz-Makeham líkön byggð á gögnum frá Stapa voru þróuð, aðferðafræði var byggð á skýrslum frá félagi íslenskra tryggingastærðfræðinga (FÍT) þegar kostur var á. Niðurstöður benda til þess að líkön FÍT, þá sérstaklega nýjasta útgáfa, vanmeti dánartíðni meðal sjóðfélaga Stapa. Lýðfræðileg samsetning sjóðsins var einnig greind í þeim tilgangi að bera kennsl á þróun sem gæti gefið aukið samhengi við niðurstöður dánarlíkananna eða haft þýðingu fyrir áhættustýringu sjóðsins. Lífslíkur, sem reiknaðar voru útfrá dánarlíkönum Stapa, voru bornar saman við lífslíkur sem FÍT gefur út og sýndi samanburður mun á lífslíkum við 60 ára aldur uppá 2 ár fyrir konur og 4 ár fyrir karla. Nýlegar rannsóknir, sem benda til vaxandi mun á lífslíkum eftir félags- og efnahagslegri stöðu, svo sem menntunarstigi, gæti útskýrt hluta af þessum niðurstöðum en frekari rannsóknir eru nauðsynlegar. Til viðbótar voru Cox og Aalens líkön byggð á gögnum frá Stapa notuð til að meta áhrif kyns, þjóðernis og starfsstéttar á dánartíðni meðal sjóðfélaga Stapa.
Þrátt fyrir að niðurstöður ritgerðarinnar séu samhljóma og rými að mörgu leiti við nýlegar rannsóknir þarf að horfa til ákveðna takmarkana sem eru til staðar. Breyta mætti aðferðafræði til að samræmast enn frekar FÍT , þá helst við mat á stiklum fyrir Gompertz-Makeham líkön. Einnig væri gagnlegt að bæta inn mati á áhrifum örorku á dánartíðni, en þekkt er að tíðni örorku er ólík milli sjóða og gæti það útskýrt hluta niðurstaðna
Starfsmótun og vellíðan sérfræðinga
No full textVellíðan lýsir sér í jákvæðri upplifun einstaklinga í lífi og starfi sem og samfélaga í heild sinni. Vellíðan í starfi hefur grundvallaráhrif á árangur skipulagsheilda. Eitt af mikilvægustu verkefnum á vinnumarkaði í dag er að finna leiðir til að draga úr vanlíðan í starfi og efla virka helgun starfsfólks. Starfsmótun hefur sýnt sig að sé árangursrík leið til að efla virka helgun í starfi og styðja við vellíðan.
Markmið rannsóknarinnar var að varpa ljósi á hvað það er í starfsumhverfinu sem styður vellíðan og starfsmótun háskólamenntaðra sérfræðinga sem njóta sín í starfi. Einnig var lögð áhersla á að skoða framlag sérfræðinganna sjálfra til að efla eigin vellíðan í starfi. Til að leita svara við þessu var eftirfarandi rannsóknarspurning sett fram „Hver er reynsla háskólamenntaðra sérfræðinga, sem njóta sín í starfi, af starfsmótun og hvaða þættir styðja við vellíðan þeirra og starfsmótun?“. Gerð var eigindleg rannsókn þar sem rætt var við tíu háskólamenntaða sérfræðinga með ólíkan bakgrunn og starfa hjá mismunandi fyrirtækjum og stofnunum en eiga það sameiginlegt að njóta sín í starfi. Gögnin sem komu fram í viðtölunum voru þemagreind og fram komu þrjú meginþemu.
Niðurstöður rannsóknarinnar benda til þess að það sé samspil margra þátta sem stuðlar að starfsmótun viðmælenda og vellíðan þeirra. Einkum skiptir máli að hafa skýra ábyrgðarskyldu og stuðningi í starfi og að starfa í umhverfi sem byggist á trausti og felur í sér stuðning stjórnenda og samstarfsfólks. Þá hefur drifkraftur viðmælenda áhrif sem sýnir sig í frumkvæði þeirra og framsýnum fókus auk þess að þau hafa trú á eigin getu eða sjálfstrú. Fram kom að viðmælendur nýta sér starfsmótun, einkum til að draga úr álagi í starfi með því að breyta framkvæmd verka. Jafnframt kom fram að meirihluti þeirra hefur jafnframt hannað sín störf frá grunni, sem virðist vera nýlunda í fræðunum um hönnun starfa sem iðulega er í höndum yfirmanna. Rannsakandi setti fram tillögu að skýringarlíkani, sem byggir á niðurstöðunum og fyrri rannsóknum og lýsir samspili þriggja þátta sem styðja við vellíðan í starfi og starfsmótun. Það er 1) skýr ábyrgðarskylda, 2) stuðningur sem inniheldur sjálfræði og sálrænt öryggi auk 3) einkenna þeirra einstaklinga sem starfsmóta sem felst í frumkvæði, framsæknum fókus og sjálfstrú þeirra. Þótt ekki sé hægt að alhæfa út frá niðurstöðunum má segja að sérfræðingarnir, sem rætt var við við gerð rannsóknarinnar, njóti sín í starfi og taki ábyrgð á eigin starfi en þeir taka einnig virka ábyrgð á eigin líðan með starfsmótun. Niðurstöður rannsóknarinnar geta haft hagnýtt gildi fyrir sérfræðinga og yfirmenn þeirra til að stuðla að nærandi starfsumhverfi og efla vellíðan í starfi með starfsmótun.
Lykilhugtök: Vellíðan í starfi, starfsmótun, hönnun starfa, sérfræðingar, stuðningur, ábyrgðarskylda, traust, drifkraftur
Uppgreiðslugjöld og óverðtryggð lán með föstum vöxtum: Áhrif uppgreiðslugjalda á framboð óverðtryggðra lána með föstum vöxtum til lengri tíma
No full textÍbúðalán eru yfirleitt langtímalán og fela í sér áhættu fyrir fjármálastofnanir, meðal annars vegna vaxta-, endurfjármögnunar- og skuldaraáhættu. Í þessari ritgerð er sjónum beint að uppgreiðslugjöldum á óverðtryggðum lánum, en um er að ræða gjald sem bankar innheimta þegar lán með föstum vöxtum eru greidd upp áður en fastvaxtatímabili lýkur. Markmið rannsóknarinnar er að kanna hvort núverandi reglur um uppgreiðslugjöld hamli framboði slíkra lána til lengri tíma. Rannsóknin felur jafnframt í sér samanburð á íbúðalánamarkaði á Íslandi og erlendis, með áherslu á hvernig önnur lönd nýta uppgreiðslugjöld til að takmarka áhættu fjármálastofnana og hvort draga megi lærdóm af erlendum lánamörkuðum. Einnig er gerður samanburður á föstum og breytilegum vöxtum, í því skyni að varpa skýrara ljósi á hvernig ólík vaxtafyrirkomulög hafa áhrif á áhættu og fyrirsjáanleika fyrir bæði lánveitendur og lántakendur. Ritgerðin byggir á eigindlegri rannsókn þar sem tekin voru viðtöl við tvo sérfræðinga í bankageiranum. Viðmælendur voru sammála um að það feli í sér of mikla áhættu fyrir banka að veita óverðtryggð lán með föstum vöxtum til lengri tíma við núverandi fyrirkomulag uppgreiðslugjalda. Þeir voru jafnframt sammála um að reglurnar væru ekki eina hindrunin, en að með breyttu fyrirkomulagi væru bankarnir nær því að geta boðið slíkar vörur eins og tíðkast víða erlendis