Buckinghamshire New University
Not a member yet
17928 research outputs found
Sort by
Grafarvogskirkja við Fjörgyn
No full textLokaverkefni mitt er byggt á hönnunartillögu Dagnýjar Helgadóttur og Guðna Pálssonar á Grafarvogskirkju. Söfnuður Grafarvogs hélt samkeppni um hönnun kirkju safnaðarins árið 1989 og er þetta ein af tillögunum sem endaði ekki uppi sem sigurvegari.
Verkefnið felst í að taka tillöguna og klára fyrir hana alla fasa hönnunar sem kenndir eru í náminu og útkoman á að vera full kláruð hönnunargögn fyrir mannvirki sem stenst kröfur og reglugerðir.
Verkefnið er því fullnaðar hönnun á nýrri kirkju Grafarvogssafnaðar. Mannvirkið er staðsteypt á tveimur hæðum og rís um 19 metra frá jörð með
háum veggjum sem umlykja kirkjuskipið. Auk kirkjuskips er rými fyrir skrifstofur starfsfólks, safnaðarsalur og bókasafn í kjallara og
safnaðarheimili á 1.hæð.
Auk skýrslunnar eru fjórir viðaukar sem fylgja, A B
C og D
Árangur af aðgerðum á síugangi augans í illvígri gláku (canaloplasty)
No full textInngangur: Gláka er krónískur taugasjúkdómur í sjóntaug augans sem veldur
óafturkræfum skemmdum sem koma fram á sjónsviði og þá yfirleitt fyrst jaðarsjón. Eina sannreynda meðferð gláku er lækkun augnþrýstings. Þegar lyfja og eða leysimeðferð nægir ekki til þess að halda þrýstingnum niðri er framkvæmd þrýstingslækkandi skurðaðgerð. Markmið rannsóknarinnar er að athuga árangur aðgerða á síugang augans (Canaloplasty) á Landspítala á árunum 2013-2023.
Aðferðir: Framkvæmd var afturvirk gagnarannsókn þar sem gögnum sjúklinga sem höfðu farið í Canaloplasty á 11 ára tímabili var safnað. Breytur sem skoðaðar voru aldur, kyn, og sjúkdómsgreining. Þá var upplýsingum um augnþrýsting, sjónsvið, sjónskerpu og glákulyf safnað á mörgum tímapunktum til að meta breytingar með tilliti til tíma eftir aðgerð.
Niðurstöður: Af 77 augum í úrtakinu voru 63 einstaklingar, þar af 14 sem gengust undir aðgerð á báðum augum. Rúmur helmingur, 34 (54%) einstaklingar voru karlar. Vinstri augu voru 40 (63%). Meðalaldur var tæplega 59 ár og af þeim sem fóru í aðgerð á báðum augum rúmlega 57 ár. Í rannsókninni voru 60 með gleiðhornsgláku (POAG) og 17 með flögnunargláku (PEX). Fimm árum eftir aðgerð var 46% lækkun á augnþrýstingi og 63% lækkun á glákulyfjanotkun. Tölfræðigreining á augnþrýstingi og lyfjabreytingum mælir marktækan mun (P<0,0001) eftir aðgerð.
Umræður: Rannsóknin sýnir að Canaloplasty er góður kostur til þess að lækka
augnþrýsting og fækkar glákulyfjum án fylgikvilla annarra inngripsmeiri aðgerða.
Niðurstöður þessarar rannsóknar er í samræmi við aðrar rannsóknir sem hafa verið gerðar erlendis
Ja- og ija-stofnar nafnorð í germönsku með sérstakri áherslu á þróun þeirra í fornnorrænu
No full textMarkmið þessarar ritgerðar er að varpa ljósi á þróun karlkyns -ja- og -ija-stofna nafnorða í forngermönskum málum með sérstakri áherslu á fornnorrænu. Þessir stofnar eiga uppruna sinn í afleiddum nafnorðum með frumindóevrópsku viðskeytunum -i̯o- ásamt Sievers-afbrigði þess -ii̯o- annars vegar og -ih₂o- hins vegar. Þessi viðskeyti urðu að -ja- og -ija- í frumgermönsku en dreifing þeirra stjórnaðist af Sieverslögmáli, sem á rætur að rekja til indóevrópska frummálsins, en einnig af því sem nefnt hefur verið „viðsnúningur Sieverslögmáls“, en það er germönsk nýjung. Til að komast að hinu sanna um upprunalega orðmyndun þarf að framkvæma ýtarlega samanburðarrannsókn. Í frumgermönsku var enginn beygingarfræðilegur munur á ja- og ija-stofnum. Það eina sem greindi þá að var að ja-stofnar, sem höfðu stutt rótaratkvæði, höfðu j á undan stofnsérhljóði eða beygingarendingum (sem hófust á sérhljóði) en ija-stofnar, sem höfðu langt rótaratkvæði, höfðu ij (þ.e. sérhljóðið i ásamt skriðhljóðinu j) í sömu stöðu.
Ýmsar hljóðbreytingar ollu því að ja- og ija-stofnar þróuðu aðgreind beygingardæmi í forngermönsku málunum. Í ritgerðinni verður fjallað um þróunina í völdum germönskum málu: gotnesku, fornensku, fornsænsku og forníslensku. Í fornnorrænu málunum hafði beyging ija-stofna þróast með sama hætti en munur var á beygingu ja-stofna í austur- og vesturnorrænu. Í austurnorrænu hafði upprunaleg beyging þeirra að mestu leyti haldist en í vesturnorrænu hafði hún lagað sig að beygingu i-stofna. Í lok ritgerðarinnar er leitast við að skýra þessa þróun í vesturnorrænu (forníslensku).
Hver eru áhrif vankanta í stafrænni umbreytingu á árangur fjármálafyrirtækja? „Hvað ef ég væri að stofna alveg nýtt fjármálafyrirtæki í þessari starfsemi í dag, hvað myndi ég gera öðruvísi?“
No full textÞessi ritgerð fjallar um stafræna umbreytingu fjármálafyrirtækja með áherslu á þá vankanta sem geta komið upp í slíkum umbreytingarferlum og hvernig þeir hafa áhrif á árangur fjármálafyrirtækjanna. Í ljósi mikilla tæknibreytinga og aukinnar samkeppni, frá bæði hefðbundnum og nýjum aðilum á markaði, hafa fjármálafyrirtæki staðið frammi fyrir þrýstingi um að aðlaga sig og þróa nýjar stafrænar lausnir. Þó umbótaverkefni á sviði stafrænna umbreytinga séu orðin algeng í þessum geira, sýna rannsóknir að aðeins hluti þeirra nær tilætluðum árangri.
Markmið rannsóknarinnar var að varpa ljósi á hvaða vankantar einkenna stafræn umbreytingarferli og hvernig þeir hafa áhrif á heildarárangur. Rannsóknin byggði á eigindlegri aðferð og viðtölum við níu lykilstjórnendur í íslenskum fjármálafyrirtækjum. Greint var frá reynslu þeirra, helstu áskorunum og þeim þáttum sem stuðluðu að eða hindruðu árangursríka umbreytingu. Viðmælendur lýstu bæði tækifærum sem stafræn umbreyting opnaði og þeim hindrunum sem mættu þeim á leiðinni, svo sem óljósri stefnumótun, andstöðu starfsfólks, tæknilegum takmörkunum og skorti á þátttöku stjórnenda.
Niðurstöður leiddu í ljós að áhrif vankanta eru margvísleg og geta haft áhrif á afkomu, þjónustugæði, menningu og starfsánægju. Þar sem umbreyting var vel undirbúin, skýr stefna lá fyrir og verkefnið leitt af stjórnendum með framtíðarsýn, þá skilaði hún sér í auknu virði fyrir fyrirtækið. Hins vegar komu einnig fram dæmi þar sem skortur á samþættingu, skýrleika eða stuðningi gerði umbreytinguna erfiða eða gagnslausa.
Rannsóknin varpar ljósi á mikilvægi þess að undirbúa og framkvæma stafræn umbreytingarverkefni af nákvæmni og með góðu skipulagi. Í henni kristallast mikilvægi menningar, leiðtogahæfni og stefnumótunar sem lykilþátta í því að ná árangri. Niðurstöðurnar veita mikilvægar upplýsingar fyrir stjórnendur og stefnumótendur sem hyggjast ráðast í eða stýra stafrænum umbótaverkefnum. Með því að skilja betur áhrif vankanta má draga úr líkum á mistökum og auka líkurnar á árangri í stafrænu umhverfi sem er síbreytilegt og krefjandi.Viðskiptafræðideild hefur samþykkt lokaðan aðgang að þessari ritgerð í 2 ár
Kulnun í foreldrahlutverki: Eigindleg rannsókn á upplifun mæðra, áhættuþáttum og bjargráðum
No full textKulnun í foreldrahlutverki er tiltölulega nýlegt og vaxandi viðfangsefni innan fræðasamfélagsins. Hugtakið lýsir ástandi andlegrar og líkamlegrar örmögunar sem getur þróast í kjölfar viðvarandi álags í foreldrahlutverkinu. Markmið rannsóknarinnar var að kanna upplifun foreldra sem telja sig hafa upplifað kulnun í foreldrahlutverki, hvaða þættir stuðla að þróun kulnunar hjá þátttakendum og hvaða bjargráð og stuðningur reynast gagnleg. Rannsóknin byggði á eigindlegri aðferðarfræði og viðtölum við fimm mæður sem höfðu upplifað einkenni kulnunar á síðastliðnum tólf mánuðum en einungis konur buðu sig fram til þátttöku. Einnig var matstækið Mat á kulnun í foreldrahlutverkinu (e. Parental Burnout Assessment,(PBA) lagt fyrir þátttakendur til að greina umfang og birtingarmyndir kulnunar. Niðurstöður benda til þess að kulnun í foreldrahlutverki sé margþætt fyrirbæri sem einkennist af örmögnun, minnkaðri ánægju í foreldrahlutverkinu, tilfinningalegri fjarlægð og breyttri sjálfsmynd í foreldrahlutverkinu. Áhættu- og áhrifaþættir
tengjast bæði einstaklingsbundnum og félagslegum þáttum svo sem
fullkomnunaráráttu, skorti á stuðningi, álagi í fjölskyldulífi og samfélagslegum væntingum til foreldra. Verndandi þættir voru meðal annars félagslegur stuðningur, aukin sjálfsumhyggja og jákvæð tengsl innan fjölskyldunnar. Rannsóknin dregur fram mikilvægi þess að efla fræðslu og stuðningsúrræði fyrir foreldra og lykilhlutverk félagsráðgjafa í að greina og fyrirbyggja kulnun í foreldrahlutverki.
Niðurstöðurnar geta nýst við þróun forvarna og í faglegu starfi til að bæta líðan og velferð foreldra og barna
Steinbítur á Íslandsmiðum : áhrif árstíðabundinna veiða á lífsferil, kynjahlutföll og atferli
No full textÍ þessari ritgerð er fjallað um áhrif veiða á steinbít (Anarhichas lupus) við Íslandsmið með áherslu á hvernig árstíðabundnar veiðar og veiðiaðferðir geta skarast á við lífsferil tegundarinnar. Athygli er beint að því tímabili þar sem hængurinn gætir eggja sinna í marga mánuði án fæðu og verður því sérstaklega viðkvæmur fyrir álagi. Byggt er á greiningu gagna frá opinberum aðilum, áratugalöngum heimildum um afla og líffræðilegum þáttum er varða hegðun steinbíts í tengslum við hrygningartímabilið. Niðurstöður ritgerðarinnar benda til þess að mest sé veitt á þeim tíma árs þegar hængar eru að ljúka langri eggjavörslu og koma út úr holum sínum, einkum í mars og apríl. Veiðar á þessu tímabili geta því haft áhrif á viðkomu stofnsins og gæði aflans. Hængar reynast oftar stærri og eldri en hrygnur og birtast í meira mæli í afla á vormánuðum, sem gæti tengst bæði hegðun þeirra á þessu tímabili og notkun algengustu veiðiaðferða. Ritgerðin dregur fram mikilvægi þess að endurskoða veiðitímabil og aðferðir með hliðsjón af líffræðilegum eiginleikum steinbítsins til að stuðla að sjálfbærri nýtingu tegundarinnar til framtíðar.This essay explores the impact of fishing on Atlantic wolffish (Anarhichas lupus) in Icelandic waters, with a focus on how seasonal fishing patterns and methods may overlap with stages in the species' life cycle. Special attention is given to the period during which the male guards the eggs for several months without feeding, rendering him particularly sensitive to external pressure. The analysis is based on data from official sources, decades of catch records, and biological aspects related to wolffish behavior during and around the spawning season. The findings indicate that fishing activity peaks during the time of year when males are finishing their prolonged egg-guarding phase and begin emerging from their dens, primarily in March and April. Fishing during this period may therefore affect both the reproductive success of the population and the quality of the catch. Males tend to be larger and older than females and appear more frequently in catches during the spring months, which may relate to their seasonal behavior as well as the most commonly used fishing methods. The essay highlights the importance of reassessing the timing and techniques of fishing in relation to the biological characteristics of the wolffish, in order to support the long-term sustainable use of the species
Artificial Intelligence in Online Retailing: The Impact and Potential of Artificial Intelligence on Customer Service Experience and Loyalty
No full textGervigreind hefur á undanförnum árum orðið ein af öflugustu drifkröftum tæknibreytinga. Hún hefur gjörbreytt því hvernig fyrirtæki eiga samskipti við viðskiptavini, með því að bjóða upp á sjálfvirk samskipti, dýpri greiningu á hegðun og möguleika á sérsniðinni þjónustu. Þrátt fyrir þetta virðist innleiðing gervigreindar í íslenskum netverslunum vera skrefi á eftir því sem gerist hjá erlendum keppinautum.
Markmið þessarar rannsóknar er að skoða hvernig íslenskar netverslanir geta nýtt gervigreind til að bæta þjónustuupplifun neytenda og hvaða áhrif hún hefur á viðskiptatryggð þeirra. Til að svara rannsóknarspurningunum; Hvernig geta íslenskar netverslanir nýtt gervigreind til að bæta þjónustuupplifun neytenda?, Hvaða áhrif hefur gervigreind á viðskiptatryggð neytenda í íslenskum netverslunum?, var notast við eigindlega aðferð með viðtölum við sérfræðinga í verslun og þjónustu og megindlega aðferð í formi spurningakönnunar meðal íslenskra neytenda.
Helstu niðurstöður benda til þess að bil sé á milli sýnar er sérfræðingar hafa og upplifunar neytenda. Sérfræðingar leggja áherslu á mikilvægi persónusniðinnar þjónustu og trúa á gildi gervigreindar í að skapa sterkari tengsl við viðskiptavini. Neytendur leggja hins vegar mesta áherslu á hagnýta þætti eins og verð, afhendingartíma og virkni síunar og leitarkerfa. Persónusníðing virðist skipta neytendur litlu máli í daglegri upplifun.
Þessar niðurstöður benda til þess að íslenskar netverslanir ættu að einblína á að nýta gervigreind til að bæta þá þætti sem neytendur meta mest, til dæmis með því að bæta leitarkerfi, stytta afhendingartíma og greina eftirspurn með forspárgreiningu. Með markvissri tækninýtingu geta netverslanir aukið bæði skilvirkni og ánægju viðskiptavina, sem aftur getur haft jákvæð áhrif á viðskiptatryggð og samkeppnishæfni þeirra á íslenskum markaði.
Lykilorð: Gervigreind, netverslun, þjónustuupplifun, viðskiptatryggð, persónusniðin þjónusta og neytendaupplifunIn recent years, artificial intelligence has become one of the most powerful driving forces behind technological transformation. It has fundamentally changed how companies interact with their customers by enabling automated communication, deeper behavioral analysis, and opportunities for personalized service. Despite these advancements, the adoption of AI in Icelandic online retail appears to lag behind that of international competitors.
The aim of this study is to explore how Icelandic online retailers can utilize artificial intelligence to enhance the customer service experience and examine its impact on customer loyalty. To answer the research questions; How can Icelandic online retailers utilize artificial intelligence to enhance the customer service experience?, What impact does artificial intelligence have on customer loyalty in Icelandic online retail?, a mixed-methods approach was employed, qualitative interviews with experts in retail and customer service, and a quantitative survey conducted among Icelandic consumers.
Key findings indicate a clear gap between expert perspectives and consumer experiences. While experts emphasize the importance of personalized service and believe in AI’s potential to strengthen customer relationships, consumers place the greatest value on practical aspects such as price, delivery time, and the functionality of search and filtering systems. Personalization appears to play a limited role in their day-to-day experiences.
These results suggest that Icelandic online retailers should focus on applying AI to the areas that consumers value most, such as improving search systems, shortening delivery times, and using predictive analytics to manage demand. With targeted technological implementation, online retailers can increase both operational efficiency and customer satisfaction, which in turn may lead to greater customer loyalty and a stronger competitive position in the Icelandic market.
Keywords: Artificial Intelligence, Online Retailing, Service Experience, Customer Loyalty, Personalized Service, and Consumer Experienc
"Everyone knows I have my phone in my hand, always:" Friendship in a digital world
No full textÍ stafrænum heimi erum við tengd hvoru öðru, alltaf, en hvaða áhrif hefur það á félagslíf okkar? Rannsókn þessi skoðar áhrif nýrra stafrænna norma á vinasambönd ungs fólks í sífellt tengdari heimi. Þrátt fyrir mikilvægi efnisins í félagsfræðilegu samhengi þá er skortur á rannsóknum um stafræn norm og almennt um áhrif stafrænnar tækni á vinasambönd fólks. Markmið þessarar rannsóknar er að skilgreina þessi norm ásamt því að skoða áhrif þeirra á vinasambönd ungs fólks. Eigindlegri aðferð var beitt þar sem rýnihópaviðtal og sex einstaklingsviðtöl voru tekin við fólk á aldrinum 20-29 ára (auglýst var eftir fólki á aldrinum 18 – 30 ára). Gögnin voru síðan þemagreind. Helstu niðurstöður eru þær að stafrænir miðlar auðvelda viðhald vinasambanda með stöðugri tengingu, en skapa jafnframt nýjar áskoranir með breyttum reglum og væntingum fólks hvers til annars. Viðmælendur sýndu einnig fram á þrá í einfaldara, minna tengt líf, sem stangast þó á við þá þörf í tengingu sem samfélagsmiðlar uppfylla hratt og stöðugt. Rannsóknin veitir dýpri skilning á upplifun ungs fólks af vinasamböndum á stafrænni öld, og veitir innsýn í síbreytileg norm mannlegra samskipta.In the digital world, we are connected to each other, always, but how does that impact our social lives? This study looks at the impact of new social norms on the friendships of young people in an increasingly connected world. Despite the importance of the subject in a sociological context, there is a shortage of studies on digital norms and the general impact of digital technology on friendships. The goal of this study is to define these norms as well as look at their impact on the friendships of young people. Qualitative methods were employed where one focus group interview and six in-depth interviews were conducted with people between the age of 20-29. Thematic analysis was then used to analyze the data. The main results show that social media and smartphones facilitate friendship maintanence with constant connection, but at the same time, they create new challenges with changed rules and expectations for how people interact with one another. Interviewees also showed a desire for a simpler, less connected life. This contrasts their need for connection which social media fulfills in a fast and constant manner. The study provides a deeper understanding of young people‘s friendships in a digital age, and gives insight into the ever changing sociability and norms of human communication
Geðveikt starf
No full textGeðveikt starf er veflausn sem hefur það markmið að annars vegar nýtast starfsfólki heilbrigðisstofnunar og hins vegar skjólstæðingum hennar.
Starfsfólk getur nýtt kerfið til þess að skipuleggja einstaklings- og hópmeðferðir fyrir skjólstæðinga ásamt því að halda utan um mætingu þeirra í meðferðarúrræðin. Kerfið nýtist síðan skjólstæðingum þess þannig að þar geta þeir séð sínar upplýsingar eins og sína dagskrá og mætingu í meðferðarúrræðin.
Verkefnið var unnið í samstarfi við fyrirtækið Code Four ehf
HHI-stuðullinn : lagaleg álitaefni við mat á láréttum samrunum fyrirtækja
No full textÍ þessari ritgerð er fjallað um hvernig Samkeppniseftirlitið á Íslandi hefur beitt Herfindahl-Hirschman Index (HHI-stuðlinum) við mat á samkeppnislegum áhrifum láréttra samruna í ákvörðunum sínum sl. fimm ár. HHI-stuðullinn er viðurkennt mælitæki samþjöppunar á markaði og hefur verið mikilvægur áhrifaþáttur í niðurstöðum bandarískra og evrópskra samkeppnisyfirvalda vegna láréttra samruna. Fjallað er um uppruna og þróun stuðulsins, hvernig hann birtist í samrunareglum á Íslandi og í Evrópusambandinu og gerð er grein fyrir helstu gagnsemi og takmörkunum við notkun hans.
Megintilgangur rannsóknarinnar er að varpa ljósi á með hvaða hætti og í hvaða mæli Samkeppniseftirlitið á Íslandi hefur notast við HHI-stuðulinn við rökstuðning ákvarðana sinna vegna láréttra samruna frá árinu 2020 til ársins 2024.
Niðurstaða rannsóknarinnar bendir til þess að eftirlitið dragi ekki of miklar ályktanir af niðurstöðum HHI-mælinganna einna og sér. Rökstuðningur mælinganna samanstendur í flestum tilvikum af nákvæmum og ítarlegum greiningum á sérkennum hvers markaðar og þeirrar samkeppnisröskunar sem viðkomandi láréttur samruni gæti borið með sér. Hins vegar leiddi rannsóknin einnig í ljós að eftirlitið hafi fram að árinu 2022 ekki lagt mikla áherslu á að rökstyðja grundvöll og beitingu HHI í ákvörðunum sínum. Þar að auki sleppti eftirlitið í nokkrum þeirra tilvika að sýna með nákvæmum og ítarlegum hætti áhrif samruna á HHI-gildi, bæði fyrir og eftir hann.This thesis discusses how the Icelandic Competition Authority has applied the Herfindahl-Hirschman Index (HHI) in assessing the competitive effects of horizontal mergers in its decisions over the past five years. The HHI is a widely recognized measure of market concentration and has played a significant role in the decisions of U.S. and European competition authorities regarding horizontal mergers. The thesis covers the origin and development of the HHI, its integration into merger regulations in Iceland and the European Union, and provides an overview of its primary usefulness and limitations.
The main objective of this research is to elucidate the manner and extent to which the Icelandic Competition Authority has utilized the HHI to support its decisions on horizontal mergers from 2020 to 2024.
The findings indicate that the Authority does not overly rely solely on the outcomes of HHI measurements. Instead, its rationale typically comprises thorough and detailed analyses of market-specific characteristics and the competitive disruptions potentially arising from the relevant horizontal mergers. However, the research also revealed that up until 2022, the Authority did not place significant emphasis on explicitly justifying the basis and application of the HHI in its decisions. Furthermore, in some cases, the Authority omitted detailed presentations of how mergers impacted HHI values, both before and after their occurrence