Buckinghamshire New University
Not a member yet
17928 research outputs found
Sort by
Áhrif stýrisameinda á íferð næriþekjufrumna í heilbrigðri fylgjumyndun
No full textMeðgöngueitrun (PE) er meðgöngutengdur sjúkdómur sem kemur fram í 2-8% meðgangna á heimsvísu og er ein helsta orsök dauða meðal mæðra og fóstra. Meingerð PE er ekki að fullu þekkt en talið er að sjúkdómurinn stafi af afbrigðilegri fylgjumyndun. Við heilbrigða fylgjumyndun ráðast næriþekjufrumur að skrúfslagæð móðurinnar, skipta æðaþelsfrumum móðurinnar út og verða að sýndar-æðaþelsfrumum. Við endurmyndun á skrúfslagæðinni minnkar viðnám hennar og gegndræpi æðaþelsins eykst sem leiðir til aukins blóðflæðis til fóstursins. Ef innrás næriþekjufrumna mistekst, viðhelst viðnám æðarinnar sem eykur hættu móðurinnar á háþrýstingi og PE. Sameindalíffræðilegir ferlar sem stýra innrás næriþekjufrumna eru ekki skildir að fullu. Í þessari rannsókn var hlutverk ANGPTL4, seytts próteins, rannsakað með tilliti til innrásar næriþekjufrumna og fylgjumyndunar. Fyrri rannsóknir hafa gefið til kynna að brjóstakrabbameinsfrumur nýti TGF-β boðleiðina til að auka tjáningu ANGPTL4, sem ýtir undir meinvarpamyndun í lungum. Brjóstakrabbameinsfrumur og næriþekjufrumur deila mörgum eiginleikum, þar á meðal þurfa þær að fara í gegnum bandvefsumbreytingu þekjuvefs, verða ífarandi og hafa hæfni til að auka gegndræpi æðaþels.
Markmið rannsóknarinnar voru: (1) að kanna áhrif TGF-β boðleiðarinnar á ANGPTL4 tjáningu í næriþekjufrumum á mRNA og próteinstigi; (2) að meta líffræðileg áhrif ANGPTL4 á frumuskrið næriþekjufrumna, gegndræpi æðaþels og frumudauða í æðaþelsfrumum; og (3) að greina ANGPTL4 tjáningu in vivo í sermi- og fylgjusýnum úr mönnum, sem og í músafylgjum. In vitro rannsóknir voru framkvæmdar með HTR8/SVneo næriþekjufrumum og æðaþelsfrumum úr naflastreng (HUVECs). Mannasýni voru fengin frá þunguðum konum með og án PE. Músafylgjur voru frá músum með útslátt (e. knockout) á SMAD1/5 í æðaþelsfrumum.
Niðurstöðurnar sýndu að örvun með TGF-β eykur ANGPTL4 tjáningu í HTR8/SVneo frumum í gegnum ALK5 viðtakann. Niðursláttur (e. knockdown) á ANGPTL4 dró úr frumuskriði næriþekjufrumna. Meðhöndlun æðaþelsfrumna með ANGPTL4 truflaði skipulag viðloðunarsameinda og jók frumudauða. ANGPTL4 tjáning var greinilega lægri í fylgjum PE sjúklinga samanborið við heilbrigðar konur, með stigvaxandi lækkun eftir alvarleika sjúkdómsins. Fylgjur úr SMAD1/5 KO músum sýndu einnig minni ANGPTL4 tjáningu en viðmiðunarhópur. Þó svo að frekari rannsókna sé þörf, benda þessar niðurstöður til þess TGF-β boðleiðin ýti undir tjáningu ANGPTL4 í næriþekjufrumum og að truflun á þessari tjáningu geti átt þátt í meingerð meðgöngueitrunar.Pre-eclampsia (PE) is a pregnancy-related disorder that affects 2-8% of pregnancies worldwide and remains one of the leading causes of maternal and fetal mortality. The exact pathogenesis of PE is unknown, but it is believed to arise from abnormal placental development. During healthy placental development, trophoblast cells invade maternal spiral arteries, replacing the maternal endothelial cells and becoming pseudo-endothelial cells. This process remodels the spiral artery, reducing its resistance and increasing the permeability of the endothelium, allowing more blood flow to the fetus. If trophoblast invasion fails, the artery maintains high resistance, contributing to the risk of hypertension and PE in the mother. The molecular mechanisms underlying trophoblast invasion have not fully been revealed. This project studied the role of ANGPTL4, a secreted serum protein, in trophoblast invasion and placental development. Previous research demonstrated that breast cancer cells utilised TGF-β signalling to upregulate ANGPTL4 expression, facilitating their metastasis to the lungs. Breast cancer cells and trophoblasts share many characteristics, as both undergo epithelial-to-mesenchymal-transition, become invasive, and increase the permeability of the endothelium.
This project aimed to: (1) study the effects of the TGF-β pathway on ANGPTL4 expression in trophoblasts on mRNA and protein levels; (2) evaluate the biological effects of ANGPTL4 on trophoblast migration, endothelial permeability, and apoptosis in endothelial cells; and (3) analyse ANGPTL4 expression in vivo in human serum and placenta samples, as well as in mouse placentas. In vitro studies were conducted using HTR8/SVneo trophoblast cells and human umbilical vein endothelial cells (HUVECs). Human samples were obtained from pregnant women with and without PE. Mouse placentas were from mice with an endothelial-specific double knockout of SMAD1/5.
Our findings indicate that TGF-β stimulation significantly upregulates ANGPTL4 expression in HTR8/SVneo cells through the ALK5 receptor. The knockdown of ANGPTL4 reduced the migratory capacity of trophoblasts. Treating endothelial cells with ANGPTL4 disrupted adhesion molecules and induced apoptosis. ANGPTL4 expression was notably lower in placentas from PE patients compared to healthy controls, with levels decreasing progressively as disease severity increased. Placentas from SMAD1/5 KO mice showed decreased ANGPTL4 expression compared to controls. While further research is necessary, these findings suggest that ANGPTL4 expression is promoted by TGF-β signalling in trophoblast cells and its dysfunction may play a role in the pathogenesis of PE
Hið margbrotna samfélag: Hvað mótar viðhorf Íslendinga til innflytjenda?
No full textÍ þessari ritgerð eru viðhorf Íslendinga til innflytjenda skoðuð og hvaða þættir hafa helst áhrif á þau. Með vaxandi fjölbreytni í íslensku samfélagi, þar sem innflytjendum fer sífellt fjölgandi, er afar mikilvægt að skilja hvað mótar og breytir viðhorfum til þeirra. Það hvernig innflytjendur birtast fyrir innfæddum í samfélaginu getur haft gríðarleg áhrif á aðlögun þeirra. Um er að ræða heimildaritgerð sem byggð er á heimildum og öðrum fyrirliggjandi rannsóknum og gögnum, bæði erlendum og íslenskum. Kenningalegur grundvöllur þessarar ritgerðar er byggður á fjórum lykilkenningum: hópstöðukenningu Blumers; ógnunarkenningu Quillians; sambandskenningu Allport og kenningum Bourdieu um menningarlegt auðmagn. Rannsóknir á Íslandi sýna að þrátt fyrir það að innflytjendum hafi fjölgað hratt er viðhorf almennings til innflytjenda nokkuð jákvætt. Efnahagslegt öryggi, félagslegt traust og tengsl milli innfæddra og innflytjenda útskýrir ef til vill jákvætt viðhorf Íslendinga Aftur á móti kom fram að viðhorf voru mismunandi eftir því hvaða hópum innflytjendur tilheyrðu, þá átti þetta sérstaklega við um hópa með frábrugðnari menningarlegan bakgrunn. Niðurstöður gefa til kynna að viðhorf til innflytjenda á Íslandi mótist af ólíkum en samverkandi þáttum. Ekki aðeins af ytri þáttum, heldur einnig af persónulegri þáttum eins og stjórnmálaskoðun, menntunarstigi og persónulegum reynslu. Ljóst er að viðhorf eru mótuð af fjölbreyttum þáttum og samspili þeirra við mismunandi aðstæður samfélagsins
Loftháð og loftfirrt þol afrekskvenna í handknattleik : afkastamælingar á kvennalandsliði Íslands í handknattleik
No full textMarkmið þessarar rannsóknar var að kanna loftháða og loftfirrta afkastagetu leikmanna kvennalandsliðs Íslands í handknattleik og meta möguleg tengsl þeirra. Rannsóknin var megindleg og lýsandi þversniðsrannsókn. Þátttakendur voru 29 afrekskonur í handknattleik úr leikmannahópi landsliði Íslands. Mælingar voru gerðar á hámarkssúrefnisupptöku og loftfirrtri aflgetu. Notast var við lýsandi tölfræði og línulega aðhvarfsgreiningu. Niðurstöður sýndu að hámarkssúrefnisupptaka var að meðaltali 49,5 ml/kg/mín. Að meðaltali var hámarksafl 767,9 W og hlutfallslegt hámarksafl 10,75 W/kg. Ekki fannst marktækt samband á milli hámarkssúrefnisupptöku og hámarksafls (p = 0,404). Sambandið á milli hámarkssúrefnisupptöku og hlutfallslegs hámarksafls reyndist ekki marktækt (p = 0,613). Einnig var ekki marktækt samband á milli hámarkssúrefnisupptöku og þreytustuðuls (p = 0,483). Álykta má að ekkert samband sé á milli loftháðrar og loftfirrtrar afkastagetu hjá afrekskonum í handknattleik. Niðurstöður mælinga geta nýst sem viðmiðunargildi frekari rannsókna og við þróun markvissa þjálfunaraðferða
Rifa er ekki það sama og rifa : reynsla íslenskra kvenna af 2° spangarrifa
No full textRitgerðin er lokuð til 17.06.2026Inngangur: Allt að helmingur kvenna sem fæða barn um leggöng hljóta 2° spangarrifu, sem hefur hingað til verið talinn algengur og eðlilegur fylgikvilli slíkrar fæðingar. Nýlegar rannsóknir sýna fram á að 2° spangarrifur og fylgikvillar þeirra geti haft neikvæð áhrif á líkamlega og sálræna líðan kvenna eftir fæðingu. Tilgangur rannsóknarinnar var að kanna reynslu kvenna af þeim áhrifum sem 2° spangarrifa í fæðingu getur haft á líkamlega og sálræna líðan í kjölfar fæðingar, ásamt reynslu þeirra af þjónustu í tengslum við spangarrifur í gegnum barneignarferlið.
Efniviður og aðferðir: Rannsóknin er fyrirbærafræðileg og unnin eftir aðferð Vancouver-skólans. Tekin voru alls 13 einstaklingsviðtöl við 12 konur sem höfðu hlotið 2° spangarrifu í fæðingu og voru viðtölin síðan þemagreind.
Niðurstöður: Yfirþema rannsóknarinnar, Rifa er ekki það sama og rifa, lýsir því hversu ólík og krefjandi reynslan getur verið, hversu mikil áhrif spangarrifan getur haft á líkamlega og sálræna líðan og hversu mikla þörf konurnar hafa fyrir upplýsingar og stuðning frá ljósmæðrum og öðru heilbrigðisstarfsfólki. Alls voru greind fimm meginþemu: Hefði viljað vita meira; Enn eitt klofið að sauma; Verra en fæðingin; Vont að týna sjálfinu; og Valdaleysi og finnast maður ekki eiga kröfu um góða þjónustu. Nokkur undirþemu voru greind undir hverju meginþema.
Ályktanir: Annarrar gráðu spangarrifur geta haft djúpstæð áhrif á líkamlega, sálræna og félagslega líðan kvenna, jafnvel til langs tíma. Konur vilja aukinn stuðning og fræðslu um spangarrifur frá heilbrigðisstarfsfólki í gegnum allt barneignarferlið og eftirfylgni með spangarrifu. Konur vilja einstaklingsmiðaða þjónustu og að tekið sé mark á líðan þeirra í tengslum við spangarrifuna.Introduction: Up to half of all women who give birth vaginally sustain a second-degree perineal tear, which is considered to be a common and normal complication of childbirth. Recent studies show that second-degree perineal tears and their complications can have a negative impact on women’s well-being. The aim of this study is to explore women’s experiences of the effects that a second-degree perineal tear can have on their psychological and physical well-being as well as their experiences of healthcare services related to perineal tears.
Material and methods: This phenomenological study follows the Vancouver-School method. In total, 13 individual interviews were conducted with 12 women, who all had experienced a second-degree perineal tear at birth.
Results: The key theme identified, A tear is not the same as a tear, describes the women’s diverse and challenging experiences of a second degree perineal tear, as well as how much it can affect the women’s physical and psychological well-being, and their needs for information and support from healthcare professionals. Five main themes were identified: I wish I had known more; Just another perineal suture; Worse than the birth itself; The loss of self; and Feeling powerless regarding the need for quality postnatal care. Furthermore, a few subthemes emerged from each main theme.
Conclusion: Second degree perineal tears can have a profound impact on women‘s physical, psychological and social wellbeing, even in the longterm. Women would like more support and information related to perineal tears during the perinatal period as well as a follow-up of the perineal tear. Women want an individualized healthcare service and that their experience of the perineal-tear is acknowlegded by healthcare professionals.Ljósmæðrafélag Íslands
Hver voru áhrif Þórðar Kristleifssonar og hans verka á íslenskan kórsöng?
No full textKórsöngur á Íslandi er tiltölulega ungur ef svo má að orði komast. Pétur Guðjónsson var kennari við Lærða skólann á Bessastöðum og upp úr 1840 fór hann að æfa skólapilta í fjórradda söng og má því segja að þarna hafi orðið til fyrsti kórinn á Íslandi. Frú Olufa Finsen bjó í Reykjavík á árunum 1865 til 1882. Hún hafði góða söngrödd og spilaði einnig á hljóðfæri. Hún æfði saman söngflokk karla og kvenna sem kom fram á skemmtun sem hún stóð fyrir árið 1866 og þar mátti heyra í fyrsta sinn opinberlega í blönduðum kór. Söngur blandaðra kóra fór meira fram innan kirkjunnar en karlakórar voru flaggskip kóramenningar út á við. Útgáfa á nótnaheftum fyrir kóra var af skornum skammti en þó voru kirkjunnar menn duglegir við að gefa út bækur með rödduðum söng. Má nefna Jónas Helgason í þeim efnum og svo í lok 19. aldar gaf Bjarni Þorsteinsson út hátíðarsöngva sína. Á fyrri hluta 20. aldar voru farnir að koma fram fleiri kórar og einnig var söngkennsla í skólum. Það vantaði því tilfinnanlega bækur með alþýðulögum fyrir fjórradda söng. Bóndasonur úr Borgarfirði, Þórður Kristleifsson að nafni, var okkar helsti frumkvöðull í þeim efnum. Þórður kynntist ungur söng og kórsöng í alþýðuskóla sr. Ólafs Ólafssonar í Hjarðarholti og hélt síðan til Danmerkur og Ítalíu í söngnám. Hann varð aldrei sá söngvari sem hugur hans stóð til en þeim mun meira lét hann verkin tala þegar kom að kórsöngnum. Hann var ráðinn söng- og íslenskukennari við Héraðsskólann á Laugarvatni árið 1930 og lét strax til sín taka í söngmálum. Árið 1937 var Þórði falið á fundi félags alþýðuskólakennara að safna efni í úgáfu á bókum fyrir skóla og alþýðu. Og í framhaldinu komu út bækurnar Ljóð og lög
Factors influencing incident reporting by nurses in perioperative care
No full textÁgrip
Bakgrunnur: Skurðaðgerð er áhættusamt ferli í flóknu umhverfi þar sem stór hluti atvika í heilbrigðisþjónustu hefur átt sér stað. Þrátt fyrir mikilvægi atvikaskráningar fyrir heilbrigðisþjónustu eru vísbendingar um að þar hafi hún ekki staðið undir væntingum og hefur meðal annars lítilli þátttöku, vantrausti og efasemdum um gagnsemi hennar verið lýst. Atvikaskráning var innleidd á flestar heilbrigðisstofnanir upp úr síðustu aldamótum eftir að öryggi sjúklinga varð í brennidepli. Löng hefð er fyrir atvikaskráningu í flug- og kjarnorkuiðnaði en sú öryggismenning sem þar ríkir er drifin áfram af atvikaskráningunni. Hún ætti að vera veigamikill þáttur í starfi hjúkrunarfræðinga sem sinna aðgerðasjúklingum, þar sem þungamiðjan er að tryggja öryggi þeirra í gegnum aðgerðarferlið.
Tilgangur: Tilgangur samantektarinnar var að skoða þá þætti sem hafa áhrif á atvikaskráningu hjúkrunarfræðinga í tengslum við skurðaðgerðir.
Aðferð: Gerð var fræðileg samantekt með kögunarsniði. Heimildaleit fór fram í þremur gagnagrunnum, Pubmed, Scopus og CINAHL og var takmörkuð við greinar frá árunum 2014-2024. Helstu leitarorð voru nurse, operating room nurses, operating room, perioperative care, surgical procedures, incident report, adverse event report.
Niðurstöður: Heimildaleit skilaði 179 greinum, en 15 þeirra uppfylltu inntökuskilyrði og byggir samantektin á þeim. Um var að ræða megindlegar og eigindlegar rannsóknir, auk umbótaverkefna. Niðurstöður gáfu til kynna að fræðsla og þjálfun sem tengist bæði atvikaskráningu og sjúklingaöryggi eykur tíðni atvikaskráningar og bætir viðhorf til hennar, en þarf að endurtaka til þess að viðhalda áhrifunum. Skilvirk teymisvinna og samskipti hvöttu að sama skapi til atvikaskráningar. Aðrir þættir sem höfðu áhrif á atvikaskráningu hjúkrunarfræðinga í tengslum við skurðaðgerðir voru afleiðingar, endurgjöf, aðferðir og áherslur, stofnanamenning og styðjandi umhverfi, tilfinningar og viðhorf og stjórnendur.
Ályktanir: Endurtekin fræðsla og þjálfun er lykilþáttur í árangursríkri atvikaskráningu meðal hjúkrunarfræðinga í tengslum við skurðaðgerðir og myndi á sama tíma ýta undir sanngirnismenningu þar sem öryggi væri samofið allri heilbrigðisþjónustunni. Íhuga þarf hvort atvikaskráning í daglegu starfi aðgerðasviðs ætti fyrst og fremst að líta á sem öryggisskráningu og hverfast um næratvik. Sú nálgun endurspeglar vel kjarnann í ferlinu að öryggi sjúklinga sem vinnur stöðugt að því fyrirbyggja skaða, .
Lykilorð: Atvikaskráning, skurðaðgerðir, skurðstofur, aðgerðasvið, skurðhjúkrunarfræðingar, hjúkrunarfræðingar
Stefnumiðuð markaðsáætlun fyrir lífeyrisvörur
No full textViðfangsefni þessarar ritgerðar er að móta stefnumiðaða markaðsáætlun fyrir nýjar lífeyrisvörur fjártæknifyrirtækisins Aurbjargar. Vörurnar eru hluti af nýrri þjónustuleið sem miðar að því að veita einstaklingum betri yfirsýn og stjórn á eigin eftirlaunaáætlunum með samanburðatóli fyrir lífeyrissjóði, heildstæðri eftirlaunareiknivél, sérsniðnum lífeyrissviðsmyndum og FIRE-tóli fyrir þá sem stefna að fjárhagslegu sjálfstæði.
Markaðsáætlunin er unnin í samstarfi við Aurbjörgu og byggir á greiningu á bæði nær- og fjærumhverfi fyrirtækisins. Nýttar voru helstu aðferðir úr markaðsfræði og verkefnastjórnun, meðal annars PESTLE og SVÓT greining og fimm krafta líkan Porters. Einnig var framkvæmd könnun á viðhorfum fólks til lífeyrismála sem sýndi að stór hluti svarenda skorti skýra sýn á áhrif daglegra fjármálaákvarðana á lífeyristekjur, sem undirstrikar þörf á heildstæðum stafrænum lausnum. Meirihluti þátttakenda sagðist ekki hafa nægilegt yfirlit yfir eigin lífeyrismál og kallaði eftir tólum sem tengja saman dagleg fjármál og framtíðarhorfur.
Markmið þessarar markaðsáætlunar er að styðja við þróun og innleiðingu nýju lífeyristólanna með því að skilgreina markhóp, móta staðfærslu, stilla upp markaðsráðunum, skilgreina mælikvarða og setja fram aðgerðaáætlun. Áhersla var lögð á að aðlaga þessar aðgerðir að breyttum samfélags- og efnahagslegum aðstæðum, ásamt auknum áhuga á fjárhagslegu sjálfstæði. Sérstaklega er miðað við aldurshópinn 35-64 ára, með áherslu á fræðslu, stafræna ráðgjöf og hagnýtar lausnir sem auðvelda raunhæfa framtíðaráætlun.
Markaðsáætlunin á að nýtast starfsfólki Aurbjargar til að koma vörunum á framfæri á markvissan og raunhæfan hátt og tryggja að lausnin nái fótfestu á markaði og skapi raunverulegt virði fyrir notendur. Með því að sameina greiningu, stefnumótun og aðgerðaáætlun skilar ritgerðin ekki einungis fræðilegu framlagi, heldur einnig hagnýtum tillögum sem Aurbjörg getur byggt á við innleiðingu nýrra lífeyrisvara.Viðskiptafræðideild hefur samþykkt lokaðan aðgang að þessari ritgerð í 5 ár
Frá stríði til skólastofu : móttaka og aðlögun flóttabarna á Íslandi
No full textEfni þessarar ritgerðar fjallar um móttöku og aðlögun flóttabarna í íslenskum grunnskólum, með áherslu á áskoranir og úrræði sem kennarar og skólar standa frammi fyrir þegar barn á flótta byrjar í skólanum. Rannsóknin byggir á eigindlegri aðferðafræði þar sem tekin voru viðtöl við þrjá kennara í mismunandi skólum á landsbyggðinni. Skólarnir eiga það sameiginlegt að hafa tekið á móti flóttabörnum bæði frá Úkraínu og Palestínu en einn skólinn er í móttökusveitarfélagi og hefur því umfangsmeiri reynslu en hinir skólarnir af móttöku flóttabarna. Niðurstöður rannsóknarinnar sýna að skólarnir eru misvel undirbúnir til að taka á móti flóttabörnum, en kennararnir þrír voru sammála um að skortur væri á samræmdri móttökuáætlun og aðlöguðu námsefni. Þá sögðu kennararnir að þeir upplifðu ráðaleysi og skort á stuðningi frá stjórnvöldum. Þá sýndi rannsóknin að kennararnir þurftu að útbúa mestallt námsefni sjálfir sem var bæði tímafrekt og krefjandi, oftar en ekki í frítíma. Lítill tími var gefinn til að undirbúa mótttöku flóttabarnanna þar sem þau koma oft með stuttum fyrirvara og án upplýsinga um fyrri skólagöngu ef nokkur væri og aðstæður barnanna. Einnig sýndi rannsóknin að móttökuáætlun hafi ekki verið til staðar í nema einum skóla, móttakan hafi alfarið verið undir kennaranum sem tók á móti barninu komin. Félagsleg aðlögun flóttabarnanna var einnig mikil áskorun, þar sem tungumálahindranir og félagsleg einangrun væru algengt vandamál. Einnig hafði upplýsingaskorturinn mikil áhrif, ekkert var vitað um bakgrunn barnanna, því var skólagangan og félagslegt umhverfi skólans oft krefjandi fyrir börnin.
Rannsóknin leggur áherslu á mikilvægi þess að samræmdar móttökuáætlanir verði gerðar bæði til að tryggja samræmingu og jöfnuð barnanna óháð því hvar þau fara í skóla. Einnig að nauðsynlegt sé að stuðningur stjórnvalda í málefnum flóttafólks skili sér alla leið inn í skólastofuna, með betra aðgengi að námsefni, handleiðslu til kennara og aðgengi að sérfræðingum. Þannig mætti stuðla að farsælli skólagöngu flóttabarna.The subject of this thesis deals with the reception and adaptation of refugee children in Icelandic primary schools, focusing on the challenges and solutions that teachers and schools face when a refugee child starts school. The research is based on qualitative methodology where interviews were conducted with three teachers in Compulsory schools in rural areas. The schools have in common that they have received refugee children from both Ukraine and Palestine, but one school is in the reception municipality and therefore has more extensive experience than the other schools. The results of the research show that the schools are differently prepared to receive refugee children, but they agreed that there was a lack of a unified reception plan and adapted learning materials. The teachers experienced a sense of helplessness and lack of support from the authorities. The research also showed that the teachers had to prepare most of the learning materials themselves, which was both time-consuming and challenging, often in their free time. Little time was given to prepare for the reception of refugee children as they often arrive on short notice and without information about their previous schooling, if any, and the children's circumstances. The research also showed that a reception plan was only in place in one school, with the reception entirely dependent on the teacher who received the child. The social adaptation of refugee children was also a significant challenge, as language barriers and social isolation were common problems, but the lack of information also had a significant impact. Nothing was known about the children's background, so the schooling and social environment of the school were often challenging for the children.
The research emphasizes the importance of creating standardized reception plans to ensure coordination and equality for children regardless of where they attend school. It also stresses that government support in refugee matters must reach all the way into the classroom, with better access to learning materials, guidance for teachers, and access to specialists. This could contribute to a more successful education for refugee children
Stjórnsýsluviðurlög á verðbréfamarkaði : hvaða sjónarmið gilda um beitingu stjórnsýsluviðurlaga á verðbréfamarkaði?
No full textÁ sviði verðbréfamarkaðsréttar gegna stjórnsýsluviðurlög lykilhlutverki við að tryggja virkt eftirlit, stuðla að varnaðaráhrifum og viðhalda trausti á fjármálamarkaði. Markmið ritgerðarinnar er að greina hvaða sjónarmið gilda um beitingu stjórnsýsluviðurlaga á verðbréfamarkaði, hvernig þeim er beitt í framkvæmd og hvernig jafnvægi er náð milli skilvirks eftirlits og verndar réttinda málsaðila. Við gerð ritgerðarinnar er beitt dogmatískri aðferð til að greina gildandi rétt að grundvelli réttarheimilda, dómaframkvæmdar og fræðilegrar umfjöllunar. Fjallað er um hlutverk Fjármálaeftirlits Seðlabanka Íslands í eftirliti með verðbréfamarkaði, lagagrundvöll beitingar stjórnsýsluviðurlaga, og hvernig málsmeðferðarreglur stjórnsýsluréttarins eins og lögmætisreglan, rannsóknarreglan, andmælareglan, jafnræðisreglan og meðalhófsreglan hafi áhrif á ákvarðanir. Þá er skoðað hvernig stjórnvaldssektir og sáttir birtast í íslenskri framkvæmd, þar á meðal mat á fjárhæð viðurlaga og birting ákvarðana. Ritgerðin tekur einnig mið af þróun evrópskra reglna á þessu sviði, einkum áhrifum frá EES-samningnum, og gerir samanburð við norska framkvæmd á stjórnsýsluviðurlögum, þar sem meðal annars er fjallað um birtingu ákvarðana og mat á viðurlögum. Helstu niðurstöður ritgerðarinnar eru að beiting stjórnsýsluviðurlaga á íslenskum verðbréfamarkaði byggist á skýrum lagagrundvelli og að málsmeðferðarreglur stjórnsýsluréttarins veita mikilvægt aðhald. Hins vegar felast áskoranir í því að tryggja að framkvæmdin sé ætíð í samræmi við meðalhóf, jafnræði og fyrirsjáanleika. Skýr og gagnsæ málsmeðferð ásamt vandaðri áherslu á mat á alvarleika brota er lykilatriði til að stuðla að traustum og heilbrigðum verðbréfamarkaði.In the field of securities market law, administrative sanctions play a key role in ensuring effective supervision, promoting deterrence, and maintaining trust in the financial market. The aim of this thesis is to analyze what perspectives apply to the implementation of administrative sanctions in the securities market, how they are applied in practice, and how a balance is achieved between effective supervision and the protection of the rights of the parties involved. The thesis employs a dogmatic method to analyze the current law based on legal sources, case law, and academic discussion. It examines the role of the Financial Supervisory Authority of the Central Bank of Iceland in supervising the securities market, the legal basis for applying administrative sanctions, and how administrative law procedures such as the principle of legality, the investigative principle, the right to be heard, the principle of equality, and the principle of proportionality affect decisions. The thesis also looks at how administrative fines and settlements appear in Icelandic practice, including the assessment of the amount of sanctions and the publication of decisions. The thesis also takes into account the development of European rules in this area, particularly the influence of the EEA Agreement, and makes a comparison with Norwegian practice on administrative sanctions, including the publication of decisions and the assessment of sanctions. The main findings of the thesis are that the application of administrative sanctions in the Icelandic securities market is based on a clear legal foundation and that administrative law procedures provide important checks and balances. However, there are challenges in ensuring that the implementation is always in accordance with proportionality, equality, and predictability. A clear and transparent procedure, along with a more careful emphasis on assessing the severity of violations, is key to promoting a reliable and healthy securities market