Buckinghamshire New University
Not a member yet
17928 research outputs found
Sort by
Háorku brjóst- og lendhryggjarbrot á Landspítala 1998-2022 (25 ár)
No full textBrjóst- og lendarhryggurinn heldur okkur uppi, ver mænu og taugar og leyfir hreyfingu. Við háorkuóhöpp, s.s. bílslys, geta orðið áverkar sem valda varanlegum afleiðingum og skerðingu á lífsgæðum. Markmið rannsóknarinnar var að kanna faraldsfræði brjóst- og lendarhryggsbrota á Landspítala eftir háorkuáverka eingöngu og skoða sérstaklega meðferð og afdrif óhappsins með tilliti til alþjóðlegs flokkunarkerfis. Sjúkragögn voru yfirfarin m.t.t. aldurs, kyns, þjóðernis, legutíma, orsaka, viðbótaráverka, meðferðar, taugaskaða, árstíma og staðsetningu áverka. Myndrannsóknir voru yfirfarnar til staðfestingar á greiningu brots og þau flokkuð eftir AO áverkakerfi. Alls greindust 424 einstaklingar með 596 brot. Að meðaltali voru 21,2 slys á ári, meðalaldur var 40,3 ár og karlar rúm 62%. Almenn bílslys voru orsök í um 21% tilvika, bílveltur í um 20% og af bílveltum voru rúmir 31% erlendir einstaklingar. Konur hlutu oftar brot af völdum almennra bílslysa og hestaslysa. Flest brot urðu á L1 (um 19% allra brota) og Th12 (rúm 11% allra brota). A1 brot var algengasti áverkakóðinn. Th12, L1 og Th7 voru öll með yfir 20% taugaskaða. Aðgerðir voru algengastar meðal B1 brota. Alls fóru um 36% sjúklinga í aðgerð, 17% fengu ytri stuðning og 47% fengu eingöngu verkjalyf. Aðrir áverkar voru í rúmum 63% tilvika og um 0,7% sjúklinga létust. Tvö brjóst- og lendarhryggsbrot eftir háorkuáverka komu mánaðarlega á Landspítalann á tímabilinu 2003-2022. Dæmigert var brot á Th12 og L1 hjá 40 ára karlmanni og fóru um 83% þeirra með B1 brot í aðgerð, með eða án taugaeinkenna. Þeir sem voru án taugaeinkenna höfðu marktækt styttri legutíma. AO áverkaflokkun er góð leið til að meta alvarleika brots en ekki til að ákveða nauðsyn skurðaðgerðar
"You did much better": Effects of Direct Instruction and precision teaching on the reading skills of a 13 year old boy
No full textHlutfall þeirra nemenda sem þurfa á sérkennslu eða stuðning í námi að halda hefur aukist með árunum hér á landi. Sérkennsla felst í að styðja við þá nemendur sem eiga við námserfiðleika að stríða og geta námserfiðleikar orsakast af ýmsum ástæðum. Brýn nauðsyn er á að bæta íslenskt menntakerfi með það að markmiði að sporna gegn námserfiðleikum og koma í veg fyrir alvarlegri áhrif vandans. Gagnreyndar kennsluaðferðir hafa sýnt fram á góðan árangur í gegnum tíðina og væri frekari innleiðing á þeim aðferðum mögulegur kostur þegar horft er til úrbóta menntakerfis á Íslandi. Stýrð kennsla Engelmanns og fimiþjálfun, sem á uppruna að rekja til Ogden Lindsley, eru dæmi um árangursríkar gagnreyndar kennsluaðferðir. Í stýrðri kennslu er handrit notað, áhersla lögð á skýrleika og einfaldleika þegar kemur að verkefnum og er kennslan aðlöguð að hverjum nemanda. Mikil áhersla er lögð á samskipti, þá einna helst jákvæða styrkingu og leiðréttingaraðferðir, með það að markmiði að nemandi fái sem mest út úr kennslunni og geti þar með yfirfært það sem hann lærir á önnur flóknari verkefni. Fimiþjálfun hefur það markmið að nemandi nái fram ákveðinni fimi, þ.e. í stuttu máli að lesa hratt, rétt og áreynslulaust. Markmið þessarar rannsóknar var að leggja mat á hvort notkun stýrðrar kennslu Engelmanns og fimiþjálfunar myndi auka lestrarfærni 13 ára drengs. Notað var A-B-A tilraunasnið í þeim tilgangi að meta áhrif kennslunnar. Niðurstöður sem viðkoma stýrðri kennslu sýndu að færni þátttakanda í lestri jókst. Leshraði jókst, röngum svörunum fækkaði í lestri orða og aðgreining milli stafa bar árangur. Í fimiþjálfun náði þátttakandi viðmiðum fyrir fimiþjálfun tveggja og þriggja stafa orða. Ekki gafst nægur tími fyrir fimiþjálfun á fjögurra stafa orðum og náði þátttakandi því ekki viðmiðum á því sviði. Miðað við niðurstöður í kjölfar stýrðrar kennslu og fimiþjálfunar virðist kennslan hafa heilt yfir borið árangur þrátt fyrir að hafa staðið yfir eingöngu sex vikur
Mikilvægustu tengslin: Gagnrýnin hugsun og þrautalausnir
No full textÞessi ritgerð kannar tengsl gagnrýninnar hugsunar og hæfni í þrautarlausnum hjá ungum börnum, með sérstakri áherslu á hvernig þróun gagnrýninnar hugsunar hefur áhrif á hæfileika þeirra til að leysa vandamál. Rannsóknarspurningin er: Hvernig hefur þróun gagnrýninnar hugsunar hjá yngri börnum áhrif á hæfileika þeirra til að leysa vandamál? Ritgerðin byggir á kenningum Piaget og Vygotsky um vitsmunaþroska og félagslegan þroska, og greinir hvernig þessir fræðimenn litu á þróun hugsunar hjá börnum. Hún kannar hvernig þroskastig Piaget og kenning Vygotsky um svæði mögulegs þroska veita innsýn í þróun gagnrýninnar hugsunar og þrautalausnar. Niðurstöður benda til þess að styrkur í gagnrýninni hugsun hafi bein áhrif á hæfni í þrautalausn, frá vandamálagreiningu til lausnaþróunar og mats. Greinin leggur einnig til hagnýtar aðferðir sem kennarar og umönnunaraðilar geta notað til að efla þessa mikilvægu færni á fyrstu árum bernskunnar með því að skapa umhverfi sem ýtir undir opnar spurningar, samvinnu og ígrundandi hugsun
Portunhol / Portuñol: Entre palavras e palabras, uma língua de frontera
No full textÞessi ritgerð er lokaverkefni til BA-gráðu í Spænsku við Háskóla Íslands. Ritgerðin fjallar um portuñol sem er tungumálablanda mynduð út frá spænsku í Úrugvæ og portúgölsku í Brasilíu. Megináhersla er lögð á sambýli tungumála á landamærum Úrúgvæ og Brasilíu. Með málfræðilegri og félagsmenningarlegri nálgun greinir ritgerðin hljóðkerfis-, beygingar-, setningafræði- og orðaforðaeinkenni portuñol, ekki sem óskipulögð tungumálablanda heldur skipulagt kerfi með reglubundin mynstur. Auk þessarar málfræðilegu greiningar er fjallað um sögulegan, landfræðilegan og pólítískan jarðveg sem hefur mótað fyrirbærið portuñol. Þá er sjónum einnig beint að stefnum sem lúta að fræðslu og menningu sem hafa haft sín áhrif í gegnum tíðina, hvort sem er um jákvæð eða neikvæð áhrif að ræða.
Ritgerðin fjallar einnig um hvernig portuñol birtist í ritmáli, bókmenntum, listum og stafrænum miðlum. Með því að styðjast við fræðilegar heimildir, frásagnir samfélagsins og raunveruleg dæmi um málið, í ritgerðinni er komist að þeirri niðurstöðu að portuñol sé gild tjáning landamæratvítyngis og sýnir fram á málfræðilega fjölbreytni í Suður-Ameríku
Sjálfvirkt dælu- og hrærunarkerfi í haughúsi : samnýting dælu í tvenns konar dælukerfum
No full textÍ þessu verkefni er greind ástæða þess að núverandi sjálfrennsliskerfi fyrir flutning kúamykju frá haughúsi í haugpoka á Leiðólfsstöðum II hefur ekki virkað sem skyldi, og lögð fram hugmyndafræðileg hönnun á nýju dælu- og hrærunarkerfi. Út frá lagnaleið, hæðarmismun og eðliseiginleikum kúamykju er sýnt fram á að straumhraði í flutningslögn nær ekki sjálfhreinsandi skilyrðum, sem gerir kerfið viðkvæmt fyrir botnfalli, stíflum og ónýttu geymslurými í haugpoka.
Lagt er til nýtt kerfi sem byggir á einni rafknúinni dælu með tíðnibreyti sem þjónar bæði hrærun í haughúsi og dælingu í haugpoka. Hringrásarlögn með hrærunarstút lækkar seigju mykjunnar áður en dæling hefst. Gerð er greining á veikum punktum lagnakerfisins, metin frostvörn á berskjaldaðri lögn og settir fram grunnþættir iðntölvustýringar með hæðarnemum, millilæsingum og rekstraröryggi í fyrirrúmi.
Niðurstöður útreikninga benda til þess að fyrirhuguð lausn geti tryggt sjálfhreinsandi streymi í flutningslögninni, dregið úr hættu á stíflum, hámarkað nýtingu geymslurýmisins og bætt öryggi og meðhöndlun kúamykju í heild
Samþætting Discord og EVE Frontier
No full textUndanfarin ár hefur leikjaframleiðandinn CCP unnið að nýjum leik sem kallast Frontier. Núverandi samskipta kerfi leiksins er gamalt og því vilja þeir skipta því út fyrir eitthvað nýrra. Þeir leita að hagnýtum, jafnframt nútímalegum lausnum.
Discord er gífurlega vinsælt samskiptaforrit sem er einkum notað af leikjaspilurum. Þeir bjóða leikjaframleiðendum möguleikann á að innleiða þjónustuna sína í leiki með hjálp Social Layer SDK verkfærisins. Leikir sem innleiða þessa þjónustu geta leyft spilurum að auðkenna sig og sótt upplýsingar sínar frá Discord. Það gerir þeim meðal annars kleift að eiga samskipti við Discord vini sína inn í leiknum.
Þetta verkefni rannsakar hversu raunhæft er að innleiða þjónustu Discord í Frontier leikinn, ásamt því að þróa frumgerð sem uppfyllir nauðsynlegar grunnkröfur samskiptakerfis.
Meginafurð verkefnisins var hönnunarskjal sem inniheldur upplýsingar um mögulegar lausnir og takmarkanir við innleiðingu Discord í Frontier. Í því er einnig fjallað um ýmis útfærsluatriði frumgerðarinnar. Niðurstöður verkefnisins bentu til að árangursrík innleiðing sé mjög raunhæf.For the past few years, the video game company CCP has been developing a new game to add to their roster, called Frontier. They are looking to replace their current in-game chat service with a more modern one.
Discord is a very popular instant messaging platform which offers developers the possibility of integrating games to their chat services via their newly released Social Layer SDK (software development kit). Integrated games have the option to authenticate with, and retrieve user data from Discord’s platform and enable players to communicate in-game via Discord.
This project investigates whether an integration between Frontier and Discord is feasible, and implements a proof of concept prototype which fulfills the fundamental requirements of an in-game chat system.
The results of the investigation were positive and indicate that a successful integration is more than feasible. A design document was prepared which includes potential solutions and limitations of the integration process, along with some prototype implementation details.CCP Game
DIVINE & Disaster Resilience of the Water
No full textDIVINE by Halla Ólafsdóttir
“Divine is a dance performance by Halla Ólafsdóttir that premiered at Uniarts in Stockholm 2024. The performance, made in collaboration with the dancers, combines Halla Ólafsdóttir obsessions with the diva, witch and the rockstar and shapeshifts with every divine performer that inhabits it. Divine invites you into a hypnotic world where a coven of dancers shapeshift contemporary dance into a divine ritual, a divine narrative, a divine badger, a divine spiral, a divine attention, a divine pose, a divine listening, a divine crow, a divine rockstar, a divine composition, a divine shaking, a divine trajectory, a divine imagination, a divine feeling, a divine translation, a divine transmutation, a divine lake, a divine screaming, a divine channeling, a divine choir, a divine diagonal, a divine forest, a divine disgusting and cute diva. The dance conjures a divine presence—intense, commanding, and ever-shifting—exploring the raw dynamics between performer and spectator. Through movement, voice, and an immersive soundscape, Divine transforms space, oscillating between the close-up and grand landscapes. It is a ritual of collective energy, inspired by the depth of a still lake and the untamed force of a coven.
„Attention is the rarest and purest form of generosity.“ – Simone Weil.”
Disaster Resilience of the Water by Sandrine Cassini
“The idea of the piece came as a reflection of the journey these 10 individuals took for the last 3 years of their lives. The program and the desire to study dance brought them together, here in Reykjavik from different countries, different background, experiences, needs, expectations. What does this mean? If we are bound to be together, is there an observation time, is there fear, are there doubts? About ourselves, about the others? When is the sense of community emerging? When do we start trusting each other? Are we influenced by the others? And as times passes by what will remain of this journey? Will it change us? What will we leave behind? I have asked the dancers to think of one to three words that could define their experience or memory of the time they had here. These are the words: ; moments, warmth, sweethearts, immoral, alchemy, exploration, growth, greatest, team, ever, joy, awesomeness, pivotal, arduous, ilovemyhomies, trust, insightful, generous, lovely, friendship, failing, fingers, tears, sweat, forever. And I am eternally grateful to have had the opportunity to meet them at the beginning of their journey and accompany them to their farewell. Thank you Katrin for your trust. You gave me a beautiful gift. Thank you Andrea, Bertine, Elida, Elsa, Jaako, Leevi, Mari, Maria, Rebecca, Torfi. You are forever in my heart.”
Music: Stil by Machinefabriek
Set & costume design: Guðný Hrund Sigurðardóttir
Light & sound design: Valdimar Jóhannsson
Light & sound operator: María Jóngerð Gunnlaugsdóttir
Dancers:
Andrea María Ólafsdóttir
Bertine Bertelsen Fadnes
Elida Angvik Hovdar
Elsa Kamöy Furuseth
Jaakko Juhani Fagerberg
Leevi Alpo Antinpoika Mettinen
Mari Ann Valkna
María Kristín Jóhannsdóttir
Rebekka Guðmundsdóttir
Torfi Tómasson
Hvað kostar ókeypis orka? : áhrif vindorku á verðmyndun á íslenskum raforkumarkaði
No full textRaforkukerfi Íslands hefur um áratugaskeið einkennst af ódýrri endurnýjanlegri orku úr vatnsafli og jarðvarma. Nú gera spár ráð fyrir ört vaxandi raforkueftirspurn og er því þörf á fjárfestingu í aukinni aflgetu. Áhugi beinist í ríkum mæli að vindorku; fyrsta vindorkuver Íslands er þegar í byggingu og fjölmargar tillögur um vindorkuverkefni voru sendar inn í fimmta áfanga rammaáætlunar. Markmið þessarar ritgerðar er að varpa ljósi á áhrif innleiðingar vindorku á verðmyndun á íslenskum raforkumarkaði. Vindur er breytilegur endurnýjanlegur orkugjafi (BEO) sem þýðir að vindorkuframleiðsla er sveiflukennd en auk þess hefur hún (nær) engan jaðarkostnað og lækkar aukin nýting hennar því jafnan markaðsverð raforku. Þá lækka BEO sérstaklega eigið verðmæti vegna þess að framleiðsla þeirra er jafnan mest þegar raforkuverð er lægst. Þessi verðrýrnunaráhrif eru mæld með verðmætastuðli sem lýsir hlutfallslegu verðmæti vindorku miðað við meðalverðmæti raforku.
Framkvæmd var staðleysugreining (e. counterfactual analysis) til þess að greina líklega þróun raforkuverðs og verðmætastuðuls vindorku við mismunandi sviðsmyndir um uppsett vindorkuafl á Íslandi. Notast var við ERA5 gögn um vindhraða, upplýsingar um fyrirhuguð vindorkuverkefni í fimmta áfanga rammaáætlunar, næsta-dags markaðsverð frá Elmu, og gögn um raforkunotkun frá Landsneti. Niðurstöður sýna að markaðsverð raforku myndi lækka eftir því sem vindorka yrði meira notuð og að verðmætastuðull myndi að jafnaði lækka um 0,7 prósentustig fyrir hverja prósentustigs aukningu í markaðshlutdeild vindorku. Auk þess var sýnt að dreifni í klukkustundaathugunum fyrir markaðsverð raforku myndi aukast með aukinni notkun vindorku
Cultivation of oats in Iceland: Cultivars, seed density and fertilization
No full textHafrarækt í heiminum hefur staðið í stað síðustu áratugi, aðrar korntegundir, eins og bygg og hveiti, sem hafa verið lengur ræktaðar og eru betur þróaðar hafa meiri uppskeru og eru vinsælli. Þegar leið á 20. öldina fækkaði hestum vegna tilkomu bíla og samhliða því minnkaði eftirspurn eftir höfrum og minni áhersla var lögð á ræktun þeirra. Núna í seinni tíð hafa rannsóknir á höfrum sýnt að þeir eru heilnæmt korn með háu próteininnihaldi og heilsubætandi eiginleikum. Hafrar eru vinsælli sem kornvara á norðlægari slóðum og Norðurlöndin, sérstaklega Finnland, eru leiðandi í ræktun þeirra. Ísland er þónokkur eftirbátur hinna Norðurlandanna í ræktun hafra og takmörkuð þekking er á hafrarækt við þær aðstæður sem eru hér á landi. Tilraunir sem framkvæmdar voru á Hvanneyri, Sandhóli og Gunnarsholti á árunum 2019-2023 voru gerðar með það að markmiði að auka þá þekkingu. Athuguð voru áhrif sáðmagns, áburðagjafar og yrkja á þurrefnishlutfall, uppskeru, þúsundkornavigt og rúmþyngd hafra við íslenskar aðstæður.
Niðurstöður þessara tilrauna gáfu vísbendingar um hvaða yrki eru efnileg til frekari ræktunar við íslensk skilyrði, hvaða jarðvegstegund gefur best af sér við mismunandi áburðarskammta og að best sé að halda sig við þann sáðskammt sem þegar er mælt með, u.þ.b. 200 kg á hektara eða rétt undir því
Svokölluð „Borgarlína“ Borgarlínan í fjölmiðlum og viðhorf almennings til hennar
No full textRitgerðin fjallar um fjölmiðlaumfjöllun og þjóðfélagsumræðu sem snýr að Borgarlínu, nýtt almenningssamgöngukerfi á höfuðborgarsvæðinu. Sambærileg samgöngukerfi erlendis hafa sýnt fram á að þau skapi mikil skoðanaskipti vegna hagsmunadeilna ýmissa aðila um svæðisskipulag. Rannsóknin byggir á innihaldsgreiningu fréttagreina Vísis og MBL út frá kenningum um dagskráráhrif og innrömmun, auk þemagreiningar á ummælum og viðbrögðum einstaklinga í athugasemdakerfum við fréttagreinar miðlanna á Facebook. Gögn rannsóknarinnar samanstanda af 391 fréttagreinum og 108 athugasemdakerfum á árunum 2015 til 2024. Helstu niðurstöður benda til þess að áherslur fjölmiðlanna séu skýrar en framsetning Borgarlínunnar sjálfrar sé óskýr. Opinberir fulltrúar á vegum ríkis og sveitarfélaga á höfuðborgarsvæðinu eru mest áberandi í fjölmiðlaumfjöllun um Borgarlínu. Athyglin beinist einkum að umfangi og kostnaði, en síður að félagslegum og samfélagslegum þáttum Borgarlínu eins og umferðarþunga, fólksfjölgun og umhverfismálum. Framsetning samgönguverkefnisins í fjölmiðlum virðist hafa stuðlað að óvissu meðal almennings innan athugasemdakerfanna um hvers konar almenningssamgöngur er um að ræða. Tilgangur rannsóknarinnar sýnir fram á mikilvægi þess að stórar innviðaframkvæmdir séu skýrar í hugum almennings, þar sem fjölmiðlar og stjórnvöld gegna lykilhlutverki í að auðvelda skilning og efla traust til slíkra samgönguverkefna