Buckinghamshire New University
Not a member yet
17928 research outputs found
Sort by
Þingeftirlit: Eftirlit Alþingis með sjálfstæðum stjórnvöldum
No full textEin af undirstöðum þrískiptingu ríkisvalds er að hver þáttur ríkisvaldsins veiti hinum eftirlit. Síðustu ár hefur tíðarandinn sveiflast í þá átt að gerðar eru sífellt meiri kröfur til gagnsæis í stjórnsýslunni og að framkvæmdarvaldinu sé veitt virkt eftirlit. Einn hluti af þessu eftirliti er aðkoma Alþingis. Í þessari ritgerð verður fengist við það viðfangsefni að gera grein fyrir því hvað felist í eftirliti Alþingis með framkvæmdarvaldinu og þá sérstaklega eftirliti þingsins með sjálfstæðum stjórnvöldum sem ráðherra hefur ekki almennar yfirstjórnunarheimildir yfir líkt og meginreglan um ráðherrastjórnsýslu er leiða má af stjórnarskránni gengur út frá.
Í 2. kafla ritgerðarinnar verður byrjað á að fjalla almennt um þingeftirlit, hvert inntak þess er og lagaleg umgjörð, auk þess sem snert verður á hvaða rök og markmið búa að baki þess. Í 3. kafla verður fjallað um framkvæmd þingeftirlits á grundvelli þingskaparlaga og verða fyrirspurnir þingmanna, skýrslur ráðherra til þingsins og rannsóknarnefndir á vegum Alþingis sérstaklega til umfjöllunar. Í 5. kafla verður fjallað um sjálfstæð stjórnvöld. Verður fengist við það að gera grein fyrir þeim grundvallarmun sem er á sjálfstæðum stjórnvöldum og stjórnvöldum sem heyra undir ráðherra. Fjallað verður um þær eftir-litsheimildir sem Alþingi hefur gagnvart sjálfstæðum stjórnvöldum og þær takmarkanir er að þeim lúta. Að lokum verður ritgerðin dregin saman í 5. kafla og ályktanir dregnar út frá umfjölluninni
User experience and automation in digital therapy : design template creator app
No full textD.T.C. appið er ætlað til þess að auðvelda samsetningu og prufun á snertiskynsupplifun notenda. Hannað fyrir sprotafyrirtækið Souldís til að efla notendaupplifun appsins þeirra og hönnun þess fyrir uppsetningu.
Auk þess var hannað ráðgjafaralgrími, eða greinir, sem getur mælt með meðferðum fyrir notendur með því að greina geðraskanir, og svo mælt með staðfestar æfingar, spurningalista og greinar
The relationship between birth season and postpartum depressive symptoms in Icelandic mothers : examining the moderating effect of partner social support
No full textRitgerðin er lokuð til 31.05.2030The aim of the study was to examine the relationship between birth season and postpartum depressive symptoms in Icelandic context. Furthermore, we investigated the moderating effect of perceived partner support on this relationship. Our sample consisted of 205 mothers who had a full-term pregnancy and gave birth in the year 2023. This study relied exclusively on retrospective data, which was conducted via an online survey where participants completed three scales and questionnaires, detailing their feelings in the postpartum period, perceived social support and demographic information. This study demonstrated that mothers who gave birth during the summer season exhibited higher levels of depressive symptoms compared to those who gave birth in winter. The findings also showed that this relationship was moderated by perceived partner support during the postpartum period in the way that mothers who gave birth during the summer season and experienced low partner support were more likely to develop depressive symptoms than mothers who experienced high partner support. However, no such moderation was observed for mothers who gave birth during winter as there was no significant difference in depressive symptoms between those with high and low partner support. Taken together, this study reveals an important association between birth season, social support, and postpartum depressive symptoms, while also emphasizing the vital importance of partner support as a potential buffer, serving as a protective factor against postpartum depression, particularly for mothers welcoming newborns during the summer months. Identifying the protective role of partner support in this context and the impact of seasonal factors can contribute to the development of social policies aimed at enhancing support services for new mothers in Iceland, ultimately increasing maternal well-being in the postpartum period.Markmið rannsóknarinnar var að kanna tengslin á milli fæðingarárstíða og þunglyndiseinkenna eftir fæðingu í íslensku samhengi. Ennfremur könnuðum við hvort stuðningur maka hefði miðlandi áhrif á þessi tengsl. Úrtakið okkar samanstóð af 205 mæðrum sem gengu fulla meðgöngu og fæddu barn árið 2023. Þessi rannsókn byggði eingöngu á afturvirkum gögnum, sem fengin voru í gegnum netkönnun þar sem þátttakendur fylltu út þrjá spurningalista. Mæðurnar greindu frá fæðingarárstíð sinni, líðan eftir fæðingu, skynjuðum félagslegum stuðningi og lýðfræðilegum upplýsingum. Þessi rannsókn sýndi að mæður sem fæddu börnin sín yfir sumartímann sýndu fleiri merki um þunglyndiseinkenni samanborið við mæður sem fæddu yfir vetrartímann. Niðurstöðurnar leiddu einnig í ljós að þessu sambandi var miðlað af skynjuðum stuðningi maka eftir fæðingu á þann hátt að mæður sem fæddu yfir sumarið og upplifðu einnig lítinn stuðning maka voru líklegri til að þróa með sér þunglyndiseinkenni en mæður sem upplifðu mikinn stuðning maka. Hins vegar sást ekki slíkt miðlunarsamband hjá mæðrum sem fæddu yfir veturinn þar sem ekki var marktækur munur á þunglyndiseinkennum hjá mæðrum sem upplifðu annaðhvort mikinn eða lítinn stuðning maka. Í heildina sýndi þessi rannsókn fram á mikilvæg tengsl á milli fæðingarárstíða, félagslegs stuðnings og þunglyndiseinkenna eftir fæðingu, og leggur jafnframt áherslu á mikilvægi stuðningi maka sem getur gegnt dýrmætu hlutverki sem verndandi þáttur gegn fæðingarþunglyndi, sérstaklega fyrir mæður sem eignast börn yfir sumarmánuðina. Að bera kennsl á verndandi hlutverk stuðnings maka í þessu samhengi og áhrif árstíðabundinna þátta getur stuðlað að mótun félagsmálastefna sem miða að því að efla stuðningsþjónustu við nýbakaðar mæður á Íslandi og þar með auka vellíðan mæðra eftir fæðingu
Sanngirnisbætur. Uppruni og greiðsla sanngirnisbóta á Íslandi.
No full textLög nr. 47/2010 um sanngirnisbætur fyrir misgjörðir á stofnunum eða heimilum sem falla undir lög nr. 26/2007 (hér eftir sbl.), tóku gildi þann 2. júní 2010. Var sú lagasetning í kjölfar mikillar umræðu í fjölmiðlum og þjóðfélaginu um illa meðferð barna á vistheimilum á borð við Breiðuvík og Heyrnleysingjaskólann. Í kjölfar þessarar umræðu var sett á fót nefnd á grundvelli laga um skipan nefndar til að kanna starfsemi vist-og meðferðarheimila fyrir börn nr. 26/2007. Þegar frumvarp laganna var tekið fyrir höfðu skýrslur um fjórar stofnanir verið afhentar, þar á meðal skýrsla um vistheimilið Breiðuvík. Samkvæmt skýrslunum voru 286 börn vistuð á þessum fjórum stofnunum. Nauðsynlegt var því að bregðast við þeim stóra vanda sem skýrslurnar afhjúpuðu.
Sakarreglan er talin gilda þegar kemur að skaðabótaábyrgð ríkis og sveitarfélaga og þurfa því að vera orsakatengsl á milli skaðabótaskyldrar háttsemi og tjóns. Skaðabótakröfur vegna líkamstjóns fyrnast almennt á tíu árum, sbr. 1. mgr. 9. gr. laga um fyrningu kröfuréttinda nr. 150/2007 (hér eftir fyrnl.). Þar sem langt var um liðið frá brotunum mátti sjá að þessi brot teldust almennt fyrnd en auk þess væri flókið að sýna fram á beint tjón einstaklinga sem vistaðir voru á þessum stofnunum. Enn erfiðara yrði að sýna fram á tengsl brotanna við framtíðar afleiðingar. Vegna þessara vandkvæða var ljóst að stjórnvöld þyrftu að finna aðra leið ef þau vildu reyna að bæta tjónþolum þennan skaða umfram almenna skaðabótaskyldu. Þær bætur sem frumvarpið mælti fyrir um voru bætur fyrir ófjárhagslegt tjón og voru því í eðli sínu miskabætur. Fengu þessar bætur nafnið sanngirnisbætur þar sem þær bera með sér það sérstaka eðli að vera bætur sem samfélagið telur eðlilegt að greiða tjónþolum fyrir þær misgjörðir sem þeir þurftu að þola, þrátt fyrir að ekki standi skylda til þess samkvæmt almennum réttarreglum. Í þessari ritgerð verður fjallað um uppruna, ríkjandi réttarástand og greiðslu sanngirnisbóta
Það er ekki allt sem sýnist
No full textHægt er að nýta sér Trompe-l´æil tæknina til að auðvelda fatahönnuðum að skapa einstakar flíkur sem skera sig úr án þess að vera dýrar. Sjónrænni blekkingu er beitt til að líkja eftir dýrum efnum og öðrum hlutum og efnum, en raunin er. Þannig getur fatahönnunin orðið umhverfisvænni, hagkvæmari, sem styður við sjálfbæra þróun og ekki síst boðið upp á aukna möguleika í listrænni sköpun. Að nýta þessar sjónrænu blekkingar eykur frelsi fatahönnuða til að hanna hvað þeim hugnast hverju sinni án þess að hafa áhyggjur af neikvæðum áhrifum á umhverfi jarðar og er þeim nánast engin takmörk sett í listsköpun sinni, nema þá helst ímyndunaraflið sjálft.
Trompe-l´æil tæknin vakti verðskuldaða athygli mína og nýtti ég tæknina óspart í hönnunarferlinu á línunni minni sem fjallað verður um hér síðar. Eftir að hafa kynnst þessari tækni er ég ríkari fyrir vikið, ég sé fyrir mér óteljandi möguleika á útfærslum í fathönnun framtíðarinnar með því að beita Trompe-l´æil aðferðinni
Viðskiptalíkön: Hvað eru þau og hvernig geta þau mótað fyrirtæki?
No full textÍ þessari ritgerð er hugtakið „viðskiptalíkan“ rannsakað með því að skoða uppruna þess, áhrif dot.com bólunnar, og hvernig það hefur verið skilgreint og notað í fræðunum. Markmiðið var að draga saman fræðileg yfirlit og sögu hugtaksins til að varpa ljósi á hvernig það er almennt skilgreint og hvaða hlutverki það gegnir í stefnumótun fyrirtækja. Niðurstöður benda til þess að þrátt fyrir breytilega notkun hugtaksins snúist það í meginatriðum um verðmætasköpun. Einnig er viðskiptalíkansnýsköpun mikilvægur þáttur í starfsemi stjórnenda og frumkvöðla, og viðskiptalíkans-ramminn (e. Business Model Canvas) getur reynst gagnlegt tæki fyrir nýsköpun og frekari þróun á viðskiptalíkönum
The manifestation of children's executive function: ADHD symptoms, age and gender differences on the BRIEF questionnaire
No full textSkilningur á stýrifærni er mikilvægur liður í því að ná utan um þroskaferil barna. Stýrifærni felur meðal annars í sér sjálfsstjórn, hömlun, skipulag og yfirsýn, til að ná fram settum markmiðum og gegnir því mikilvægu hlutverki í daglegu lífi. Því var tilgangur þessarar rannsóknar að reyna að varpa ljósi á birtingarmynd stýrifærni eftir aldri og kyni ásamt tengslum hennar við ADHD einkenni. Til þess var framkvæmd rannsókn á 600 börnum í 4.-10. bekk, þar sem foreldrar voru beðnir um að svara Behavior Rating Inventory of Executive Functions, BRIEF, listanum. Börnin voru á aldrinum 8-15 ára, en stúlkur voru 322 og drengir 274. Settar voru fram þrjár tilgátur, að stýrifærnivandi dvíni með aldri og breytist í þremur stökkum og að kynjamunur væri á öllum þáttum BRIEF listans. Jafnframt var gert ráð fyrir að börn með meiri stýrifærnivanda væru með meiri ADHD einkenni á Ofvirknikvarðanum, en að enginn kynjamunur væri milli þeirra barna sem skoruðu hátt. Niðurstöður sýndu marktækan mun á aldurshópunum en við nánari athugun var sá munur einskorðaður við einn undirþátt BRIEF listans, tilfinningastjórnun. Niðurstöður sýndu marktækan kynjamun og skoruðu stúlkur að meðaltali lægra á flestum þáttum BRIEF listans. Börn með há skor sýndu marktækt meiri stýrifærnivanda en börn með lág skor á Ofvirknikvarðanum, óháð kyni þeirra. Það var jafnframt engan kynjamun að finna á meðalskorum BRIEF listans milli barna með há og lág skor á Ofvirknikvarðanum. Niðurstöður þessar rannsóknar benda til einhverra vísbendinga um áhrif aldurs á stýrifærnivanda en þær gerðu ljóst að talsverður munur væri til staðar á milli kynja.Understanding executive functions is crucial for insight into children’s development. These functions include skills such as control, inhibition, organization, and monitoring to achieve goals. The aim of this study was to explore the manifestations of executive functions across age and gender and its relation to ADHD symptoms. The study involved 600 children from grades 4-10, ages 8-15, with 322 girls and 274 boys. Parents completed the Behavior Rating Inventory of Executive Functions, BRIEF, questionnaire to assess their children's executive functions. Three hypotheses were presented, that executive function difficulties decrease with age and do so in three stages, and that a gender difference emerges for all BRIEF factors. Furthermore, that children with higher scores on the ADHD rating scale would show more executive dysfunction difficulties than children with lowers scores, and that no gender differences would be found among children with high scores on the scale. The results showed a significant difference between the age groups, but upon closer inspection, only one sub-factor, Emotional control, showed a significant difference. Additionally, a significant gender difference was present, where girls scored lower on most BRIEF factors. Children with higher scores showed significantly more executive dysfunction than children with low scores, regardless of their gender. Additionally, no gender difference was found in executive functions for children with high and low scores on the ADHD rating scale. The results of this study indicated some evidence of the impact of age on executive functions. However, they showed a clear gender difference
The principles governing the owner's rights of use and disposal in a multi-family building. When is the owner permitted to take measures under Articles 37 and 38 of Act no. 26/1994 regarding their rights of use and disposal in a multi-family building?
No full textVeigamesta álitaefnið sem vaknar við hagnýtingu og ráðstöfun sameignar í fjöleignarhúsi er við hvaða aðstæður eigendum er heimilt að ráðstafa sameigninni eða hagnýta hana án samþykkis annarra eigenda. Um fjöleignarhús gilda samnefnd lög nr. 26/1994 (hér eftir vísað í sem fehl.). Lögin veita eigendum víðtæk réttindi en leggja jafnframt á herðar þeirra skyldur varðandi rétt þeirra til hagnýtingar og ráðstöfunar eigna sinna. Hagnýtingarréttur eiganda að sameigninni takmarkast einungis af hagsmunum og jafnríkum réttindum annarra eigenda. Óhætt er að segja að stærstur hluti landsmanna býr í eða hefur fjárfest í fjöleignarhúsi. Oft liggur aleiga fólks í slíkum eignum og er skiljanlegt að oft reyni á réttarreglur sem snúa að sameign þeirra.
Eignarhald í fjöleignarhúsi skiptist annars vegar í einstaka séreignarhluta og hins vegar í sameign og er þá um að ræða sameign allra eða sameign sumra og fylgir einstökum séreignarhlutum hlutdeild í sameign. Í fjöleignarhúsum gildir sú meginregla að ákvarðanir er lúta að sameign skuli teknar á sameiginlegum húsfundi. Ráðist eigandi í framkvæmdir einn síns liðs verða aðrir eigendur að meginstefnu ekki skuldbundnir til að taka þátt í kostnaði vegna þeirra. Lögin hafa að geyma undantekningar frá framangreindri reglu sem heimilar eiganda að grípa til sinna ráða án samþykkis annarra eigenda, en til þess að það teljist heimilt verða tiltekin skilyrði að vera uppfyllt. Séu skilyrðin uppfyllt telst kostnaður sameiginlegur.
Leitast verður við að svara því álitaefni við hvaða aðstæður eigandi hefur heimild til að fara í framkvæmdir á sameign án undangengins samþykkis annarra eigenda, sem jafnframt myndi leiða til þess að allir eigendur yrðu að taka þátt í kostnaði vegna þeirra. Má því raunar segja að meginumfjöllunarefni ritgerðarinnar séu umræddar undantekningarheimildir sem eigandi getur gripið til á grundvelli laganna og er markmið höfundar að varpa ljósi á hvaða skilyrði þurfa að vera uppfyllt lögunum samkvæmt, til að fallist verði að víkja frá meginreglunum og þar fram eftir götunum. Til frekari skilningsauka er nauðsynlegt að gerð verði grein fyrir löggjöfinni, stuttu ágripi af sögu réttarsviðsins ásamt þeim eignarformum sem gilda o.s.frv. áður en fjallað verður um fyrrnefndar undantekningarheimildir.
Í öðrum kafla verður fjallað um gildandi löggjöf um fjöleignarhús ásamt því að farið verður yfir sögu réttarsviðsins og eignarformin. Í þriðja kafla verður fjallað um hagnýtingar- og ráðstöfunarrétt eiganda og takmarkanir sem lögin gera á þeim rétti. Í fjórða kafla verður fjallað um ákvörðunarrétt eiganda varðandi sameiginleg málefni. Í fimmta kafla sem er jafnframt veigamesti kaflinn, verður fjallað um ráðstafanir samkvæmt 37. og 38. gr. fehl. sem hafa að geyma undantekningar frá meginreglum um sameiginleg málefni. Í sjötta kafla verður fjallað um þau úrræði sem eigandi fjöleignarhúss getur gripið til sé hann ekki hafður með í ráðum um framkvæmdir
Fósturrof: Upplifun fósturforeldra.
No full textUpplifun fósturforeldra á fósturrofi hefur ekki verið rannsökuð hér á landi og hafa fáar erlendar rannsóknir verið gerðar. Fósturrof á sér stað þegar fósturbarn flyst af fósturheimili áður en fóstursamningi lýkur. Í þessari rannsókn sjónum beint sérstaklega að reynslu og upplifun fósturforeldra á Íslandi af því að ganga í gegnum fósturrof. Notast var við eigindlega rannsóknaraðferð þar sem tekin voru djúpviðtöl við sjö einstaklinga sem allir höfðu gengið í gegnum fósturrof.
Niðurstöður rannsóknarinnar sýna að fósturrof hefur djúpstæð áhrif á líf fósturforeldra og vekur upp sterkar tilfinningar, svo sem sorg og skömm. Meginástæður fósturrofs að mati fósturforeldra tengjast hegðunarvanda fósturbarnanna, ófullnægjandi stuðningur og skortur á upplýsingum frá barnaverndarþjónustu. Upplifa þátttakendur einnig óvissu og vantraust í garð barnaverndarkerfisins, sem veldur auknu álagi og áskorunum fyrir þá. Undirstrika niðurstöður rannsóknarinna mikilvægi þess að veita fósturforeldrum aukna fræðslu, meiri stuðning og að reglubundin eftirfylgni, samstarf og samskipti sé með fósturmálunum og sérstaklega þegar vísbendingar koma fram um að fósturrof gæti verið í uppsiglingu.
Aðgerðir sem miða að því að draga úr tíðni fósturrofa geta falið í sér sérhæfða ráðgjöf, betri upplýsingagjöf og hegðunarúrræði fyrir börn. Niðurstöðurnar leggja áherslu á þörfina fyrir kerfisbundnar breytingar eins og tilmæli eða reglur samstarf og samskipti aðila sem geti stuðlað að meiri stöðugleika og betri upplifun allra sem tengjast barnaverndarkerfinu, þá sérstaklega í tengslum við fósturmál. Rannsóknin varpar ljósi á mikilvægt og að nokkru vanrækt viðfangsefni á Íslandi og getur lagt grunn að frekari rannsóknum og úrbótum innan barnaverndarkerfisins og málefna fósturbarna
Af máli má manninn þekkja : áhrif annars móðurmáls, erlends eða táknmáls, á félagslega stöðu barna á Íslandi
No full textBörnum með annað móðurmál en íslensku fer fjölgandi hérlendis. Samkvæmt Hagstofu Íslands töluðu 6570 nemendur á grunnskólaaldri annað mál en íslensku árið 2022. Markmið þessarar ritgerðar er að skoða að hvaða leyti íslenska sem annað móðurmál hafi áhrif á félagslega stöðu barna á grunnskólaaldri. Ritgerðin er byggð á rannsóknum á félagsstöðu barna sem tilheyra jaðarsettum hópum, en slíkar rannsóknir eru enn fáar. Leitast er við að svara rannsóknarspurningunni: Hvaða áhrif hefur það á félagslega stöðu barna á Íslandi að hafa annað móðurmál en íslensku?
Niðurstöður eftirfarandi rannsóknar benda til þess að félagsleg staða barna með annað móðurmál en íslensku sé verri innan skólakerfisins hérlendis en staða barna með íslensku að móðurmáli. Það hallar á nemendur með erlend móðurmál og skólakerfið á Íslandi er illa undirbúið fyrir fjölmenningarkennslu. Börn sem hafa annað móðurmál, erlend eða táknmál, en íslensku eru oft einangruð í skólakerfinu og er það að hluta til vegna áherslu skólanna á íslensku.
Þá kom í ljós að börn sem hafa íslenskt táknmál (ÍTM) að móðurmáli eiga sömuleiðis erfitt uppdráttar innan skólakerfisins. Þrátt fyrir að ÍTM sé samkvæmt íslenskum lögum jafnrétthátt tungumál og íslenska má finna misræmi á milli laga og reglugerða um skólastarf og þeirrar starfsemi sem fer fram innan skólanna