Buckinghamshire New University
Not a member yet
17928 research outputs found
Sort by
An Exploration of Contemporary Factors that Influence Adoption of Instant Messaging by Academics in Higher Education
No full text
Tilfinningavinna flugliða: Upplifun flugliða af starfinu og tilfinningavinnu sem því fylgir
No full textStarf flugliða felst fyrst og fremst í að gæta öryggis í háloftunum en einnig að þjónusta og hlúa að farþegum. Starfinu fylgir mikil tilfinningavinna þar sem flugliðar þurfa að birtast farþegum í jákvæðu ljósi burt séð frá raunverulegri líðan þeirra. Markmið rannsóknarinnar var að skoða upplifun flugliðanna af starfinu og þá sérstaklega hvað varðar tilfinningavinnu og áhrifastjórnun. Leitast var eftir að skoða upplifun kvenkyns og karlkyns flugliða af starfinu og áskorunum sem því fylgir. Tekin voru sex hálfstöðluð viðtöl við kvenkyns og karlkyns flugliða og voru þau síðar þemagreind. Niðurstöður sýna fram á að flugliðar beita töluverðri tilfinningavinnu í starfinu, þá aðallega í samskiptum við ókurteisa farþega. Flugliðar eru undir augum farþega allt flugið og þurfa því að beita áhrifastjórnun til að birtast farþegum í viðeigandi ljósi. Áreitni sem flugliðar verða fyrir í starfi sínu getur reynst mjög mikið og tekið á andlega líðan þeirra. Enn fremur kom í ljós að karlkyns flugliðar njóta meiri virðingar frá farþegum á meðan kvenkyns flugliðar upplifa meiri óvirðingu og ókurteisi frá farþegum
The association between perceived social status and ageism towards older adults among young adults in Iceland
No full textMarkmið þessarar rannsóknar var að skoða aldursfordóma ungs fólks gagnvart eldra fólki og hlutverk samfélagssýnar og samfélagsstöðu í aldursfordómum. Mikilvægt er að leggja mat á umfang aldursfordóma til að átta sig betur á stöðu þeirra á Íslandi. Aldursfordómar eru algengir og finnast víða í heiminum. Með stækkandi hlutafalli eldra fólks, hefur áhugi á aldursfordómum aukist og það hefur komið betur í ljós hversu alvarlegar afleiðingar þeir geta haft. Aldursfordómar hafa verið tengdir við samfélagsstöðu, samfélagssýn og millihópasamanburð. Í þessari rannsókn var kannað hvort ungt fólk með hópaskipta frekar en einstaklingsmiðaða sýn hefði meiri aldursfordóma gagnvart eldra fólki. Einnig var kannað hvort lægri upplifuð samfélagsstaða og það að telja eldra fólk hafa hærri samfélagsstöðu hefði tengsl við meiri aldursfordóma. Að lokum var kannað hvort hópaskipting miðli sambandinu á milli samfélagsstöðu og aldursfordóma. Þátttakendur voru 336 háskólanemar á aldrinum 18-34 ára. Við mat á aldursfordómum var notast við mælitækin Fraboni Scale of Ageism, Personal Relative Deprivation Scale, Subjective Social Status Scale, skýringarmynd sem metur samfélagssýn og spurningar sem meta upplifun á fordómum. Við greiningu gagna var notast við einhliða aðfallsgreiningu og tvíkosta aðhvarfsgreiningu. Niðurstöður sýndu að það var enginn munur á aldursfordómum milli hópaskiptrar og einstaklingsmiðaðrar samfélagssýnar. Þær sýndu einnig að lægri upplifuð samfélagsstaða hafði almennt ekki tengsl við meiri aldursfordóma. Það að telja eldra fólk vera betur sett í samfélaginu hafði hins vegar tengsl við meiri aldursfordóma. Karlar og yngri þátttakendur voru með meiri aldursfordóma en konur og eldri þátttakendur. Meiri afstæður skortur hafði tengsl við meiri aldursfordóma. Rannsóknin gefur hugmynd um áhrifaþætti aldursfordóma í íslensku samfélagi og getur nýst sem góður grunnur í áframhaldandi rannsóknir á viðfangsefninu. Framtíðarrannsóknir ættu að miða við fjölbreyttara úrtak sem gefur nákvæmari þverskurð af íslensku samfélagi, svo sem meiri aldursdreifingu. Einnig væri gott að skoða aðra þætti sem ekki voru teknir fyrir hér, svo sem menntun, atvinnu og fjölskylduhagi.
Lykilorð: aldursfordómar, eldra fólk, félagslegur samanburður, afstæður skortur, hópar, samféla
The effects of Direct Instruction and fluency training on two children with reading disability
No full textLæsi er mikilvægur þáttur í nútímasamfélagi. Ólæsi einstaklinga er virkilega kostnaðarsamt fyrir öll ríki heimsins og getur haft slæm áhrif á lífsgæði viðkomandi. Það er því grundvallaratriði að allir séu læsir en nýlegar niðurstöður PISA gefa til kynna að íslensk börn standi á höllum fæti er kemur að lestri. Mögulega eru því breytingar í lestrarkennsluaðferðum nauðsynlegar. Árangur í kennslu er best tryggður með notkun raunprófaðra kennsluaðferða, aðferða sem sýnt hafa fram á skilvirkni. Dæmi um slíkar aðferðir eru bein kennsla (e. Direct Instruction) Engelmanns og fimiþjálfun (e. precision teaching) sem þróuð var af Lindsley. Við kennslu er notkun jákvæðra styrkja mikilvæg. Táknstyrkjakerfi er raunprófuð aðferð sem stuðlar að áhrifum styrkja í gegnum tákn sem hægt er að skipta út fyrir veglega styrki. Í þessari rannsókn voru þessar styrkja- og kennsluaðferðir notaðar í sex vikur til að auka færni tveggja tíu ára barna í lestri. Niðurstöður kennslunnar leiddu í ljós framfarir barnanna í lestri, í stökum hljóðum hjá þátttakanda 1 og í lestri á texta hjá þátttakanda 2 og er það í samræmi við fyrri rannsóknir. Hugsanlega eru þessar lestrarkennsluaðferðir þá lausnin við hnignandi frammistöðu íslenskra barna í PISA, að minnsta kosti eru þær lausn fyrir börn sem falla aftur úr í lestri
Að „höndla" áfengi og að höndla með áfengi
No full textÁfengi er engin venjuleg neysluvara og eru því viðskipti og verslun við áfengi áhugavert í hagfræðilegum skilningi. Ekki er hægt að koma að áfengi með hefðbundinni hagfræðilegri nálgun þar sem varan hefur í för með sér umtalsverðan samfélagslegan kostnað sem er ekki borinn af neytandanum. Áfengi er nefnilega ein af þeim fáu vörum sem stangast á við hefðbundin hagfræðilíkön. Mikil neyslubrenglun er til staðar þar sem ekki er hægt að gera ráð fyrir að neytendur taki skynsamlegar og velferðar hámarkandi ákvarðanir þegar það kemur að vöru eins og áfengi. Þeir sem neyta áfengis í auknum mæli eru ónæmari fyrir verðbreytingum miðað við þá sem hafa hóflegt neyslumynstur. Áfengisfíkn flækir ábatamatið töluvert. Með aukinni neyslu á ávanabindandi vöru eins og áfengi þá missir neytandinn smám saman vald sitt til þess að velja á milli vara sem hámarka hans velferð vegna þess að hann ofmetur virði áfengis miðað við aðrar vörur.
Að koma réttu fyrirkomulagi á áfengissölu er gríðarlega mikilvægt. Í ljósi skaðseminnar er hægt að réttláta inngrip stjórnvalda til þess koma neyslunni á rétta braut. En í hve miklum mæli ættu takmarkanir stjórnvalda að vera? Miklir möguleikar eru til hagræðinga við einkavæðingu áfengisölunnar en að sama skapi ógnar sú tillaga lýðheilsu og þar með almannahagsmuni. Stjórnvöld standa frammi fyrir miklu verkefni þegar það kemur að stefnumótun í áfengismálum og þarf ákvarðanataka að vernda bæði almannahagsmuni og taka tillit til því efnahagslegu mikilvægi sem áfengi býr yfir
„Pólska, teikning, íslenska – íslenska sem þriðja tungumál arkitekts“: Pólsk þýðing á kafla úr ritgerðinni „Sérkenni íslenskrar húsagerðar á fyrri öldum“ eftir Hjörleif Stefánsson ásamt greinargerð
No full textEftirfarandi ritgerð er lokaritgerð til BA-prófs í íslensku sem öðru máli, Hugvísindadeild Háskóla Íslands. Verkið skiptist í tvo meginhluta, sá fyrri er ritgerð sem útskýrir þýðingarferli, „tungumál arkitektúrs“ og hvernig er skrifað um það á pólsku og íslensku. Síðan eru vandamál við þýðingu úr íslensku yfir á pólsku kynnt. Seinni hlutinn er þýðing á kafla úr ritgerð Hjörleifs Stefánssonar sem ber heitið „Sérkenni íslenskrar húsagerðar á fyrri öldum“ úr íslensku yfir á pólsku
Kostnaðarvirknigreining á innleiðingu verkefnisins Hugur og heilsa í íslenskt skóla- og heilbrigðiskerfi
No full textInngangur: Meiriháttar geðlægð (e. major depressive disorder) er að mati Alþjóðaheilbrigðisstofnunarinnar talin helsta ástæða fötlunar í heiminum og er hún í 3. sæti yfir þá sjúkdóma sem valda mestri efnahagslegri byrði í heiminum. Því er spáð að hún verði kostnaðarsamasti sjúkdómur tekjuhárra ríkja árið 2030. Algengi meiriháttar geðlægðar á lífsleiðinni er 20-25% meðal ungmenna en aðeins 17% meðal fullorðinna. Forvarnarnámskeiðið Hugur og heilsa hefur sýnt sig geta dregið úr líkum þess að ungmenni fái fyrstu lotu alvarlegrar geðlægðar á Íslandi. Rannsóknin hefur verið endurtekin í Portúgal með hliðstæðum árangri og náðist hér á landi. Verið er að rannsaka árangur verkefnisins í Svíþjóð og fyrstu niðurstöður falla í sama farveg og hið sama gildir um rannsókn á árangri þess í Grikklandi.
Aðferðir og efniviður: Hagkvæmni innleiðingar námskeiðsins Hugur og heilsa í grunnskóla á höfuðborgarsvæðinu er könnuð með kostnaðarvirknigreiningu út frá þjóðhagslegu sjónarhorni. Kostnaður við innleiðingu og rekstur verkefnisins er borinn saman við það sem sparast í samfélaginu þegar þunglyndi dregst saman. Við mat á því sem sparast er stuðst við niðurstöður úr erlendum rannsóknum sem og íslenskar kostnaðarupplýsingar. Við mat á ávinningi er stuðst við niðurstöður á virkni verkefnisins hér á landi. Niðurstöður eru settar fram á verðlagi ársins 2024 og miðað er við 3% afvöxtunarstuðul. Reiknað er stigvaxandi kostnaðarvirknihlutfall sem lýsir kostnaði á hvert áunnið lífsgæðavegið lífár. Næmisgreiningar eru framkvæmdar með tilliti til helstu þátta greiningarinnar.
Niðurstöður: Heildarkostnaður við innleiðingu og rekstur verkefnisins á höfuðborgarsvæðinu reiknast 80.230.000 ISK. Heildarkostnaður sem sparast í þjóðfélaginu reiknast 23.739.979 ISK. Heildarkostnaður að frádregnum sparnaði reiknast því 56.490.021 ISK. Forvörn gegn þunglyndi hjá 14-15 ára ungmennum skilar 17 áunnum lífsgæðavegnum lífárum. Stigvaxandi kostnaðarvirknihlutfall reiknast því 3.349.415 ISK.
Ályktun: Miðað við kostnaðarvirkniþröskuld Alþjóðaheilbrigðisstofnunarinnar reiknast innleiðing og rekstur námskeiðsins Hugur og heilsa í grunnskóla á höfuðborgarsvæðinu mjög hagkvæm
Treatment histories of individuals with severe obsessive-compulsive disorder seeking treatment in an outpatient setting in Iceland
No full textBackground: Obsessive-compulsive disorder (OCD) is a debilitating mental health disorder. Cognitive behavioural therapy (CBT) with exposure and response prevention (ERP) is an effective treatment for OCD, but few individuals seeking treatment access it, and for those who gain access, important CBT components are often missing.
Aims: This study has two aims. Firstly, to explore treatment histories of individuals on a waiting list for, or having recently initiated treatment, for OCD at Landspítali – The National University Hospital of Iceland. Secondly, to evaluate the effectiveness of CBT with ERP at Landspítali.
Method: Two patients who had recently initiated CBT with ERP for OCD were interviewed with a standardized interview for treatment history evaluation. Interviews were carried out between March 2024 and May 2024. For evaluating the effectiveness of CBT with ERP, data was analyzed for 22 participants who sought treatment between April 2021 and October 2023.
Results: Findings from the interviews indicated that most recent previous psychological therapy lacked some key components of CBT with ERP. Speculations were raised about the importance of adequate first CBT treatment sought and its impact on treatment component attitudes. When examining CBT outcomes, a significant reduction in OCD symptoms and symptom severity was demonstrated post-treatment.
Conclusions: This study provided insights into present and missing key components of CBT with ERP treatment through treatment histories and demonstrated that CBT with ERP is an effective treatment for individuals with long-term and severe OCD in Iceland. Further studies are needed to evaluate treatment histories from a larger sample and the effectiveness of CBT with ERP for OCD in Iceland in controlled conditions
Bréf til mömmu: Íslenskar þjóðsögur og ævintýri í gegnum linsu sjálfs-etnógrafíu
No full textÞessi ritgerð fjallar um hlutverk frásagnarlistarinnar sem brúar milli menningarheima, með áherslu á tengsl Litháens og Íslands. Með því að skoða íslenskar þjóðsögur og ævintýri er kafað ofan í menningarlega þýðingu þessara frásagna og dregið fram hvernig þær endurspegla hefðir, miðla siðferðilegum álitamálum og dýpka skilning á menningarbundum viðhorfum. Höfundur sækir í brunn þjóðsagna úr safni Jóns Árnasonar og rannsakar þá menningartúlkun og félagslegu sjálfsmynd sem felst í þessum sögum. Með því að beita sjálfs-etnógrafíu (e. auto-ethnography) sem aðferð kannar ritgerðin einnig persónulega reynslu höfundar í félagslegu og menningarlegu samhengi beggja menningarheima. Kjarni verkefnisins liggur í þeirri skapandi vegferð að skrifa átta bréf til móður höfundar á einu ári, sem bjóða lesendum í ferðalag milli tveggja menningarheima og sýna kraft frásagna til að efla tengsl og skilning.This essay explores the profound role of storytelling as a bridge between cultures, focusing on the connection between Lithuania and Iceland. Through an examination of Icelandic legends and fairy tales, the study delves into the cultural significance of these narratives, highlighting their ability to preserve traditions, convey moral guidance, and deepen understanding of cultural ethos. Drawing inspiration from Jón Árnason's collection of Icelandic folktales, the author investigates the cultural interpretation and social identity embedded within these stories. Using auto-ethnography as a method, the thesis also explores the personal experiences of the author within the social and cultural contexts of both cultures. The heart of the project lies in the creative pursuit of composing eight letters to the author's mother, written over the course of a year, which invite readers on a journey between two cultures, showcasing the power of storytelling to foster connection and understanding.