Buckinghamshire New University
Not a member yet
17928 research outputs found
Sort by
Túlkun staðlaðra samningsskilmála í vátryggingarsamningum
No full textÍ þessari ritgerð verður leitast við að svara þeirri spurningu hvernig staðlaðir samningsskilmálar í vátryggingarsamningum eru túlkaðir og hvaða meginviðhorf gilda við þær aðstæður. Í öðrum kafla er fjallað almennt um samningarétt. Fjallað verður um samningarétt sem fræðigrein og hvaða meginreglur gilda á því sviði. Í þriðja kafla er umfjöllun um staðlaða samningsskilmála þar sem fjallað verður um helstu tegundir slíkra skilmála sem og kosti og galla við notkun þeirra. Í fjórða kafla er túlkun löggerninga tekin fyrir og komið stuttlega inn á hugtökin skýringu og fyllingu. Í fimmta kafla er fjallað um túlkun vátryggingarsamninga. Farið verður almennt yfir vátryggingarsamninga, beitingu andskýringareglunnar við túlkun þeirra ásamt því að fjalla um aðrar túlkunarreglur. Í lokakafla ritgerðarinnar eru helstu niðurstöður dregnar saman
Fagmenntun og kennsla tvítyngdra barna í leikskóla: Nýjar áskoranir í leikskólastarfi
No full textÍ þessari ritgerð er fjallað um nýjar áskoranir leikskóla á Íslandi sem fylgja auknum fjölda tvítyngdra barna og hvernig þeir laga sig að fjölbreyttari nemendahópi. Fjallað er um mikilvægi málörvunar fyrir tvítyngd börn og hlutverk fagmenntaðra kennara í að stuðla að tungumálakunnáttu þeirra. Ritgerðin rýnir í stefnur annarra Norðurlanda varðandi málörvun og ber saman við íslenskar aðferðir. Niðurstöður rannsókna benda til þess að tvítyngd börn nái ekki eins góðum tökum á íslensku og eintyngd börn og að skortur á markvissum aðferðum og fagmenntuðum kennurum í leikskólum hamli framvindu þeirra. Ritgerðin leggur til að efla þurfi kennaramenntun og auka stuðning við tvítyngd börn til að bæta færni þeirra í íslensku sem samskiptamáli og til undirbúnings fyrir frekara nám. Hún kallar á markvissar aðgerðir til að tryggja jöfn tækifæri fyrir öll börn í íslenskum leikskólum
Staða erlendra fanga í fangelsum á Íslandi: Endurhæfing fyrir alla?
No full textÍ þessari ritgerð er fjallað um stöðu erlendra fanga í íslenskum fangelsum. Eftirfarandi rannsóknarspurningum er svarað: Hver er staða erlendra fanga í íslenskum fangelsum? Hvaða þjónusta stendur erlendum föngum til boða? Hver er aðkoma félagsráðgjafa í þjónustu við erlenda fanga? Fá erlendir fangar tækifæri til endurhæfingar til jafns við íslenska fanga? Þá er fjallað um fangelsismálakerfið á Íslandi, fyrirliggjandi erlendar rannsóknir á efninu, rannsókn Barnoux og Wood á sértækum þörfum og hugsanlegum ógnum við geðheilsu erlendra fanga, rannsókn Till og félaga á geðheilsu erlendra fanga í Bretlandi, rannsókn Croux og félaga á hvernig erlendir fangar upplifa aðgengi að starfsemi innan fangelsis í Belgíu, rannsókn Pakes á upplifun erlendra fanga á að afplána dóm í opnu úrræði á Íslandi og endurhæfingu fanga. Auk ritaðra heimilda voru tekin upplýsingaviðtöl við starfsfólk Fangelsismálastofnunnar.
Helstu niðurstöður benda til þess að tungumálaörðugleikar séu stærsta áskorunin og hindrunin sem erlendir fangar sem afplána dóm hér á landi eiga við. Tungumálaörðugleikarnir takmarka þá þjónustu sem erlendir fangar geta fengið, virkni, félagslíf og tækifæri til endurhæfingar. Staða erlendra fanga er veikari samanborið við íslenska fanga hvað varðar upplýsingar við innkomu, nám, virkni, trúariðkun, áfengis- og vímuefnameðferð og, í sumum tilvikum, félagslíf. Í upplýsingaviðtölunum kom í ljós að engin sérstök úrræði standa erlendum föngum til boða. Aðkoma félagsráðgjafa í þjónustu við erlenda fanga er að mörgu leyti sú sama og í þjónustu við íslenska fanga en félagsráðgjafarnir fylgjast vel með stöðu erlendra fanga. Meginstoðir endurhæfingar fanga eru þrjár; viðeigandi heilbrigðisþjónusta, nám og vinna. Í ljós kom að erlendir fangar hafa jöfn tækifæri til endurhæfingar samanborið við íslenska fanga þegar kemur að vinnu, en takmarkaðri tækifæri til náms og heilbrigðisþjónustu
Útgáfustarfsemi félagasamtaka
No full textÍ þessari ritgerð fer ég yfir ferlið að opna vefsíðu fyrir Félag Íslendinga í Lúxemborg. Hugmyndin kviknaði þegar ég tók eftir því að félagið vantaði góðan stað til þess að miðla upplýsingum og auglýsa starfsemi þess. Við undirbúning vefsíðunnar var þarfagreining framkvæmd og niðurstöður úr þeirri könnun hafðar til hliðsjónar við hönnun og skipulag vefsins. Því næst var efni aflað til þess að setja inn á vefinn og meðal annars viðtöl tekin við Íslendinga í Lúxemborg. Þá er sagt frá því hvernig framsetningu á vefnum skal háttað. Að endingu er farið yfir ákvarðanir sem voru teknar varðandi útlitið. Það er von mín að þessi vefsíða muni styðja við og efla starf félagsins
Hvernig nálgast kennarar efnið fjármálalæsi í grunnskólum?
No full textFjármálalæsi er skilgreind sem geta fólks til að taka fjárhagslegar ákvarðanir út frá eigin hagsmunum til skamms og langs tíma og er þannig tæki til að stuðla að minni mismunun í samfélaginu. Í aðalnámskrá er lögð áhersla á að nemandi eigi við lok 10. bekkjar að geta tekið ábyrga afstöðu í eigin fjármálum og einnig geti veitt valdhöfum eðlilegt aðhald, hvort sem þeir eru í fjármálalífinu, stjórnmálum, fjölmiðlum eða á öðrum sviðum.
Í rannsókninni er kannað hvernig kennarar meta hæfni nemenda í fjármálalæsi og hvort nemendur standist hæfniviðmið samfélagsgreina sem er að nemendur geti tekið ábyrgð á eigin fjármálum við lok grunnskóla. Einnig er kannað sérsvið kennara í fjármálakennslu, hvaða kennsluefni er í boði og hvaða námsefni og kennsluaðferðir þeir nota.
Gagna var aflað með viðtölum við kennara í fimm skólum á höfuðborgarsvæðinu. Viðmælendur höfðu það allir sameiginlegt að kenna stærðfræði og notuðu efni úr stærðfræðibókum til kennslu í fjármálalæsi. Það var þó mismunandi hversu djúpt hver og einn kennari fór í efnið og hversu mikið efni var notað til að dýpka skilning nemenda.
Meginniðurstaða rannsóknarinnar er að allir viðmælendur lögðu mat á kunnáttu nemenda sinna út frá hæfniviðmiðum stærðfræðinnar frekar en út frá viðmiðum samfélagsgreina, enda töldu allir viðmælendur þau viðmið vera óraunhæf til þess að meta nemendur sína
Stúdentagarðar við Hringbraut 29
No full textVerkefnið nær til hönnunar á mannvirki, stúdentagarða við Hringbraut.
Mannvirkið þjónar stúdentum við Háskóla Íslands á meðan námi stendur.
Haldið var áfram með samkeppnistillögu frá SP(R)INT STUDIO og farið í gegnum áfram haldandi hönnunarferli
Þetta eru bara orð - eða hvað?
No full textÍ þessari ritgerð ætla ég að lýsa Ljóðasíma sem ég setti upp og fólk getur hringt í hvar og hvenær sem er og hlustað á ljóðaupptökur. Einnig mun ég skoða hvaða áhrif lesin ljóð hafa á fólk og hvort ljóð hafi í raun umbreytandi áhrif á lesendur sína og hlustendur. Ég mun skoða hvort ljóð hafi mátt til þess að ekki bara stytta fólki stundir heldur raunverulega hjálpa þegar erfiðleikar steðja að. Ég tek viðtöl við skáld og ljóðaunnendur um upplestur og lestur ljóða og hvernig þetta horfir við þeim. Það er ennþá mikið af fólki sem ber fyrir sig skilningsleysi þegar það hlustar á ljóð en hvernig skiljast ljóðin? Snýst þetta bara um orðin eða býr eitthvað meira að baki?In this essay I´m going to describe The Poetry Phone which I set up for people to call anytime, anywhere. It’s a number people can call to listen to recordings of poetry. I will also look at what impact poetry has on people and if it can have transformative effect on its readers and listeners. If poetry can not only be a recreation but really help when people go through difficult times. I interview a couple of poets and readers of poetry about the reading and listening to poetry and their point of view. There are still a lot of people who say they don‘t understand poetry but how is poetry understood? Is it only about the words or is there something more to it
Showdeck Notes
No full textTaking down notes in a hurry can lead to them being incomprehensible. This happens often in the performance arts industry, where creative directors need to write down notes while also maintaining attention to all details during rehearsals. In addition to this drawback, creative directors are forced to choose between many generalized note-taking applications. Leading to a mismatch in applications being used in a single production, thus requiring directors to hand out notes manually, which is time-consuming process.
This report describes a note-taking system called Showdeck Notes, which is intended to solve these problems. The system is an extension to the pre-existing Showdeck platform, which utilizes its user base to allow directors to mention users directly in their notes. By introducing a one-click group distribution button, notes can be sent directly to assigned users' inboxes, making the process significantly less time-consuming. The system is also intended to be connected to Showdeck Replay, a recording system. By matching the timestamps on the recordings with timestamps of notes, a user can get context to an incomprehensible note.
The application was built using Vue for the frontend and Django for the backend. Pinia was used in the frontend for state management and local storage, and Django's built in database was used for storing data. GraphQL was used for communication between the two, and the application as a whole is hosted on AWS.
The report goes into more detail about the design of the system, the progression of this project, and the final product
Íslenskt hugvit- vistkerfi frumkvöðla og sprotafyrirtækja á Íslandi
No full text.Útdráttur
Frá því að nýsköpun fór að vera meira áberandi í rannsóknum og fræðigreinum hafa margar skilgreiningar á hugtakinu komið fram. Nýsköpun er talin vera einn helsti drifkraftur hagkerfa því nýsköpun hefur áhrif á hagvöxt landa, samkeppnishæfni á alþjóðavettvangi og getur aukið skilvirkni innan fyrirtækja og stofnana í einka- og opinbera geiranum og getur stuðlað að betri nýtingu auðlinda og betri lífsgæðum.
Þegar flestir tala um auðlindir þá koma náttúruauðlindir oftast fyrst upp í hugann en auðlindir finnast víða og í nýsköpun er hugvit einstaklinga ein mikilvægasta auðlindin. Það mætti segja að hugvitið sé fræ sem þarf að rækta á réttan hátt og í réttum farvegi svo úr verði nýsköpun.
Í þessari ritgerð ætlar rannsakandi að skoða betur auðlindir í vistkerfi nýsköpunar, hvaða lykilþættir þurfa að vera til staðar svo að nýsköpun blómstri sem best. Hvar standa Íslendingar í samanburði við aðrar þjóðir hvað vistkerfi varðar? Vegferð frumkvöðla og sprotafyrirtækja getur krefjandi og lærdómsrík. Rannsóknir sýna að velgengni frumkvöðla og sprotafyrirtækja getur farið að miklu leyti eftir því úr hvaða umhverfi þau koma og hvort stuðningsumhverfi frumkvöðla sé nógu gott og jarðvegurinn sé nógu frjósamur, en það veltur á vistkerfinu sem þeir búa við.
Í náttúrunnni eru vistkerfi skilgreind sem ,,svæði sem hefur verið tilgreint þar sem lífverur tengjast hver annari og umhverfi á einn eða annan hátt. Allar lífverur á tilteknu svæði og allt sem þær þurfa til að lifa er hluti af vistkerfi.“ (Jón M. Halldórsson, 2009) Sama nálgun hefur verið notuð til þess að rannsaka vistkerfi nýsköpunar í hverju landi fyrir sig. Vistkerfi frumkvöðla (e.entrepreneurial ecosystem) er skilgreint sem mengi innbyrðis háðra þátta og gerenda sem er stjórnað á þann hátt að þeir framleiði afkastamikið frumkvöðlastarf á tilteknu svæði. Vistkerfi nær því yfir innbyrðis háð mengi gerenda og þátta sem geta verið til í mismunandi samsetningum. (Sam og Spigel, 2018)
Vistkerfi frumkvöðla eða nýsköpunar getur annað hvort dregið úr áhrifum frumkvöðlastarfs og efnhagsþróun samfélags eða aukið hagvöxt í þjóðfélaginu. Með því að innleiða ákveðna vistkerfanálgun við greiningu getur það gefið mynd af styrkleikum og veikleikum innan efnahagskerfisins í heild sinni, á sama tíma og tekið er tillit til tengsla á milli þátta sem þurfa að vera til staðar.
Verkefnið byggir á fyrirliggjandi rannsóknum um vistkerfi frumkvöðla og fyrri áfanga úr rannsókn sem gerð var um áhrifamat Klak af Runólfi Smára Steinþórssyni prófessor við Háskóla Íslands og Hannesi Ottóssyni, lektor við Háskóla Íslands. Í framhaldi af þeirri rannsókn verða áframhaldandi rannsóknir framkvæmdar á vistkerfi frumkvöðla á Íslandi.
Við gerð þessarar ritgerðar var rýnt í fyrirliggjandi fræðilegar heimildir, nýlegar rannsóknir á sviði nýsköpunar á Íslandi og framkvæmd eigindleg rannsókn til að fá dýpri innsýn á upplifun og reynslu frumkvöðla á stuðningsumhverfinu á Íslandi.
Fyrstu niðurstöður áhrifamats Klak rannsóknar sem nefnd var hér að ofan sýnir að 84% þeirra fyrirtækja sem hafa hafið sinn lífsferil á viðskiptahraðli Klak eru ennþá starfandi í dag sem gefur von og fyrirheit um að stuðningsumhverfið og vettvangurinn sem Klak hefur skapað styðji frumkvöðla og sprotafyrirtæki á þeirra fyrstu stigum frumkvöðlaferlisins. Annar hluti rannsóknarinnar snýr að þeirri aðferðafræði sem rannsakandi studdist við með viðtölum við stofnendur sprotafyrirtækja og gagnasöfnun. Sá grunnur verður notaður til þess að útskýra mat rannsakanda á því hvort rannsóknir á þessu sviði eigi við viðmælendur.
Í þriðja hluta greinir rannsakandi frumkvöðlaferli sprotafyrirtækisins PayAnalytics og þróun þeirra eftir þátttöku í Gullegginu. Niðurstöður gagna verða bornar saman við rannsókn Hannesar og Runólfs og nýlegar rannsóknir sem hafa verið gerðar á frumkvöðlaumhverfinu á Íslandi.
Kannað verður hvort að kenningar og rannsóknir um vistkerfi frumkvöðla eigi við reynslu fyrirtækisins PayAnalytics af vistkerfi nýsköpunar á Íslandi. Að lokum eru umræður, lokaorð og fá ein orð um takmarkanir rannsóknarinnar.
Sjónarmið við túlkun sérstakra tengsla 2. mgr. 36. gr. útl.
No full textHöfundur ritgerðarinnar vildi komast að því hvaða sjónarmið við túlkun sérstakra tengsla 2. mgr. 36. gr. útl. með tilliti til fyrirætlana stjórnvalda að láta ákvæðið niðurfalla skv. nýju breytingafrumvarpi. Mælt er fyrir um réttindi erlendra ríkisborgara á Íslandi í 2. málsl. 2. mgr. 66. gr. Stjórnarskrá lýðveldisins Íslands nr. 33/1944 og lögum um útlendinga nr. 80/2016 ásamt fleirum, með tilliti til alþjóða skuldbindinga og mannréttinda, sem skoðað í ritgerðinni. Fjallað er um túlkun kærunefnd útlendinga og úrlausnir hennar eru skoðaðar með tilliti til túlkanna sérstakra tengsla og lagalegra sjónarmiða. Mörk sérstakra tengsla og fjölskyldu eru ekki ætíð ljós en í þeim álitamálum eftirlætur löggjafinn ráðherra heimild til frekari setningu reglugerða. Höfundur komust að þeirri niðurstöðu að niðurfelling ákvæðisins stangist á við þær alþjóða skuldbindingar og mannréttindi sem löggjafinn óskaði eftir að fylgja við setningu laga um útlendinga nr. 80/2016. Einnig kom í ljós að þau sjónarmið sem notuð voru við túlkun og reglugerð gætu ekki talist málefnaleg.The author of this essay wanted to find out what viewpoints in interpreting the special relationships with regards to the government's intentions to have the provision lapse in a new amendment bill. The rights of foreign nationals in Iceland are prescribed in article 66 Constitution of the Republic of Iceland no. 33/1944 and the Act on
Foreigners no. 80/2016 along with others, with regard to international obligations and human rights, as examined in the thesis. The interpretation of the Aliens Appeals Committee is discussed and its solutions are examined with regard to the interpretations of special relationships and legal considerations. The boundaries of special relationships and family are not always clear, but in those matters, the
legislature leaves the minister authorized to issue further regulations. The author came to the conclusion that the cancellation of the provision contradicts the international obligations and human rights that the legislator wanted to follow when enacting the Law on Foreigners no. 80/2016. It was also found that the points of view used for
- interpretation and regulation could not be considered relevant