Skemman (Island)
Not a member yet
50783 research outputs found
Sort by
Að mæta þörfum aðstandenda barna sem skaða sig: Staðan hérlendis og rými til úrbóta
No full textLokaverkefni þetta fjallar um þarfir aðstandenda barna sem glíma við sjálfsskaðandi hegðun. Markmiðið með rannsókninni er að veita innsýn í reynslu aðstandenda í þessari stöðu og leita svara við því hvers þeir þarfnast til þess að takast á við vandann, hvernig þörfunum sé mætt hérlendis og ekki síst hvernig hægt sé að styðja við þá með sem bestu móti. Til þess að svara þessum spurningum rýndi höfundur í fræðilegar heimildir og fyrirliggjandi gögn er tengja má við aðstandendur barna í þessari stöðu og tók djúpviðtöl við fimm aðstandendur barna sem hafa glímt við sjálfsskaða.
Í verkefninu er fjallað um hugtök og kenningar er tengja má við efni rannsóknarinnar, fræðilegar heimildir um aðstandendur barna sem skaða sig, þau víðtæku áhrif sem hegðunin getur haft á þá, mishjálpleg viðbrögð þeirra við hegðuninni og hvers þeir þarfnast til þess að takast á við hana. Því næst er litið út fyrir landsteinana í leit að fyrirmyndum um það hvernig hægt væri að koma betur til móts við þennan hóp og gerð grein fyrir þeim lagaramma, stefnuskjölum og umgjörð þjónustu sem ná utan um málaflokkinn hér á landi.
Rauðir þræðir í frásögnum viðmælenda mynduðu fimm þemu; (1) Sjálfsskaði barnsins, (2) Áhrif á aðstandendur, (3) Mishjálpleg viðbrögð, (4) Reynsla aðstandenda af stuðningi og (5) Ákjósanlegur stuðningur. Reynsla aðstandenda af stuðningi var langsamlega stærsta þemað og var því skipt í sjö undirþemu; (1) Upplýsingar og bjargráð, (2) Aðgengi að stuðningi, (3) Lítið gert úr vandanum, (4) Gripin seint og hendinni sleppt fljótt, (5) Stefna og utanumhald, (6) Brestir í kerfinu og (7) Aðstandendur fyrir utan.
Þegar öll þessi atriði eru fléttuð saman þá eru það niðurstöður rannsóknarinnar að það sem aðstandendur barna sem skaða sig þurfi fyrst og fremst á að halda séu upplýsingar og bjargráð, snemmtækur og meira afgerandi stuðningur fyrir barnið og ekki síst stuðningur fyrir þá sjálfa. Þá bera niðurstöðurnar þess merki að ef þörfum þeirra er mætt séu aðstandendur betur í stakk búnir til að sinna verndandi hlutverki sínu auk þess sem þeir eru síður líklegir til að brotna undan álaginu sem því fylgir.
Þegar kemur að því hvernig þörfum aðstandenda er mætt hérlendis þá virðist sem ekki fari saman hljóð og mynd en rannsóknin bendir til þess að gap sé á milli þess hvernig þörfum þessa hóps á að vera mætt samkvæmt umgjörð laga og þjónustu hér á landi og þess hvernig viðmælendur upplifðu þeim mætt í raun. Börn sem skaða sig og aðstandendur þeirra eigi það á hættu að lenda á gráu svæði þar sem þeir lenda á milli úrræða og fá þar af leiðandi ekki viðeigandi þjónustu.
Það virðist því vera rými til úrbóta í málaflokknum þegar kemur að því að mæta þörfum aðstandenda barna sem skaða sig og í lok verkefnisins leggur höfundur til nokkur atriði sem rannsóknin gefur vísbendingar um að gera megi betur til þess að mæta þeim
Innleiðing nýs skjala- og málakerfis hjá Stjórnarráði Íslands: Helstu áskoranir og tækifæri Er innleiðing með hjartanu allt sem þarf?
No full textMarkmið þessarar rannsóknar var að kanna innleiðingu nýs skjala- og málakerfis hjá ráðuneytum Stjórnarráðs Íslands. Sérstök áhersla var lögð á að greina þá þætti sem stuðluðu að farsælli innleiðingu þar sem helstu áskoranir og tækifæri voru skoðuð, með áherslu á mannlega þáttinn, stefnumótun og skipulagningu. Einnig var markmiðið að meta hvort og hvernig aðferðir breytinga- og þekkingarstjórnunar hefðu verið nýttar í ferlinu. Rannsóknin byggði á megindlegri aðferðarfræði þar sem rafræn spurningakönnun var send til starfsfólks 10 ráðuneyta og bárust svör frá 229 þátttakendum. Niðurstöður sýndu að algengar áskoranir tengdust tæknilegum hnökrum, ófullnægjandi fræðslu og ónógum stuðningi. Hins vegar höfðu aðgengi að sérfræðiaðstoð, markviss upplýsingagjöf og stuðningur frá samstarfsfólki og skjalateymum jákvæð áhrif á upplifun þátttakenda. Á grundvelli niðurstaðna er lagt til að sambærilegar innleiðingar verði studdar með markvissri þjálfun, virkri þátttöku notenda og samþættri stefnu breytinga- og þekkingarstjórnunar. Niðurstöður sýndu einnig að þátttaka stjórnenda reyndist mikilvæg forsenda árangurs. Bent var á að samráð við notendur um þarfir í þróunarferlinu hefði verið ófullnægjandi, sem dró úr þátttöku og samþykki í kerfinu. Á hinn bóginn komu fram þættir sem höfðu jákvæð áhrif á upplifun þátttakenda. Þar má nefna greiðan aðgang að sérfræðiaðstoð, markvissa upplýsingagjöf og félagslegan stuðning frá samstarfsfólki og skjalateymum. Á grundvelli niðurstaðna má sjá að sérstaklega mikilvægt er að stjórnendur axli ábyrgð á ferlinu með því að hvetja starfsfólk, tryggja skýra framtíðarsýn og sjá til þess að kerfið sé tilbúið til notkunar áður en það er tekið í gagnið
Umhverfið umlykur mig : mosinn, rafmagnið og ég
No full textÍ þessari ritgerð er fjallað um ferli listsköpunar út frá einkasýningunni Mosi, eftir Vilborgu Lóu Jónsdóttur og þörfina fyrir gerð sýningarinnar. Það eru kannaðar listsköpunar aðferðir og skoðanir súrrealistanna og snert á þörfinni fyrir öruggt rými og þá aðallega tengt einhverfu og skynörmögnuninni sem fylgir henni. Kafað er dýpra inn í innblástur sem listamaðurinn verður fyrir frá sínu nærumhverfi. Þar er fjallað um uppeldi á Völlunum í Hafnarfirði, hraunið og mosann sem umlykja hverfið og rafmagnið sem umkringir okkur öll. Svo er fjallað um listamenn sem fara í ferðalag á ókunnar- og ókannaðar slóðir, bæði huglægt og í raun og veru, og koma svo til baka með afrakstur ferðarlagsins í formi sinnar listar. Þar er sýningin Innra líf heysátu eftir Gabríelu Friðriksdóttur skoðuð frekar. Niðurstaða þessar ritgerðar er að listamaðurinn sem er mjög næmur á sitt umhverfi getur auðveldlega orðið fyrir miklum áhrifum og innblæstri frá sínu nærumhverfi. Þörfin fyrir listsköpunarferlinu kemur oftast ekki í ljós fyrr en eftir á þegar notast er við ósjálfráða sköpun. Listsköpunar ferlið getur verið þægilegt og veitt hugarró, sem er það sem fólk leitast eftir þegar það stimmar
Þurfamenn-utansveitar í Reykjavík: Fátækraframfærsla á árunum 1905–1935
No full textÍ Borgarskjalasafni Reykjavíkur er að finna stórmerkt skjalasafn Þurfamenn-utansveitar sem geymir gögn um rúmlega 3000 þurfamanna sem leituðu ásjár fátækrayfirvalda í Reykjavík á árunum 1905–1935. Meginverkefni þessarar ritgerðar var að útbúa gagnagrunn yfir þessa einstaklinga sem leituðu aðstoðar á ofangreindu tímabili. Skráðir voru 2000 þurfamenn, 1080 karlar, 873 konur, en gögn um 47 aðila virðast horfin. Öll skjöl í skrám þurfamannanna voru skönnuð og urðu þau um 80 þúsund áður en yfir lauk. Gagnagrunnurinn inniheldur um 120 þúsund færslur sem gefa færi á að greina langtímaþróun og mynstur fjölmargra atriða er lúta að málefnum þurfamannanna sem, stjórnun fátækramála í Reykjavík og samskiptum sveitastjórna og ráðuneyta innann þessa málaflokks. Umfang gagnagrunnsins er svo mikið að upplýsingarnar sem þar finnast munu eingöngu birtast að litlu leyti í þessari ritgerð og verður áhugavert að koma þeim fróðleik á framfæri sem þar er síðar með viðeigandi hætti.
Gagnagrunnurinn gefur t.d. ítarlegar upplýsingar um hvenær þurfamenn komu til Reykjavíkur, aldur þeirra þegar þeir komu og hversu mörg ár liðu frá komu þeirra er þeir leituðu aðstoðar og hversu mörg ár hver og einn var á styrk. Þar er einnig að finna nákvæma sundurliðun á stétt og stöðu þurfamanna, fjölda barna og hvaða aðstæður urðu til þess að þeir þörfnuðust aðstoðar. Þannig hefur um helmingur aðkomumannanna leitað aðstoðar innan fimm ára og um helmingur þarfnast styrks vegna innlagna á spítala, sumir allt að fjórum sinnum.
Samskipti fátækrayfirvalda við sveitfestihreppa voru almennt séð á faglegum nótum, en um þriðjungur sveitfestihreppanna gekk afar langt í að komast undan skuldbindingum sínum með endalausum efasemdum um ábyrgð sína þar sem flest var reynt. Með hliðsjón af gögnum skjalasafnsins er unnt að halda því fram án nokkurs vafa að viðmót fátækrayfirvalda í Reykjavík gagnvart þurfamönnum var mjög jákvætt þó svo að dæmi séu um brottflutning þeirra til sveitfestihreppanna. Þannig er algengt að fátækrayfirvöld hafi talað máli þurfamanna þegar krafist var flutnings á þeim heim í framfærsluhreppinn og allmörg dæmi eru um að neitað var kröfu sveitfestihreppa um heimflutning þurfamanna
Þróun vopnaburðar ungmenna : hvernig er hægt að nýta forvarnir til að bregðast við?
No full textRitgerðin er lokuð til 15.05.2027Helsta markmið rannsóknarinnar var að varpa ljósi á þróun vopnaburðar meðal ungmenna á Íslandi síðastliðin ár og skoða hvernig hægt sé er nýta forvarnir til þess að draga úr þessari þróun. Stuðst var við eigindlega rannsóknaraðferð og tekin voru fimm hálfstöðluð viðtöl við einstaklinga sem tengjast málefninu á mismunandi hátt. Notast var við tilgangsúrtak til þess að fá sem dýpstan skilning á viðfangsefninu, viðmælendur voru lögreglumenn, starfsmaður barnaverndar og faðir fórnarlambs hnífstunguárásar. Niðurstöður leiddu í ljós að margir þættir stuðla að vopnaburði meðal annars uppeldisþættir, félagsleg tengsl og aukið aðgengi að samfélagsmiðla. Viðmælendur voru á sama máli um að það hefur ekki endilega verið aukning á vopnaburði ungmenna, heldur hefur hann þróast út í það að ungmennin eru farin að beita vopnunum sem var ekki áður. Allir viðmælendurnir voru á sama máli um að ungmenni gerðu sér ekki fyllilega grein fyrir alvarleika vopnaburðar og bentu á mikilvægi markvissra og fjölþættra forvarna. Forvarnarstarf þarf að getað varpað ljósi á alvarleika þess sem felst í vopnaburði ungmenna og þær róttæku afleiðingar sem vopnaburður getur haft í för með sér. Slíkt má útfæra með raundæmum frá aðstandendum sem hafa upplifað slíkan harmleik, eins og tækni á borð við sýndarveruleika sem sýnir raunverulegar afleiðingar ofbeldis. Álykta má að áhrifaríkar forvarnir krefjist samstarfs foreldra og stofnana, þar sem áhersla er lögð á snemmtækt inngrip og stuðning við ungmenni í áhættuhópi. Þá er mikilvægt að tryggja að forvarnarstarf sé aðgengilegt, aðlagað að breyttum aðstæðum í samfélaginu, gagnreyndri þekkingu og reynslu af vettvangi.
Lykilhugtök: Félagsleg tengsl, vopnaburður ungmenna, forvarnir, löggæslaThe main objective of the study was to shed light on the development in possession of weapons among youth in Iceland for the past few years and to explore how prevention work can help reduce this development. A qualitative research method was used, involving five semi-structured interviews with individuals connected to the issue in various ways. A purposive sampling approach was employed to gain a deep understanding of the subject. Interviewees were police officers, an employee from child protection services, and the father of a stabbing victim. The findings revealed that various factors contribute to possession of weapons among youth, including upbringing, social connections, and easier access to social media. The interviewees agreed that there hasn't necessarily been a rise in weapon possession but rather a shift in how weapons are being used, youths are now more likely to use them, which was not previously the case. All interviewees agreed that young people do not fully comprehend the seriousness of carrying weapons and emphasized the importance of targeted and multifaceted prevention works. Prevention work should highlight the severity of the possession of weapons among youth and the serious consequences it can have. This could be achieved using real-life examples from those who have experienced such tragedies firsthand, or through technologies such as virtual reality that can illustrate the real consequences of such violence. It can be concluded that effective prevention requires collaboration between parents and institutions, with an emphasis on early intervention and support for at-risk youth. It is also important to ensure that preventive efforts are accessible, adapted to changing societal conditions, and based on evidence and field experience.Lokuð vegna viðkvæmra viðtal
"I don´t feel at ease until I´ve spent all my money": Increased access to online gambling sites and problem gambling
No full textRannsókn þessi beinist að einstaklingum sem glíma við spilavanda þar sem markmiðið var að dýpka skilning á upplifun þeirra á auknu opnu aðgengi spilasíðna og hvaða áhrif það hefur haft á þróun vanda þeirra og bataferli. Rannsóknin byggir á eigindlegum rannsóknaraðferðum þar sem notast var við fyrirbærafræðilega nálgun. Tekin voru hálfstöðluð eigindleg viðtöl við fimm karlmenn á aldrinum 30-52 ára sem allir höfðu leitað sér aðstoðar vegna spilavanda. Viðtölin fóru fram í október og nóvember 2025. Niðurstöður rannsóknarinnar sýndu að opið aðgengi að netspilasíðum ásamt markvissri stafrænni markaðssetningu og áreitum ýtti undir hraða þróun spilavanda. Aukin spilahegðun tengdist verulegri andlegri vanlíðan og stjórnleysi. Afleiðingar spilavandans birtust meðal annars í formi samskiptaerfiðleika við maka og aðra fjölskyldumeðlimi, skertrar starfsgetu og fjárhagstjóns. Bataferli þátttakenda reyndust einstaklingsbundin en áttu þeir allir það sameiginlegt að hafa nýtt sér meðferðir innan SÁÁ. Önnur úrræði svo sem stuðningshópar, félagslegur stuðningur, fræðsla og forrit sem hindra aðgengi að spilasíðum voru einnig nefnd sem mikilvægir þættir í bataferlinu. Rannsóknin undirstrikar að aukið aðgengi og áreiti í stafrænu umhverfi hefur áhrif á þróun spilavanda. Því er mikilvægt að mynda skýra stefnumótun á Íslandi, auka fræðslu á málefninu og fjármagna gagnreynd úrræði. Þessir þættir eru lykilatriði til að draga úr skaða og styðja við bata einstaklinga með spilavanda.
Lykilorð: Spilavandi, peningaspil, veðmál, opið aðgengi.This thesis focuses on individuals struggling with gambling problems, aiming to deepen the understanding of their experience of increased open access to gambling sites and how this accessibility has influenced the development of their gambling problems and recovery process. The study is based on qualitative research methods and employs a phenomenological approach. Semi-structured qualitative interviews were conducted with five men aged 30-52, all of whom had previously sought support due to gambling problems. The interviews took place in October and November 2025. The findings indicate that open access to online gambling sites, combined with targeted digital marketing and constant exposure to gambling-related stimuli, contributed to the rapid development of gambling problems. Increased gambling behavior was associated with significant psychological distress and loss of control. The consequences of gambling problems manifested in relationship difficulties with partners and other family members, reduced work capacity, and financial harm. The participants' recovery processes were individual in nature; however all shared the common experience of having utilized treatment services provided by SÁÁ (e. Association of people interested in alcohol and drug problems). Additional support measures, such as peer support groups, social support, seeking information and software that restricts access to gambling sites were also identified as important components of the recovery process. The study highlights that increased accessibility and exposure in the digital environment play a significant role in the development of gambling problems. Therefore it is important to establish clear policy measures in Iceland, enhance education on the issue, and allocate funding to evidence-based interventions. These factors are essential for reducing harm and supporting the recovery of individuals experiencing gambling problems.
Key words: Gambling problem, gambling, betting, open access
Persónuvernd: Heimildir atvinnurekanda til vinnslu persónuupplýsinga um starfsfólk sitt. Samþykki sem vinnsluheimild í vinnuréttarsambandi.
No full textMarkmið ritgerðarinnar er að fjalla um heimildir atvinnurekanda til vinnslu persónuupplýsinga um starfsfólk sitt, með hliðsjón af samþykki sem vinnsluheimild í vinnuréttarsambandi. Hvenær telst samþykki sem gild heimild í vinnuréttarsambandi? Í ritgerðinni verður fjallað um vinnsluheimildir sem atvinnurekandi þarf að viðhafa þegar hann vinnur með persónuupplýsingar starfsmanna sinna. Sérstök áhersla er lögð á samþykki sem vinnsluheimild og þær áskoranir sem fylgja því að beita slíku samþykki í vinnuréttarsambandi, þar sem valdaójafnvægi getur haft áhrif á hvort samþykki teljist í raun frjálst. Leitast verður við að svara því við hvaða aðstæður samþykki starfsmanns telst gilt samkvæmt lögum nr. 90/2018 um persónuvernd og vinnslu persónuupplýsinga og hvort aðrar vinnsluheimildir, svo sem lögmætir hagsmunir atvinnurekanda eða samningsbundin nauðsyn, veiti traustari grundvöll fyrir vinnslu persónuupplýsinga í vinnuréttarsambandi.The aim of this thesis is to discuss the employer's legal basis for processing personal data about their employees, with particular focus on consent as a legal ground in the context of an employment relationship. When is consent considered a valid legal basis in such a context? The thesis will examine the legal grounds an employer must rely on when processing employees' personal data. Special emphasis is placed on consent as a legal basis and the challenges associated with using such consent in an employment context, where an imbalance of power may affect whether the consent is truly voluntary. The thesis seeks to answer under what circumstances an employee's consent is considered valid according to Act no. 90/2018 on privacy protection and the personal data processing, and whether other legal grounds, such as the employer’s legitimate
interests or contractual necessity, provide a more reliable bases for the processing of personal data in employment relationship
Additional fees in the airline industry : an examination of its effects on customers buyers behavior, customer satisfaction and perceived value
No full textIn recent years the airline industry has increasingly shifted their revenue strategies towards additional fees and unbundle pricing strategies. While these fees generate substantial income for airlines, they also raise important questions about their impact on customer perceptions regarding price fairness and transparency. This thesis addresses the research problem of whether additional airline fees influence customer buying behavior, customer satisfaction and perceived value when purchasing airline tickets.
A quantitative survey design was used to collect data from recent airline passengers (n = 139), with responses analyzed through descriptive statistics, correlations, ANOVA and multiple regression models. In order to test six hypothesis and nine exploratory research questions. The analysis incorporated both perceptual variables and segmentation variables in order to capture a comprehensive view of customer responses to additional fees. The findings provided evidence that additional fees do in fact influence customer evaluation across all three constructs.
Buying behavior was strongly influenced by perceptions of baggage fees and comparative pricing disadvantages for low-cost carriers. Customer satisfaction was primarily determined by fairness perceptions and trust in price transparency, while demographic differences played only a minor role. Perceived value was shaped by fairness perceptions and customer travel frequency, with comparative pricing amplifying difference between low-cost and full-service carriers.
Among the exploratory research questions analyses, demographic such as age and travel type showed limited influence, whereas situational and perceptual factors such as price fairness and transparency resulted as the strongest predictors for satisfaction and value. Baggage fees were found to have a direct effect on customer behavior regarding packing choices and booking decisions.
The study concluded that additional fees are not purely used as a revenue tool but are central drivers of customer perceptions, with implications for both marketing strategy and long-term customer relationships in the airline industry
Söngleikurinn Leg - upptaka
No full textLeg
eftir Hugleik Dagsson og Flís
Í heimi þar sem peningar og partý, fegurð og frægð eru það eina sem skiptir máli er hin nítján ára Kata ólétt og í tilvistarkreppu.
Söngleikurinn Leg eftir Hugleik Dagsson og Flís sem var frumsýndur í Þjóðleikhúsinu haustið 2007 við miklar vinsældir verður útskriftarsýning leikaranema Listaháskóla Íslands 2025.
Leg gerist á Íslandi í framtíð sem eitt sinn var fjarlæg og dystópísk en á skuggalega vel við samtíma okkar. Segja má að framtíðarsýn Hugleiks hafi að mörgu leyti ræst, við sækjumst flest eftir ást og viðurkenningu á samfélagsmiðlum á meðan það verður sífellt flóknara að vera til í raunveruleikanum. Pressan um að líta óaðfinnanlega út, eiga fallegasta heimilið, flottustu vinnuna og skemmtilegustu vinina verður sífellt meiri. En hvað af þessu skiptir raunverulegu máli?
Þórunn Arna Kristjánsdóttir leikstýrir kraftmiklum útskriftarhópi leikarabrautar Listaháskóla Íslands þar sem nýjasta kynslóð leikhúslistafólks tekst á við beitta þjóðfélagsádeilu Hugleiks Dagssonar með húmor og leikgleði að leiðarljósi.
Útskriftarnemendur / leikarar:
Elva María Birgisdóttir
Helga Salvör Jónsdóttir
Hrafnhildur Ingadóttir
Ingi Þór Þórhallsson
Katla Þórudóttir Njálsdóttir
Kristinn Óli Sigrúnarson Haraldsson
Mímir Bjarki Pálmason
Sólbjört Sigurðardóttir
Stefán Kári Ottósson
Salka Gústafsdóttir, lokaverkefni hennar er Stormur sem sýnt er í Þjóðleikhúsinu.
AÐSTANDENDUR
Leikstjórn: Þórunn Arna Kristjánsdóttir
Sviðsmynd og búningar: Brynja Björnsdóttir
Ljósahönnun: Aron Martin Ásgerðarson
Hljómsveit: Fannar Sigurðsson á gítar/hljómsveitarstjórn, Jón Ingvi Seljeseth á hljómborð/ýmsar græjur, Friðrik Örn á bassa/moog, Andri Eyfjörð Jóhannesson á trommur/slagverk. Allt nemendur í tónlistardeild LHÍ.
Yfirumsjón með tónlist og raddþjálfun:Kristjana Stefánsdóttir, aðjúnkt við sviðslista- og tónlistardeild LHÍ
Hljóðmaður: Snorri Beck Magnússon
Aðstoð við sviðsmynd og búninga: Hulda Kristín Hauksdóttir, nemandi í hönnunardeild LHÍ
Dans og sviðshreyfingar: Sólbjört Sigurðardóttir og bekkurinn
Sýningar- og verkefnastjóri: Vigdís Perla Maack
Aðstoðarleikstjóri: Salka Gústafsdóttir, útskriftarnemandi leikarabrautar LHÍ
Leikmyndasmíði: Egill Ingibergsson
Tjaldasaumur: Ólafur Pétur Georgsson
Umsjónarmaður: Guðmundur Erlingsson
Fagstjóri leikarabrautar: Agnar Jón Egilsson
RADDIR & BARNAKÓR
Stuðningsraddir: Kristbjörg Ásta Viðarsdóttir, Svava Rún Steingrímsdóttir & Salka Gústafsdóttir.
Kór og söng útsetningar: Kristbjörg Ásta Viðarsdóttir, Svava Rún Steingrímsdóttir og Kristjana Stefánsdóttir.
Barnakór:
Aría Valdís Teitsdóttir
Áróra Egelund
Áróra Martinsdóttir Kollmar
Björg Sigurðardóttir
Bríet Ebba Vignisdóttir
Hafdís Birna Einarsdóttir
Heiða Kristín Eiríksdóttir
Helen Ívarsdóttir
Isabella Diljá Torres
Kría Valgerður Vignisdóttir
Lára Ísadóra Hafþórsdóttir
Lísbet Lóa Ákadóttir le Sage
Rakel Harðardóttir
Saga Eir Weston
Sigríður Sjana Ákadóttir le Sage
Snædís Elín Stefánsdóttir
Sóldís María Hjaltadóttir
Ylfa Björk Einarsdóttir
Þórarna Vala Jónsdóttir
Þórunn Ása Snorradóttir
SÝNINGAR
Mið 21. maí – kl 20:00
Fim 22. maí – kl 20:00
Fös 23. maí – kl 20:00
Lau 24. maí – kl 20:00
Sun 25. maí – kl 20:00
Þri 27. maí – kl 20:00
Mið 28. maí – kl 20:00
Fös 30. maí – kl 20:00
Lau 31. maí – kl 16:00 og kl 20:00
STAÐSETNING
Kassinn
Þjóðleikhúsið
Lindargata
101 Reykjavík
ÞAKKIR
Byko
Svavar Burgundy Þórólfsson
Vala Rúnarsdóttir
Einar í Vök
Edda Haraldsdóttir
Freyr Eyjólfsson
Góði Hirðirinn
Lára Rut Þorsteinsdóttir
Gullið mitt
Starfsfólk Þjóðleikhússins
Ebba Áslaug Kristjánsdóttir
Einar Tómasson
Auður Eir Guðnadóttir
Ólafur Pétur Georgsson
„Það er svo æðislegt að vera ung og falleg í vernduðu umhverfi. Það er svo æðislegt að vera í menntaskóla þar sem allir elska þig.“
„Í heimi þar sem peningar og partý, fegurð og frægð eru það eina sem skiptir máli er hin nítján ára Kata ólétt og í tilvistarkreppu.“
„Mörgþúsund milljón árum síðar búið að virkja allt nema sólina. Náttúrufegurð draugur fortíðar og mannkynið herðir ólina.“
upptaka: Egill Ingibergsso
Jafngildi biblíuþýðinga á mismunandi tungumálum. Samanburður á Biblíu Lúthers, KJV Biblíunni og íslensku Biblíunni frá 1981
No full textÍ þessari ritgerð er sjónum beint að biblíuþýðingum á þremur tungumálum þýsku, ensku og íslensku. Megináhersla er lögð á þýðingu á Biblíu Lúthers, KJV Biblíunni og íslensku Biblíunni frá 1981. Ritgerðin skiptist í þrjá hluta en fyrsti hlutinn fjallar um sögu biblíuþýðinga á tungumálunum þremur. Þessi saga biblíuþýðinga er innifalin til að varpa ljósi á hvernig valdar biblíuþýðingar urðu til og sérstaklega hvað einkennir hverja af þessum þýðingum með tilliti til þýðingaraðferðarinnar sem og textanna sem notaðir voru við hverja þýðingu. Fyrsti undirkaflinn fjallar um sögu þýskra biblíuþýðinga. Þessi undirkafli endar á öðrum undirkafla, sem fjallar sérstaklega um þýðingu Lúthers. Annar undirkaflinn fjallar um sögu enskra biblíuþýðinga og endar einnig á ítarlegri lýsingu á þýðingunni á KJV Biblíunni. Þriðji undirkaflinn fjallar um sögu íslenskra biblíuþýðinga, með sérstakri áherslu á íslensku biblíuna frá 1981.Í seinni hluta þessarar ritgerðar er gerð ítarleg greining á biblíuþýðingunum þremur, þar sem biblíuvers eru borin saman við frumtexta sem notaðir voru við hverja þýðingu. Áherslan er á mismunandi þýðingaraðferðir sem notaðar voru í hverri þýðingu, sem og val á frumtextum. Markmiðið er að greina hversu vel merking frumtextans er varðveitt í hverri þýðingu og hversu nákvæmlega guðfræðileg hugtök voru þýdd. Fyrsti undirkaflinn fjallar um greiningu á Biblíu Lúthers, en annar undirkaflinn um greiningu á KJV Biblíunni og sá þriðji um greiningu á íslensku Biblíunni frá 1981. Í þriðja hluta þessarar ritgerðar er gerður samanburður á þessum þremur biblíuþýðingum. Þessi samanburður beinist að varðveislu merkingar frumtextanna, sem og nákvæmri þýðingu guðfræðilegra hugtaka og hvernig hvoru tveggja náðist með mismunandi frumtextum og mismunandi þýðingaraðferðum sem notaðar voru. Því beinist fyrsti undirkaflinn að samanburði á frumtextunum sem notaðir voru fyrir hverja þýðingu. Annar undirkaflinn fjallar um samanburð á þýðingaraðferðum, sérstaklega notkun áhrifajafngildis og formlegs jafngildis. Þriðji undirkaflinn fjallar um samanburð á sérstökum biblíuversum og hvernig þau voru þýdd á milli þriggja þýðinga, það er að segja hversu vel guðfræðileg hugtök koma fram á hverju tungumáli. Samanburðurinn beinist einnig að því hversu vel merking frumtextanna er varðveitt, það er að segja hversu vel þýðingarnar þrjár tákna hver aðra og þar með frumrit Biblíunnar. Meginatriði þessarar ritgerðar er samanburður á þýðingunum þremur, sérstaklega með tilliti til jafngildis þessara biblíuþýðinga, sem kemur fram í heiti þessarar ritgerðar