Skemman (Island)
Not a member yet
50783 research outputs found
Sort by
Smíðastofan. Margþætt námsspil til að efla sértækan orðaforða nemenda innan smíðastofunnar
No full textSmíðastofan er námsspil sem ætlað er fyrir innlögn á sértækum orðaforða nemenda innan smíðastofunnar. Höfundur rak sig á það í smíðakennslu að mikil vöntun væri á tilbúnu efni til þess að brjóta upp hina hefðbundnu smíðakennslu. Þar sem höfundur hefur einnig mikinn áhuga á óhefðbundnum kennsluaðferðum sem ýta undir leik í námi, kviknaði sú hugmynd að útfæra spil sem nýta mætti í kennslu í hönnun og smíði. Greinargerð þessi er umfjöllun um ferlið við gerð spilsins, allt frá óformlegri hugmynd yfir í útfært spil
„Þessu var bara skellt framan í okkur“ : sýn þátttakenda á sameiningaráform framhaldsskólanna á Akureyri
No full textÞann 28. apríl 2023 kom tilkynning úr Mennta- og barnamálaráðuneytinu þess efnis að sameina ætti níu menntastofnanir á Íslandi. Þar á meðal voru Menntaskólinn á Akureyri og Verkmenntaskólinn á Akureyri. Þau sameiningaráform áttu síðar eftir að vera felld niður vegna mjög harðra viðbragða frá nánast öllum aðilum sem að málinu komu, allt frá nemendum til atvinnulífsins á Akureyri. Viðbrögðin komu þó ekki þegar tilkynningin kom upphaflega fram heldur þegar sameiningin var formlega tilkynnt á fundi í menningarhúsinu Hofi á Akureyri þann 5. september 2023.
Markmið ritgerðarinnar er að skoða ferlið frá því að sameiningaráform voru kynnt þar til fallið var frá þeim. Í þeim tilgangi voru tekin hálf-nafnlaus viðtöl við þrjá aðila úr hvorum skóla fyrir sig, skólameistara, kennara og nemanda. Ritgerðin byggir á fræðum um breytingastjórnun í skólakerfinu og eru svör viðmælenda greind út frá skrifum um breytingastjórnun í menntakerfinu. Tímalína sem byggði á umfjöllun í fjölmiðlum var einnig hluti af rannsókninni.
Rannsóknarspurningin er: Hver var sýn þátttakenda á sameiningaráform framhaldsskólanna á Akureyri? Til þess að styrkja rannsóknarspurningu var einnig höfð að leiðarljósi undirspurningin; Hvað átti sér stað í ferlinu sem leiddi til þess að sameiningaráform misheppnuðust?
Viðmælendur voru spurðir opinna spurninga um sína upplifun á ferlinu og voru svör þeirra þemagreind. Það voru þrír þættir sem þau töldu helst hafa misfarist í ferlinu: Undirbúningur fyrir kynningu, umræða um fjármuni hafi verið villandi og að viðbrögð samfélagsins hafi verið vanmetin. Það kom einnig fram jákvæð sýn á sameiningu frá viðmælendum. Þemun voru sett í samhengi við tímalínu atburða sem byggir á gögnum úr fjölmiðlaumfjöllun þess tíma, sem sýnir hvað gekk á í ferlinu.On the 28th of April 2023 the Ministry of Education and Children in Iceland sent out a press release. It announced the ministries intentions to merge nine upper-secondary schools. Among those were Menntaskólinn á Akureyri (The Akureyri Junior College) and Verkmenntaskólinn á Akureyri (The Akureyri vocational school). The formal announcement was made on the 5th of September 2023 at a meeting that all students and teachers in the school were invited to. In the aftermath of the meeting the local society in Akureyri erupted with a reaction so strong it played a big part in ending the merger plans.
The aim of this paper is to investigate what happened in the period from when the merger plans were formally announced until they were effectively ended. To that end the research was based on six semi-anonymous interviews, one from each school representing each major group within the schools, headmasters, teachers and students. A timeline of events is also included based on the media reporting at the time. The paper is based on previous research of change management in education.
The research question is: What is the view of the participants of the merger plans of the upper secondary schools in Akureyri?
A secondary question was also used to strengthen the research which was:
What happened in the merger prosess that led to the process failing?
The interviewees were asked eight open-ended questions about their experiences. It is clear, from the answers, that three factors had a major impact on the outcome: The preparation before the formal announcement, the discussion on finances was misleading and impact and reaction of the local community had been underestimated
Komur í endurhæfingarþjónustu í kjölfar höfuðáverka: Lýsandi greining á komum í endurhæfingu, tíma milli áverka og koma í endurhæfingu og áverkaskori á Landspítalanum á árunum 2010-2022.
No full textBakgrunnur: Endurhæfing í kjölfar höfuðáverka hefur lítið verið rannsökuð hér á landi. Markmið rannsóknarinnar var að skoða hve stórt hlutfall þeirra sem koma á bráðamóttöku Landspítalans vegna höfuðáverka sæki endurhæfingarþjónustu þar, hver langur tími leið frá áverka og að fyrsta tíma í endurhæfingu, hvers konar endurhæfingu einstaklingarnir voru að fá og hve alvarlegir áverkarnir voru út frá ICD-10 greiningum.
Aðferð: Rannsóknin var afturskyggð lýsandi rannsókn á gögnum frá Landspítalanum á einstaklingum 18 – 65 ára sem komu á bráðamóttöku Landspítala vegna höfuðáverka á árunum 2010 – 2022. Upplýsingum um einstaklinga og komur þeirra var safnað og þær greindar. Upplýsinga var aflað um kyn, aldur, áverkagreiningu, komur í endurhæfingu, fjölda koma í endurhæfingu og tímann frá komu á bráðamóttöku að fyrsta tíma í endurhæfingu. Gögn voru greind með lýsandi greiningu, kí-kvaðrat og Spearman fylgni.
Niðurstöður: Það voru 30623 einstaklingar sem komu á bráðamóttökuna á árunum 2010-2022, karlar (68.6%) og einstaklingar 18-25 ára (27.7%) voru í meirihluta. Fjöldi þeirra sem fengu endurhæfingu voru 2105 einstaklingar (6.5%) á 13 árum. Flestir mættu til læknis eða 59.4% af þeim sem fengu endurhæfingu. Hlutfallslega fæstir sóttu þjónustu talmeinafræðings eða 1%. Meðaltíminn milli komu á Landspítalans og fyrsta tíma endurhæfingar voru 115 dagar. Flestir sem komu í endurhæfingu voru með væga áverka (63%). Einungis 32.8% þeirra sem voru með mikla áverka komu í endurhæfingu.
Ályktun: Komur í endurhæfingu á Landspítalanum 12 mánuðum eða minna eftir komu á bráðamóttökuna voru hlutfallslega færri en í samanburðarrannsóknum. Endurhæfing eftir höfuðáverka er mikilvæg þar sem áhrif þeirra geta verið víðtæk og haft áhrif bæði á einstaklinginn sjálfan, nánustu aðstandendur og samfélagið í heild sinni. Þörf er á frekari rannsóknum á endurhæfingu eftir höfuðáverka hérlendis
ÖR
No full textUpptaka er á meðfylgjandi vefslóðUpptaka af leikverkinu ÖR, frumsýnt var í janúar 2025.
Það liggur eitthvað í loftinu, órætt. Að lifa hinu sanna heiðarlega lífi gerir enginn einn, þó að um einleik að ræða. Boðað er til ÖR fundar. Heitt á könnunni, nýliðar sérstaklega velkomnir.
ÖR má túlka á ýmsa vegur, draumkennt, súrrealískt ástand fremur en línuleg saga. Óvæntur fundur í Heiðarleika prógrami, verkið er þáttökuverk, blandar saman innri og ytri veruleika í flæðandi formi skapandi rýmis.
Verkið er í fjórum þáttum: upphaf ssenunni, leitinni að tengingu við sannleika, fundi í Heiðarleika prógrami, og lokasenna. Upphaf og endir spegla hvort annað: sjónrænt eru þær eins, en leikin í öfugri röð. Persónan gengur afturábak og lýkur ferðalagi sínu þar sem það hófst.
Þegar ég lagði af stað með það markmið að skapa heimildaleikhús, byggt á eigin reynslu, fjarlægðist ég smám saman beina frásögn og færðist yfir í abstraktari sviðsetningu. Ég fór að efast um sjálfa hvötina til að segja, útskýra eða leysa í gegnum list: Hvað er það sem ég er í raun að horfast í augu við?
Eftir því sem þessar spurningar urðu dýpri, þróaði ég grunnuppbyggingu verksins í kringum megin strauma: einangrun í eigin veruleika og fundarform. Ég vildi endurspegla þann lokaða og viðkvæma eðli sem oft fylgir meðferðarýmum, en jafnframt halda nánu sambandi við áhorfendur. Verkið fjallaði því ekki um að fletta og sýna heldur hvernig er að hylja ástand, spennuna á barmi berskjöldunar. Þörfina fyrir að stjórna eigin veruleika.
Mynd á veggspjaldi: Ásta Kristjáns
Hönnun: Aðalheiður Sigursveinsdóttir
Tónlist: MJDorian, Alcemical Dream (Counterpint Cariation). Upprunaleg útgáfa birt í hljóðvarpsþætttinum Creatice Codex.
Ljósmyndir: Owen Fiene.
Þakkir: Bergdís Júlía Jóhannsdóttir, Egill Ingibergsson, Goddur. Eva Rún Snorradóttir, Brogan Davidsson, Hrefna Lárusdóttir, kennarar mínir sviðslistabraut. Eigendur Leifshús Art Farm. Samnemendur, kennarar og starfsfólk sviðslistadeildar.
Leiðbeinandi:
Fjármálalæsi á unglingastigi í grunnskóla: Mikilvægi fjármálalæsis fyrir framtíð íslenska nemendur
No full textFjármálalæsi í grunnskólum landsins hefur alla tíð verið mikilvægt og á sama tíma ábótavant. Það eru ekki nema rúm 10 ár síðan mælt var fyrir um fjármálalæsi í aðalnámskrá grunnskóla en kveðið var á um fjármálalæsi á greinasviði aðalnámskrár árið 2013. Hugmyndina að umfjöllunarefni ritgerðinnar um fjármálalæsi grunnskólanemenda á unglingastigi hefur verið mér hugleikið allt frá þeim tíma er ég var sjálf nemandi á unglingastigi. En ég upplifði að gefa hefði mátt umfjöllunarefninu meiri gaum á þeim tíma og ákvað því að nýta tækifærið við gerð ritgerðinnar til að kafa dýpra varðandi umfjöllunarefnið og stöðu þess í dag. Það verður að teljast mikilvæg hæfni fyrir nemendur að í grunnskóla öðlist þeir skilning á fjármálum sínum og samfélagsins og búi yfir getu til að leysa úr hinum ýmsu fjárhagslegu álitaefnum sem upp koma í daglegu lífi hins almenna borgara.
Markmið þessarar ritgerðar er að rannsaka mikilvægi fjármálalæsis fyrir framtíð nemenda í grunnskólum landsins og hvernig kennarar nálgast námefnið og kennsluna. Jafnframt er fjallað um hvaða tækifæri og áskoranir felast í kennslu fjármálalæsis nemenda á unglingastigi grunnskóla og leitast er við að greina hvar séu tækifæri til að bæta kennsluna. Helstu niðurstöður ritgerðarinnar sýna að með markvissri kennslu og aðgenilegu námsefni megi stuðla að bættum skilningi grunnskólanemenda á grundvallaratriðum fjármála og þar með auknu fjármálalæsi. Þátttakendur rannsóknarinnar veittu í viðtölunum góða útskýringu á verkefnum sem þau notuðu til að stuðla að bættu fjármálalæsi.
Vonir mínar standa til þess að ritgerðin muni varpa ljósi á mikilvægi þess að kenna fjármálalæsi á unglingastigi grunnskóla á aðgengilegan hátt ásamt því að hvetja til frekari umræðu og umbóta innan menntakerfisins á umfjöllunarefninu
Hálf höll : burðarþolshönnun á stálvirki
No full textHálf-höll
Verkefnið snýst um að burðarþolshanna stálvirki eftir evrópsku þolhönnunarstöðlunum, byggingarreglugerð húsnæðis og mannvirkjastofnunar auk íslenska þjóðarviðaukans.
Um er að ræða stálvirki sem byggt verður yfir hálfan knattspyrnuvöll að stærð auk öryggissvæðis.
Stálvirkið verður burðarþolshannað auk tengingar gitterbita við súlu. Áhersla verður lögð á hönnun á 60 m löngum gitterbita.
Í þessu verkefni verður lögð áhersla á hönnun fyrir vind og snjóálagi.
Verkefnið verður leyst með tölvustuddri hönnun auk handútreikninga og reikniskjala sem höfundur smíðar
Don't Point at Me "To what extent does actual access to treatment resources for children with complex needs in Iceland fulfill the obligations set forth by public legislation and policy frameworks?"
No full textBörn með fjölþættan vanda þurfa samþætta, sérhæfða og samfellda þjónustu frá mörgum kerfum samfélagsins. Þrátt fyrir skýra stefnumörkun stjórnvalda og lagalegar skuldbindingar benda opinber gögn og álit stofnana til þess að framkvæmd þjónustunnar nái ekki að uppfylla sett markmið. Þetta getur haft áhrif á aðgengi, samfellu og gæði þeirrar þjónustu sem börn fá í raun.
Tilgangur ritgerðarinnar er að greina hvort raunverulegt aðgengi að meðferðarúrræðum standist þær kröfur sem fram koma í lögum og opinberri stefnumótun. Byggt er á heimildagreiningu og opinberum skýrslum. Niðurstöður sýna skort á samræmi í framkvæmd, óljósa ábyrgðarskiptingu og takmarkað aðgengi að úrræðum. Lagt er til að efla samhæfingu, skýra ábyrgð og tryggja markvissari þjónustu við börn
Unglingur í mótun; þróun sjálfsmyndar, tengslar og áhættuhegðunar
No full textRitgerðin er fræðileg heimildaritgerð sem fjallar um áhættuhegðun unglinga og hvernig umhverfisþættir geta haft áhrif á þá þróun – bæði á jákvæðan og neikvæðan hátt. Ritgerðin beinir sjónum að uppeldi, fjölskyldutengslum, áhrifum jafningja og þátttöku í tómstundastarfi, með áherslu á hvernig tómstundir geta virkað sem öflugur forvarnarvettvangur gegn áhættuhegðun. Unglingsárin eru skoðuð sem tími mikilla breytinga. Áhættuhegðun er skilgreind sem þátttaka í athöfnum sem geta haft skaðlegar afleiðingar fyrir andlega, félagslega og líkamlega heilsu.
Í ritgerðinni er lögð áhersla á mikilvægi félagsmiðstöðva sem vettvangur fyrir tómstundir og forvarnir. Fjallað er um hlutverk þeirra í að styrkja sjálfsmynd, félagsfærni og tilfinningalega vellíðan unglinga.
Markmið ritgerðarinnar er að varpa ljósi á hvernig tómstundir geta stuðlað að heilbrigðum þroska og virkað sem forvörn gegn áhættuhegðun meðal unglinga, og leitast er við að svara rannsóknarspurningunni: Með hvaða hætti geta tómstundir virkað sem forvörn gegn áhættuhegðun
Snemmtæk íhlutun og persónumiðuð þjónusta: Hlutverk þroskaþjálfa
No full textÞroskaþjálfar gegna veigamiklu hlutverki í menntakerfinu, einkum þegar kemur að því að tryggja jöfn tækifæri fyrir alla nemendur. Í þessari ritgerð er beint sjónum að hugtakinu snemmtæk íhlutun og skoðað hvernig þroskaþjálfar geta beitt persónumiðaðri nálgun í starfi með börnum á leikskólaaldri. Markmiðið er að varpa ljósi á mikilvægi snemmtækrar íhlutunar og skoða mögulegar leiðir til að virkja raddir ungra nemenda með persónumiðaðri samvinnu. Ritgerðin byggir á hugmyndum um mikilvægi fyrstu árin í lífi barnsins og þeirri sýn að snemmtæk íhlutun hafi afgerandi áhrif á þroska og framtíð barna. Í ritgerðinni er fjallað um inngildandi menntun, hlutverk þroskaþjálfa innan stoðþjónustu leikskóla ásamt persónumiðaðri þjónustu. Einnig eru skoðuð ýmis lög og reglugerðir en sjónum er sérstaklega beint að lagaumhverfi sem tengist farsæld barna og réttindum þeirra þegar kemur að þátttöku í ákvarðanatöku. Rannsóknarspurningin sem leitast er við að svara í ritgerðinni er: Hvernig geta þroskaþjálfar beitt persónumiðaðri nálgun í snemmtækri íhlutun með börnum?
Í umfjöllun um inngildandi menntun er stuðst við kenningar á borð við félagslegt réttlæti og fullgilda þátttöku. Niðurstöður benda til þess að þroskaþjálfar geti nýtt persónumiðaða þjónustu til að efla þátttöku barna, auka áhrif þeirra á eigin líf og stuðla að markvissri snemmtækri íhlutun. Þroskaþjálfar hlusta á barnið, greina þarfir þess og nýta sér ýmis verkfæri í samvinnu við aðra fagaðila og fjölskyldu barnsins. Ritgerðin sýnir einnig fram á það að með persónumiðaðri þjónustu er hægt að efla rödd barna og auka áhrif þeirra í leikskólaumhverfinu
„Andskotinn, ég tek einn hring í viðbót“ : Prjón, tjáning og sjálfbærni í íslenskri menningu
No full textHvernig upplifir íslenskt prjónafólk prjón sem tjáningarform eða hluta af skapandi sjálfsmynd?
Hvernig hefur íslensk prjónamenning þróast með tilliti til sjálfbærni og hægari tísku?
Efni þessarar rannsóknar beinist að því hvernig íslenskt prjónafólk tjáir sig í gegnum prjón og hvort það sé hluti af þeirra skapandi sjálfsmynd. Prjón á sér langa sögu í íslenskri menningu og er hefðin enn þann dag í dag lifandi og margir prjóna sér til gamans eða til að öðlast hugarró.
Einnig verður leitað svara við því hvort íslenskt prjónafólk veltir fyrir sér sjálfbærninni sem og hægari tísku þar sem prjónafatnaður er vissulega búinn til á hægan máta. Það veitir innsýn í það hvernig þróunin hefur orðið á þó nokkrum árum.
Við gerð þessarar rannsóknar var notast við eigindlega gagnagreiningu og voru tekin sex viðtöl við íslenskt prjónafólk, þrjá karlmenn og þrjár konur. Öll höfðu þau áhugaverða sögu að segja varðandi bakgrunn sinn á prjóni og kom það berlega í ljós í niðurstöðunum.
Niðurstöðurnar sýndu að prjón getur leitt til þess að það myndist ákveðið tjáningarform hjá prjónafólki og frelsi til að prjóna það sem þau vilja frá sínu höfði frekar en að styðjast við uppskriftir. Uppskriftir geta gefið hugmyndir til að byrja með en svo verður útkoman að einhverju allt öðru undir lokin.How do Icelandic knitters experience knitting as a form of expression or as a part of their creative identity?
How has Icelandic knitting culture adapted to sustainability and the slow fashion movement?
The subject of this study focuses on how Icelandic knitters express themselves through knitting and whether it forms part of their creative identity. Knitting has a long history in Icelandic culture, and the tradition remains alive today, with many people knitting either for enjoyment or to find peace of mind as well as producing useful things.
The research further aims to examine how Icelandic knitters engage with ideas of sustainability and slow fashion, given that knitted garments are inherently created through a slow and mindful process. This perspective offers valuable insight into the ways in which practices in Iceland have evolved in recent years.
A qualitative research approach was applied, consisting of six interviews with Icelandic knitters, three men and three women. They all had interesting stories to tell about their background in knitting, and this was clear in the results.
The results revealed that knitting can serve as a form of personal expression, providing knitters with the freedom to create from their own ideas rather than relying strictly on patterns. While patterns may offer inspiration at the beginning, the final product often evolves into something entirely different by the end of the process