Skemman (Island)
Not a member yet
50783 research outputs found
Sort by
Circulating cell-free DNA in Iceland : evaluation of quantification methods, challenges in implementation, and international context of circulating tumour DNA applications
No full textÍ þessu verkefni var framkvæmd forrannsókn þar sem utanfrumuerfðaefni (e. circulating cell-free DNA, ccfDNA) var einangrað úr plasmasýnum með rannsóknarsettinu Maxwell® RSC ccfDNA Plasma Kit. Magngreining á ccfDNA fór fram með Qubit og qPCR aðferðum. Verkefnið lagði einnig mat á núverandi þekkingu og notkun á ccfDNA og utanfrumuerfðaefni frá æxlisfrumum (e. circulating tumour DNA, ctDNA) sem lífmerki (e. biomarkers) á Íslandi samanborið við önnur lönd.
Utanfrumuerfðaefni var einangrað úr plasmasýnum frá fimm heilbrigðum konum. Magngreining með Qubit 4.0 og qPCR, hannað til þess að magna ALU-115 og LINE-1 97bp, leiddi í ljós verulegan mun á milli aðferðanna, þar sem qPCR aðferðin sýndi fram á mun hærri styrk utanfrumuerfðaefnis. Samanburður á stöðu Íslands og annarra landa hvað varðar þekkingu og notkun utanfrumuerfðaefnis var rannsökuð með viðtölum og opinberum upplýsingum. Niðurstaðan var sú að nýting utanfrumuerfðaefnis í heilbrigðisþjónustu er nánast engin á Íslandi, eina undantekningin er Rhesus blóðflokkagreining fóstra hjá þunguðum konum. Íslensk heilbrigðisþjónusta býður upp á inngripslitlar utanfrumuerfðaefnis fósturgreiningar (e. non-invasive prenatal testing, NIPT) en senda sýni erlendis til greiningar í stað þess að vinna þau innanlands. Erlendis, eins og í Bandaríkjunum, almennt í Evrópu, Kína, Japan og Ástralíu, er notkun utanfrumuerfðaefnis viðameiri. Þar hafa eftirlitsstofnanir samþykkt fjölbreytta notkun greiningar- og eftirlitsprófa fyrir krabbamein, fósturgreiningar og vefjaígæðslu með utanfrumu-erfðaefni. Þrátt fyrir áhuga á krabbameinsrannsóknum þar sem utanfrumuerfðaefni frá æxlisfrumum er nýtt sem lífmerki er notkun þess ekki til staðar á Íslandi eins og staðan er í dag.
Niðurstöður verkefnisins undirstrika þörfina á stöðluðum magngreiningaraðferðum fyrir rannsóknir með utanfrumuerfðaefni fyrir marktækan og áreiðanlegan samanburð á niðurstöðum. Auk þess varpaði verkefnið ljósi á misræmi sem ríkir milli Íslands og annarra landa þegar kemur að notkun utanfrumuerfðaefna og vökvasýna (e. liquid biopsy) í heilbrigðisþjónustu.
Lykilorð: Lífmerki, utanfrumuerfðaefni (ccfDNA), utanfrumuerfðaefni frá æxlisfrumum (ctDNA), vökvasýni (plasma), krabbameinsskimun.This study conducted a preliminary investigation into circulating cell-free DNA (ccfDNA) extraction using the Maxwell® RSC ccfDNA Plasma Kit and quantification via Qubit 4.0 and qPCR. The study also evaluated the current landscape of ccfDNA and circulating tumour DNA (ctDNA) knowledge and applications in Iceland compared to international practices.
CcfDNA was extracted from plasma samples of five healthy female individuals. Quantification using Qubit 4.0 and qPCR targeting ALU-115 and LINE-1 97bp repeats revealed significant discrepancies between the two methods, with qPCR yielding considerably higher ccfDNA concentrations. Furthermore, the current state of ccfDNA knowledge and applications in Iceland was evaluated through interviews and outreach to Icelandic healthcare institutions. Results revealed limited local ccfDNA-based assays, the exemption being fetal RhD testing by the Icelandic Blood Bank, while non-invasive prenatal testing (NIPT) is outsourced. In contrast, countries/regions like the United States, the European Union, China, Japan, and Australia have approved diverse applications of ccfDNA and ctDNA diagnostics for oncology, prenatal testing, and organ transplant monitoring. While there is interest in ctDNA research in Iceland, utilizing ctDNA as a biomarker is currently non-existent.
The study concludes by highlighting the need for standardized ccfDNA quantification methods for maintaining reliability in comparisons and emphasizing the disparity between Iceland's current ccfDNA/ctDNA application and international advancements in the field of liquid biopsy.
Keywords: Biomarker, circulating cell-free DNA (ccfDNA), circulating tumour DNA (ctDNA), liquid biopsy (plasma), cancer screening
„Rannsakaði fréttir og þetta kom í ljós – niðurstöðurnar munu koma þér á óvart!“ Clickbait-fyrirsagnir og upplýsingaóreiða hjá íslenskum vefmiðlum
No full textMarkmið þessarar rannsóknar var að rannsaka tilvist og útbreiðslu svokallaðra clickbait-fyrirsagna hjá fjórum mest lesnu vefmiðlum á Íslandi, Vísi, Mbl.is, DV og RÚV. Var 1.000 fyrirsögnum safnað yfir fjögurra mánaða tímabil, 250 frá hverjum miðli. Unnið var að því að greina framsetningu fyrirsagnanna og kanna málfræðileg einkenni þeirra. Síðan voru sérkenni íslenskra clickbait-fyrirsagna borin saman við erlendar fyrirsagnir, sér í lagi danskar fyrirsagnir. Jafnframt voru vinnubrögð íslenskra blaðamanna skoðuð í tengslum við mis-, rang- og meinupplýsingar í íslenskum fréttaflutningi, og hvernig notkun clickbait-fyrirsagna væri líkleg til að ýta undir upplýsingaóreiðu.
Notast var við blöndu af eigindlegri aðferðafræði og megindlegri aðferðafræði við greiningu og flokkun á fyrirsögnunum. Gagnrýnin og fjölþætt orðræðugreining var notuð til að bera kennsl á clickbait-fyrirsagnir með tilliti til upplifunar hins almenna lesanda af samspili texta, myndmáls og samfélagslegs samhengis. Þá var orðræðugreining notuð til að rannsaka upplýsingaóreiðu í clickbait-fréttum. Megindleg aðferðafræði var notuð í öllum tölfræðilegum útreikningum. Tíðni var notuð til að sýna fram á málfræðileg einkenni fyrirsagna, en prósentutölur voru notaðar til að greina hlutfall clickbait-fyrirsagna, dægurmála og brýnni frétta, auk þess sem lagt var mat á upplýsingaóreiðu.
Tæplega helmingur fyrirsagnanna 1.000 gátu talist vera clickbait-fyrirsagnir, en hlutfallið var þó mismunandi eftir miðlum. Þá voru bæði líkindi og ólíkindi með málfræðilegum einkennum íslenskra og danskra fyrirsagna, en algengustu málfræðilegu einkenni þeirra íslensku voru notkun almennra nafnorða, beinna tilvitnana og liðfalls. Ákveðinn greinir, persónufornöfn og ábendingarfornöfn voru einnig áberandi. Var notkun íslenskra clickbait-fyrirsagna algengari með dægurmálum en brýnni málefnum. Notkun stuðandi myndmáls sást aðeins hjá einum miðli, DV. Í rannsókninni var upplýsingaóreiðu skipt í nokkrar gerðir og kom hún bæði fyrir án fyrirætlana um að valda skaða og með þeim ásetningi að hafa áhrif á orðræðu og álit lesenda á atburðum.The primary objective of this study was to examine the presence and prevalence of clickbait headlines among four of Iceland’s most widely read online media outlets: Vísir, Mbl.is, DV, and RÚV. A total of 1,000 headlines were collected over a period of four months, comprising 250 headlines from each outlet. The research focused on analysing the headlines´ phrasing, as well as their linguistic characteristics. The distinct properties of Icelandic clickbait headlines were compared to foreign headlines, in particular from Danish media. Furthermore, the study explored the work practices of Icelandic journalists in relation to misinformation, disinformation, and malinformation in Icelandic news reports, assessing the extent to which the use of clickbait headlines may contribute to information disorder.
This study employed a mix of qualitative and quantitative methodologies to analyse and sort the headlines. Critical discourse analysis, as well as multimodial discourse analysis were used to identify clickbait headlines, taking into account the average reader’s perception of the interplay between text, imagery, and broader social contexts. Discourse analysis was also used to research information disorder in clickbait news items. Quantitative methods were applied for all statistical calculations. Frequency was used to illustrate joint linguistic characteristics of the headlines, while percentages were used to demonstrate the proportion of clickbait articles, and the distribution between soft and hard news, in addition to evaluating the extent of information disorder. Nearly half of the 1,000 headlines examined could be classified as clickbait, although the ratio differed across media outlets. Similarities and differences were identified in the linguistic characteristics of Icelandic and Danish headlines, with the most common characteristics of Icelandic headlines being the use of general nouns, direct quotations and ellipsis. Definite articles, as well as personal and demonstrative pronouns were also prominent. The use of clickbait headlines was more common for soft news items than hard news. The use of sensational imagery was observed in only one media outlet, DV. Information disorder was categorised by type and appeared both without intent to cause harm and with deliberate intent to influence public discourse and readers’ perceptions of events
Inngildandi menntun á Austurlandi: Áskoranir og tækifæri í kennslu einhverfra nemenda.
No full textSkólar á Íslandi starfa eftir stefnu um skóla án aðgreiningar og var stefnan lögfest árið 2008 í lögum um grunnskóla. Inngilding byggir á þeirri hugmyndafræði að allir nemendur eigi jafnan rétt til náms, þátttöku og tilheyra skólasamfélaginu, óháð fötlun, greiningu eða námsgetu.Markmið rannsóknarinnar var að skoða hvernig skólar á Austurlandi koma til móts við einhverfa nemendur í kennslu og hvaða kennsluaðferðir eru notaðar. Þá var ljósi varpað á þær áskoranir sem kennarar upplifa í tengslum við útfærslu stefnunnar með tilliti til kennslu nemenda sem þurfa annars konar nálgun í námi. Tilgangur rannsóknarinnar var að benda á leiðir sem hafa gagnast vel í kennslu einhverfra nemenda, hvort það er í samræmi við áherslur stefnunnar um inngildandi menntun og styðja við þátttöku nemenda í skólasamfélaginu.
Rannsóknin var eigindleg viðtalsrannsókn þar sem notast var við hálf-stöðluð viðtöl. Tekin voru viðtöl við átta kennara á Austurlandi vorið 2025. Viðmælendur voru valdir með markmiðsúrtaki.Rannsóknin sýnir að kennarar á Austurlandi leggja áherslu á einstaklingsmiðaða kennslu og sjónrænt skipulag til að mæta þörfum einhverfra nemenda. Slíkar aðferðir nýtast öllum nemendum og styðja við inngildandi starfshætti. Þrátt fyrir vilja kennara reynist innleiðing inngildingar oft erfið vegna skorts á stuðningi, sérfræðiaðstoð og stoðkerfum. Þá kemur fram að inngilding birtist með ólíkum hætti eftir stærð skóla og samfélags.Til að inngilding verði raunhæf fyrir alla nemendur þarf að efla stuðning, tryggja aðgengi að fagþjónustu og styrkja skýra og samræmda innleiðingu í öllum skólum. Þannig má skapa skólaumhverfi þar sem fjölbreytileiki er metinn að verðleikum og allir nemendur fá að njóta sín
Greining ársreikninga : með áherslu á knattspyrnu- og körfuknattleiksdeildir Njarðvíkur og Keflavíkur
No full textRitgerðin er lokuð til 01.04.2050Í þessari ritgerð er rekstur knattspyrnu- og körfuknattleiksdeilda Keflavíkur og Njarðvíkur greindur með áherslu á fjárhagslega stöðu deildanna á tímabilinu 2021-2024. Markmið ritgerðarinnar er að greina helstu áskoranir og tækifæri í rekstri þessara deilda. Stuðst var við ársreikninga félaganna og framkvæmd var kennitölugreining þar sem lykiltölur eins og ROA, ROE, veltufjárhlutfalli, eiginfjárhlutfalli, skuldahlutfalli og veltuhraða eigna voru reiknaðar út. Einnig var framkvæmd lóðrétt og lárrétt greining á tekjum og kostnaði. Til viðbótar var aflað eigindlegra gagna í gegnum viðtöl við stjórnendur og sérfræðinga sem veittu dýpri innsýn í reksturinn.
Helstu niðurstöður benda til þess að rekstur deildanna sé sveiflukenndur og að knattspyrnudeildirnar séu almennt í sterkari stöðu en körfukanttleiksdeildirnar. Tækifæri felast meðal annars í aukinni tekjuöflun, nýjum leiðum til markaðssetningar og samstarfi við fyrirtæki með áherslu á samfélagslega ábyrgð. Áskoranir tengjast einkum óstöðugleika í rekstri, aukinni skuldsetningu og breyttu regluverkefni sem kallar á aukna fagmennsku og stöðugleika í fjárhagsstjórn.This thesis examines the financial performance of the football and basketball programs of Keflavík and Njarðvík between the years 2021 and 2024. The aim is to identify the main challenges and opportunities in their respective operations. The annual financial statements were analyzed using key financial ratios such as ROA, ROE, current ratio, equity ratio, debt ratio, and asset turnover. Vertical and horizontal analyses of revenues and expenses were also conducted. In addition to quantitative data, qualitative interviews with key decision-makers within the organizations, as well as a professional auditor, provided deeper insights into the financial realities of each program. The findings indicate that the financial performance of the programs are volatile and that the football programs are generally in a stronger position than the basketball programs. Opportunities include increasing revenue through new streams, adopting innovative marketing strategies, and forming partnerships with businesses that emphasize social responsibility. The main challenges relate to persistent instability in revenues and expenses, a lack of profitability that hinders the ability to finance operations without increasing debt levels, and a changing regulatory environment that will require greater financial expertise and professionalism in each program´s financial management.Ég var svo heppin að stjórnendur íþróttafélaganna gáfu mér aðgang að ársreikningum þeirra sem annars eru ekki opinberir. Ég óska því eftir því að aðgangur að lokaverkefninu verður lokaðu
Áhrif stýrivaxtabreytinga á hlutabréfa- og fasteignamarkað á Íslandi og í Bandaríkjunum á árunum 2020-2025: Hafa stýrivextir meiri áhrif á Íslandi?
No full textFasteigna- og hlutabréfamarkaðir hafa sveiflast verulega undanfarin ár. Í þessari rannsókn er skoðað hvort að stýrivextir hafi áhrif á virði fasteigna og hlutabréfa á Íslandi og í Bandaríkjunum á árunum 2020–2025. Gögnin byggjast á vísitölum fasteigna- og leiguverðs, hlutabréfamarkaða og þróun stýrivaxta. Notuð er línuleg aðhvarfsgreining til að meta möguleg áhrif stýrivaxta og hversu mikil þau áhrif eru. Niðurstöðurnar sýna að stýrivextir hafa mismunandi áhrif í löndunum tveimur. Á Íslandi lækkaði hlutabréfavísitalan (OMXI15) um 1,16% fyrir hverja 1% hækkun stýrivaxta, en í Bandaríkjunum hækkaði S&P500 um 4,5%. Fasteignaverð sýndi jákvæða fylgni við stýrivexti, það hækkaði um 4,64% á Íslandi og 4,8% í Bandaríkjunum fyrir hverja 1% hækkun. Leiguverð hækkaði einnig í báðum löndum, en meira á Íslandi (3,47%) en í Bandaríkjunum (3,24%). Þessar niðurstöður benda til þess að aðrir þættir, svo sem framboðsskortur á húsnæði, fólksfjölgun og lánsfjármögnun, hafi haft meiri áhrif á verðþróunina en stýrivextir. Lánakerfið er einnig ólíkt í löndunum tveimur. Á Íslandi eru flest lán með breytilegum vöxtum, en í Bandaríkjunum eru 92% lán með föstum vöxtum, sem getur skýrt mismunandi áhrif á neytendur og fyrirtæki. Rannsóknin hefur nokkrar takmarkanir, þar á meðal takmarkað gagnasafn og áhrif ófyrirséðra atburða eins og COVID-19. Þessar niðurstöður undirstrika þörfina á ítarlegri greiningu til að skilja betur tenginguna milli stýrivaxta og markaða auk annarra breyta
The Evaluation of Barði’s Theories on the Origin of Icelanders: “Can Icelanders trace their Origins to the Heruli tribe?”
No full textAccording to the Sagas and Landnámabók the origin of Icelanders were Norwegian settlers and Irish slaves. In the early 20th century this theory was challenged by Barði Guðmundsson. This alternative hypothesis became a popular idea in Iceland and can be seen throughout the 20th and early 21st century in media and online discussions. During the 1930’s Barði begins by making cultural comparisons between Iceland settlers and Norwegians and concludes that the Icelandic cultural heritage is too distinct from that of Norwegians that there must be another group of people which the Icelandic settlers have originated from. By tracing the cultural inheritance of the Icelanders and tracing to descriptions and migrations of Germanic tribes he concludes Icelanders are of Heruli descent, distinct from Norwegians. In this thesis I will begin to outline his key comparative arguments between Norwegian and Icelandic and partly Irish cultural behaviours. In the subsequent chapters I have established criteria and predictions to evaluate each argument against both ancient and modern sources. Overall, since the theory was first put forward almost 90 years ago more knowledge has come forward, most notably with the advancement of technology in genome sequencing. Combining modern research with ancient sources the current conclusion can only be that the evidence provided by Barði does not hold against modern and contemporary evidence and the criteria put forward in this thesis
Evaluation of the Icelandic translation of the Social Media Use Functional Assessment questionnaire
No full textWith increasing social media use, research on problematic social media use (PSMU), where users prefer online interactions over face-to-face interactions, has grown. Functional Assessments (FA) may help identify the behavioral functions underlying PSMU, yet no validated Icelandic tools exist. This study aimed to assess whether the Icelandic version of the Social Media Use Functional Assessment questionnaire (SMUFA) replicates the original English factor structure and correlates with measures of screen time, addiction, well-being, and mental health. Icelandic-speaking participants (N = 203), aged 18 to 63+, completed an online survey including the SMUFA and other key correlates. Analyses included descriptive statistics, reliability analysis, exploratory factor analysis (EFA), and Spearman´s correlations. EFA supported a three-factor structure, escape, tangible/sensory, and attention, consistent with the original. Escape showed the strongest associations with problematic outcomes, positively correlating with social media addiction, fear of missing out, and stress, and negatively with well-being. Tangible/sensory and attention were moderately or weakly correlated with the same measures. All three factors were positively associated with daily screen time. Findings support the reliability and preliminary validity of the Icelandic SMUFA, a potentially useful tool for identifying behavioral functions of social media use.
Keywords: Problematic social media use, Functional assessment, Exploratory factor analysis, Spearman’s correlation, Screen timeMeð vaxandi notkun samfélagsmiðla hefur rannsóknum á vandamálatengdri samfélagsmiðlanotkun, þar sem notendur kjósa netsamskipti umfram samskipti í eigin persónu, fjölgað. Virknimat getur hjálpað til við að greina undirliggjandi þætti vandamálatengdrar samfélagsmiðlanotkunar, enn eru engin marktæk mælitæki til. Markmið rannsóknarinnar var að kanna hvort íslensk þýðing á virknimati samfélagsmiðlanotkunar (e. SMUFA) endurspegli upprunalega þáttabyggingu ensku útgáfunnar og hvort fylgni sé milli mælitækja á skjánotkun, fíkn, vellíðan og andlegri heilsu. Íslenskumælandi þátttakendur (N = 203), á aldrinum 18 til 63+, svöruðu netkönnun sem innihélt SMUFA og aðrar lykil fylgnibreytur. Skoðuð var lýsandi tölfræði, áreiðanleikagreiningar, leitandi þáttagreining og Spearman fylgnigreining. Leitandi þáttagreining studdi þríþætta byggingu, flótta, áþreifanleg/skynræn og athygli, í samræmi við frumútgáfuna. Flótti tengdist sterkast neikvæðum afleiðingum, þar sem jákvæð fylgni var við samfélagsmiðlafíkn, hræðslu við að missa af (e. FoMO) og streitu, en neikvæð við vellíðan. Áþreifanleg/skynræn og athygli sýndu veik eða meðalsterk tengsl við sömu mælitækjum. Allir þrír þættir höfðu jákvæða fylgni við daglegan skjátíma. Niðurstöður styðja áreiðanleika og bráðabirgðastuðning við réttmæti íslenskrar útgáfu SMUFA sem mögulega gagnlegt verkfæri til að meta virkni samfélagsmiðlanotkunar.
Lykilorð: Vandamálatengd samfélagsmiðlanotkun, virknimat, leitandi þáttagreining, Spearman fylgnigreining, skjánotku
Ósýnilegir leigjendur : áhrif vantalinna innflytjenda á þróun leiguverðs á Íslandi
No full textÁ undanförnum árum hefur íslenskur leigumarkaður tekið miklum breytingum, einkum vegna fólksfjölgunar og mikils fjölda innflytjenda. Samhliða hefur leiguverð hækkað meira en í samanburðarlöndum. Markmið þessarar rannsóknar er að kanna hvort vantaldir innflytjendur hafi marktæk áhrif á þróun leiguverðs á Íslandi á tímabilinu 2011–2024. Notast var við bæði megindlega aðferðafræði, með aðhvarfsgreiningu á gögnunum, og eigindlega greiningu með viðtölum við sérfræðinga. Niðurstöður benda til þess að vanmat á fjölda innflytjenda geti haft veruleg áhrif á eftirspurn á leigumarkaði og þar með á leiguverð. Þá var jafnframt skoðað hvernig skekkja í opinberum mannfjöldatölum getur haft áhrif á stefnumótun stjórnvalda og yfirsýn yfir húsnæðismarkaðinn. Rannsóknin dregur fram mikilvægi þess að opinberar tölur endurspegli raunverulegt ástand til að hægt sé að móta árangursríka stefnu í húsnæðismálum
Syntheses of α,α,α-Tris(o-aminophenyl)-β-(o-N-triphenylmethylaminophenyl)porphyrin and and potassium µ-L-leucinato-η²-disulfido-di-µ-sulfido-bis[oxomolybdate(V)] monohydrate
No full textVerkefnið fól í sér efnasmíðar og efnagreiningar tveggja lykilefna: (i) efnasmíðum á forvera í fjölþrepasmíðum á virku modeli af cýtókróm c oxíðasa (CcO) og (ii) á vatnsleysanlegum mólybdenum brennisteins komplex. Virka modelið var upphaflega hannað, birt, og rannsakað til að líkjast virkni Fe Cu kjarna náttúrulega ensímsins við bindingu súrefnis og uppfyllir kröfur um eiginleika eins og fjarlægð uppá 5Å á milli Fe og Cu kjarnanna í ensíminu. Ítarleg greining fór fram með fjölbreyttum aðferðum, þar á meðal NMR, UV Vis ljósgleypnimælingum, háupplausnar massagreiningu og innrauðri litrófgreiningu.
Samhliða voru vatnsleysanlegir mólybden kompleksar smíðaðir og greindir. Þessir komplexsar hvata umbreytingu blásýrujóna (CN⁻) í þíósýanatjónir (SCN⁻) með 45–57 % umbreytingu innan 20 mínútna. Efnasmíðin voru hámörkuð fyrir bæði efnasamböndin, með sérstakri áherslu á að tryggja súrefnis og vatnslaus skilyrði við undirbúning viðkvæmu mólybdensambandanna.
Rannsóknin leggur grunn að framtíðarrannsóknum þar sem kerfin tvö verða sameinuð og gætu leitt til bættra meðferða við blásýrueitrun. Vel heppnuð efnasmíði og efnagreiningar þessara efnasambanda styrkir skilning okkar á líffræðilegum hermi líkönum og hagnýtingu þeirra í læknisfræðilegu samhengi
Fatlað fólk og atvinnulíf. Viðhorf fyrirtækja til atvinnuþátttöku fatlaðra einstaklinga
No full textMarkmið rannsóknarinnar er að varpa ljósi á viðhorf fyrirtækja á íslenskum vinnumarkaði til ráðninga fatlaðs fólks og greina hvernig yfirlýstar stefnur um fjölbreytileika og samfélagslega ábyrgð endurspeglast í framkvæmd. Rannsóknin byggir á eigindlegum viðtölum við stjórnendur og sérfræðinga í mannauðsmálum hjá sex fyrirtækjum sem tilnefnd voru til viðurkenningar fyrir upplýsingagjöf um sjálfbærni.
Niðurstöðurnar sýna að fjölbreytileiki er orðinn fastur þáttur í mannauðs- og jafnréttisstefnum fyrirtækja en hugtakið er oft túlkað almennt og tengt fyrst og fremst kynjajafnrétti og jafnlaunavottun. Fötlun er vissulega nefnd sem hluti af fjölbreytileika, en í framkvæmd birtist hún sjaldnast sem sértækar aðgerðir eða aðlögun til að ráða fatlað fólk til starfa. Í gildum fyrirtækjanna er lögð áhersla á virðingu, traust og jafnrétti en þar skortir markvissa stefnumótun, fræðslu og greiningu á hindrunum sem fatlað fólk mætir á vinnustöðum. Viðhorf stjórnenda sýna einnig óljósan skilning á hugtakinu fötlun og í sumum tilvikum er ábyrgð á úrbótum færð yfir á fötluðu einstaklingana sjálfa.
Rannsóknin dregur fram mikilvægi þess að fyrirtæki líti ekki á fjölbreytileikastefnu sem táknrænar yfirlýsingar heldur tileinki sér markvissar aðgerðir sem feli í sér inngildingu. Skortur á upplýstri fræðslu um stöðu fatlaðs fólks og ómeðvitaðar útilokanir í ráðningum draga úr trúverðugleika stefna fyrirtækja.
Framlag rannsóknarinnar liggur í því að varpað er ljósi á viðhorf stjórnenda til atvinnuþátttöku fatlaðs fólks og kastljósinu beint að misræminu á milli stefnumótunar og framkvæmdar. Niðurstöðurnar sýna að þörf er á markvissari stefnumótun, aukinni fræðslu og aðgerðum sem stuðla að raunverulegri inngildingu. Rannsóknin getur því nýst bæði í áframhaldandi fræðilegri umræðu og sem hagnýtur leiðarvísir fyrir stefnu-mótun, réttindabaráttu og þróun þjónustu við fatlað fólk á íslenskum vinnumarkaði