Skemman (Island)
Not a member yet
50783 research outputs found
Sort by
Smáforritið Vörn
No full textSmáforritið Vörn er sérhæft tól fyrir brunavarnareftirlitsstarfsmenn Slökkviliðs höfuðborgarsvæðisins og er ætlað til notkunar við dagleg störf þeirra tengd eldvarnareftirliti. Vörn gerir eftirlitsmönnum kleift að framkvæma úttektir á byggingum á einfaldan, skilvirkan og áreiðanlegan hátt. Með forritinu geta eftirlitsstarfsmenn stofnað nýjar skoðanir, gert úttektir á byggingum, tekið myndir og skráð skoðunaratriði með nánari lýsingum á þeim. Forritið stuðlar að aukinni yfirsýn með því að gera eftirlitsmönnum kleift að nálgast upplýsingar um komandi skoðanir og skoðanir dagsins. Einnig hafa þeir aðgang að skoðunum sem þeir hafa þegar farið í, sem auðveldar eftirlit og endurskoðun á fyrri úttektum. Verkefnið var unnið í samstarfi við Slökkvilið höfuðborgarsvæðisins
Munurinn á asískum táknmálum og evrópskum ritmálum með augum lesblindra
No full textLykilhugtök: Skilgreining lesblindu. Orsakir lesblindu. Mismunandi ritmálskerfi heimsins. Kínverska táknletrið.Taugafjölbreytni (neurodiversity). Mismunandi úrvinnsluleiðir í heila.
Í þessari ritgerð er leitað svara við eftirfarandi rannsóknarspurningu: Gengur lesblindum betur að læra að lesa tákn kínverskunnar, samstöfur* japönskunnar, eða vestræn stafróf út frá því sem vitað er um eðli lesblindunnar?
Þegar leitað er svara við þessari spurningu þarf að leggjast í rannsóknir á því sem vitað er um lesblinduna sjálfa, bæði einkenni og eðli hennar og reyna að draga saman í ákveðna heild. Á sama hátt eru þau ritmálskerfi sem notuð eru í heiminum tekin til skoðunar. Þeim er lýst í ritgerðinni, ekki síst með tilliti til hvernig þau henta lesblindum. Næst eru tekin fyrir sérkenni kínversks ritmáls og það borið saman við stafrófskerfi Evrópu og samstöfukerfi japönskunnar með tilliti til tíðni lesblindu og þessi munur skýrður einkum m.t.t. þess sem vitað er um eðli lesblindunnar sjálfrar. Nokkur munur er á milli ritmálskerfa og einnig milli tákngerðanna tveggja sem eru í notkun innan kínverskunnar
Skibidi rizz : internetmenning sem leikhúsið gæti tekið sér til fyrirmyndar
No full textÞessi ritgerð mun skoða hvaða einkenni af samfélagsmiðlamenningu leikhúsið geti tileinkað til þess að ná betur til ungs fólks. Til rannsóknar er sérstaklega húmor sem kenndur er við heilafúa (e. brainrot) en hann hefur risið í vinsældum á netinu á undanförnum árum. Hann birtist notendum á internetinu sem merkingarlaust grín og reynt verður að komast að því hvort að baki búi dýpri merking.
Samfélagsmiðlar verða skoðaðir sem performans rými, þar eru mörkin á milli leikara og áhorfanda óskýrari en í leikhúsi. Stuðst verður við kenningar Baudrillard um ofurraunveruleika og bók Robin van den Akker og Timotheus Vermeulen um metamódernisma til að greina samfélagsmiðlamenningu. Metamódernismi er nýlegt hugtak sem í einföldu máli notar póstmódernísk einkenni, svo sem kaldhæðni og afbyggingu, til þess að hafa jákvæð áhrif. Túlka mætti metamódernisma sem nokkurskonar andsvar við bölsýni kenninga Baudrillard.
Út frá greiningunni má ætla að heilafúi og önnur vinsæl samfélagsmiðlamenning sé undir áhrifum metamódernisma. Heilafúi, þó hann virðist í fyrstu vera merkingarlaus aftenging ungs fólks við samfélagið, er gjarnan notaður á metamódernískan hátt, þ.e. til að hafa jákvæð áhrif. Út frá skilgreiningu metamódernisma væri rangt að telja hugmyndafræði stefnunnar vera einu réttu leiðina að vel heppnuðu leikhúsi. Samt sem áður er niðurstaðan sú að metamódernískt leikhús er líklegt til þess að vekja áhuga ungs fólk. Leikhúsin gætu tileinkað sér hugmyndafræðina í auknu mæli við gerð sýninga sem eru sérstaklega stílaðar á ungt fólk eða boðið ungu fólki á metamódernískar sýningar sem má nú þegar sjá reglulega á sviðum leikhúsanna á Íslandi
Viðbygging við Grunnskólann í Þorlákshöfn : Egilsbraut 35, 815 Þorlákshöfn
No full textLokaverkefnið fjallar um að fullklára frumhönnun JeES arkitekta við viðbyggingu við Grunnskólann í Þorlákshöfn. Um er að ræða tveggja hæða, um 1470 m² viðbyggingu, sem mun hýsa kennslustofur, frístundarrými, sérgreinastofur og bókasafn.
Vinnan fólst í að fara í gegnum allt hönnunarferlið, frá frumhönnun og ítarlegum greiningum yfir í uppsetningu aðaluppdrátta og fullbúinna útboðsgagna. Gerðar voru greiningar á bruna-, burðarþols-, hljóð-, lagnakerfa-, loftræsti-, rýmis- og varmatapshönnun, auk lífsferilsgreiningar mannvirkisins.
Niðurstaðan er samræmd og útboðshæf hönnun sem uppfyllir kröfur byggingarreglugerða og íslenskra staðla
Afkastamælingar á íslenskum knattspyrnustúlkum: Hversu vel spáir spretthraði, loftháð geta, lóðrétt stökk og knattrak fyrir um getustig 12 ára stúlkna á knattspyrnuvellinum?
No full textBakgrunnur: Knattspyrna er vinsælasta íþrótt heims og talið er að um 265 milljónir fólks stundi íþróttina reglulega og margfalt fleiri horfi á hana í sjónvarpinu. Stúlkur hafa alltaf verið í minnihluta sem iðkendur en fjöldi þeirra er þó alltaf að aukast. Knattspyrna er líkamlega krefjandi íþrótt og því er mikilvægt að knattspyrnumenn séu líkamlega vel búnir undir spretti, stökk, og stefnubreytingar sem eru dæmi um algengar hreyfingar í knattspyrnu. Frammistöðupróf eru mikið notuð til þess að kanna líkamlega og tæknilega hæfni leikmanna, þau hafa að auki komið sér vel til að greina á milli góðra og slakari leikmanna.
Markmið: Markmiðið þessarar rannsóknar var að skoða tengsl milli þess að standa sig vel í verklegum frammistöðuprófum og getustigs stúlkna í knattspyrnu. Auk þess, að kanna hvort tengsl væru á milli frammistöðuprófanna sjálfra.
Aðferðir: Rannsóknin var þversniðsrannsókn þar sem 222 stúlkum úr 10 liðum af höfuðborgarsvæðinu var boðin þátttaka, af þeim fékkst upplýst samþykki frá 150 stúlkum. Teymi frá Háskóla Íslands safnaði gögnum vorið 2024. Mældur var spretthraði, stökkkhæð, knattrak milli keilna og vegalengd í Yo-Yo hlaupaprófi. Allar mælingar áttu sér stað á hefðbundnum æfingatíma stúlknanna. Mat á getustigi stúlknanna í knattspyrnu var fengið frá þjálfurum þeirra á þriggja punkta skala. Af þeim stúlkum sem fengu mat á getustigi áttu 138 gögn í spretthraða og knattraki og 120 fyrir stökkhæð og niðurstöður úr Yo-Yo hlaupaprófi.
Niðurstöður: Knattrak var með sterkustu fylgni við getustig (r = 0,794, p = <0,001). Spretthraði var með meðalsterka fylgni við getustig (r = 0,499, p = <0,001). Fylgni var einnig milli stökkhæðar og getustigs,(r = -0,362, p = <0,001). Engin marktæk fylgni mældist svo milli getustig og Yo-Yo hlaupaprófs (r= -0,045, p = 0,629). Sterk fylgni mældist milli stökkhæðar og spretthraða stúlknanna (r =0,681, p = <0,001).
Ályktun: Niðurstöður sýna okkur að þær stúlkur sem eru betri í knattspyrnu standa sig oftar betur í frammistöðuprófum en þær sem eru taldar lakari. Þessar niðurstöður sýna fram á að hægt er að nota frammstöðupróf til að meta getustig knattspyrnufólks
Frá Bosman til Diarra: Frjáls för launafólks og reglur FIFA/UEFA/KSÍ. Er komið að vatnaskilum varðandi félagaskipti og uppalda leikmenn knattspyrnufélaga?
No full textRitgerð þessi fjallar um reglur um frjálsa för launafólks út frá gildandi rétti innan Evrópusambandsins og Evrópska efnahagssvæðisins og reglum Alþjóða knattspyrnusambandsins, Evrópska knattspyrnusambandsins og Knattspyrnusambands Íslands.
Í upphafi ritgerðarinnar er greint frá fjórfrelsinu innan Evrópusambandsins og Evrópska efnahagssvæðisins, einkum með áherslu á frjálsa för launafólks, sbr. 45. gr. sáttmálans um starfshætti Evrópusambandsins og 28. gr. laga nr. 2/1993 um Evrópska efnahagssvæðið. Í þeirri umfjöllun verður einnig farið nánar yfir tengsl Evrópuréttar við íþróttir, þá sérstaklega knattspyrnu. Í framhaldi af því er fjallað um regluverk varðandi knattspyrnu, samspil innlendra og erlendra knattspyrnusambanda og knattspyrnufélaga. Í kjölfarið er fjallað ítarlega um reglur um félagaskipti og uppalda leikmenn knattspyrnufélaga. Í þeirri umfjöllun verður farið nánar í þær reglur sem áður giltu og þær sem gilda nú, ásamt því að fjalla um úrlausnaraðila ágreiningsefna í knattspyrnu. Jafnframt verður farið yfir grundvallardóma Evrópudómstólsins sem fjalla um kerfi knattspyrnunnar í samræmi við frjálsa för launafólks. Með þeirri umfjöllun er varpað ljósi á áhrif dómstólsins á túlkun á reglum á sviði knattspyrnunnar og þær afleiðingar sem niðurstöður dómanna hafa nú þegar haft í för með sér. Þá er nánar rýnt í þær reglur sem gilda um félagaskipti og uppalda leikmenn knattspyrnufélaga í íslenskri knattspyrnu.
Að því loknu verður ályktað um þróun reglna um félagaskipti og uppalda leikmenn knattspyrnufélaga. Í þeirri umfjöllun er fjallað um sérstöðu íþrótta gagnvart evrópuréttarreglum og kosti og galla við aukin inngrip Evrópusambandsins á sviði knattspyrnu. Höfundur kemst að þeirri niðurstöðu að aukin inngrip Evrópusambandsins og í kjölfarið Evrópska efnahagssvæðisins vegna innleiðinga á gerðum Evrópusambandsins í EES-rétt og dómafordæmum Evrópudómstólsins, séu af hinu góða. Sú leið varðandi reglusetningu á sviði íþrótta að hafa eftirlit með evrópuréttarreglum, skilyrt sjálfræði, gæti verið besti kosturinn. Með hliðsjón af þeirri þróun sem farið er yfir varðandi reglur innan knattspyrnunnar er sett fram sú ályktun, að breytingar séu yfirvofandi á félagaskiptakerfi knattspyrnunnar og kerfið þurfi að taka til endurskoðunar í heild. Þá er ályktað að hluti af reglunni um uppalda leikmenn knattspyrnufélaga gangi gegn evrópuréttarreglum en annar hluti hennar ekki. Í lok ritgerðarinnar er fjallað um hvaða breytingar gætu verið í vændum
Mikilvægi þess að kenna öllum táknmál: Verkefnabók til að kenna táknmál
No full textSíðan kennsla heyrnarlausra hófst á Íslandi hefur hún þróast mikið í gegnum árin. Í dag eru fjórir skólar á Íslandi sem veita döff einstaklingum stuðning þar sem tekið er mið af þörfum hvers og eins nemanda. Döff fólk geta staðið frammi fyrir samskiptahindrunum við heyrandi einstaklinga sem getur haft áhrif á gæði og lengd samskipta. Rannsóknir hafa sýnt fram á að döff börn eru líklegri til að upplifa höfnun og skort á félagslegum tengslum miðað við heyrandi jafnaldra þeirra. Getur það aukið líkurnar á einmannaleika og dregið úr félagslegri þátttöku í lífi döff barna. Markmiðið með verkefninu er að búa til verkefnabók sem getur nýst öllum sem vilja læra táknmál. Verkefnabókin er miðuð sérstaklega að börnum í 5-7 bekk sem ekki kunna táknmál til að geta átt samskipti við táknmálsnotendur í þeirra daglega lífi til að stuðla að auknum félagslegum samskiptum meðal döff einstaklinga og heyrandi barna. Það er mikilvægt fyrir öll börn, heyrandi og döff, að örva málþroska sinn á sínum fyrstu árum til að stuðla að aukinni samskiptafærni í framtíðinni. Ef að heyrandi einstaklingar fá kennslu í táknmáli strax sem börn getur það stuðlað að því að þau nái tökum á íslenska táknmálinu sem getur aukið líkur þess að döff einstaklingar geti átt árangursrík félagsleg samskipti við fleiri einstaklinga út í samfélaginu. Ef að íslenskt táknmál verður að kennslufyrirkomulagi í almennum skólum getur það mögulega nýst döff einstaklingum vel í þeirra daglega lífi
Starfsánægja lyfjafræðinga í apótekum og viðhorf til aukinnar lyfjafræðilegrar þjónustu „Þetta er ekki bara að líma miða á pakka og henda honum fram“
No full textStarfsánægja er talin lykilþáttur í vellíðan, frammistöðu og starfsánægju heilbrigðisstarfsfólks. Apótekslyfjafræðingar eru mjög aðgengileg heilbrigðisstétt sem á síðustu árum hefur tekið að sér ný og aukin verkefni sem gefur þeim kleift að nýta þekkingu þeirra betur en valda einnig auknu álagi. Því er mikilvægt að skilja hvaða þættir í starfsumhverfi þeirra hafa áhrif á starfsánægju þeirra til að tryggja að þeir haldist í starfi og séu í stakk búnir að þjónusta viðskiptavini og sjúklinga eins og best verður á kosið. Fyrri rannsóknir benda til þess að starfsumhverfi apótekslyfjafræðinga einkennist af miklum starfskröfum en sjálfræði, tækifæri til að nýta þekkingu og færni auk nægjanlegrar mönnunar dragi úr þessum áhrifum og ýti undir starfsánægju. Þá sýna rannsóknir sýna að aukin verkefni sem apótekslyfjafræðingar hafa tekið að sér hafi falið í sér bæði tækifæri og áskoranir. Markmið rannsóknarinnar var tvíþætt, annars vegar að varpa ljósi á hvernig lyfjafræðingar sem starfa í apótekum á Íslandi upplifa starf sitt og hvaða þætti þeir tengja við starfsánægju og hins vegar að kanna viðhorf apótekslyfjafræðinga til aukinnar lyfjafræðilegrar þjónustu í apótekum. Notast var við eigindlega rannsóknaraðferð og tekin hálfopin viðtöl við 12 lyfjafræðinga sem störfuðu í apótekum og gögnin greind með þemagreiningu þar sem stuðst var við aðferðir grundaðrar kenningar. Niðurstöður benda til að apótekslyfjafræðingar séu almennt ánægðir í starfi þrátt fyrir krefjandi starfsumhverfi sem einkennist af álagi og margslugnum verkefnum. Lyfjafræðingarnir líta á nægjanlega mönnun sem lykilbjargráð til að draga úr starfskröfum og til að styðja viðstarfsánægju sína. Niðurstöður benda jafnframt til þess að apótekslyfjafræðingar séu jákvæðir í garð aukinnar lyfjafræðilegrar þjónustu í apótekum og telji hana muna auka starfsánægju. Niðurstöðurnar hafa hagnýtt gildi fyrir apótekslyfjafræðinga, eigendur apóteka og yfirvöld þegar kemur að því að bæta starfsumhverfi apótekslyfjafræðinga og tryggja nægjanlegan stuðning við innleiðingu aukinnar lyfjafræðilegrar þjónustu.
Lykilhugtök: Starfsánægja, starfsumhverfi, lyfjafræðingar, bjargráð, mönnun, lyfjafræðileg þjónusta Job satisfaction is considered a key factor in the well-being, performance, and retention of healthcare professionals. Community pharmacists are a highly accessible healthcare profession that, in recent years, has taken on new and expanded responsibilities. These roles allow them to make better use of their expertise but also lead to increased work demands. It is therefore important to understand which aspects of their work environment influence their job satisfaction in order to ensure their retention and support their ability to serve customers and patients in the best possible way. Previous research indicates that the work environment of community pharmacists is characterized by high job demands, but that autonomy, opportunities to use their knowledge and skills, and adequate staffing can mitigate these effects and promote job satisfaction. Studies also show that the expanded roles pharmacists have taken on entail both opportunities and challenges. The aim of this study was twofold: first, to explore how pharmacists working in community pharmacies in Iceland experience their work and what factors they associate with job satisfaction; and second, to examine their attitudes toward expanded pharmaceutical services in pharmacies. A qualitative research design was used, with semi-structured interviews conducted with 12 pharmacists working in pharmacies. The data were analyzed using thematic analysis, guided by grounded theory methodology. The findings suggest that community pharmacists are generally satisfied with their jobs despite a demanding work environment characterized by high pressure and a wide range of tasks. Pharmacists identified adequate staffing as a key resource for reducing job demands and supporting their job satisfaction. The results also suggest that pharmacists hold positive attitudes toward expanded pharmaceutical services in pharmacies and believe such services are likely to enhance job satisfaction. The findings have practical implications for pharmacists, pharmacy owners, and policymakers in efforts to improve the work environment of community pharmacists and to ensure sufficient support for the implementation of expanded pharmaceutical services.
Keywords: Job satisfaction, work environment, pharmacists, resources, staffing, pharmaceutical service
Volunteerism and emergency management in Iceland : examining the role of place attachment and local engagement in search and rescue and disaster relief organizations
No full textVegna jarðfræðilegra, landslagslegra og landfræðilegra aðstæðna er Ísland útsett fyrir margvíslegum náttúruvá. Þótt tegundir og tíðni þessara váa séu mismunandi eftir landshlutum hafa þær mótað íslenskt samfélag allt frá landnámi. Á Íslandi er rík hefð fyrir sjálfboðastarfi í neyðarsamtökum á borð við Slysavarnafélagið Landsbjörg (ICE-SAR) og
Rauða krossinn, sem gegna lykilhlutverki í viðbragðsaðgerðum, einkum á dreifbýlum og afskekktum svæðum þar sem heimamenn eru oft fyrstu viðbragðsaðilar. Í ljósi loftslagsbreytinga af mannavöldum og vaxandi náttúruváar er brýn þörf á að huga að félagslegum þáttum áhættu og seiglu. Rannsóknin byggir á landskönnun sem framkvæmd var árin 2023/2024 um meðvitund um loftslagsbreytingar, áhættuskynjun og staðartengsl. Markmið hennar er að greina hvatir að baki sjálfboðastarfi í íslenskum neyðarsamtökum, meta hlutverk staðartengsla í samfélagslegri þátttöku og benda á tækifæri til að bæta skipulag almannavarna og neyðarstjórnunar á Íslandi. Jafnframt er fjallað um „þvingað sjálfboðastarf“ meðal svarenda. Niðurstöður sýna að hvatir sjálfboðaliða á Íslandi eru margvíslegar og fela m.a. í sér að vilja hjálpa öðrum, stuðla að samfélaginu, afla sér hagnýtra færni eða taka þátt í útivist með samstilltu fólki. Marktækur munur kom fram milli lýðfræðihópa, milli dreifbýlis og þéttbýlis, og eftir mismunandi váhrifum svæða. Þátttakendur lögðu jafnframt áherslu á þörfina fyrir betri samhæfingu milli neyðarsamtaka og stjórnvalda, aukin samskipti, styrkari innviði og meira stuðning frá opinberum aðilum við sjálfboðaliðamiðuð neyðarsamtök.Rannsóknin leggur fram tillögur að úrbótum í almannavörnum og leiðum til að efla seiglu samfélaga á Íslandi. Þær niðurstöður geta einnig nýst á öðrum norðurslóðum sem standa frammi fyrir vaxandi áhættu vegna loftslagsbreytinga.Due to its geology, topography, and location in the North Atlantic, Iceland is exposed to a wide range of natural hazards. While the types and frequency of these hazards vary regionally, they have profoundly shaped Icelandic society since its early settlement. Iceland has a strong tradition of volunteering in emergency organizations, such as ICE-SAR and the Red Cross, which play a crucial role in emergency response, especially in rural and remote areas where local volunteers often act as first responders. In light of anthropogenic climate change and increasing natural hazard risks, there is an urgent need to address the social dimensions of risk and resilience. This study draws on a 2023/2024 nationwide survey on climate change awareness, risk perception, and place attachment. The research aims to identify motivations behind volunteering in Icelandic emergency organizations, to assess the role of place attachment in local community engagement, and to identify opportunities for improving local emergency management structures in Iceland. It also touches on ‘forced’ volunteerism among survey participants. The findings indicate that key motivations of volunteers in Iceland are many-sided, and include aspects like helping others, or contributing to the community, but also acquiring practical skills, or engaging in outdoor activities with like-minded people. Notable differences emerged across demographic groups, rural and urban areas, and regions with varying hazard exposure. Respondents also emphasised the need for better coordination between emergency organizations and authorities, improved communication, stronger infrastructure, and more support from state institutions for volunteer-based emergency organizations. This research provides recommendations for enhancing emergency management and increasing community resilience in Iceland, which can be applied to other Arctic regions facing growing climate-related risks.Byggðastofnu
Project Team Meetings - Effective or Efficient?
No full textThis thesis examines the critical balance between effectiveness and efficiency in project team meetings within the software engineering sector. Despite their significance, many such meetings suffer from inefficiencies that lead to employee disengagement and diminish project success. This research identifies the challenges associated with meeting methodologies, frequencies, and other factors that influence project outcomes. Through a comprehensive literature review and interviews at FC, actionable recommendations for enhancing meeting formats are provided, leveraging technology, and promoting a culture of open communication. The findings reveal the substantial impact of Agile methodologies, particularly Scrum and Kanban, on team engagement and problem-solving effectiveness. Scrum fosters collaboration, while Kanban enhances efficiency and team satisfaction through real-time task visibility. The study underscores the importance of optimal meeting frequency—ideally weekly or bi-weekly—to maintain team morale and focus without causing burnout. Key practices for productive meetings include setting clear agendas, inviting appropriate participants, and utilizing technology wisely. The implications for management are profound, indicating that adopting Agile practices and optimizing meeting frequency can significantly enhance team performance. FC’s transition to Kanban exemplifies improved meeting efficiency and team satisfaction. Embracing a Kaizen mindset facilitates continuous improvement in meeting practices. Future research should investigate contextual factors affecting meeting frequency, the long-term effects of Agile methodologies, the broader application of the Kaizen philosophy, and the role of emerging technologies in improving meeting efficacy. This study provides valuable insights for both small and large enterprises, aiming to revitalize their project team meetings and transforming them into productive events that foster collaboration and innovation.
Keywords: Project team meetings; meeting effectiveness; meeting efficiency; communication strategies; meeting frequencyÞessi ritgerð fjallar um hið mikilvæga jafnvægi milli skilvirkni og skilvirkni á fundum verkefnahópa innan hugbúnaðarverkfræðigeirans. Þrátt fyrir mikilvægi þeirra þjást margir fundir af óhagkvæmni sem leiðir til afnáms starfsmanna og dregur úr árangri verkefna. Þessi rannsókn skilgreinir áskoranir í tengslum við að mæta aðferðafræði, tíðni og öðrum þáttum sem hafa áhrif á niðurstöður verkefna. Með yfirgripsmikilli úttekt á bókmenntum og viðtölum hjá FC, veitir það hagkvæmar ráðleggingar til að bæta fundarsnið, nýta tækni og efla menningu opinna samskipta. Niðurstöðurnar sýna veruleg áhrif Agile aðferðafræði, sérstaklega Scrum og Kanban, á þátttöku teymi og skilvirkni vandamála. Scrum stuðlar að samvinnu en Kanban eykur skilvirkni og ánægju teymisins með sýnileika verkefna í rauntíma. Rannsóknin undirstrikar mikilvægi þess að hitta ákjósanlega tíðni - helst vikulega eða tveggja vikna - til að viðhalda liðsanda og einbeitingu án þess að valda kulnun. Lykilvenjur fyrir gefandi fundi eru meðal annars að setja skýrar dagskrár, bjóða viðeigandi þátttakendum og nýta tæknina skynsamlega. Afleiðingarnar fyrir stjórnun eru djúpstæðar, sem gefur til kynna að með því að tileinka sér Agile starfshætti og hámarka fundartíðni getur það bætt árangur liðsins verulega. Umskipti FC yfir í Kanban eru dæmi um bætta skilvirkni á fundum og ánægju liðsins. Að taka Kaizen hugarfari auðveldar stöðugar umbætur í fundarháttum. Framtíðarrannsóknir ættu að rannsaka samhengisþætti sem hafa áhrif á fundartíðni, langtímaáhrif Agile aðferðafræði, víðtækari beitingu Kaizen hugmyndafræðinnar og hlutverk nýrrar tækni við að bæta virkni funda. Þessi rannsókn veitir dýrmæta innsýn fyrir bæði lítil og stór fyrirtæki sem miða að því að endurvekja fundi verkefnahópsins og umbreyta þeim í afkastamikla viðburði sem stuðla að samvinnu og nýsköpun.
Leitarorð: Verkefnahópsfundir; skilvirkni funda; skilvirkni funda; samskiptaaðferðir; fundartíðn