Buckinghamshire New University
Not a member yet
17928 research outputs found
Sort by
Managerial Practices in Icelandic Companies - A Comparison with Foreign Firms
No full textÍ þessari ritgerð var stjórnun í íslenskum fyrirtækjum skoðuð og borin saman við erlenda stjórnarhætti. Greint var frá því hvernig íslensk fyrirtæki aðlagast erlendum stjórnarháttum og hvaða áskoranir og tækifæri fylgja því.
Markmið ritgerðarinnar er að skoða hvernig menning mótar stjórnun í íslenskum fyrirtækjum, hvaða leiðtogastílar eru algengir og hvernig þeir eru frábrugðnir erlendum aðferðum, ásamt því hvernig íslensk fyrirtæki geta nýtt erlendar aðferðir til að bæta stjórnun, auka starfsánægju og efla stöðu sína á erlendum mörkuðum.
Í niðurstöðum ritgerðarinnar kemur fram að íslensk stjórnun mótast að miklu leiti af menningu, sveigjanleika og trausti milli stjórnenda og starfsmanna sem stuðlar að nýsköpun og hraðri ákvarðanatöku. Einnig kemur fram að íslensk stjórnun er óformlegri og hraðvirkari en í löndum með skýrari valdaskiptingu, sem hefur bæði kosti og galla (Olga Ýr Björgvinsdóttir, 2020). Þá kemur einnig í ljós að þegar íslensk fyrirtæki taka upp erlendar aðferðir er mikilvægt að aðlaga þær að íslenskri menningu og aðstæðum til að bæta stjórnun og auka starfsánægju. Lykilatriði er að útskýra breytingarnar vel til að koma í veg fyrir mótstöðu starfsmanna (Magnús Haukur Ásgeirsson og Eydís Rós Ármannsdóttir, 2022)
Samfélagsmiðlar á tímum áhrifavalda: Hvernig mótast ímynd fyrirtækja út frá áhrifavöldum og hvaða áhrif hefur það á kaupákvörðun neytenda?
No full textMarkmið þessarar ritgerðar er að varpa ljósi á hvernig ímynd fyrirtækja mótast út frá áhrifavöldum á samfélagsmiðlum og hvaða áhrif það hefur á kauphegðun neytenda. Í ritgerðinni er fjallað um hvernig áhrifavaldar, sem nýta tengslanet sitt og trúverðugleika, verða mikilvægir milliliðir milli fyrirtækja og neytenda í stafrænu markaðsumhverfi. Samkvæmt kenningum um ímynd og vörumerkjavitund gegna áhrifavaldar lykilhlutverki í mótun skynjunar á vörumerkjum, meðal annars með miðlun upplifana, gildum og persónulegri tengingu. Neytendur eru ekki lengur óvirkir móttakendur, heldur virkir þátttakendur í ímyndarsköpun í gegnum gagnvirk samskipti og miðlun á samfélagsmiðlum. Þá er einnig rýnt í hvernig trúverðugleiki áhrifavalda og samræmi milli þeirra og gildismats fyrirtækja getur ýmist styrkt eða skaðað ímynd og orðspor. Niðurstöður umræðunnar benda til þess að áhrifavaldar hafi raunveruleg áhrif á kauphegðun neytenda, einkum þegar tenging er til staðar og trúverðugleiki þeirra er til staðar. Hins vegar spila tæknilegir þættir, á borð við reiknirit samfélagsmiðla, sífellt stærra hlutverk í dreifingu efnis og sýnileika þess. Ímynd fyrirtækja er því í auknum mæli mótuð í sameiginlegu samspili áhrifavalda, stafrænnar tækni og virkra neytenda
Upplifuð stjórn sem breytingarferli í atferlisvirkjunarmeðferð við þunglyndi: Þáttur stýrifærni
No full textBehavioral Activation (BA) is an established treatment for depression, but the mechanisms driving its efficacy remain unclear. This study examined perceived control (PC) as a potential mechanism of change in BA and explored whether baseline executive function (EF) moderated treatment outcomes. Sixty-eight adults meeting criteria for major depressive disorder enrolled in a BA intervention. Depressive symptoms were assessed via self-report and diagnostic interview; EF was measured using neurocognitive tests; PC was measured using self-report and ecological momentary assessment (EMA); and negative affect (NA) was assessed through EMA. Results showed significant reductions in depressive symptoms and NA, along with increases in PC across treatment. Temporal analyses indicated that reductions in depressive symptoms preceded increases in PC, rather than PC predicting symptom change. Contrary to expectations, lower baseline EF was associated with greater gains in PC, although EF did not significantly moderate overall symptom improvement. These findings suggest that while BA enhances PC and reduces depressive symptoms, increases in PC may follow, rather than drive, symptom improvement. The results have implications for understanding therapeutic mechanisms in BA and for tailoring interventions to individuals with lower EF.Atferlisvirkjun er viðurkennd meðferð við þunglyndi, en óljóst er hvaða breytingarferli skýra árangur hennar. Í þessari rannsókn var upplifuð stjórn skoðuð sem hugsanlegt breytingarferli í atferlisvirkjun og athugað hvort stýrifærni við upphaf meðferðar hefði áhrif á meðferðarárangur. Sextíu og átta fullorðnir einstaklingar sem uppfylltu greiningarskilmerki fyrir alvarlegt þunglyndi tóku þátt í atferlisvirkjunarmeðferð. Þunglyndiseinkenni voru metin með sjálfsmatskvörðum og geðgreiningarviðtali; stýrifærni var metin með taugasálfræðilegum prófum; upplifuð stjórn var metin með sjálfsmatslistum og í rauntímamati; og neikvæð geðhrif voru einnig metin með rauntímamati. Niðurstöður sýndu marktæka minnkun í þunglyndiseinkennum og neikvæðum geðhrifum, ásamt aukningu í upplifaðri stjórn yfir meðferðartímann. Tímagreiningar bentu til þess að minnkun þunglyndiseinkenna hafi átt sér stað áður en upplifuð stjórn jókst, frekar en að aukin upplifuð stjórn hafi leitt til bætinga á einkennum. Þvert á væntingar sýndu þátttakendur með lakari stýrifærni meiri aukningu í upplifaðri stjórn yfir meðferðartímann, þó stýrifærni hefði ekki marktæk áhrif á breytingar í þunglyndiseinkennum. Þessar niðurstöður benda til þess að þó að atferlisvirkjun auki upplifaða stjórn og dragi úr einkennum þunglyndis, gæti aukin upplifuð stjórn fylgt í kjölfar einkennabætingar frekar en að vera drifkraftur hennar. Niðurstöðurnar gefa vísbendingar um breytingarferli í atferlisvirkjun og geta nýst við að aðlaga meðferðir að einstaklingum með skerta stýrifærni
Þróun nagga úr baunapróteini: Áhrif uppskriftar og vinnsluþátta á efna- og eðliseiginleika
No full textThe study aimed to develop and test formulations for plant-based nuggets from pea protein and evaluate impact of ingredients and processes on their physiochemical properties. A 12-run Plackett Burman design was used to evaluate nine factors. These factors included method for addition of gelling agents, the amount of water, oil and salt in the formulation, cooking temperature, quantity of gelling agents (xanthan, konjac and vegan gelatine), and addition of flavoring. 12 variations of a recipe for Pea-based nuggets were prepared using the Plackett Burman’s design matrix in duplicate batches. Store-bought chicken nuggets were evaluated for comparison. The physicochemical properties tested included water content, cooking loss, water holding capacity, color and texture profile analysis, which included measuring, hardness, cohesiveness, springiness, and chewiness. Further, near infra-red (NIR) spectroscopy was also conducted to evaluate the potential of using it to predict the measured physicochemical properties. Results showed that the main factors that impacted the physicochemical properties of the pea protein nuggets included inclusion amount of water, oil and flavoring as well as the cooking temperature. Overall, no single formulation appeared to emulate the properties of chicken nuggets better than another. However, multivariate analysis (Principle component analysis; PCA) indicated that pea protein nuggets containing higher oil content were more like control samples of chicken nuggets than those with low oil addition. Further, results of analysis of spectroscopic data, using Partial Least Squares Regression (PLSR), showed that with the applied techniques only water content could be predicted with fair accuracy while other indirect physical properties, could not be evaluated using the NIR spectra
Austerity in the Public Sector: How managers' incentives and goals shape decisions on human resource cutbacks in government agencies
No full textRitgerðin fjallar um ákvarðanatöku stjórnenda ríkisstofnana á Íslandi varðandi aðhaldsaðgerðir í mannauðsmálum. Í henni er rannsakað hvers vegna stjórnendur velja mismunandi aðhaldsaðferðir og hvaða áhrif mismunandi hvatar og markmið þeirra hafa á þessar ákvarðanir. Rannsóknarspurningin beinist að því hvernig persónulegir hvatar og markmið stjórnenda hafa áhrif á val þeirra á aðhaldsaðgerðum. Notast er við eigindlega aðferðafræði og gögnum safnað með hálfstöðluðum viðtölum við stjórnendur ríkisstofnana og fulltrúa stéttarfélaga. Fræðilegur rammi byggir á kenningum um stjórnun í opinberum rekstri, almannaval, niðurskurðarstjórnun og ólíkar gerðir stjórnenda samkvæmt Downs. Helstu niðurstöður sýna að val stjórnenda á aðhaldsaðgerðum mótast af persónulegum hvötum þeirra. Metnaðarfullir stjórnendur með áhuga á framgangi velja umfangsmiklar breytingar á skipulagi og nýjar stjórnunaraðferðir. Þeir sem eru varfærnir og vilja viðhalda stöðugleika velja hins vegar mildari leiðir eins og ráðningabann og yfirvinnubann. Því til viðbótar sýndu niðurstöður að ytri þættir eins og pólitísk stefnumótun og lagarammi höfðu einnig mikil áhrif á ákvarðanir þeirra. Að lokum eru það þó innri þættir stofnunarinnar og persónuleg sýn stjórnenda sem mestu ræður um hvaða aðhaldsaðferðir eru valdar. Þessi rannsókn eykur skilning á því hvernig hvatar stjórnenda móta ákvarðanatöku í opinberum rekstri og getur nýst til að þróa áhrifaríkari aðhaldsaðgerðir í framtíðinni.This thesis examines the decision-making processes of public institution managers in Iceland, regarding austerity measures in human resources. It investigates why managers choose different austerity methods and how their motivations and objectives influence these decisions. The research question specifically explores how the personal incentives and objectives of managers affect their selection of austerity measures. The study utilizes qualitative methodology, gathering data through semi-structured interviews with public managers and union representatives. The theoretical framework includes theories on public administration, public choice, cutback management, and Downs' typology of managerial types. Emphasis is placed on budget-maximizing and bureau-shaping theories, which explain managerial behaviours during austerity. The main findings suggest that managers' choices regarding austerity methods are indeed shaped by their personal incentives. Ambitious managers aiming for career progression tend to choose extensive structural changes and new management practices. In contrast, cautious managers who aim to maintain stability opt for milder measures, such as hiring freezes and overtime bans. Additionally, external factors like political directives and legal constraints significantly influence these decisions. Ultimately, however, internal institutional factors and managers' personal outlook predominantly determine the austerity methods selected. This research enhances understanding of how managerial motivations influence decision-making in public administration and provides insights for designing more effective austerity measures in the future
„Þess vegna ákvað ég að koma:“ Uppbygging samfélags filippseyskra innflytjenda á Íslandi, 1980–2025
No full textÞessi rannsókn skoðar mótun samfélags Filippseyinga á Íslandi frá níunda áratug tuttugustu aldar og fram til dagsins í dag. Hér er stuðst við aðferðafræði munnlegrar sögu en þessi rannsókn byggir að miklu leyti á viðtölum við fjórar konur af filippseyskum ættum. Tvær þeirra, Emely Rós Paran og Daisy Caparida, fæddust á Filippseyjum og fluttu til Íslands en hinir viðmælendur mínir, Camille Anna Patriarca og Stella Stefánsdóttir, eru af annarri kynslóð filippseyskra innflytjenda á Íslandi.
Brottflutningur Emely og Daisy er settur í samhengi við almenna þróun fólksflutninga frá Filippseyjum sem á rætur sínar að reka til einræðisstjórnar Ferdinands Marcosar (1972–1986). Veruleg fátækt sem stafaði af víðtækri spillingu leiddi til þess að margir Filippseyingar fluttu burt í leit að betra lífi annars staðar. Þeir flutningar voru auðveldaðir með tilurð stofnunar sem bar heitið Overseas Employment Development Board (OEDB), en hún sá til þess að mæta vaxandi eftirspurn eftir erlendu vinnuafli í Miðausturlöndum og í ýmsum ríkjum Suðaustur-Asíu. Breyttar forsendur í þessum ríkjum ollu því að fólksflutningar tóku sérstaklega kvenlega mynd á níunda áratugnum.
Rannsóknin sýnir fram á hvernig keðjuflutningar fjölskyldumeðlima Emely var komið af stað stuttlega eftir komu hennar til Íslands árið 1987. Eftir að Emely hjálpaði fjölskyldumeðlimum sínum að koma til landsins hjálpuðu þeir öðrum í kjölfarið. Flutningur Daisy til Íslands er því hluti þessara keðjuflutninga því hún kom til landsins með aðstoð fjölskyldumeðlima hennar á Íslandi. Sterk fjölskyldutengsl höfðu mótandi áhrif á samfélag viðmælenda minna og sjálfsmynd annarrar kynslóðar filippseyskra innflytjenda þróaðist í samræmi við þessi tengsl. Sterkt og virkt samfélag Filippseyinga á Íslandi hefur leitt til þess að samskipti þeirra við hið íslenska samfélag hafa ekki verið mikil félagslega.
Hér er einnig greint frá annarri bylgju filippseyskra innflytjenda en fólksflutningur frá Filippseyjum til Íslands tók kipp árið 2015 í kjölfar skorts á hjúkrunarfræðingum og vinnuafli á hjúkrunarheimilum. Rannsóknin dregur fram hvernig þessi hópur innflytjenda kom ár sinni fyrir borð og byggði upp sterkt samfélag á Íslandi auk þess að halda miklum tengslum við ættingja í heimalandinu. Sjálfur tilheyri ég þessu samfélagi og þekki þannig vel til mála innan þess og nýtti mér þá þekkingu við greiningu á viðfangsefninu
Between Landscape and Density
No full textMarkmið þessarar ritgerðar er að skoða hvernig borgarskipulag í Reykjavík hefur þróast frá skipulagi og uppbyggingu Efra-Breiðholts á sjötta og sjöunda áratugnum til nútímalegra þróunarsvæða á borð við Hlíðarenda. Efra-Breiðholt var hannað út frá módernískum hugmyndum með áherslu á skipulagðar hverfiseiningar, aðskilnað umferðar, græn svæði og sjónrænt næði. Hlíðarendi endurspeglar aftur á móti áherslur Aðalskipulags Reykjavíkur 2040 um þéttingu, gönguvæni og blandaða byggð. Greiningin byggir á fjórum greiningarþáttum: borgarform og þéttleiki, samgöngur og tengingar, opin svæði og græn innviði, og mannmiðuð hönnun og lífsgæði. Niðurstöðurnar sýna að hvor nálgun um sig hefur ákveðna styrkleika og veikleika: Efra-Breiðholt býður upp á sterka tengingu við náttúru og útivistarsvæði sem gefur mikla möguleika til sálrænnar endurheimtar en skortir félagslega virkni og fjölbreytileika; Hlíðarendi býr að hagkvæmni í landnýtingu og samgöngu tengingnum en glímir við skort á grænum tengingum og endurnærandi þáttum í umhverfinu. Með hliðsjón af samanburðargreiningu er lögð fram hönnunartillaga sem leitast við að samþætta kosti beggja skipulagsstefna með áherslu á andlega vellíðan, fjölbreytileika og aðgengi. Ritgerðinni lýkur á vangaveltum og hönnunartillögu um hvernig framtíðarskipulag Reykjavíkur geti nýtt sér reynslu fortíðar og innsýn samtímans til að skapa sjálfbærari og mannvænni borg
Er munur á líkamlegri hreyfingu og svefnvenjum milli leikmanna sem spila í deildum og þeirra sem spila eingöngu í FACEIT /Premier?
No full textMarkmið þessarar rannsóknar var að kanna hvort munur sé á svefnvenjum og líkamlegri hreyfingu milli tveggja hópa Counter-Strike leikmanna (CS2): annars vegar þeirra sem keppa reglulega í skipulögðum deildum (svo sem Ljósleiðaradeildinni á Íslandi) og hins vegar þeirra sem spila eingöngu í gegnum keppnis/netvettvanga á borð við FACEIT og Premier. Með vaxandi umfangi rafíþrótta, sérstaklega meðal ungs fólks, verður sífellt mikilvægara að skoða heilsutengda hegðun leikmanna, sérstaklega hvað varðar hreyfingu og svefn. Alls tóku 37 þátttakendur þátt í rannsókninni, allir virkir CS2 spilendur með mismunandi keppnisreynslu. Gögnum var safnað með tveimur stöðluðum og viðurkenndum spurningalistum: Athlete Sleep Screening Questionnaire (ASSQ) og International Physical Activity Questionnaire (IPAQ). Þeir veittu innsýn í svefngæði, hreyfingu og kyrrsetuhegðun þátttakenda. Niðurstöður benda til þess að leikmenn sem taka þátt í formlegri deildarkeppni hafi að jafnaði reglulegri svefnvenjur og hreyfi sig meira en þeir sem spila eingöngu í FACEIT eða Premier. Skipulögð umgjörð og reglubundin dagskrá virðast styðja við heilbrigðari lífsstíl og betri heilsuhegðun meðal leikmanna. Þessi rannsókn undirstrikar mikilvægi þess að skapa stuðningsumhverfi í rafíþróttum sem hvetur til heilsusamlegrar hegðunar, ekki bara til að bæta frammistöðu heldur einnig heilsu og vellíðan ungs fólks sem stundar keppnisspilun
Styðjandi samfélag sem veitir öryggi : reynsla íbúa af því að búa í íbúðakjarna fyrir 60 ára og eldri
No full textRitgerðin er lokuð til 27.04.2030Fólki yfir 65 ára mun fjölga verulega á næstu árum á Íslandi. Liður í því að lengra líf einstaklinga haldist merkingarbært og ánægjulegt er að úrræði séu til staðar svo fólk geti búið sem lengst heima hjá sér, annað hvort í heimahúsi eða í íbúðum eldri borgara. Tilgangur rannsóknarinnar var að kanna reynslu eldri borgara af því að búa í íbúðakjarna fyrir 60 ára og eldri og viðhorf þeirra til þjónustunnar sem veitt er í kjarnanum.
Um eigindlega viðtalsrannsókn var að ræða. Tekin voru fjögur rýnihópaviðtöl og þrjú einstaklingsviðtöl þar sem hálfstaðlaður viðtalsrammi var notaður. Þátttakendur voru í heildina 20 manns og voru þeir allir íbúar í Mörk 60+. Aðleiðandi innihaldsgreining var notuð við gagnagreiningu þar sem gögnin voru skipulögð og flokkuð í undirþemu og meginþemu. Út frá þeim var yfirþemað myndað sem lýsir reynslu íbúa 60+ í Mörk af búsetu þar og viðhorfum þeirra til þjónustunnar.
Yfirþema rannsóknarinnar var styðjandi samfélag sem veitir öryggi en það greindist niður í þrjú meginþemu. Fyrsta meginþema var félagslegur stuðningur sem skiptist niður í félagsstarf starfrækt að frumkvæði íbúa, félagsskap í fjölbreyttu umhverfi og meðvitund um að félagsleg virkni bætir andlega líðan. Annað meginþema var þægindi í daglegu lífi sem skiptist niður í aðgang að fjölþættri þjónustu, þægindi sem borga sig og umhverfi og aðstöðu með góðu aðgengi. Þriðja meginþema var umhverfi sem veitir öryggi sem skiptist niður í nágrannavörslu og náungagæslu og öryggi í þeirri þjónustu sem er veitt á svæðinu.
Út frá niðurstöðum rannsóknarinnar má álykta að þátttakendur fundu fyrir öryggi og náungakærleik í íbúðakjarnanum og voru í heild ánægðir með starfsemina og aðstöðuna. Nýta má niðurstöður til gæðaumbóta í kjarnanum og við þróun íbúða fyrir eldri borgara.The number of individuals aged 65 and older is projected to increase significantly in Iceland over the coming years. One important aspect of ensuring that increased longevity remains meaningful and enjoyable is the availability of housing options that enable older adults to live independently for as long as possible, either in their own homes or in senior housing communities. The aim of this study was to explore the experiences of older adults living in a residential complex for individuals aged 60 and over, and to examine their perceptions of the services provided within the complex.
This was a qualitative interview study. Data were collected through four focus group interviews and three individual interviews using a semi structured interview guide. A total of 20 participants took part, all of whom were residents of Mörk 60+. An inductive content analysis approach was used to analyze the data, where responses were organized and categorized into sub themes and main themes. From these, an overarching theme was developed to describe the lived experiences of residents aged 60 and over at Mörk 60+ and their perspectives on the services offered.
The overarching theme identified in the study was a supportive community that fosters a sense of safety. This theme was divided into three main themes. The first theme, social support, including resident-led social activities, companionship in a diverse environment, and awareness of the positive impact of social engagement on mental well-being. The second theme, daily comfort, included comprising access to a wide range of services, cost-effective conveniences, and well-designed facilities with good accessibility. The third theme, a secure environment, included neighbourly care and vigilance, and a sense of safety related to the available services.
Participants expressed a strong sense of safety and community spirit
within the residential complex and were generally satisfied with the services and facilities available. The study’s findings may be used to inform quality improvements within the complex and to guide the development of future senior housing models
