Buckinghamshire New University
Not a member yet
17928 research outputs found
Sort by
Að læra í reynslunni þýðir að láta sig gossa: Starfstengd sjálfsrýni um reynslumiðað nám með unglingum
No full textSamkvæmt Alþjóðlegu heilbrigðisstofnuninni (WHO) er talið að um eitt af hverjum tíu ungmennum upplifi félagslega einangrun. Félagsleg einangrun eykur líkur á og magnar upp tilfinningar einmanaleika, en samkvæmt íslensku æskulýðsrannsókninni 2024 kemur fram að 10–13% barna í 8. –10. bekk séu oft eða alltaf einmana. Fátt er um úrræði fyrir þennan hóp ungmenna, en Unglingasmiðjurnar Stígur og Tröð, sem reknar eru af velferðarsviði Reykjavíkurborgar, eru dæmi um slíkt. Unglingasmiðjurnar eru sértækt hópastarf fyrir unglinga í 8. –10. bekk sem upplifa félagslega einangrun og byggir starfið á hugmyndafræði lausnamiðaðra aðferða, valdeflingu og reynslumiðaðs náms.
Rannsóknin sem hér segir frá er starfstengd sjálfsrýni. Tilgangur hennar er að styrkja félagsleg tengsl og sjálfsmynd félagslegra einangraðra unglinga á aldrinum 13–16 ára í gegnum reynslumiðað nám á hátt sem ýtir undir tilfinningu þeirra um að tilheyra. Markmiðið þróa minn eigin skilning og skilgreiningu á hálf-formlegu reynslumiðuðu námi og draga fram birtingamyndir þess í starfi mínu sem tómstundafræðingur í þverfaglegu teymi sem skipuleggur sértækt hópastarf fyrir og með unglingum sem upplifa félagslega einangrun. Helstu gögn í rannsókninni voru rannsóknardagbók, upptökur af teymisfundum og samtölum við gagnrýna vini, ljósmyndir úr starfinu og ýmis praktísk gögn úr daglegu starfi á Stíg (dagskrá, fundarnótur). Óbeinir þátttakendur í rannsókninni eru samstarfsfólk mitt og ungmennin sem eru þátttakendur á Stíg.
Helstu niðurstöður gefa vísbendingar um að til að auka skilning á reynslumiðuðu námi er mikilvægt að starfsfólk á vettvangi kynni sér mismunandi kenningarramma reynslumiðaðs náms, leitist við að leggja eigin túlkun í þessar ólíku hugmyndir og leggi sig fram um að átta sig á hverjar birtingarmyndir þeirra eru og gætu orðið á vettvangi. Þá er mikilvægt að rýna í og taka meðvitaða ákvörðun um hvaða straumum og stefnum sé vert að fylgja, athuga hverju sé hægt að blanda saman og hvernig og prófa sig áfram í starfi. Til að efla eigin fagmennsku sem gagnrýninn, reynslumiðaður menntandi er mikilvægt að hlúa að og rækta með sér eiginleika á borð við sveigjanleika, næmni fyrir félagslegum anda í hópnum, forvitni gagnvart öðrum og upplifunum þeirra og sjálfstraust til takast á við ófyrirséðar aðstæður eða aðstæður sem eru tilfinningalega krefjandi og hugrekki til að láta sig gossa í óvissuna sem öll reynsla ber með sér
Tengsl félags- og efnahagslegrar stöðu og andlegrar heilsu: Miðlunarhlutverk félagslegs stuðnings og mataræðis. Greining byggð á gögnum evrópsku heilsufarskönnuninni frá 2019
No full textEinkenni þunglyndis og kvíða geta komið fram meðal ólíkra einstaklinga í samfélaginu. Af streituferlalíkani Pearlins o.fl. að dæma eru einstaklingar í lágri félags- og efnahagslegri stöðu líklegri til að verða meira útsettir fyrir streituvöldum. Langvarandi streita getur dregið úr bæði sjálfsáliti og tilfinningu um stjórn á lífi sem auka líkur á verri andlegri heilsu. Félagslegur stuðningur er talinn draga úr andlegri vanlíðan. Rannsóknir hafa sýnt fram á að heilbrigt mataræði hafi einnig jákvæð áhrif á andlega heilsu í gegnum þarma-heila-ásinn en þar að auki ýtir félagslegur stuðningur undir heilbrigðar matarvenjur. Í þessari rannsókn var unnið úr gögnum evrópsku heilsufarskönnuninni frá 2019. Lagðar voru fram rannsóknarspurningarnar: Hefur fólk í ólíkri félags- og efnahagslegri stöðu ólík einkenni þunglyndis og kvíða og getur félagslegur stuðningur og mataræði gengt hlutverk verndandi þátta? Þá voru sex tilgátur lagðar fram. Niðurstöður voru túlkaðar í samræmi við streituferlalíkanið og sýna að samband félags- og efnahagslega stöðu og andlega líðan er til staðar. Lægri félags- og efnahagslegri stöðu fylgir hærri þunglyndis- og kvíðaeinkennum. Félagslegur stuðningur dregur úr þunglyndis- og kvíðaeinkennum í takt við streituferlalíkanið. Félagslegur stuðningur ýtir einnig undir aukna neyslu ávaxta og grænmetis sem dregur úr þunglyndiseinkennum, en ekki kvíða. Að lokum verða tillögur lagðar fram að rannsóknum sem geta byggt á niðurstöðum rannsóknarinnar.Symptoms of depression and anxiety can appear among diverse individuals in society. According to Pearlin’s et al. stress process model, individuals in lower socio-economic positions are more likely to be exposed to stressors. Chronic stress can reduce self-esteem and a sense of control over life, which increases the likelihood of poor mental health. Social support is considered to alleviate psychological distress. Research has also shown that a healthy diet positively influences mental health through the gut-brain axis, and furthermore, social support promotes healthy eating habits. This study used data from the 2019 European Health Interview Survey (EHIS). The research questions posed were: Do people of different socio-economic status exhibit different symptoms of depression and anxiety, and can social support and diet act as protective factors? Six hypotheses were tested. The results were interpreted in accordance with the stress process model and show that there is a relationship between socio-economic status and mental well-being. Individuals in lower socio-economic positions exhibit higher symptoms of depression and anxiety, but social support reduces these symptoms, like the stress process model suggests. Social support also promotes increased consumption of fruits and vegetables, which reduces symptoms of depression, but not anxiety. Finally, proposals for further research based on the study's findings have been presented
Forkaupsréttur - Er þörf á að lögfesta almennar reglur um forkaupsrétt að fasteignum?
No full textRitgerð þessi fjallar um forkaupsrétt að fasteignum. Markmiðið er að leiða í ljós hvort þörf sé á að lögfesta almennar reglur sem gilda um forkaupsrétt að fasteignum. Greint er frá þeim almennu ólögfestu reglum sem eru í gildi og hvort ágreiningur sé um túlkun þeirra. Ritgerðinni er í megindráttum skipt upp í þrjá hluta.
Í fyrsta hluta ritgerðarinnar er fjallað um stöðu forkaupsréttar í íslensku samfélagi. Farið er yfir sögulega þróun forkaupsréttar hér á landi frá árinu 1700 til dagsins í dag. Þá er litið til hugtaksins forkaupsréttur og hvað felst í því. Auk þess er gerð grein fyrir tveimur tegundum forkaupsréttar; annars vegar lögbundnum forkaupsrétti og hins vegar samningsbundnum forkaupsrétti. Að því loknu er fjallað um forkaupsrétt að öðrum eignum en fasteignum, meðal annars hlutabréfum og öðru lausafé.
Annar hluti ritgerðarinnar má segja að sé meginþungi hennar. Þar er fjallað um við hvaða tilvik forkaupsréttur að fasteignum verður virkur. Í kjölfarið er helsta dómaframkvæmd greind með það að markmiði að skýra hvort og að hvaða leyti réttaróvissa ríkir um forkaupsrétt að fasteignum.
Í þriðja og síðasta hluta ritgerðarinnar er farið yfir vernd eignarréttar og samningsfrelsi og hvernig forkaupsréttur horfir við þeim grundvallarreglum. Þá er jafnframt farið yfir hvað liggur að baki lögfestingu reglna á sviði fjármunaréttar og hvers vegna það geti verið mikilvægt að skýra reglur á því sviði. Að lokum er lögð fram tillaga að lagafrumvarpi um forkaupsrétt að fasteignum og með því reynt að skýra þær reglur sem í gildi eru
Grænþvottur í textíliðnaði : rannsóknarverkefni á grænþvotti í textíliðnaði
No full textRitgerðin fjallar um fyrirbærið grænþvott í textíliðnaði og hvernig fyrirtæki nýta sér umhverfisvæna ímynd til að hámarka hagnað. Markmið ritgerðar er að varpa ljósi á hvernig fyrirtæki miðla villandi upplýsingum um umhverfisáhrif vara ásamt áhrifum slíks á neytendur. Ritgerðin byggir á greiningu ritrýndra heimilda, fréttagreina og athugasemda alþjóðlegrar stofnanna sem varpa ljósi á raunveruleg dæmi úr iðnaðinum. Niðurstöður sýna að neytendur sýna aukinn vilja til að kaupa umhvefisvænni vörur og leggja áherslu á sjálfbærni en kauphegðun þeirra er ekki í takt við sýndann vilja. Fyrirtæki nýta sér vilja neytenda fyrir aukinni sjálfbærni til að auglýsa vöru með þann ásetning að auka sölu og hagnað. Grænþvottur getur því blekkt neytendyr og skapað falsa ímynd um umhverfisáhrif. Ályktun höfundar við skrif rannsóknarritgerðar er að það þarf að leggja mun meiri áherslu á aukið gagnsæki á markaði, skýrari reglugerðir og fræðslu til neytenda um grænþvott. Framleiðsla í textíliðnaði þarf að vera í takt við óskir neytenda eftir umhverfisvænni vörum til að komast í átt að raunverulega sjálfbærari iðnaði.The thesis addresses the phenomenon of greenwashing in the textile industry and how companies exploit an environmentally friendly image to maximize profit. The aim of the thesis is to shed light on how companies convey misleading information about the environmental impact of products, as well as the effects this has on consumers. The thesis is based on an analysis of peer-reviewed sources, news articles, and comments from international organizations that highlight real examples from the industry. The results show that consumers express an increased willingness to purchase environmentally friendly products and emphasize sustainability, but their purchasing behavior does not align with this expressed willingness. Companies take advantage of consumers’ desire for increased sustainability to advertise products with the intention of increasing sales and profit. Greenwashing can therefore deceive consumers and create a false impression of environmental impact. The author concludes that there needs to be a much greater emphasis on increased market transparency, clearer regulations, and consumer education about greenwashing. Production in the textile industry must align with consumers’ demands for more environmentally friendly products in order to move towards a genuinely more sustainable industry
MAKES ME WANT TO OUTRUN MYSELF
No full textThis essay discusses sincerity in the performance and creative process of the solo MAKES ME WANT TO OUTRUN MYSELF, questioning the way sincerity is shaped by the choice of movement and embodiment of performativity in contemporary dance performances. First, the essay focuses on defining performativity and its structure using Richard Schechner's Performance Theory, Konstantin Stanislavski's method and Bertolt Brecht's distancing effect. The essay compares the techniques of actors and dancers of creating an inner presence, a part of performativity.
Second, understanding sincerity and how it acts in a creative process, analysing it through the practice of Authentic Movement and the solo process of MAKES ME WANT TO OUTRUN MYSELF. Sincerity acts like gut feeling which means getting into contact with the body creates the sensitivity to having an overview of the present self, helping to react to needs, feelings, movement, noise etc.
Lastly, the essay explores the coexistence of the two matters, sincerity and performativity, by putting the two into the context of a performance. Discussing repetition and performativity through Judith Butler's Gender Trouble: Feminism and the Subversion of Identity, the thesis questions if sincerity can become part of the performance, being performed and not coming from within. Whilst figuring out the balance between the two, a third matter, the audience, comes to light. Observing the idea of a creator against interpretation of an audience through Roland Barthes' essay The Death of the Author, the essay concludes with sincerity being the one shaping movement and embodiment of performativity but only by being honest with oneself and following the gut feeling
Guðir, menn og miskunn: Goðsögur í nýju ljósi í Percy Jackson ritröð Ricks Riordan
No full textRitgerðin fjallar um hvernig Rick Riordan nýtir sér forngrískar goðsagnir í Percy Jackson bókaflokk sínum. Hann semur nútímalegar frásagnir sem kynna grískar goðsagnir fyrir ungum lesendum og dýpka skilning þeirra á fornum textum. Rannsóknin beinir sjónum að samböndum guða og manna eins og þau koma fram í verkum Riordans og hjá fornhöfundunum Hómer og Lúkíanosi með áherslu á hálfguðina Perseif og Percy Jackson. Auk þess er verk Natalie Haynes notað til þess að skoða hvernig Medúsa birtist í verki Riordans.
Með því að greina hvernig Riordan umbreytir klassískum hetjum og guðum í nútímalegri persónur sýnir ritgerðin hvernig bókaflokkurinn stuðlar að auknum áhuga á forngrískum goðsögum án þess að draga úr dýpt þeirra. Percy Jackson bókaflokkurinn speglar bæði goðsagnir og siðferði nútímans og leiðir til endurskoðunar á hefðbundnum hugmyndum um hetjuskap. Niðurstöður rannsóknarinnar sýna fram á það hvernig verk Riordans auðga forngríska arfleið og veita lesendum nýja sýn á klassíska texta
Gervigreindarráðgjafi fyrir vefsíðu Opna háskólans
No full textVerkefnið felur í sér þróun á gervigreindarráðgjafa fyrir Opna háskólann við Háskólann í Reykjavík, sem ætlað er að styðja notendur vefsíðunnar við að finna viðeigandi námskeið og veita svör við algengum fyrirspurnum. Ráðgjafinn á að nýtast bæði einstaklingum og fyrirtækjum. Hann á að geta leiðbeint notendum í gegnum námsframboð skólans og bjóða upp á persónulegar tillögur að námskeiðum út frá svörum þeirra
Besta ritgerð í heimi. Um sönnun fullyrðinga í auglýsingum og vernd viðskiptalegs tjáningarfrelsis fyrirtækja
No full textAuglýsingar eru eitt mikilvægasta tæki fyrirtækja þegar kemur að því að kynna vörur sínar og þjónustu. Með þeim geta fyrirtæki sýnt fram á yfirburði sína gagnvart keppinautum, sótt nýja viðskiptavini og aukið umsvif sín. Að meginstefnu hafa fyrirtæki frjálsar hendur um þær aðferðir sem þau beita í markaðssetningu sinni en það frelsi er þó ekki án takmarkana. Ákveðnar leikreglur gilda á sviði auglýsinga og verða fyrirtæki að gæta þess að halda sig innan þeirra.
Tjáningarfrelsið hefur löngum verið talinn einn af hornsteinum hvers lýðræðislegs þjóðfélags. Nýtur það stjórnarskrárverndar auk þess sem Ísland hefur samþykkt að standa vörð um það með alþjóðlegum skuldbindingum. Þótt grundvöllur verndar tjáningarfrelsisins lúti að stjórnmálalegri og þjóðfélagslegri umræðu hefur viðskiptalegri tjáningu einnig verið játuð vernd stjórnarskrárinnar og mannréttindasáttmála Evrópu, þótt sú vernd sé óneitanlega takmarkaðri en þeirrar tjáningar sem stendur kjarnanum nær. Með lögum má setja tjáningarfrelsinu skorður í þágu tiltekinna markmiða teljist þær nauðsynlegar og samrýmist þær lýðræðishefðum. Í lögum nr. 57/2005 um eftirlit með viðskiptaháttum og markaðssetningu eru fólgnar vissar takmarkanir við tjáningarfrelsinu, sér í lagi þær reglur sem gilda um auglýsingar.
Gildissvið laganna hefur verið túlkað með víðtækum hætti og kann að vera erfitt fyrir fyrirtæki að sýna fram á að tiltekin tjáning sé undanþegin ákvæðum laganna. Í lögunum er lýst almennu banni við óréttmætum og villandi viðskiptaháttum, en auk þess má finna sérhæfðari reglur um viðskiptahætti og markaðssetningu fyrirtækja. Ein slík regla er sönnunarregla 4. mgr. 6. gr. sem felur í sér kröfu til fyrirtækja að geta fært sönnur á þær fullyrðingar sem fram koma í auglýsingum og öðru markaðsefni.
Viðfangsefni þessarar ritgerðar er að skoða hvernig 4. mgr. 6. gr. laga nr. 57/2005 hefur verið beitt í framkvæmd Neytendastofu og áfrýjunarnefndar neytendamála, sem fara með eftirlit með lögunum og hvernig reglan rímar við viðskiptalegt tjáningarfrelsi lögaðila. Skoðaðar verða mismunandi tegundir fullyrðinga sem hafa komið til kasta eftirlitsaðilanna og hvernig þær hafa verið túlkaðir í ljósi sönnunarreglunnar
„Þetta þarf allt að fara einhvers staðar upp í geim og niður aftur.“ Samspil skýjalausna og rafrænna skjalastjórnarkerfa hjá afhendingarskyldum aðilum
No full textÍ júní 2018 gerði fjármála- og efnahagsráðuneytið samning við Microsoft um hugbúnaðarleyfi fyrir A-hluta stofnanir íslenska ríkisins og menntastofnanir. Markmið rannsóknarinnar var að kanna reynslu og upplifun sérfræðinga á sviði upplýsinga- og skjalastjórnar og upplýsingatækni af notkun Microsoft 365 (M365) hjá opinberum afhendingarskyldum aðilum. Rannsóknin var gerð með hálfopnum viðtölum samkvæmt eigindlegum rannsóknaraðferðum. Alls voru tekin tólf viðtöl, níu við skjalastjóra og þrjú við sérfræðinga á sviði upplýsingatækni.
Niðurstöður rannsóknarinnar varpa ljósi á ákveðnar áskoranir við notkun skýjalausna sem vinnutækis í daglegum störfum fólks samhliða því að skrá verður opinberar upplýsingar og gögn í samþykkt rafrænt skjalastjórnarkerfi. Áskoranirnar eru ekki síst tæknilegs eðlis en fela einnig í sér takmarkaða yfirsýn skjalastjóra yfir gögn og skort á skýrri ábyrgð. Þá eru ýmsar áskoranir sem tengjast mannlega þættinum og almennu viðhorfi til skjalavistunar. Að sama skapi sýna niðurstöðurnar fram á ákveðna styðjandi þætti í formi fræðslu og verklagsreglna, tæknilausna þegar kemur að samþættingu kerfa og aukins stjórnendaaðgangs skjalastjóra og kerfisstjóra, stuðnings stjórnenda við skjalastjóra, menningu sem styður við skjalastjórn, mikilvægi samvinnu innan og utan stofnana og gagnkvæms trausts skjalastjóra og almennra notenda. Enn fremur kom fram að innleiðing M365 fór oftast fram í gegnum upplýsingatæknisvið og skjalastjórar komu sjaldan nálægt þeirri vinnu.
Niðurstöðurnar kalla á endurskilgreiningu á hlutverki skjalastjóra, en þeir þurfa að þróast frá því að vera aðili sem heldur utan um skráningarkerfi eða aðstoðarmaður stjórnanda yfir í að verða stefnumótandi leiðtogi stafrænnar stjórnsýslu og ráðgjafi um upplýsingastjórnun sem þorir að krefjast þess að fá sæti við borðið þegar kemur að innleiðingu nýrra kerfa og vera óhræddur við að stíga inn í samtal um tæknilausnir.In June 2018, the Ministry of Finance and Economic Affairs made an agreement with Microsoft regarding software licenses for A-category institutions of the Icelandic state and educational institutions. The aim of the research was to examine the experience and perception of specialists in record and information management and information technology regarding the use of Microsoft 365 (M365) by public organizations that are obliged to deliver their records to the National Archives according to legislation. Qualitative methodology was used for this research which contains a total of twelve semi-structured interviews, nine with information and record managers and three with specialists in information technology. The research results highlight certain challenges when working in a cloud environment while simultaneously using an approved electronic record management system. These challenges are of various sorts, such as technical as well as somewhat fragmented overview of records and data for the record manager and lack of clear responsibility of certain systems and/or data. There are also challenges related to the human factor and regarding the general attitude toward record management. Similarly, the results demonstrate certain supporting factors in the form of education and written procedures, technical solutions when it comes to system integration and increased administrative rights for record managers and system administrators. This also applies to the support of management for record managers, positive workplace culture regarding record management, the importance of collaboration within and outside institutions, and mutual trust between record managers and general users. Furthermore, it emerged that the implementation of M365 often took place through the information technology department, and record managers were rarely involved in that process. The results call for a redefinition of the role of record managers, as they need to evolve from being someone who maintains registration systems or serves as an administrative assistant, to becoming a strategic leader in digital administration and an information management consultant who dares to demand a seat at the table when it comes to implementing new systems and to enter into discussions about technical solutions without fear
Mat einstaklinga með langvinna verki á aðgengi að verkjatengdri heilbrigðisþjónustu eftir búsetu
No full textRitgerðin er lokuð til 31.01.2028Bakgrunnur: Langvinnir verkir eru meðal útbreiddustu heilbrigðisvandamála í heiminum og hafa neikvæð áhrif á lífsgæði einstaklinga. Rannsóknir hafa sýnt að það er erfiðara að veita fullnægjandi heilbrigðisþjónustu í dreifbýli en þéttbýli og að landfræðilegur munur sé á heilsu einstaklinga. Tilgangur: Tilgangur rannsóknar var að skoða tengsl milli langvinnra verkja,
heilsutengdra lífsgæða og þörf fyrir, aðgengi að og notkun á verkjatengdri heilbrigðisþjónustu og hvort munur sé eftir búsetu.
Aðferð: Rannsóknin er lýsandi þversniðsrannsókn. Gagna var aflað með
rafrænum spurningalista sumarið 2021 sem var sendur á 12.400 manna
slembiúrtak úr svarendahópi gagnaöflunarfyrirtækisins MASKÍNU. Skoðuð
voru gögn um langvinna verki, heilsutengd lífsgæði, þörf fyrir, aðgengi að og notkun á verkjatengdri heilbrigðisþjónustu og búsetu. Notast var við forritið Jamovi við tölfræðilega úrvinnslu.
Niðurstöður: Þátttakendur í rannsókninni voru 5.557 (44,8% svarhlutfall). Algengi langvinnra verkja (verkir ≥3 mán) var 40,1% og voru heilsutengd lífsgæði lakari á meðal þeirra. Einstaklingar sem bjuggu á höfuðborgarsvæðinu mátu lífsgæði sín betri en einstaklingar sem bjuggu utan þess. Þátttakendur með langvinna verki sem bjuggu á höfuðborgarsvæðinu eða í þéttbýli með >5.000 íbúum voru líklegri til að hafa leitað eftir verkjatengdri heilbrigðisþjónustu. Einstaklingar með mikla eða mjög mikla þörf fyrir verkjatengda heilbrigðisþjónustu mátu heilsutengd lífsgæði sín lakari en þeir sem höfðu enga eða litla þörf fyrir þjónustuna. Einstaklingar sem höfðu engan eða slæman aðgang að verkjatengdri heilbrigðisþjónustu mátu heilsutengd lífsgæði sín lakari en þeir sem höfðu greiðan eða mjög greiðan aðgang.
Ályktun: Einstaklingar með langvinna verki meta heilsutengd lífsgæði sín lakari en einstaklingar sem ekki eru með langvinna verki. Þeir sem búa utan höfuðborgarsvæðisins meta lífsgæði sín lakari en þeir sem búa innan þess. Það er líklegra að einstaklingar með langvinna verki leiti eftir verkjatengdri heilbrigðisþjónustu ef þeir búa í þéttbýli. Að hafa engan eða slæman aðgang að slíkri þjónustu hefur neikvæð áhrif á heilsutengd lífsgæði.Background: Chronic pain is the most widespread health problems in the world and has a negative impact on a person‘s quality of life. Research has shown that it‘s more difficult to provide adequate health care in rural areas than in urban areas and that there are geographical differences in the health of individuals.
Purpose: The aim of this study was to examine the relationship between chronic pain, health-related quality of life (HRQoL) and the need for, access to, and use of pain-related health care utilization and whether there are differences by residential area.
Method: This is a descriptive cross-sectional study. Data was collected with an electronic questionnaire in the summer of 2021, sent to a random sample of 12.400 individuals from the respondents group of the data collection company MASKÍNA. Data on chronic pain, HRQoL, need for, access to and use of pain-related health care utilization were examined. Jamovi was used for statistical processing.
Result: Participants in the study were 5.557 (44.8% response rate). Prevalence of chronic pain (≥3 months) was 40.1% and HRQoL was poorer among that group. Individuals living in the capital area rated their HRQoL better than individuals living in rural areas. Participants with chronic pain living in the capital area or towns with >5.000 inhabitants were more likely to have used pain-related health care. Individuals with a high or very high need for pain-related health care had a poorer HRQoL than those who had no or little need for service. Individuals who had no or poor access to pain-related health care rated their HRQoL worse than those who had good or very good access.
Conclusion: Individuals with chronic pain evaluate HRQoL lower than individuals without chronic pain. Individuals living outside the capital area have a lower HRQoL than those who live in the capital area. Individuals with chronic pain are more likely to seek pain-related health care if they live in urban areas. Having no or poor access to pain-related health care utilization affects health-related quality of life