Buckinghamshire New University
Not a member yet
17928 research outputs found
Sort by
Áfallamiðuð nálgun í þjónustu við fatlað fólk. Handbók um áfallamiðaða nálgun í búsetu.
No full textÁföll eru sterk streituviðbrögð eftir erfiða atburði sem eiga sér stað í lífinu en þau geta verið huglæg reynsla þar sem einstaklingur upplifir yfirþyrmandi ógn við eigin öryggi eða ástvina sem skerðir getu hans til að takast á við áfallið, hvort sem það er líkamlegt eða sálrænt öryggi. Algengt er að fólk verði fyrir áföllum á lífsleiðinni en fatlað fólk er sá hópur sem er líklegra til að verða fyrir einhvers konar áfalli. Í kjölfar áfalla eru auknar líkur á vanlíðan sem hefur með sér í för afleiðingar sem erfitt getur verið að leysa. Þess vegna getur verið mikilvægt að innleiða áfallamiðaða nálgun í samræmi við hugmyndafræðina sem nú þegar er notast við í þjónustu við fatlað fólk. Til þess þarf starfsfólk að vera vel upplýst og um leið þarf það að gera sér grein fyrir hegðun einstaklings eftir áföll. Þessari greinargerð er ætlað að fræða starfsfólk sem kemur að þjónustu við fatlað fólk í búsetu á höfuðborgarsvæðinu um áfallamiðaða nálgun í þjónustu. Handbók verkefnisins kemur til með að fræða starfsfólk um hvernig hægt sé að nota hugmyndafræðina í starfi með fötluðu fólki á heimilum sínum í samræmi við þá hugmyndafræði sem sveitarfélögin hafa þegar innleitt í þjónustu við fatlað fólk. Gögnum var aflað með spurningalista sem sendur var á nokkur sveitarfélög á höfuðborgarsvæðinu og leitast var eftir svörum varðandi þjónustu sveitarfélaganna við fatlað fólk í búsetu. Stuðst var við fræðilegar heimildir við gerð greinargerðar og handbókar. Markmið verkefnisins er að skoða hvernig áfallamiðuð nálgun getur nýst í þjónustu við fatlað fólk í búsetu. Engar upplýsingar liggja fyrir um að sveitarfélög séu að nota hugmyndafræðina um áfallamiðaða nálgun í þjónustu sinni við fatlað fólk í búsetu. Sé litið til þeirrar hugmyndafræði sem sveitarfélögin nota má sjá að möguleiki gefst á notkun áfallamiðaðrar nálgunar samhliða þar sem þær byggja á svipuðum hugmyndum. Þannig gefst möguleiki á að þróa þá stefnu og hugmyndafræði sem unnið er eftir í búsetuþjónustu
Útinám og nærumhverfið í Garði: Verkefnabanki fyrir útinám við sjávarsíðuna
No full textÞetta er lokaverkefni til B.Ed -prófs í grunnskólafræði með áherslu á samfélagsfræði við deild kennslu og menntunarfræði á menntavísindasviði Íslands. Í greinargerð verkefnisins verður fjallað um læsistengda skynjun, útinám og tengingu námsins við grunnþætti menntunar. Með lokaverkefninu fylgir verkefnabanki sem inniheldur 12 verkefni sem notar nærumhverfi Suðurnesjabæjar. Í honum verður fjallað um hvernig er hægt að nota sjávarmenningu, fjöruna og sjávarfang í námi sem fer fram bæði úti og inni. Notað er kennslunálgun sem heitir læsistengd skynjun til að skapa verkefni bankans. Markmið hans er búa til áhugavert nám fyrir börn. Sýnir verkefnabankinn þau tækifæri sem finnast til útináms í sambland við sköpun og tengingu hennar við umhverfi fjörunnar.Í pdf skjalinu fylgir bæði greinargerð og verkefnabanki
Afkomuspá
No full textVerkefnið fólst í því að þróa frumútgáfu af gervigreindarlausn fyrir Fjársýslu ríkisins, sem kemur til með að verða hluti af afkomuspá fyrir ríkisaðila. Lausnin einblínir á kostnað vegna aðkeyptrar þjónustu og byggir á sögulegum gögnum og nýjustu tækni í vélnámi. Markmiðið var að bæta yfirsýn yfir fjármál stofnana hins opinbera, gera spár um útgjöld nákvæmari og styðja við betri ákvarðanatöku stjórnvalda með því að flagga frávikum frá áætlun tímanlega, þegar raunveruleg ástæða er til að ætla að útgjöld ársins stefni fram úr áætlun. Tvö líkön voru þróuð og prófuð, SARIMA og XGBoost, þau voru borin saman og áreiðanlegra líkanið valið til notkunar í lausninni. Niðurstöðurnar voru settar fram myndrænt í Power BI. Verkefnið var unnið í samstarfi við DataLab Ísland og byggði á opinberum gögnum
Félagslegur og tilfinningalegur þroski barna: Hlutverk skólafélagsráðgjafa
No full textÍ þessari ritgerð er fjallað um samþættingu félags- og tilfinninganáms (e. social and emotional learning) í skólum á Íslandi, með áherslu á fræðilegan grunn þess, hagnýta notkun og tengsl við lög og menntastefnu. Ritgerðin byggir meðal annars á vistfræðikenningu Urie Bronfenbrenner, kenningu Jean Piaget um vitsmunaþroska og félagsnámskenningu Lev Vygotsky, sem allar varpa ljósi á mikilvægi tilfinningalegrar og félagslegrar hæfni fyrir persónulegan vöxt og þroska. Auk þess er fjallað um hugtök eins og tilfinningagreind og jákvæða sálfræði sem leggja grunn að skilningi á félagslegum og tilfinningalegum þroska barna og unglinga. Ritgerðin beinist einnig að einstöku hlutverki skólafélagsráðgjafa við innleiðingu félags- og tilfinninganáms. Skólafélagsráðgjafar búa yfir þekkingu á gagnreyndum aðferðum og vinna á þverfaglegan hátt með kennurum, foreldrum og velferðarþjónustu, til að styðja við nemendur sem standa frammi fyrir félagslegum og tilfinningalegum áskorunum. Þeir gegna lykilhlutverki í því að veita snemmtækan stuðning við börn sem standa frammi fyrir félagslegum og tilfinningalegum áskorunum. Í lögum um grunnskóla (nr. 91/2008) og farsældarlögum (nr. 86/2021) er áhersla lögð á heildræna nálgun í menntun með það að markmiði að stuðla að vellíðan og farsæld barna. Í Aðalnámskrá grunnskóla (2023) er áhersla lögð á að stuðla að félagsfærni nemenda, sjálfsstjórnun og ábyrgari ákvarðanatöku. Rannsóknir sýna að félags- og tilfinninganám getur dregið úr hegðunarvandamálum, aukið námsárangur og bætt tilfinningalíðan nemenda. Niðurstöður ritgerðarinnar benda til þess að samþætting félags- og tilfinninganáms inn í skólakerfi Íslands geti tekist á við auknar félagslegar áskoranir, svo sem ofbeldi ungmenna, slæman námsárangurs og tilfinningalega vanlíðan nemenda. Með því að samþætta fræðilegan grunn, lög og menntastefnu með hagnýtum aðferðum félags- og tilfinninganáms væri hægt að skapa skólaumhverfi sem hlúir að heildstæðum þroska barna. Slík nálgun getur stuðlað að auknum jöfnuði og veitt nemendum ævilanga færni í tilfinningastjórnun og samkennd, sem getur stuðlað að betri menntun og velferð barna í íslenskum skólum og víðar. Þrátt fyrir augljósan ávinning af félags- og tilfinninganámi hafa íslenskir skólar ekki tekið það inn að fullu, enda samþætting þess við námskrár enn takmörkuð. Hindranir eru meðal annars ófullnægjandi kennaramenntun, skortur á skipulagðri aðferðafræði og kerfislægar áskoranir við að samræma stefnu að skilvirkum starfsháttum (Kjartan Sturla Bjarnason, 2020; Embætti landlæknis, 2019). Þessar hindranir eru viðvarandi, jafnvel þótt ákall um innleiðingu félags- og tilfinninganám fer vaxandi, knúin áfram af vísbendingum um langtíma jákvæð áhrif þess á námsárangur og skólaumhverfi (Embætti Landlæknis, 2019)
Navigating our fragmented narratives in search of increased unity
No full textThis is a story about our stories. The ones we live by, the ones that live us. It is about how easily we can lose the plot, why that matters, and what happens when the scaffolding of our shared reality begins to splinter. Narratives are not wallpaper. They are infrastructure. They shape our identities, organise our moral instincts, and set the stage on which societies stand or collapse. When they fracture, trust fails. When they are weaponised, democracies wobble.
The thesis begins with theory and is based in stories. We trace how narrative fidelity, tribal morality and the design of media systems decide what holds and what breaks today. We look at why malign narratives can spread more effectively than logical truths, and how algorithms and feeds have become our unseen editors.
Case studies map this shift. In The Truth, fiction models epistemic power: Who gets to print reality, who decides what questions can be asked. On TikTok, the algorithm has become the author, its virality creating coherence through repetition. In the far-right’s tactics, Steve Bannon’s “flood the zone” strategy shows how machines of lies can overwhelm logic and data. And in Iceland, we see a cycle of collapse, experimentation and backlash: From a financial myth shattered, through an experiment in co-authorship, to populist resurgence, and finally to narratives which fell unexpectedly flat.
Each case is a narrative stress test. Together they reveal a pattern: Legitimacy is always contested and coherence is fragile, held in the stories which people are willing to accept and repeat. These stories are how we decide who we are, who we are against, and what matters enough to fight for. Stories can be redesigned. We cannot out-logic the swarm of fast-moving lies but we can out-story them. That means creating narratives that are accessible, emotionally resonant and systematically collaborative. Stories that travel easily across divides, invite co-authorship, which are hopeful without being too naive. The answer is not to silence, but to render divisive scripts obsolete, irrelevant, boring.
This thesis sketches how such narrative systems might be imagined. Drawing on theory, fiction and lived experiments, it argues that our future will be authored one way or another. The choice before us is whether we let the plot be finished by those who thrive on division or whether we stand up and write stories of a society which people actually want to live in
Áhrif Krabbameinstengdra Stökkbreytinga á Byggingu FOXA1 og DNA-bindisækni
No full textTranscription factors are essential regulators of gene expression, guiding cell growth, and differentiation. Among them, pioneer transcription factors (pTFs) stand out for their ability to access compact chromatin and initiate transcriptional activation. FOXA1 is one such factor, with critical roles in development and tissue-specific hormone signalling, particularly in the breast and prostate. In recent years, FOXA1 has also been linked to cancer, where mutations especially within the Wing2 region of its DNA-binding domain have emerged as frequent events in prostate and breast tumours. In this project, we focused on three cancer-associated FOXA1 mutations M253K, H247Y, and F266L, all located in the Wing2 region, along with the previously studied S250F mutant. Using single-molecule Förster Resonance Energy Transfer (smFRET), we examined how these mutations affect the structural dynamics of the intrinsically disordered C-terminal region of FOXA1 and its interaction with DNA. The proteins were successfully purified, labelled, and subjected to measurements in solution, across salt concentrations, and during DNA titrations. The results showed that all tested mutants were structurally more compact than wild-type FOXA1 at physiological salt levels, with S250F being the most compact. Differences in salt-induced compaction and DNA-binding behaviour were also observed between variants, suggesting mutation-specific effects on FOXA1 conformation and function. While the biological consequences of these structural changes remain unclear, this study provides new insight into how cancer-linked mutations may influence FOXA1 behaviour and contribute to altered transcription in hormone-driven cancers.Umritunarþættir eru ómissandi stjórnþættir genatjáningar og stýra vexti og sérhæfingu frumna. Meðal þeirra skera frumkvöðlaumritunarþættir (pioneer transcription factors, pTFs) sig úr vegna hæfni þeirra til að ná til þéttpakkaðs litnis og koma af stað umritunarvirkjun. FOXA1 er einn slíkur þáttur og gegnir lykilhlutverki í þroskun og vefjasértækri hormónaboðun, sérstaklega í brjóstum og blöðruhálskirtli. Á undanförnum árum hafa komið í ljós tengsl FOXA1 við krabbamein, þar sem stökkbreytingar, sérstaklega á Wing2 svæði DNA-bindisetis þess, hafa reynst algengar í æxlum í blöðruhálskirtli og brjóstum. Í þessu verkefni beindum við sjónum okkar að þremur krabbameinstengdum FOXA1 stökkbreytingum: M253K, H247Y og F266L. Allar eru staðsettar á Wing2 svæðinu, ásamt S250F stökkbreytingunni, sem áður hefur verið rannsökuð. Með einsameinda mælingum (smFRET) könnuðum við hvernig þessar stökkbreytingar hafa áhrif á byggingarlegan hreyfanleika náttúrulega ómótuð C-enda svæðis FOXA1 og víxlverkun þess við DNA. Próteinin voru hreinsuð með góðum árangri, merkt og mæld í lausn við mismunandi saltstyrk og við DNA-títranir. Niðurstöðurnar sýndu að allar prófaðar stökkbreytingar voru byggingarlega þéttari en villigerð FOXA1 við lífeðlisfræðilegan saltstyrk, þar sem S250F var þéttust. Einnig kom fram munur á salt-framkallaðri þéttingu og DNA-bindingarhegðun milli afbrigða, sem bendir til stökkbreytingasértækra áhrifa á formgerð og starfsemi FOXA1. Þrátt fyrir að líffræðilegar afleiðingar þessara byggingarbreytinga séu enn óljósar, veitir þessi rannsókn nýja innsýn í hvernig krabbameinstengdar stökkbreytingar geta haft áhrif á hegðun FOXA1 og stuðlað að breyttri umritun í hormónadrifnum krabbameinum
Reynsluboltar eða nýgræðingar? Greining á reynslu og bakgrunni íslenskra alþingismanna frá 1999-2017
No full textÁ Alþingi sitja 63 þingmenn. Þangað veljast þeir að undangengnum kosningum og þurfa því að reiða sig á stuðning kjósenda til að fá að gegna störfum á þjóðþinginu. Í flestum starfsgreinum er gert ráð fyrir að fólk hafi aflað sér reynslu og þekkingar til að teljast hæft til að gegna tilteknum störfum og takast á við þau verkefni og áskoranir sem þeim fylgja. Þannig má líta á reynslu og bakgrunn sem mælikvarða á hæfni og getu til að sinna ólíkum störfum. En þingmennska er hins vegar ekki hefðbundið starf og því er óljóst hvers konar reynslu og bakgrunni sé æskilegt að þingmaður búi að til að geta talist hæfur til starfa sinna á þjóðþinginu. Markmið þessarar ritgerðar er að svara því hvaða hlutverkum þingmenn gegna og hvaða reynsla og bakgrunnur skili fólki í þingmannsstörf. Framkvæmd var innihaldsgreining á æviskrám nýkjörinna þingmanna á Alþingi á þremur kjörtímabilum: 1999-03, 2009-13 og 2017-21. Sérstaklega var leitað eftir tilteknum bakgrunnsþáttum í ljósi alþjóðlegra kenninga og rannsókna. Helstu niðurstöður benda til þess að þingmenn hafi aflað sér fjölbreyttrar reynslu fyrir kjör til Alþingis, einkum úr flokksstarfi, frá hagsmunasamtökum og af sveitarstjórnarstiginu. Þeir eru menntaðri en áður og stór hluti þeirra eru opinberir starfsmenn við kjör. Þá hefur meðalþingreynsla (mælt í árum) dregist saman yfir tímabilin þrjú og nýliðun aukist.The Icelandic Parliament (Alþingi) is composed of 63 members (MP‘s) who are elected through general elections and therefore depend on the support of voters in order to serve in the national legislature. In most professions, individuals are expected to acquire experience and knowledge to be considered qualified for specific jobs and the task and challenges they entail. In this way, professional experience and background can be seen as indicators of a person‘s competence and ability to perform different types of work. However, being a MP is not a conventional job, and therefore it remains unclear what kind of experience or knowledge is desirable or necessary for one to be considered as a qualified MP. The aim of this thesis is to explore the roles that MP‘s play and what kinds of experience and background tend to lead individuals into parliamentary positions. A content analysis was conducted on the biographies of newly elected MP‘s at Alþingi in three electoral terms: 1999-2003, 2009-2013 and 2017-2021. Particular attention was given to specific background factors in light of international theories and research. The main findings suggest that Icelandic MP‘s typically acquire diverse forms of experience prior to being elected, especially through party involvement, interest groups and local government. MP‘s are now more highly educated than in the past, and a large proportion work in the public sector at the time of election. Furthermore, average parliamentary experience (measured in years) has decreased across the three terms and the number of new MP‘s has increased
Vörumerkjabreyting: Hverjir eru kostir og gallar við vörumerkjabreytingu?
No full textÍ þessari ritgerð er fjallað um vörumerkjabreytingar, þar á meðal skilgreiningu þeirra, helstu ástæður, mismunandi aðferðir og kostir og gallar sem fylgja slíkum breytingum. Vörumerkjabreyting felur í sér breytingu á vörumerkjaauðkennum eins og nafni, myndmerki eða ímynd með það markmið að bæta samkeppnisstöðu á markaði eða aðlaga vörumerki að breyttum aðstæðum. Í ritgerðinni er fjallað um kenningar eftir fræðimenn eins og Philip Kotler og David Aaker sem leggja áherslu á mikilvægi trausts og tengsla við neytendur.
Kostir vörumerkjabreytinga felast meðal annars í því að þær geta opnað fyrir ný tækifæri, aukið sýnileika og hjálpað fyrirtækjum að ná til nýrra markhópa. Gallarnir tengjast hins vegar kostnaði, áhættu á ruglingi meðal viðskiptavina og mögulegu tapi á vörumerkjavirði ef breytingarnar eru illa útfærðar. Raunveruleg dæmi, bæði frá Íslandi og erlendis, eru notuð til að varpa ljósi á vel heppnaðar og misheppnaðar vörumerkjabreytingar, meðal annars breytingar hjá Icelandair, Bónus, Meta (áður Facebook) og GAP.
Markmið ritgerðarinnar er að veita innsýn í ferli vörumerkjabreytinga og dýpka skilning á mikilvægi þeirra innan markaðsfræðinnar. Með því að greina fræðilega þekkingu og raunhæf dæmi er lögð áhersla á að undirbúa fyrirtæki fyrir þær áskoranir og tækifæri sem fylgja vörumerkjabreytingum
Fingrafar nýrra spenna hjá Landsneti
No full textVerkefnið er fingrafarsmæling á nýjum spenni í tengivirki Landsnets á Geithálsi.Fingrafarsmælingar eru mikilvægur áfangi í viðtöku á nýjum búnaði. Í verkefninu er einnig fjallað um mikilvægi mælinga á spennum og uppbyggingu spenna
Að vera ég
No full textVerkefnið er tvíþætt og skiptist í greinargerð og barnabók. Í greinargerðinni er kannað hvernig fræðsla stuðlar að auknum skilningi, samkennd og jákvæðum samskiptum milli barna með og án einhverfu. Áhersla er lögð á fræðslu um einhverfu sem leið til að skapa samfélag þar sem fjölbreytileiki er metinn og virðing ríkir.
Helstu niðurstöður benda til að markviss fræðsla dragi úr fordómum, einelti og félagslegri einangrun auk þess að styðja félagslega þátttöku einhverfra barna. Barnabókin Að vera ég er sérstaklega tekin fyrir sem dæmi um áhrifaríkt fræðslutæki. Bókin veitir innsýn í upplifanir einhverfrar stúlku og eykur skilning barna á hvað þýðir að vera einhverfur. Ritgerðin rökstyður mikilvægi bókarinnar sem leiðar til að vekja samkennd og stuðla að jákvæðari skólabrag.
Greinargerðin dregur fram að fræðsla sé lykilatriði í að skapa samfélag þar sem börn læra að meta fjölbreytileika og sýna virðingu. Með því að leggja áherslu á fræðslu frá ungum aldri er lagður grunnur að umburðarlyndara og réttlátara samfélagi