Buckinghamshire New University
Not a member yet
17928 research outputs found
Sort by
Er þörf á skimun og meðhöndlun á andlegri vanlíðan feðra í Ung- og smábarnavernd á Íslandi?
No full textBakgrunnur: Í flestum löndum líkt og á Íslandi eru feður hvorki skimaðir fyrir andlegri vanlíðan í barneignarferlinu né veittur forgangur í viðeigandi úrræði þegar þörf er á. Nýlegar rannsóknir hafa þó bent á mikilvægi þess að styðja betur við andlega líðan feðra í barneignarferlinu með skimunum og viðeigandi inngripum.
Tilgangur: Tilgangur rannsóknarinnar var að kanna hvort þörf sé á breyttu verklagi innan Ung- og smábarnaverndar heilsugæslustöðva á Íslandi þar sem feður séu skimaðir fyrir andlegri vanlíðan og þeim veittur forgangur í viðeigandi úrræði þegar þörf er á.
Aðferð: Notast var við samþætta heimildasamantekt (e. Integrative review). Gerð var kerfisbundin leit í gagnasöfnunum Scopus, PubMed, Web of Science og EBSCOhost. Leitarorðin voru meðal annars father, partner, mental distress, pregnancy, postpartum depression og health clinic, þá var einnig notast við samsvarandi leitarorð á íslensku. Leitarskilyrðin voru ritrýndar fræðigreinar á íslensku eða ensku, sem birtust á tímabilinu 2014-2024. Þátttakendur voru feður sem áttu von á heilbrigðum börnum sínum eða höfðu nýlega eignast fullburða börn sín sem þurftu ekki á sjúkrahúslegu að halda. Leitin var sett upp í PRISMA og voru 16 greinar sem uppfylltu fyrir fram ákveðin skilyrði.
Niðurstöður: Rannsóknin sýnir fram á að andleg vanlíðan feðra í barneignarferlinu er vaxandi á heimsvísu, þar sem algengi fæðingarþunglyndis feðra mælist allt að 20,86%. Þessi þróun sýnir fram á að þörf sé á breyttu verklagi innan Ung- og smábarnaverndar á Íslandi þar sem skimun og forgangur í viðeigandi úrræði geta dregið úr alvarlegum afleiðingum þess fyrir heilsu og líðan feða, barna þeirra og maka þeirra.
Ályktanir: Þar sem nýlegar rannsóknir benda til aukningar á andlegri vanlíðan feðra í barneignarferlinu er mikilvægt að þróa og innleiða skilvirk og hagkvæm inngrip sem styðja betur við andlega líðan feðra í barneignarferlinu.Background: In most countries, such as Iceland, fathers are neither screened for mental health problems during the childbearing process nor given priority for appropriate treatment when needed. However, recent research has highlighted the importance of better supporting fathers' mental health during the childbearing process through screening and appropriate interventions.
Aim: The purpose of the study was to investigate whether there is a need for changed procedures within Well-child care in health clinics in Iceland, where fathers are screened for mental health problems and given priority for appropriate treatment when needed.
Method: An integrative review was used. A systematic search was conducted in the databases Scopus, PubMed, Web of Science and EBSCOhost. The search terms included father, partner, mental distress, pregnancy, postpartum depression and health clinic, with corresponding search terms in Icelandic. The search criteria were peer-reviewed articles in Icelandic or English, published between 2014 and 2024. Participants were fathers who were expecting healthy children or had recently given birth to full-term children who did not require hospitalization. The search was set up in PRISMA and 16 articles met certain criteria.
Results: The study shows that the mental distress of fathers during the childbearing process is increasing globally, with the prevalence of postnatal depression in fathers measuring up to 20.86%. This trend demonstrates the need for a change in practice within Well-child care, as screening and prioritization of appropriate interventions can reduce the serious consequences for the health and well-being of fathers, their children and their partners.
Conclusions: As recent research indicates an increase in fathers' mental distress during the childbearing process, it is important to develop and implement effective and cost-effective interventions that better support fathers' mental well-being during the childbearing process
Samspil ADHD, félagskvíða og félagstengsla meðal unglinga: Áhrifarík úrræði sem miða að því að bæta félagslega líðan og tengsl
No full textUnglingar með ADHD standa oft frammi fyrir margvíslegum félagslegum áskorunum vegna hvatvísi, skertrar einbeitingar og erfiðleika við að lesa í óyrt samskipti og túlka félagslegar aðstæður. Þegar félagskvíði er til staðar eykst óöryggi þeirra í samskiptum, sem getur dregið úr sjálfstrausti, aukið forðun og leitt til félagslegrar einangrunar. Þetta hefur neikvæð áhrif á sjálfsmynd og félagsleg tengsl. Í þessari ritgerð er fjallað um tengslin milli ADHD og félagskvíða og hvernig samspil þeirra hefur áhrif á félagsleg tengsl og samskipti unglinga. Ritgerðin er rannsóknarritgerð sem byggir á fyrirliggjandi rannsóknum, gögnum og heimildum til að varpa ljósi á rannsóknarefnið. Markmið ritgerðarinnar er að rannsaka samspil ADHD, félagskvíða og félagslegra tengsla. Hvaða áhrif það hefur á samskipti og félagsfærni unglinga. Áhersla er lögð á að skoða hvernig þessir þættir geta leitt til vandkvæða í félagslegum aðstæðum og hvernig hægt er að bregðast við því með markvissum úrræðum sem styrkja félagsfærni. Aðferðir eins og PEERS-námskeið, sem hafa reynst árangursrík til að bæta félagsfærni unglinga með ADHD, og hugræna atferlismeðferð (HAM) við félagskvíða. Stuðlað er að auknum skilningi á þeim áskorunum sem þessi hópur unglinga stendur frammi fyrir, ásamt því að draga fram leiðir til að bæta félagslega líðan og tengsl
Hreiðrið
No full textHreiðrið
Útskriftarverk af sviðshöfundabraut, vor 2025
Lýsing:
Ég vissi ekki þegar ég fæddist inn í þessa fjölskyldu að þar með yrði mér boðið í lengsta matarboð ævi minnar. Að líf mitt yrði bara að einu samfelldu og óendanlegu matarboði. Með sama fólkinu.
Aðstandendur:
Höfundur og leikstjóri: Melkorka Gunborg Briansdóttir
Leikarar: Hólmfríður Hafliðadóttir, Nikulás Hansen Daðason, Helga Salvör Jónsdóttir, Killian G. E. Briansson og Vilhjálmur B. Bragason
Aðstoðarleikstjórn og lýsing: Hafsteinn Níelsson
Búningar: Hulda Kristín Hauksdóttir
Leikmynd og plakat: Iðunn Gígja Kristjánsdóttir
Tónlist: Elías Geir Óskarsson
Aðstoð við sviðshreyfingar: María Kristín Jóhannsdóttir
Listrænn ráðunautur: Egill Andrason
Leiðbeinandi: Gréta Kristín Ómarsdótti
Þungunarrof í Bandaríkjunum
No full textÍ þessari ritgerð er fjallað um samfélagsleg og lagaleg áhrif niðurfellingar hæstaréttar Bandaríkjanna á dómafordæmi Roe v. Wade með niðurstöðu Dobbs v. Jackson Women´s Health Organization.
Ritgerðin skoðar hvaða afleiðingar ákvörðun hæstaréttar kann að hafa í för með sér varðandi önnur réttindi sem hafa verið staðfest með dómafordæmi hæstaréttar varðandi 14. viðbótargrein stjórnarskránnar með því að greina fyrirliggjandi gögn. Ritgerðin skoðar samfélagslegar breytingar sem urðu til þess að þessi afdrifaríka ákvörðun var tekin með hliðsjón af kenningum um menningarlegt bakslag og sambandshyggju. Einnig er skoðað hvaða samfélagslegu, félagslegu og fjárhagslegu afleiðingar skerðing á rétti til þungunarrofs hefur á leghafa, fjölskyldur og nærumhverfi þeirra.
Niðurstöðurnar gefa til kynna að öll skerðing frjósemisréttinda geti haft áhrif bæði innan einstakra ríkja en einnig út fyrir ríkjamörk. Hið menningarlega bakslag sem hefur orðið í frjósemisréttindum skerðir frelsi einstaklinga og hefur gert málefni sem lengi hafa verið álitin sem einkamál að málum undir stjórn yfirvalda og dómstóla. Ekki er vitað hvort hæstiréttur muni ganga lengra í málefnum frjósemisréttinda og jafnvel réttinda hinsegin fóks, litaðra og annara minnilhutahópa en fræðifólk telur ákvarðanir dómstóla nú grundvallast á persónulegu siðferðislegu mati dómara frekar en hlutlausu mati byggðu á túlkun stjórnarskrárinnar
Samræmi gilda fyrirtækja og starfsmanna. Skoðun stjórnenda íslenskra fyrirtækja á mikilvægi samræmis og verklag við ósamræmi
No full textÞessi rannsókn fjallar um gildi starfsfólks og fyrirtækja og mikilvægi þess að gildin séu samræmd til að samstarf sé gott. Markmið rannsóknarinnar er að komast að því hvað stjórnendur þriggja mis stórra íslenskra fyrirtækja þykir um mikilvægi samræmda gilda og hvaða verkferlum stjórnendurnir og fyrirtækin fara eftir ef gildin eru ekki þau sömu. Við gerð rannsóknar var notast við eigindlega rannsóknaraðferð þar sem tekin voru viðtöl við þrjá stjórnendur mis stórra íslenskra fyrirtækja. Helstu niðurstöður rannsóknarinnar bentu til þess að stjórnendur þessara fyrirtækja viðurkenna almennt mikilvægi þess að gildi starfsfólks og fyrirtækis séu samræmd til að auka velgengni innan fyrirtækisins og til að efla vellíðan starfsmanna. Mismunandi er hvernig stjórnendurnir vinna að ósamræmdum gildum starfsfólks og fyrirtækisins út frá stærð fyrirtækisins. Stjórnendurnir eru allir með ákveðna verkferla til að takast á við ósamræmi gilda. Stærri fyrirtæki fara varlegar þegar kemur að ósamræmingu í gildum, frekar en minni fyrirtæki sem hafa ekki eins mikla þolinmæði gagnvart ósamræmi. Þó kom fram að smærra fyrirtæki finnur meira fyrir því ef einn einstaklingur hefur ósamræmd gildi heldur en hjá stærra fyrirtæki. Rannsóknin er mikilvæg því hún skoðar hvernig samræming gilda fyrirtækja og starfsmanna getur aukið framleiðni, bætt starfsanda og styrkt velgengni fyrirtækja. Hún fyllir í eyðu í fræðunum með því að kanna viðbrögð stjórnenda við ósamræmdum gildum og veitir einstaka innsýn í íslenskt viðskiptaumhverfi, sem getur meðal annaras hjálpað til við að bæta ráðningaferli og skapa heilbrigt starfsumhverfi
SYSTEMICS
No full textIn this essay I will be exploring the nature of visible and invisible systems that shape our lives, both internally and externally. This paper investigates whether existence itself operates within complex, interconnected choreographic systems, including bodily movement, thought process, and the environment. Using movement as a lens for analysis, this study examines the relationship between individual agency and the systemic structures that organize our lives.
Drawing from my own artistic process, and theories such as Donella H. Meadows’ Thinking in Systems and Maxine Sheets-Johnstone’s The Primacy of Movement, I will analyze how systemic structures influence movement and choreography. Additionally, reflecting on the creation and development of my dance piece, SYSTEMICS, which I completed in the third and final year of my Bachelor of Arts in Contemporary Dance Practices at the Iceland University of the Arts
Elísabet Jónína Eiríksdóttir (1889-1971): Fátæk sveitastúlka verður róttæk stjórnmálakona
No full textStjórnmálastarf íslenskra kvenna hefur til skamms tíma verið hornreka í hefðbundinni stjórnmálasögu því að sjónarhorn hennar hefur einskorðast við að segja sögu leiðtoganna sem fóru með valdið í stjórnmálunum. Til að koma konum inn í stjórnmálasöguna þarf að breyta sjónarhorninu á stjórnmálin með því að skoða söguna neðan frá og upp, skilgreina valdið vítt og leita að birtingarmyndum þess á mörgum stöðum, en ekki bara í athöfnum þeirra karla sem fóru með völdin í samfélaginu sem stjórnmálaleiðtogar. Þetta felur í sér að elta þarf konurnar með hjálp heimildanna til að lýsa upp stjórnmálastarf þeirra í nærsamfélaginu og að rekja þræðina þaðan yfir í landsmálin.
Í ritgerðinni er fjallað um stjórnmálastarf Elísabetar Jónínu Eiríksdóttur (1889–1971) á fyrri hluta tuttugustu aldar þegar íslenskar konur stigu inn á stóra sviðið í þjóðmálunum sem borgarar og kjósendur. Elísabet fæddist á Efri-Þverá í Vestur-Húnavatnssýslu og ólst upp við kröpp kjör í stórum systkinahópi, en auðnaðist að brjótast til mennta. Elísabet varð snemma kvenréttindakona og samferða kvennahreyfingunni. Hún settist að á Akureyri árið 1921 og vann þar fyrir sér sem sjálfstætt starfandi kennari og hélt heimili með systkinum sínum, en flest voru þau ógift og öll eignuðust sjálf ekki börn. Á Akureyri gekk hún til liðs við vinstri hreyfinguna og þaðan lá leið hennar inn í verkalýðs- og stjórnmálastarfið í bænum og á landsvísu. Persónulegar aðstæður Elísabetar voru aðrar en hjá vel flestum konum þar sem hún var ekki bundin af hefðbundnum skyldum við heimilisstörf og barnauppeldi. Hún hafði því tíma til að taka þátt í stjórnmálum og fór líf hennar að stærstum hluta fram á opinbera sviðinu. Sjónarhornið í ritgerðinni er fyrst og fremst á opinbert líf Elísabetar því hún virðist ekki hafa skilið eftir sig neinar heimildir sem veita innsýn inn í persónulegar skoðanir hennar, daglegt líf og nánasta umhverfi.
Ritgerðin miðast við tímann frá fæðingu Elísabetar Eiríksdóttur árið 1889 og fram að stofnun Kommúnistaflokks Íslands árið 1930. Markmiðið er að skoða pólitíska vegferð Elísabetar, með hvaða hætti hún hóf opinber afskipti, hvaða hugsjónir drifu hana áfram og lágu henni á hjarta um stöðu kvenna og kynjajafnrétti, og þær kynjuðu áskoranir sem hún og samstarfskonur hennar á Akureyri þurftu að takast á við í verkalýðs- og stjórnmálastarfinu. Ritgerðin er sagan af því með hvaða hætti fátæk sveitastúlka varð að róttækri stjórnmálakonu á fyrri hluta tuttugustu aldar.
Í ritgerðinni eru notaðar aðferðir sagnfræðilegrar ævisöguritunar um konur og kyngervi með áherslu á hópævisöguna (e. group biography). Aðferðir hópævisögunnar ganga út á að setja persónuna sem fjallað er um í sitt sögulega samhengi og að skoða hana út frá því menningarlega, pólitíska og efnahagslega umhverfi sem hún lifði og starfaði í, sem og að greina félagslegt umhverfi hennar, hópa, félagsleg tengslanet og persónuleg sambönd. Hópævisöguformið býður upp á að setja ævi og stjórnmálastarf Elísabetar Eiríksdóttur í samhengi við samtíma hennar til að varpa ljósi á þær breytingar sem urðu á samfélagsháttum hér á landi og á hugmyndum og stjórnmálaskoðunum fólks. Notuð er sú aðferð að láta Elísabetu sjálfa stíga fram á sviðið og ráða ferðinni í ritgerðinni með þeim hætti að starf hennar hverju sinni kalli einstaklinga og hópa fram á það. Stjórnmálastarf Elísabetar veitir gagnlegt tækifæri til að skoða sögu kvennahreyfingarinnar og kynjaða sögu íslenskrar verkalýðs- og vinstri hreyfingar þar sem hún er fulltrúi stærri heildar vinstri kvenna. Með því að leita svara við spurningum um sögu Elísabetar og fjalla um þær áskoranir sem hún þurfti að takast á við sem kvenréttinda- og stjórnmálakona, fæst aukinn skilningur á stærri sögulegri heild, og á því umhverfi og pólitíska rými sem mótaði stjórnmálastarf íslenskra kvenna
Hjartahlýja
No full textÍ umslagi, líkt og ástarbréf, er samansafn af ástarljóðum sem ég hef skrifað á árunum 2020 til 2025. Hjartahlýja er ljóðabók þar sem ég býð lesandanum með mér í þann tilfinningarússíbana sem ást og ástarsorg getur verið. Að falla fyrir einhverjum getur einkennst af ótta og óvissu í byrjun, en síðar bjartsýni og hlýju. Vonleysi og sorg kemur svo í kjölfar sambandsslita, en sem betur fer er samt alltaf ljós handan við myrkrið
Bú er betra þó lítið sé. Byggðaþróun í Skagafirði og Svarfaðardal á tímabilinu 1100-1400
No full textRitgerðin er hluti af Tvídælu, þverfaglegu verkefni sem hafði það að megin-markmiði að rannsaka lagskiptingu í samfélagi miðalda í Eyjafirði. Ritgerðin tilheyrir þeim verkþætti sem skyldi rannsaka mögulega þróun hjáleigubýla á tímabilinu 1100-1400 ásamt því að skoða afleiðingar svartadauða á samfélagið, sérstaklega plágufaraldurinn 1402-1404 með hliðsjón af niðurstöðum nýlegra fornleifarannsókna.
Byggðaþróun miðalda og möguleg áhrif svartadauða hafa alloft verið rannsökuð. Ein þekktasta rannsóknin er samnorrænt verkefni sem gekk undir heitinu Det nordiske öde-gårdprosjekt og hófst árið 1968. Aðferðafræði þessa verkefnis er rýnd og niðurstöður bornar saman við nýlegar niðurstöður fornleifarannsókna í Skagafirði og Svarfaðardal.
Fornleifarannsóknirnar hafa dregið fram fjölda fornbýla sem ekki eru nefnd í miðaldaskjölum og gefa okkur nýja mynd af byggðaþróun miðalda. Á jaðarsvæðum, til dæmis í inndölum, er byggð að þéttast allt fram til 1300. Annars staðar hefur byggð verið orðin býsna þétt strax á 12. öld. Greina má einhvers konar endurskipulagningu jarða í Fljótunum og Sléttuhlíð í Skagafirði á 12.-14. öld. Vart verður við mikla fækkun býla eftir 1300, frá 30-50% sem að öllum líkendum má rekja til fólksfækkunar vegna plágufaraldra á 15. öld.
Talið er að jarðasöfnun hóps einstaklinga og biskupsstóla hafi hafist á 12. öld. Aldursgreining þessara fornbýla hefur leitt í ljós að töluverður hluti þeirra var þegar byggður um 1100. Það er því ólíklegt að öll þessi býli hafi verið stofnuð sem hjáleigur, eins og þær eru skilgreindar á 17.-18. öld, þó hlutfall þeirra fari vaxandi eftir því sem líður á miðaldir. Hluti þeirra eru leifar tvíbýla, annar hluti gæti verið einhvers konar hjábýli sem laut stjórn jarðeiganda og greiddi leigu (í einhverju formi) beint til hans. Svartidauði ýtti undir þróun sem var þegar hafin og byggði enn frekar undir veldi landeigenda á kostnað smábóndans.This dissertation is part of Tvídæla, an interdisciplinary project focused on investigating stratification in the medieval society of Eyjafjörður. Specifically, it examines the development of sub-tenant class between 1100 to 1400 and explores the consequences of the Black Death, particularly the plague pandemic of 1402-1404, using recent archaeological research.
Previous studies on medieval settlement development and the impact of the Black Death include the well-known Nordic project, Det nordiske öde-gårdprosjekt, which began in 1968. This project’s methodology is reviewed, and its findings are compared with recent archaeological results from Skagafjörður and Svarfaðardalur.
Archaeological investigations have uncovered numerous farm sites that were not mentioned in medieval documents, offering new insights into settlement patterns during the Middle Ages. In peripheral areas settlement density increased until around 1300, while some regions were already densely populated by the 12th century. Following 1300, a significant reduction in settlements, estimated between 30% and 50%, can be attributed to population decline due to plague epidemics in the 15th century.
The accumulation of landed property among a small group of individuals and dioceses is believed to have begun in the 12th century. Many archaeological sites that have been dated originated before 1100, suggesting that not all were founded as sub-tented, though the number of such farms increased in the Middle Ages. The Black Death further accelerated these trends, strengthening the power of landowners at the expense of smallholders and peasants
Moska við Suðurlandsbraut 76
No full textÍ þessu lokaverkefni er tekin fyrir tillaga Tark og Sprint studio
Verkefnið felst í því að leysa mannvirkið með tilliti til gildandi laga og reglugerða. Haldið var áfram með samkeppnistillöguna í gegnum alla hönnunarfasa þ.e.a.s Frumhönnun, forhönnun, gerð aðaluppdrátta,
verkteikninga auk gerð útboðsgagna.
Byggingin og nýting hennar skal uppfylla þau lög og reglugerðir sem hana varðar. Greina skal og leysa þau byggingarfræðilegu atriði sem að hönnun slíks mannvirkis krefst.
Til viðbótar við skýrsluna eru fjórir viðaukar:
Viðauki A
Viðauki B
Viðauki C
Viðauki D
Brúttóstærð mannvirkis: 884,7m2 á 2 hæðum auk
kjallara