Buckinghamshire New University
Not a member yet
17928 research outputs found
Sort by
Af máli má manninn þekkja? : rannsókn á mikilvægi tungumálakunnáttu í íslenskri ferðaþjónustu
No full textMeistararitgerðin Af máli má manninn þekkja? fjallar um þörfina fyrir tungumálakennslu fyrir erlent starfsfólk í íslenskri ferðaþjónustu. Markmið rannsóknarinnar er að varpa ljósi á mikilvægi tungumálakunnáttu í íslenskri ferðaþjónustu og þá sérstaklega enskrar tungu og nauðsyn þess að leggja áherslu á kennslu í íslensku og ensku sem mikilvægt menntaúrræði fyrir erlenda starfsmenn. Rannsóknin leitast við að svara spurningunni: Hver er þörf erlendra starfsmanna í ferðaþjónustu á námi í tungumálum? Rannsóknin skoðar hvernig fjöltyngi og fjölmenningarleg samskipti fléttast saman í hröðum vexti íslenskrar ferðaþjónustu. Hún kannar áhrif málfærni á rekstur og þjónustu í hinu alþjóðlega umhverfi, undirstrikar fjölgun erlendra starfsmanna í ferðaþjónustu á Íslandi og mikilvægi ensku sem snerti- og samskiptatungumáls.
Reynsla höfundar af ferðaþjónustu á Íslandi og erlendis veitir einnig sýn á hvernig tungumál og menning spila saman í daglegum rekstri og þjónustu við erlenda ferðamenn. Í niðurstöðukafla er greint frá fjórum þemum sem unnin voru úr viðtölum við 3 forstöðumenn stofnana tengdra ferðaþjónustu, 17 framkvæmdastjóra fyrirtækja og 40 erlenda starfsmenn. Þau eru:
• Fjölmenningarsamfélagið og áhrif þess
• Mikilvægi enskukunnáttu og notkun ensku
• Íslenskunotkun og aðgengi að íslenskukennslu
• Menntun og ráðning starfsfólks
Niðurstöður draga m.a. fram að þar sem enska er ráðandi í alþjóðlegum samskiptum er fjöltyngi leiðandi kostur og eftirsóknarvert í þessari atvinnugrein. Að tungumálakunnáttu slepptri er menntun og reynsla afar mikilvæg í ráðningarferlinu, meðan aldur og kyn virðast hafa minni áhrif. Erlendir starfsmenn í ferðaþjónustu á Íslandi koma frá fjölbreyttum menningarheimum og þeir eru yfirleitt vel menntaðir og fjöltyngdir sem eru verðmætir eiginleikar varðandi þjónustu við hina breiðu flóru viðskiptavina og hefur jákvæð áhrif á upplifun gesta. Margir hafa áhuga á að setjast að á Íslandi til langs tíma, sem er mikilvægt fyrir þróun vinnumarkaðarins.
Rannsóknin sýnir að þörf er á að bæta aðgengi að íslenskukennslu og þjálfun fyrir erlent starfsfólk og að tungumálakunnátta og menntun hafa mikla þýðingu fyrir persónulega og faglega þróun og inngildingu innflytjenda og fyrir samfélagið í heild.The master's thesis You can tell a man by his speech? talks about the need for language teaching for foreign staff in the Icelandic tourism industry. The research seeks to answer the question: What is the need of foreign workers in the tourism industry for language learning? The study examines how multilingualism and multicultural communication intertwine in the rapid growth of Icelandic tourism. It examines the impact of language skills on operations and services in the international environment, underlines the increase in the number of foreign workers in Iceland and the importance of English as a contact language.
The author's experience with tourism in Iceland and abroad also provides a view of how language and culture play together in daily operations and services to foreign tourists. The results section reports on four themes that were developed from interviews with 3 directors of tourism-related organizations, 17 company managers and 40 foreign employees. They are:
• The multicultural society and its effects
• The importance of English skills and the use of English
• Use of Icelandic and access to Icelandic education
• Education and recruitment of staff
Since English is dominant in international communication, bilingualism is a leading advantage and desirable in this industry. Aside from language skills, education and experience are extremely important in the hiring process, while age and gender seem to have less influence. Foreign workers in the tourism industry in Iceland come from diverse cultures and they are usually well educated and multilingual, which are valuable qualities in terms of service to the wide variety of customers and have a positive effect on the visitor experience. Many of the foreign workers are interested in settling down in Iceland, which is important for the development of the labour market.
The study shows that there is a need to improve access to Icelandic teaching and training for foreign workers and that language skills and education are of great significance for the personal and professional development and inclusion of immigrants and for society
Fjarvera
No full textFjarveran er frávik frá vananum. Við veitum henni athygli og hún fær okkur til að íhuga hluti í umhverfi okkar og vægi þeirra. Hún myndar tóm sem við vörpum okkar eigin hugsunum inn í. Þegar viðvera breytist í fjarveru skilur hún heftir sig ákveðin ummerki eða andrúmsloft í umhverfinu. Í ritgerðinni skoða ég ýmsar hugmyndir þessu tengt. Í þeirri skoðun er stuðst við eigin hugleiðingar um fjarveruna ásamt því að vísa hugmyndir listsagnfræðingsins Erwin Penowsky, listgagnrýnandann Robert Hughes, hugleiðingar heimspekingsins Michels Foucault og kvikmyndaleikstjórann Michael Haneke ásamt eigin greiningu á verkum eftir listamennina Ben Willikens, Leonardo da Vinci, René Magritte, Giorgio de Chirico, Rembrandt og Edward Hopper. Að auki verður rýnt í ákveðnar tegundir málverka listasögunnar eins og vanitas málverkin og hugmyndir hinna byltingarsinnuðu situationista, þar sem Guy Debord var í forsvari, um borgarumhverfi nútímans um miðja síðustu öld. Reynt verður að svara spurningum um hvað fjarvera er, hver áhrif hennar eru á manninn og hvaða hlutverk hún spilar í minni eigin listsköpun. Í málverkinu er fjarveran áhugavert viðfangsefni vegna þess að listamaðurinn málar samhengið í kringum fjarveruna og því verður viðfangsefni myndarinnar oft handan þess sem er sýnilegt. Listamaðurinn býr til einhverskonar stökkpall fyrir áhorfandann til að íhuga það sem listamaðurinn er í rauninni að fjalla um. Áhorfandinn upplifir fjarveruna í málverkinu en verður að fylla hana af sinni eigin merkingu
Analysis of microbial presence in a study of basalt-seawater-CO2 interaction
No full textThis study focused on the biological aspect of experiments related to carbon capture and storage technology through carbon mineralization. The experiments were conducted by CarbFix and examined basalt-seawater-CO2 interactions at 50°C in four reactors named Amphitrite, Thetis, Leucothea and Iris. Multiple attempts to extract DNA were performed on basalt slurry samples and washed basalt from the reactors. However, quantification of the material did not detect DNA in any sample. Amplification of partial 16S rRNA gene sequences was also negative for all samples with two exceptions, for the crushed basalt control and a sample of washed basalt from Amphitrite. The positive results were most likely caused by contamination during sample handling. Unfortunately, sequencing of the positive Amphitrite sample was not achieved within the available timeframe of this thesis, hence the origin of the genetic material amplified remains unknown. Also, observation of liquid cultures in organic medium did not indicate microbial growth. Nevertheless, these findings do not exclude the possibility of microbial contribution to carbon mineralization in the basalt-seawater interactions.Þetta verkefni miðaði að því að kanna mögulegan þátt örvera í bindingu CO2 í steindir við tilraunir með basalt hraun í sjávarvatni. Tilraunirnar tengjast starfsemi fyrirtækisins CarbFix. Þær voru framkvæmdar við 50°C í fjórum hvarfakútum sem nefndir voru Amphitrite, Thetis, Leucothea og Iris. Margar tilraunir til að einangra DNA voru gerðar á blautum basalt mulningi og á þvegnum basalt sýnum. Engin merki um DNA fundust í neinu sýni með magngreiningu. Mögnun á hluta 16S rRNA gena var einnig neikvæð í öllum tilvikum nema tveimur, í muldu basalt viðmiðunarsýni og þvegnu Amphitrite sýni. Jákvæðar niðurstöður voru líklegast til komnar vegna mengunar við meðhöndlun sýna. Raðgreiningu á DNA mögnuð úr þvegnu Amphitrite sýni var ekki lokið innan tímaramma þessa verkefnis og því er uppruni erfðaefnisins sem var til staðar í sýninu enn óþekktur. Skoðun vökvarækta sýndi heldur ekki fram á örveruvöxt. Engu að síður útiloka þessar niðurstöður ekki að örverur gegni hlutverki í bindingu kolefnis í stein
Work-life balance: The key to enhancing success and job satisfaction within an organization
No full textVinnumarkaðurinn á Íslandi er í stöðugri þróun með hag atvinnurekenda og þægindi launþega í fókus. Jafnvægi milli vinnu og einkalífs er hugtak sem hefur verið rannsakað víða, bæði innanlands og erlendis. Þar sem vinna getur haft áhrif á einkalífið og öfugt er mikilvægt að bæði atvinnurekendur og launþegar þekki vel til hugtaksins. Ávinningur jafnvægisins getur verið jákvæð lífsbreyting fyrir launþega og stuðningur við árangursríkt vinnuumhverfi í skipulagsheildum.
Jafnvægið kemur meðal annars í veg fyrir kulnun og mikla starfsmannaveltu innan skipulagsheildar. Starfsánægja starfsmanna á það til að aukast með betra jafnvægi milli vinnu og einkalífs.
Íslendingar hafa beitt hugmyndafræði og aðgerðum til þess að ýta undir jafnvægi starfsmanna, þar að meðal er verkefnið Hið gullna jafnvægi frá árinu 2000 og tilraunaverkefni Reykjavíkurborgar árið 2014. Hið gullna jafnvægi sýndi fram hvernig aukinn sveigjanleiki á vinnustað getur haft jákvæð áhrif á ýmiss konar skipulagsheildir á Íslandi. Í tilraunaverkefni Reykjavíkurborgar voru rannsökuð áhrif styttingu vinnuvikunnar á skipulagsheildir sem flokkast undir velferðarsvið Reykjavíkur. Rannsóknin sýndi fram á að starfsfólk átti auðveldara með að samræma vinnu og einkalíf, þá sérstaklega hjá starfsfólki sem á börn og fjölskyldu.
Stafræn vinna, eða fjarvinna eins og hún er oft kölluð, getur auðveldað við að ná jafnvægi milli vinnu og einkalífs. Þó kostir stafrænnar vinnu séu margir, eins og aukinn sveigjanleiki á staðsetningu og vinnutíma, þá getur hún einnig haft slæm áhrif. Passa þarf að félagslíf starfsmanna haldist með því að mæta á staðinn þegar haldnir eru fundir eða aðrir viðburðir. Ástæðan fyrir því er að með stafrænni vinnu eiga starfsmenn til að einangra sig mun meira en þegar skylt er að mæta á vinnustaðinn.
Skipulagsheildir geta hagnast á að hugsa um jafnvægi milli vinnu og einkalífs hjá starfsfólki. Með jákvæðri starfsánægju starfsmanna eykst framleiðni og líkur á ofsaálagi, streitu og kulnun minnka
Áhrif peningamagns í umferð á húsnæðisverð: Þróun peningamagns, samanborið við þróun húsnæðisverðs árin 2000-2020
No full textHúsnæðismarkaðurinn er stór og mikilvægur markaður í íslensku samfélagi. Hann hefur einkennst af miklum sveiflum undanfarin ár og er þess vegna mikilvægt að skoða áhrifaþætti íslensks húsnæðismarkaðar. Verðbólga er sú breyta sem snertir á öllu hagkerfinu í heild sinni og hefur áhrif á verðgildi peninga. Meginorsök verðbólgu til langs tíma litið er vöxtur peningamagns og þess vegna er peningamagn mikilvæg breyta í hagkerfinu. Í þessari ritgerð var skoðað ítarlega peningamagn í umferð, hvað er það sem stjórnar því, helstu stjórntæki og þróun frá aldamótum. Auk þess var litið á húsnæðismarkaðinn, hvað einkennir hann, hvað hefur áhrif á húsnæðisverð og hvernig húsnæðisverð hefur þróast í gegnum árin. Borin var saman þróun peningamagns og húsnæðisverðs árin 2000 til 2020 til þess að sjá hvort peningamagn hafi áhrif á húsnæðisverð og hvort þessar breytur tengist með einhverjum hætti. Samkvæmt fyrri rannsóknum á erlendum mörkuðum hefur peningamagn jákvæð áhrif á húsnæðisverð. Sama má segja um niðurstöður rannsóknarinnar á íslenskum markaði, samkvæmt fyrirliggjandi gögnum er sterk jákvæð fylgni milli peningamagns í umferð og húsnæðisverðs. Fylgnin gefur til kynna að breyting á peningamagni hafi áhrif á húsnæðisverð á Íslandi. Í efnahagssveiflunni jókst peningamagn og húsnæðisverð hækkaði en árið 2019 lækkaði peningamagn í fyrsta sinn í langan tíma. Frá 2012 hefur peningamagn aukist stöðugt og húsnæðisverð hækkað samhliða því og hvort tveggja stendur nú í hæstu hæðum
Nýburagula: Greining, áhættu- og verndandi þættir, árangur ljósameðferðar í heimahúsi
No full textInngangur: Nýburagula stafar af hárri þéttni bilirúbíns í blóði og vefjum. Ef þéttni bilirúbíns verður of há getur barnið orðið fyrir langvarandi heilaskaða. Ljósameðferð við nýburagulu í heimahúsi hófst á Íslandi í mars árið 2023. Markmið rannsóknarinnar var að kanna hvenær nýburar greinast með gulu sem þarfnast meðferðar og hvort hægt sé að finna áhættuþætti alvarlegarar gulu. Annað markmið var að meta árangur ljósameðferðar í heimahúsi.
Efniviður og aðferðir: Rannsóknin var afturskyggn. Úrtakið var allir nýburar fæddir eftir 36 vikna meðgöngu sem fengu ljósameðferð vegna nýburagulu árin 2021-2023 og allir nýburar sem mældust með bilirúbín >400 µmól/L árin 2009-2023. Jafnframt voru höfð með börn sem fengu ljósameðferð í heimahúsi frá mars 2023 til mars 2024. Börn sem fengu alvarlega gulu (bilirúbín >400 µmól/L) voru borin saman við börn sem fengu vægari gulu með tilliti til áhættuþátta og verndandi þátta. Árangur ljósameðferðar í heimahúsi var metinn út frá því hvort bilirúbíngildi lækkaði við meðferðina.
Niðurstöður: 102 börn fengu alvarlega gulu, en 310 vægari gulu sem þarfnaðist ljósameðferðar. 61% barnanna sem fengu alvarlega gulu greindust í „fimm daga skoðun“ barnalæknis, en 25% þeirra sem fengu vægari gulu (p<0,001). Sjálfstæður áhættuþáttur alvarlegrar gulu var austur asískur uppruni móður, en verndandi þættir að vera síðfyrirburi, fæðingarþyngd <3800 g og fæðing með keisaraskurði. Börn sem fengu vægari gulu útskrifuðust heim marktækt seinna en þau sem fengu alvarlega gulu (p=0,009). Af þeim 60 börnum sem fengu ljósameðferð í heimahúsi lækkaði bilirúbíngildi í 95% tilvika á fyrstu 24 klukkustundum frá því meðferð hófst. Ekkert þeirra fékk alvarlega gulu.
Ályktanir: Nýburar með þekkta áhættuþætti fyrir gulu fá síður alvarlega gulu, hugsanlega vegna betra eftirlits. Ljósameðferð í heimahúsi samkvæmt gildandi verklagi er árangursrík og meðferðin virðist vera örugg
Lífskjarasamningar VR og SA : Áhrif á kaupmátt og lífskjör launþega á tímabili heimsfaraldursins
No full textRitgerð þessi skoðar áhrif Lífskjarasamningsins milli Samtaka Atvinnulífsins og VR á kaupmátt og lífskjör launþega á tímum heimsfaraldursins. Kannað verður hvort Lífskjarasamningurinn hafi staðist skuldbindingar sínar þrátt fyrir því óvænta álagi sem faraldurinn hafði í för með sér. Rannsóknin beinist sérstaklega að getu þessara samninga til að viðhalda og/eða bæta fjármálastöðugleika og velferð launþega, innan um sveiflukenndar aðstæður og áður óþekkta alþjóðlega heilbrigðiskreppu. Þessi rannsókn mun styðjast við blandaða rannsóknaraðferð þar sem lögð er jöfn áhersla á notkun fyrirliggjandi gagna og hálfstöðluð viðtöl. Helstu niðurstöður sína það að Lífskjarasamningurinn hafi skilað þokkalegu hvað varðar bæði kaupmátt og lífskjör þrátt fyrir aðstæður. Hávaxtaskeið og þrálát verðbólga í kjölfar þeirra efnahagsþrengsla sem faraldurinn olli hefur þó bitið fast á launafólk, sérstaklega undir lok gildistíma samningsins. Ritgerðin miðar að því að veita yfirgripsmikinn skilning á sambandinu milli kjarasamninga og efnahagslegrar þrautseigju og veita innsýn í mikilvæga þætti sem hafa áhrif á virkni slíkra kjarasamninga á ófyrirsjáanlegum tímum
Testing the model of influencing factors on fans' supportive behaviors of the Persepolis club brand
No full text„Þetta er bara mitt hlutverk, ég er bara móðirin og ég á bara að gera þetta“ : jöfn búseta og þriðja vaktin í uppeldi
No full textRannsóknir á kynjuðum hlutverkum varðandi umönnun barna hafa verið í brennidepli undanfarin ár. Fræðilegar rannsóknir á viðfangsefninu hafa gefið vísbendingu um að þriðja vaktin sé kynjuð og falli oftar á herðar mæðra í gagnkynhneigðum parsamböndum. Þrátt fyrir aukningu á rannsóknum varðandi þriðju vaktina hefur viðfangsefnið lítið verið skoðað í samhengi fjölskyldna þar sem foreldrar hafa slitið samvistum. Megintilgangur rannsóknar var að skoða upplifun mæðra af þriðju vaktinni hvað varðar verkaskiptingu á umönnun barna með jafna búsetu. Með það í huga var leitast svara við rannsóknarspurningunni: „Hver er birtingarmynd þriðju vaktarinnar hjá foreldrum sem hafa slitið samvistum og hafa jafnt skipta búsetu barna út frá reynslu mæðra?”. Til þess að fá innsýn í reynslu mæðra á viðfangsefninu voru tekin hálfstöðluð einstaklingsviðtöl við sex mæður barna á aldrinum 14 mánaða til 13 ára. Rannsóknarniðurstöður benda til þess að kynjaðar hugmyndir um foreldra séu enn ríkjandi þegar kemur að umönnun barna. Í samræmi við fyrri rannsóknir birtist ójöfn verkaskipting varðandi þá huglægu vinnu sem fylgir uppeldishlutverkinu í frásögnum mæðranna. Ábyrgðin virtist að mestu vera í verkahring þeirra og bundin við móðurhlutverkið. Niðurstöður rannsóknarinnar sýna fram á mikilvægi þess að að hafa mögulegan margbreytileika fjölskyldna í huga við nánari rannsóknir á þriðju vaktinni.
Lykilorð: Móðurhlutverkið, föðurhlutverkið, þriðja vaktin, jöfn búseta, kynhlutver
„Þú ert það sem þú elskar“: Um ímynd, texta og hinseginleika Taylor Swift
No full textSíðan á fyrstu áratugum 20. aldar hefur frægt fólk, eða stjörnur, verið almenningi hugleikið. Áhugi á einkalífi fræga fólksins hefur aukist mjög og gert það að verkum að nýtt fræðasvið varð til, frægðarfræði (e. star studies). Frægðarfræðin skoða hvað gerir manneskju að stjörnu og hvernig aðdáendur og almenningur bregst við stjörnunni. Í ritgerð þessari er umfjöllunarefnið ímyndarsaga, sjálfsævisögulegir textar og samsömun aðdáenda með tónlistarkonunni Taylor Swift. Hér verður farið yfir grunnatriði í frægðarfræði s.s. hvaða skilyrði þarf að vera uppfylla svo stjarna geti orðið til, hvað felst í stjörnuímynd og hvernig stjörnuímynd Swift er byggð upp. Skoðað verður hvort og hvernig ímynd stjörnunnar hefur þróast frá upphafi ferils hennar og hvort sjá megi samsvörun á milli ímyndar og lagatexta Swift sem eru sjálfsævisögulegir. Auk þess eru samsömunarkenningar skoðaðar og þær bornar saman við aðdáendahóp Swift, þá sérstaklega með tilliti til klofnings sem myndast hefur í aðdáendahópnum í svokallaða „Gaylors” og „Hetlors,” eftir skoðunum fólks á kynhneigð stjörnunnar. Margir hinsegin aðdáendur stjörnunnar eru á því máli að Swift sé hinsegin m.a. vegna myndmáls, tákna, minna og þema sem birtast í textum hennar. Því verða textar stjörnunnar einnig skoðaðir með þá túlkun í huga