Buckinghamshire New University
Not a member yet
17928 research outputs found
Sort by
Preparation for a website about speech and language stimulation
No full textInngangur: Málþroski barna á leikskólaaldri leggur grunn að síðara námi í grunnskóla. Mikilvægt er að íhlutun sem snýr að tal- og málþroska hefjist snemma, en framfarir eru hraðar á aldrinum 3–6 ára. Skimunarlistinn LANIS hefur verið í þróun á síðastliðnum árum en hann skimar fyrir málþroska og framburðarvanda 3 ára barna. Ef barnið hefur ekki staðist skimun og/eða áhyggjur eru varðandi tal- og málþroska barns geta foreldrar orðið uggandi ef viðeigandi þjónusta fæst ekki strax. Löng bið getur verið eftir talþjálfun eða ráðgjöf frá talmeinafræðingum. Það getur skipt sköpum að foreldrar fái góða ráðgjöf um hvernig hægt sé að efla tal- og málþroska barna heima fyrir en rannsóknir sýna fram á að íhlutun ætluð foreldrum skilar árangri. Í dag er Internetið stór hluti af lífi flestallra og rannsóknir hafa sýnt fram á að foreldrar nýta sér það til að leita að upplýsingum um tal- og málþroska barna. Til að þeir geti tekið vel upplýstar ákvarðanir þurfa að vera til staðar upplýsingar sem byggðar eru á niðurstöðum rannsókna eða gagnreyndum heimildum. Til er fjöldinn allur af vefsíðum sem fjalla um tal- og málþroska barna, bæði erlendar og íslenskar. Það sem hins vegar vantar er vefsíða fyrir foreldra sem veitir ráðgjöf og kennslu um örvun tal- og málþroska 3 ára barna. Markmið þessa verkefnis var að undirbúa hönnun að aðgengilegri vefsíðu um tal- og málörvun ætluð foreldrum ungra barna. Vefsíðan er þáttur í þróun á LANIS skimunarlistanum þar sem foreldrar geta leitað inn á síðuna ef áhyggjur vakna í kjölfar skimunar.
Aðferð: Þátttakendur rannsóknarinnar voru sex talmeinafræðingar og sjö foreldrar 3 ára barna. Tekin voru viðtöl við talmeinafræðingana áður en fyrstu drög vefsíðunnar voru unnin þar sem spurt var um hvað þeim fyndist mikilvægt að kæmi fram á slíkri vefsíðu. Viðtölin fóru fram í gegnum fjarfundabúnaðinn Zoom. Þau voru tekin upp og síðan afrituð og unnið úr gögnunum. Notuð var þemagreining við úrvinnslu gagnanna. Beitt var aðleiðslu og sameiginlegir þættir voru teknir saman í þemu. Ennfremur voru skoðaðar niðurstöður rannsókna um hvaða aðferðir höfðu reynst árangursríkar í tal- og málörvun barna. Eftir að fyrstu drög að vefsíðu voru unnin var haft samband við átta foreldra og spurningalisti um gagnsemi vefsíðunnar var sendur til þeirra. Sjö foreldrar svöruðu spurningalistanum.
Niðurstöður: Helstu niðurstöður úr viðtölum talmeinafræðinga voru þær að einkenni góðra vefsíðna væri að þær væru aðgengilegar, auðvelt væri að finna það sem maður vildi og upplýsingar sem kæmu fram væru réttar. Þeir vildu sjá fræðslu um alla þætti vefsíðunnar en áður en fyrstu drög að vefsíðunni voru gerð var áætlað að þættir hennar yrðu málþroski, framburður og tvítyngi/fjöltyngi. Við þessi fyrstu drög gafst ekki færi á að vinna með tvítyngi/fjöltyngi og var því einblínt á málþroska og framburð. Undir málþroska vildu þeir sjá eins og áður sagði fræðslu, almennar málörvunaraðferðir þar sem athafnir daglegs lífs væru nýttar, upplýsingar um lestur fyrir börn sem og þroskaþrep. Undir framburði vildu þeir einnig sjá þroskaþrep, upplýsingar um hljóðkerfisvitund og algengt var að þeir nefndu bæði efnið Lubbi og einnig Lærum og leikum með hljóðin. Talmeinafræðingarnir voru einnig til í að sjá verkefni sem foreldrar gætu unnið með börnum sínum heima undir hverju sviði fyrir sig. Fyrstu drög vefsíðunnar voru unnin út frá viðtölum talmeinafræðinga og rannsóknum á tal- og málörvun. Vefsíðan var byggð upp og atriði LANIS skimunarlistans höfð til hliðsjónar. Svör foreldra á spurningalistanum gáfu til kynna gagnsemi vefsíðunnar og voru foreldrar á heildina litið ánægðir og jákvæðir í hennar garð. Þeim fannst vefsíðan vera skýr og gagnleg og þeir gátu nýtt ráðin sem þar voru að finna. Spurt var um hvort eitthvað hefði vantað á vefsíðuna og komu fram nokkrar tillögur að því sem mætti bæta við hana til að mynda vildu foreldrar sjá þroskaþrep er varðar málþroska og lista yfir stofur talmeinafræðinga. Flestir foreldrarnir skoðuðu vefsíðuna oftar en einu sinni og algengast var að þeir kíktu inn á hana fjórum sinnum. Allir svöruðu því játandi þegar spurt var um hvort að þeir myndu fara aftur inn á síðuna og hvort þeir myndu mæla með henni við vini og ættingja. Niðurstöður sýna fram á að fyrstu drög að vefsíðunni virðast henta foreldrum barna á þessum aldri. Næstu skref beinast að því að þróa vefsíðuna áfram og bæta við hana efni og verkefnum.Objective: The language development of children in preschool lays the groundwork for later education in elementary school. It is crucial that intervention focusing on speech and language development begins early, as progress is rapid between the ages of 3 and 6. The LANIS screening list has been in development in recent years, focusing on screening for speech and language development in 3-year-old children. If a child does not pass the screening or if there are concerns about their child's speech and language development, parents may become worried if appropriate services are not available. There can often be a long wait for speech therapy or advice from speech pathologists. It is important for parents to receive good advice on how to enhance their children's speech and language development at home, as research indicates that intervention targeting parents yields positive results. Nowadays, the Internet is a significant part of almost everyone's life, and studies have shown that parents use it to seek information about children's speech and language development. It is crucial that they can access evidence-based information derived from research findings or reliable sources. There are numerous websites available that focus on the speech and language development of children, both foreign and Icelandic. However, what is missing is a website specifically designed for parents, providing guidance and instruction on speech and language development of 3-year-old children. The aim of this project was to prepare the design of an accessible website about speech and language stimulation intended for parents of young children. The website is part of the development of the LANIS screening list, where parents can navigate to the site if concerns arise following the screening.
Method: Participants in the study consisted of six speech pathologists and seven parents of 3-year-old children. Interviews were conducted with the speech pathologists before the initial drafts of the website were developed, where they were asked about what they considered important aspects of such a website. The interviews were conducted through the Zoom video conferencing tool, recorded, transcribed, and analyzed thematically using inductive analysis, where common elements of the data were grouped into themes. Furthermore, research results on which methods have been successful in speech and language stimulation for children were also examined. Feedback was sought from eight parents after the initial drafts of the website were completed, and a questionnaire regarding the usefulness of the website was sent to them. Seven parents responded to the questionnaire.
Results: The main findings from the interviews with the speech pathologists were that the characteristics of good websites were that they were accessible, easy to navigate, and provided accurate information. They wanted to see educational content covering all aspects (speech and language development) of the website. Before the initial drafts of the website were made, it was estimated that its components would involve language and speech development and bilingualism/multilingualism. During these initial drafts, there was no opportunity to work on bilingualism/multilingualism, so the focus was on speech and language development. Regarding language development, they wanted to see educational content, general language stimulation strategies that integrated everyday activities, reading, and developmental milestones. Commonly mentioned topics related to speech were also developmental milestones, information on phonological awareness, and the material Lubbi and Lærum og leikum með hljóðin. The speech pathologists were also interested in seeing tasks that parents can work on at home with their children in each domain separately. The website was developed based on interviews with the speech pathologists and research on speech and language stimulation. It was structured similarly to the LANIS screening list. Parent responses from the questionnaire indicated the usefulness of the website, and overall, parents were satisfied and positive about the website. They found the website to be clear, and they were able to utilize the advice provided. They were asked if anything was missing from the website, and some suggestions were made for improvements, such as adding developmental milestones regarding language development and a list of speech therapy clinics. The majority of parents visited the website more than once, with the most common frequency being four times. Everyone responded affirmatively when asked if they would visit the site again and if they would recommend it to friends and relatives. The results indicate that the initial drafts of the website seem to be suitable for parents of children at this age. The next steps are aimed at further developing the website and adding content and tasks to it
Þátttaka í peningaspilum og algengi spilavanda meðal 65 ára og eldri Íslendinga
No full textSpilavandi og þátttaka í peningaspilum er mikilvægt lýðheilsuvandamál á heimsvísu og er því þörf á að fylgjast með þróun þess og algengi meðal almennings. Í gegnum tíðina hefur eldra fólk fengið litla athygli í rannsóknum á peningaspilum og hérlendis er lítið vitað um umfang vandans hjá þessum aldurshóp. Í nýjustu rannsókn Daníels Þórs Ólasonar var gögnum safnað meðal eldri Íslendinga á aldrinum 65 til 94 ára og er í þessari ritgerð gerð grein fyrir meginniðurstöðum um þátttöku í peningaspilum og algengi spilavanda meðal eldri Íslendinga. Þátttakendur rannsóknarinnar voru 605 talsins og var meðalaldur þeirra um 74 ár. Heildarþátttaka eldra fólks í peningaspilum var könnuð og í ljós kom að 68,9% þátttakenda höfðu spilað að minnsta kosti einu sinni á síðustu 12 mánuðum fyrir könnun. Karlar voru líklegri til að taka þátt í peningaspilum en konur og var heildarþátttaka 65 til 75 ára meiri en hjá 76 til 94 ára. Lottó var langvinsælasta peningaspilið meðal eldri Íslendinga og flestir þátttakendur töldu sig hvorki hafa hagnast né tapað á þátttöku sinni í peningaspilum. Einnig virtust eldri Íslendingar helst taka þátt í peningaspilum til að styðja gott málefni. Um 67% þátttakenda spilaði peningaspil án vandkvæða, þá voru 1,3% í lítilli hættu á vanda og 0,3% í nokkurri hættu á vanda vegna þátttöku í peningaspilum. Enginn uppfyllti greiningarskilmerki fyrir líklega spilafíkn. Af þessum niðurstöðum má því álykta að meirihluti eldri Íslendinga taki þátt í einhvers konar peningaspili en að flestir spili án vandkvæða
What design strategies are used by technological companies to collect data and influence user behaviour?
No full textIt was a nice, pleasant, summer afternoon in East Iceland, when I was visiting my family back home. We all watched one of my father's favourite movies, when suddenly, there was an advertisement break. Not fully aware of what I will experience, I kept watching. “Buy this, buy that, purchase this” … Through many advertisements I easily realised how we get encouraged to buy new appliances- phones, washing machines, fridges… And how they are all designed to somehow simplify our lives. Voice control, opening doors hands free… Who would not want to easily open their phone app and just see what ingredients they need to cook their favourite pasta?
This new, amazing world of revolutionary appliances is tempting and screams “convenience”. But this convenience has its price, if a person wants to use all the features of their device, they must pay for it with another currency- privacy. Agreeing to the terms and conditions accepts the payment and allows access to personal information; otherwise, the new device may not function properly. The lack of acceptance of the terms of use of the device by the user blocks options necessary for the proper function of a product.
Technological companies sell our personal data gathered from when we use our devices. Privacy became a purchasable product in the digital age as companies began monetising personal data. For that, they have created a system that keeps people engaged and affects how we live. What design strategies are used by technological companies to collect data and influence user behaviour
Það læra börn sem fyrir þeim er haft: Áhrif ólíkra uppeldisaðferða og hlutverk félagsráðgjafa í uppeldi
No full textÍ þessari ritgerð verður fjallað um þær uppeldisaðferðir sem foreldrar nota og áhrif þessara mismunandi aðferða á börn og ungmenni. Farið verður yfir áhættuþætti tengda uppeldi barna og skoðað hvernig ólíkar uppeldisaðferðir geta haft áhrif á börn og ungmenni, jákvæð sem og neikvæð. Fjallað verður ítarlega um vistfræðikenningu Urie Bronfenbrenners, þar sem hann bendir á mikilvægi þess að þau kerfi sem umlykja börn vinni saman, þar sem hvert og eitt þessara kerfa geti haft mikil áhrif á daglegt líf þeirra. Ef veikleiki kemur fram í einu kerfi aukast líkur á að misbrestur verði og því er mikilvægt að stuðningur fáist frá öðrum kerfum til að draga úr þeirri áhættu. Einnig verður fjallað um kenningu Diönu Baumrind um mismunandi uppeldisaðferðir og áhrif þeirra á hegðun barna en þær eru: leiðandi (e. authoritative), skipandi (e. authoritarian), og eftirlátt uppeldi (e. permissive). Einnig verður skoðuð fjórða uppeldisaðferðin sem skilgreind var síðar af þeim Maccoby og Martin, sem er afskiptalaust uppeldi (e. neglectful). Markmið ritgerðarinnar var að skoða þróun uppeldis í gegnum tíðina ásamt því að fá nánari mynd af því hvaða verndandi þættir stuðla að jákvæðum uppvexti fyrir börn og ungmenni og hvaða uppeldisþættir auka líkur á áhættuþáttum. Rannsóknir hafa sýnt að leiðandi uppeldi er sú aðferð sem skilar hvað bestum árangri við uppeldi barna en hún ýtir undir jákvæða hegðun, góða félagslega færni og sjálfstraust barna og ungmenna, ásamt því að draga úr áhættuþáttum, líkt og áfengis- og vímuefnanotkun, ofbeldi og slakri sjálfsmynd. Einnig var horft til vinnu félagsráðgjafa með fjölskyldum og hvernig þeir geta stutt við fjölskyldur barna í tengslum við uppeldi þeirra. Félagsráðgjafar veita stuðning og aðstoð til þeirra barna sem lent hafa í erfiðum aðstæðum. Þeir hafa mikla þekkingu á úrræðum og þjónustu innan samfélagsins. Heildarsýn þeirra í málefnum barna og þekking þeirra á þeim kerfum sem umlykja barnið skipta gríðarlega miklu máli þegar kemur að árangursríku uppeldi. Með tilkomu farsældarlaganna hefur verið lögð aukin áhersla á grunnþjónustu í nánasta umhverfi barns. Lögunum er ætlað að tryggja að börn hafi aðgang að einstaklingsmiðaðri þjónustu og stuðningi þar sem farsæld þeirra er höfð að leiðarljósi
Recursive
No full textRecursive er tilraun til þess að vinna letur úr algóritmískum kerfum náttúrunnar. Við eigum það til að horfa til náttúrunnar og finnast hún óútreiknanleg og tilviljanakennd. Tré vex í allar áttir og greinarnar teygja sig að því er virðist bara eitthvert. Þegar betur er að gáð, kemur í ljós að vöxturinn fylgir ströngum reglum sem endurtaka sig aftur og aftur. Ný grein líkir eftir þeirri sem kom á undan.
Hugmyndin um L-kerfi var sett fram árið 1968 af Aristid Lindenmayer sem leið til að formfesta mynstur í vexti plantna. Í þessu verkefni nota ég skapandi forritun til þess að skapa stað þar sem letur er framleitt (e. generated) eftir reglum L-kerfis í rauntíma við notkun. Rétt eins og sama rósin sprettur aldrei aftur vex hver bókstafur á nýjan hátt í hvert skipti sem hann birtist og endurtekur sig aldrei að fullu
Skapandi kennsluaðferðir í bóknámi fyrir lesblinda : verkefnihefti
No full textÍ verkefninu er skoðað hvernig sköpun er nýtt í kennslu á grunnskólastigi og hvort ekki sé hægt að nýta kunnáttu lesblindar og annara nemenda úr sjónlist til að leysa verkefni í bóklegum fögum. Markmið verkefnisins er að fá kennara til að skoða hvernig þeir eru að kenna og hvort þeirra aðferðir séu að henta öllum nemendum. Með ritgerðinni fylgir verkefnahefti sem inniheldur hugmyndir af verkefnum þar sem sköpun er notuð til að leysa verkefni í bóklegum fögum. Tilgangur verkefnisins var að skoða hvernig kennsluverkefni væri hægt að gera í hefðbundinni kennslu. Sem myndu auðvelda nemendum með lesblindu að afla sér þekkingu og leysa námsverkefnin þannig að ekki reyni eins mikið á lestargetu þeirra. Og þeir þannig staði jafnvígis jafnöldrum sínum. Einnig var tilgangurinn að skoða hvað sköpun er í kennslu og helstu kenningar á því. Skoðað var hvernig kennsluaðferðir er verið að nota í grunnskólum í dag sem eru í anda sköpunar. Helstu niðurstöðurnar voru að of sjaldan er notast við að nýta kunnáttu nemenda úr list og verkgreinum til að leysa verkefni sín í bóklegum fögum. Nemendur eru því ekki að ná að vera skapandi í sínu námi eins mikið og ætla mæti. En sköpun er einn af grunnþáttum menntunnar og á samkvæmt aðalnámskrá að koma fram í öllum fögum í grunnskólum. Nemendur sem unnu prufuðu verkefnin voru almennt ánægðir að fá að glósa myndrænt og vinna í höndunum við að reikna
„Þakklát fyrir reynsluna en ekki fyrir krabbameinið“ Upplifun ungra kvenna af krabbameini og lærdómur þeirrar reynslu
No full textTilgangur rannsóknarinnar er að varpa ljósi á upplifun ungra kvenna af krabbameini og greina hvaða lærdóm þær draga í kjölfar þeirrar lífsreynslu. Sá hópur er á viðkvæmu æviskeiði og ýmislegt sem bendir til að veikindin hafi veruleg áhrif á líf þeirra. Þátttakendur í rannsókninni eru fjórar ungar konur sem skrifað hafa um upplifun sína á þeim tíma sem þær ganga í gegnum krabbameinsmeðferð, í formi frásagna á samskiptamiðlinum Instagram og ljóða sem gefin hafa verið út. Þau gögn liggja til grundvallar rannsókninni auk djúpviðtala við sömu konur eftir að þær hafa náð bata. Þannig gefst tækifæri til að skoða upplifun þeirra á þeim tíma sem þær ganga í gegnum krabbameinsmeðferð ásamt því að greina hvaða augum þær líta þá reynslu síðar. Rannsóknin er eigindleg og byggir á fyrirbærafræðilegri nálgun þar sem horft er til lífsreynslu fólks og þeirrar merkingar sem í hana er lögð. Í niðurstöðum rannsóknarinnar eru dregin fram þemu sem endurspegla upplifun af tilfinningalegum átökum, breytingum á sjálfsmynd og jákvæðu hugarfari í gegnum sársauka¬fullt ferli. Þegar síðar er litið um öxl kemur í ljós að þátttakendur draga lærdóm af veikindunum sem einkum snýr að þeim sjálfum, tengslum við aðra og viðhorfi til lífsins. Rannsóknarefnið er skoðað af fræðilegum sjónarhóli jákvæðrar sálfræði þar sem samband áfalla og hamingju liggur til grundvallar. Þar að auki er byggt á kenningu um áfalla¬þroska þar sem horft er til þess möguleika að áföll geti stutt við persónulegan þroska fólks og innihaldsríkt líf. Rannsóknir á því sviði hafa fram til þessa verið fátíðar hér á landi. Hagnýtt gildi rannsóknarinnar felst í auknum skilningi á viðkvæmri stöðu ungra kvenna sem greinast með krabbamein og niðurstöður hennar gefa vísbendingar um hvaða þættir geta verið hjálplegir til þess að styðja við þann hóp á farsælan hátt.
Efnisorð: Krabbamein, ungar konur, jákvæð sálfræði, áfallaþroski, farsæl
Lokaðasta ríkið: Falsfréttir sem stjórntæki Kim-fjölskyldunnar í Norður-Kóreu
No full textMarkmið þessarar ritgerðar er að skoða hvernig Kim-fjölskyldan í Norður-Kóreu hefur notað falsfréttir sem áróðurstæki til að stjórna og viðhalda völdum sínum. Fræðilegi kafli ritgerðarinnar veitir dýpri skilning á viðfangsefninu, farið verður yfir hugtökin falsfréttir, upplýsingaóreiðu og áróður. Auk þess verða þær upplýsingar skoðaðar sem umheimurinn fær um Norður-Kóreu, en þær eru oft frábrugðnar þeim sem fólkið í landinu fær. Í meginmáli ritgerðarinnar er fjallað um þróun og áhrif falsfrétta í Norður-Kóreu, frá stofnun ríkisins og til dagsins í dag. Hver og einn Kim-leiðtogi í Norður-Kóreu hefur nýtt sér falsfréttir og áróður í fjölmiðlum á sinn hátt, aðlagað að sínum tíma og þörfum til að viðhalda völdum sínum. Í þessari greiningu kemur fram að allir Kim-leiðtogarnir hafa notað fjölmiðla í landinu til að styrkja stöðu sína. Sögulegum atburðum hefur verið breytt, frásagnir hafa verið ýktar og hreinn uppspuni verið settur fram, allt til þess gert að fegra stjórn landsins og viðhalda völdum Kim-fjölskyldunnar
Styrktarþjálfun og fyrirbygging meiðsla í knattspyrnu : hvernig er hægt að hámarka afkastagetu og fyrirbyggja meiðsli knattspyrnuiðkenda með styrktarþjálfun?
No full textMeiðsli eru hluti af knattspyrnu en hvernig er hægt að nota styrktarþjálfun til þess að koma í veg fyrir þau? Markmið ritgerðarinnar er að skoða áhrif styrktarþjálfunar á knattspyrnuiðkendur og sjá hvernig hægt er að nota styrktarþjálfun til þess að koma í veg fyrir meiðsli. Skoðað er hvaða leiðir og hvaða æfingar juku afkastagetu knattspyrnumanna sem og á sama tíma komu í veg fyrir meiðsli. Þjálfun í knattspyrnu einkennist af taktískum og tæknilegum æfingum og því hjálpar tímabilaskipting leikmönnum að auka afkastagetu sína og koma í veg fyrir meiðsli ef að rétt er farið af því. Kom í ljós að þær aðferðir sem að skoðaðar voru höfðu jákvæð áhrif á fyrirbyggingu meiðsla og að styrktarþjálfun er mikilvæg forvörn fyrir meiðsli knattspyrnumanna. Þegar þjálfunaráætlun er gerð er mikilvægt að hafa í huga þá áhættuþætti sem að geta valdið meiðslum hjá knattspyrnumönnum og gera æfingar sem að koma í veg fyrir þau
Skilvirkt kerfi fyrir sakborninga: Hvernig uppbygging og verkferlar í Íslensku réttarkerfi takmarka upplýsingu nauðgunarmála
No full textÍslenskt réttarkerfi á erfitt með að upplýsa nauðgunarmál eins og kerfið er hannað. Starfsmenn embættana sem vinna með nauðgunarmál gera sér grein fyrir þeirri gagnrýni sem þeim er veitt og benda á að uppsafnaður málafjöldi, mannekla og skortur á fjarmagni spila inn í þann erfiðleika sem verið er að fást við í upplýsingu nauðgunarmála. Brot verða að vera sönnuð á grundvelli sýnilegra sönnunargagna og ásetningi geranda. Áhrif þessa erfiðleika spila inn í að einungis 10% þolenda kæra brotið sem er framið gegn þeim og 29% þeirra tilkynntra mála þykja líkleg til sakfellingar